輝香園

营业中

休息中

見不用等位，就入左去食，叫桂花魚，無桂花魚。最後叫左芋頭油鴨煲同梅菜鯇魚。等左一陣，遲過我叫芋頭油鴨煲，竟然快過我黎。食物質素，可以說是難食級，芋頭生，油鴨硬，蒸魚無味。食之無味，相當難食。跟據觀察所得，很多食客都是，去完廣華醫院才過來，因為地址相當方便，唯食物質素真的不敢恭維。侍應服亦差，價錢亦不能反應其食物質素，性價比極低。如果你很趕時間，可以一試。不過你要有心理準備，食物只能飽肚，沒有味道。

因為影片分享平台網路紅人介紹，慕名而來。一入去，有卡位，不准我坐，叫我同其他人坐，不就範，另選中間位，後來有一名男士入來即可坐卡位，沒有指他去同其他人坐。之後有老人家入來，又指他們坐3人位，不准他們坐正常的4人卡位。分明欺善怕惡，極討厭！如果是繁忙時間，或有多人等位，我可以相就，但是明明有不止一張卡位，都不准人坐，我本想走，但又未試過，點知中伏了。奶茶是苦的，食物太油膩，奄列的蛋薄得可憐，火腿量少，現在明白為何咁多去澳牛，雖然坐得逼，又要食得快，至少食物是合格的。

服務生很有主見，催單之後完全唔理你，keep住做自己嘢，亦都冇諗住理你，食物質素良好，推介便秘者，會令你黐住個廁所成日，完全唔想走。豆腐火腩飯中嘅頭髮10分美麗，衛生情況良好，上菜速度迅速，15分鐘先上到一個飯，史上最好嘅茶餐廳，推薦迅速去嘗試，會令你以後唔想再食其他茶餐廳，淨係會喺個墳墓度瞓覺，收費情況良好，上面寫幾多錢就唔係嗰個價錢，我10分佩服呢個計數，相信啲數學係體育老師教嘅，同埋個冷氣完全係裝飾

今日本來去巡味，但無卡位，所以轉去第間，行到窩打老道見佢裝修好光猛，牆顏色又幾開心，又有好人讓卡位，咁咪坐嘍。茶餐廳早餐，今次都系用華嫂做基準，味道— 豬趴系吾差，有香草味幾特別，厚薄系中上，但比華嫂只可以系合格。環境— 華嫂大部分幾家都比較新，哩間雖然舊但都keep得吾錯，整整齊齊，乾乾淨淨—員工同客人都比較文靜，好舒服服務— 客客氣氣，都OK。—抵食— $38豬趴加兩個配菜，幾抵，亦幾大份，味道都OK咖。豬趴米餐($38)4分— 豬趴都好大件同厚，但吾鞋吾實，帶香菜味，幾特別，如果炸少d煎多d就好—米粉系粗但滑吾鞋口— 兩隻太陽蛋完整同個黃系幾大幾黃，有蛋味。—多士都幾香脆，如果牛油多番d就更好。—咖啡算幾好，聞同飲都香。

入去單嗌咗個咖央多士，餐牌寫$22，張單寫$24俾錢之前同收銀講，佢話佢哋不嬲都係收$24，係餐牌寫錯心諗你都黐線，你話你收開$50都得啦，即刻叫佢比張單同餐牌我影低，先死死氣收返我$22，唔會幫襯下一次撇開呢樣嘢唔講，啲位都唔好坐，我細細粒女仔坐卡位都覺得窄覺得逼。冷氣又唔夠，本身坐門口位，道門開開閂閂，好在出風位都係喺門口，都叫涼涼地。有卡位即刻調入去，先發現門口位仲涼過入面，出面成36度，真係搞唔掂

之前輝香園閂咗個幾月，仲以為執咗，從此無得食佢哋嘅沙薑雞同小炒。好彩，原來只係從新裝修。而家靚咗，企理咗，食物水準依舊，仲有好多新菜單。正呀！👍🏻我昨天已經一早去食佢哋嘅早餐！服務水準都一樣係招呼周到呀！😃

行完街搵地方食野，呢間茶記招牌咁新淨，入到去原來都係舊式，唔緊要啦，合理價錢兼醫肚姐開放式水吧，睇住佢沖茶食物唔錯，我呢個係沙嗲牛肉包，外面好似好油，原因係佢拎左去煎，係有少少焦香脆口，但係又帶點軟熟上枱前索索油會更好沙嗲牛肉就唔太濃郁，不過$30唔洗就算啦另外杯奶茶唔錯，茶香，奶滑，不過個人就唔太鍾意咁多奶，張相睇得出好奶，但係茶味仲係好出，應該話佢煲茶濃所以放多奶

