影片
港铁深水埗站 A2 出口, 步行约5分钟
继续阅读
电话号码
23668233
付款方式
其他资料
酒精饮料
外卖服务
电视播放
以上资料只供参考，请与餐厅确认详情
由於有朋友推介此食店，所以今次都一大班朋友到此品嚐一下😌菜色如下：椰子雞煲，菠蘿咕嚕肉，鴨舌，黃金炸魚皮，牛仔骨煲，錦綉卷，椒鹽鮑魚，椒鹽魷魚，炒菜心，乾燒伊麵。首先想讚一讚個雞煲，椰子🥥好足料，厚厚的，雞都好食！個湯好甜，好好味😋（不過一定要預早訂）。大家都盛讚個湯！不錯👍🏻菠蘿咕嚕肉，菠蘿都是新鮮的，配以酸酸甜甜的醬汁，小朋友都多吃幾口！都是讚！黃金炸魚皮，是有驚喜的！咸咸的，但魚皮都很脆口，都值得一試！🤗我個人便比較喜歡💕這道菜式。牛仔骨都很入味！我另一個比較喜歡是「椒鹽鮑魚」，生熟度恰到好處。上面的椒鹽，有少少辣味，如果用來送酒都是一流的！（可是我們不飲酒）😬😬這味餸好食🤤！推薦！乾燒伊麵都炒得好乾身，好入味！好有鑊氣！有水準！🌷😚這裡的店員，老闆娘都很好人，親切有禮，態度好好，笑容滿面，很有禮貌！如果經開深水埗，大家都可以試吓啦！
继续阅读
媽媽生日，一定要同佢食餐好，佢成日話要食啲自己唔會煮嘅嘢🤭今次真係好滿足👍🏻1. 羊腩煲，d肉又軟又入味，老爸爸都讚2. 花雕蛋白蒸蟹，蛋白又有花雕味，又有蟹鮮味，一個字正😌3. 芝士龍蝦米粉底，龍蝦啖啖肉，米粉脆卜卜🥰4.炸蝦丸拼炸蝦，炸蝦丸，香噴噴，小朋友至愛😋
继续阅读
超級超級難食，第一味碌鵝冇味好淡。跟住八珍豆腐煲、豉汁盤龍癬、豉汁聖子。以上全部無味。跟住越嚟越嚴重，椒鹽鮑魚、炸子雞。黑過我塊面。😱我未見過小抄王係白過張紙巾😭😭😭侍應亞姐態度欠佳。最後埋單無收炸子雞同鮑魚錢，但係都要平均$240/人。又貴又唔好食，連老闆都唔咁食我哋碟鮑魚。香港飲食業真係俾你哋搞到衰晒。一定唔會有下次。網上D相同真實係兩回事。但老闆都有良心無收2個菜錢。希望可以有待改善及提升。真心搞好香港飲食業。
继续阅读
今晚想食下小菜，路經此地入黎試吓，一行五人叫左8個餸潮州蠔餅👌🏻首先上檯既蠔餅，賣相睇落都幾靚，食落蠔仔唔算多，蠔餅蛋漿少厚，但炸得幾酥脆蒜蓉炒豆苗👌🏻份量幾多，味道ok豆苗幾嫩潮州咸雞👌🏻姐姐話係用新鮮雞整，仲有雞肝雞心一齊上碟，雞肉都幾滑，跟沙薑醬，味道ok黃金鮮魷呢個鮮魷無論係咸蛋黃定係鮮魷本身都係淡而無味⋯椒鹽九肚魚呢個椒鹽九肚魚都係一樣，淡而無味，賣相亦好奇怪，同認知中既椒鹽九肚魚係兩樣野黎白菜豆腐魚雲湯呢個湯，其實本身係勝瓜，但佢話冇晒，轉左用白菜，呢個湯好重味精，又甜又咸，飲完好口渴枝竹魚腩煲一上檯都幾吸精，但食落真係唔掂，d魚裹粉好厚，而所謂魚腩，全部都好多骨，似係魚背，本來叫魚腩就係想啖啖肉，點個啖啖都要輪骨，食得好冇癮豉椒鵝腸唯一覺得ok既一個餸，鵝腸幾爽口，不過成餐飯都好失望今次叫既餸大部分都係好基本既小菜，一行五人都食得好唔開心，冇下次
继续阅读
最近熟人介紹，輝記小菜館新開張叫我去捧下場試下菜，咁啱同事想聚一聚啤一啤，，即時約埋一齊落去試新菜順便聚下舊。 提早一日，搵老友幫忙聯絡老闆，幫我哋book定位兼寫菜單， 我地五個大男人，預飲六七支啤酒其他餸菜廚師發板， 最緊要有湯😂。 最後老闆畀我哋個菜單如下：1. 海星螺頭燉豬展2. 金銀蒜蒸大元貝3. 碌鵝例牌 4. 津菜白花扎5. 鹽燒奄仔蟹 入座後等人齊之際 ，先叫大廚輝哥整幾個餐前小食我哋飲住酒先， 嚟咗碟雞雜， 青瓜脆腸同黃金魚皮， 碟碟都極度邪惡，雞雜新鮮，雞潤雞腎都好好味， 冰凍嘅生腸灼得啱啱好非常彈牙配埋wasabi食簡直一流，青瓜酸酸甜甜非常開胃， 碟炸魚皮就最離譜，非常唔健康但係食到唔停口，鹹蛋又香魚皮又脆， 差啲食曬冇留畀人😅等齊人之後，急不及待叫老闆起菜， 先嚟燉湯，眼見材料分量非常充足，幾條友飲完都直豎拇指， 湯色清澈味道濃沃而不漏， 冇得彈。 跟住上咗碟客家碌鵝， 都幾靚仔，皮肉分明肥瘦適中，呢味家鄉菜都幾個人口味， 我個人覺得味道夠濃 ，但朋友就返嫌佢鹹咗啲， 喜好與否因人而異。 之後又嚟咗碟大元貝， 比平時食嗰啲更加大隻， 師傅預先將唔食得嘅部位切除，然後用炸蒜同生蒜加粉絲墊底蒸到啱啱好 ，夠晒野味又食得方便，啖啖肉過足癮。 食咗咁多濃味嘢，黎返碟清著清清哋嘅， 師傅用津菜包住啲蝦滑灌上清湯， 我未食過，但覺得幾得意， 亦見到大廚嘅心思。 最後壓軸 ，我哋等咗成晚嘅主菜 -鹽燒奄仔蟹， 奄仔蟹蟹膏充足，而且非常大隻，好少見到有呢啲size，通常食嘅都係得佢三分之二咁上下， 一人一隻食完飽到上心口非常滿足，朋友都好滿意今晚嘅安排， 最後埋單驚喜價，每人四百蚊都唔使，真係性價比之選， 必定再嚟幫襯。😁
继续阅读