叫左個沙薑雞雞 52蚊， 凍飲加兩蚊。加埋d垃圾外賣盒收3蚊，外賣自取九折，總共52+2+3-5=52蚊。每個外賣盒收一蚊，一個餐話要收成三蚊wo。既然你收都無問題，可以一早寫出來係餐牌度。又唔寫出來要另外收費，到落左單先話收，算，當畀乞兒。D雞又老又「孩」，白切雞，無咩沙薑味，仲話招牌菜？唉又跌錢，衰過街市平價燒味檔，難怪係旺角區食飯時間都無咩人，大家心照。建議行過少少，旺角大把選擇。無謂受氣受難。

抗疫期間慳家大法就係嘆下午茶，$30 兩隻炸雞全翼+薯仔沙律，仲有飲品，凍飲都係加$2，超值。雞翼係即叫即炸，皮脆肉嫰仲好Juicy。廚師好細心，關節位切開方便食。薯仔沙律仲有椰果，沙律醬沒有慳住落，所有食材都沾滿沙律醬，夠味。今次飲左凍檸茶，檸檬有成四片，檸味茶味配合得相當恰當。

位於油麻地的平民街坊茶餐廳，吃個地道港式早餐🥣沙嗲牛肉麵 配 火腿蛋方包 奶茶醇厚茶味香濃，簡單而富地方色彩。疫情當下，平民價錢$31 無加一，凍飮亦無需要加錢，值得推介。跟著到附近果欄逛逛，選購各式各種水果。

今天晚上再一次嚟油麻地嘅輝香園食我最鍾意嘅沙薑雞飯！此乃輝香園的招牌菜，果然名不虛傳，百吃不厭！呢度嘅晚餐仲好抵食，$50 就有喇！出面閒閒哋都$60-$70 ，又細碟又難食，唔似呢度，實實際際的！最衰我掛住食，無影相啦！下次補番😀又講吓我平時仲會食啲咩先！平時我都會食呢度嘅焗飯同咖哩牛腩！尤其提吓咖哩牛腩，個汁唔辣，入口仲有一絲甘甜，又係另一招牌菜！其實我發現呢度好多都係熟客，個個有講有笑，一家人咁，我口痕搭吓嘴又ok 喎！祝生意興隆！

油麻地食晏，閒閒地都要五六十蚊，三四十蚊幾乎絕跡，不過非也。我的飯堂輝香園，午餐都係42蚊，有湯，有飯，有飲品，特別馳名沙薑雞飯，基本上每星期必食，最近發現佢既焗飯都好唔錯，都係四十幾蚊，照樣有湯有野飲，咁既質數同價錢，去邊到揾呀

成日去輝香園買午餐，因為覺得味道都可以，而且仲有人送上來好方便，今日又睇餐紙選擇了，咖喱葡國雞飯，來到焗的感覺都好吸引，有咖喱味又有葡汁味都幾夾但咸了一點，但都可接受，整體味道不錯，都幾香，但可能因為比較多醬，食完都幾滯，最後仲要吃不完，仲留了不少醬汁，白飯份量都不少，都帶點微溫，入面都幾多餸，雞同少少配菜，雞味淡少少，但都幾嫩滑，加上配菜口感不錯，飲品要了凍檸檬茶，檸檬吾夠酸，反而平時飲的奶茶更好飲。

今晚最後一日係油麻地返工同同事一齊食外賣大家諗住平平地食附近茶記咁就叫左個叉燒炒蛋飯諗住都係正正常常咁食個"最後的晚餐"點知個外賣俾左個好大驚喜我叉燒酸臭架！！！炒蛋苦架！！！飯都係凍架！！！叉燒同炒蛋係分開架！！！叉燒無叉燒味！！！炒蛋無炒蛋味！！！成個飯又臭又苦又凍 仲要食完之後返到屋企個肚勁唔舒服嘔左幾次到而家都仲係反胃雖然叫茶記都唔會有咩高要求但係咁的質素真係唔好再出黎遺禍人間去食真係除時變左"最後的晚餐"

這間餐廳有時都會叫外賣，而這間的餐午餐和晚餐都首位都是沙薑雞，今日見諗吾到食什麼做晚餐就決定叫一個晚餐，外賣都好快到手，一開見到沙薑雞都吾少有一層半，雞肉都吾少，但一食落去沙薑雞的雞肉，偏鞋身又吾入味，只有雞皮先有味，而味道都幾吾錯，如果再入味多點會更好，最底部有娃娃菜味道最好，份量又不少，白飯另外裝都幾大碗，食完都十分飽，再加一飲熱飲奶茶，茶底都不錯，但奶偏少，下次叫多奶會好啲，其實這餐其他食物都不錯，簡單快捷價錢都合理。