輝記車仔麵

营业中

休息中

今次去食咗輝記車仔麵，揼一碗豬紅豬腸蘿蔔嚟試味！豬腸真係夠哂林，咬落去爽口得滯，豬紅入味到令人忍唔住多飲幾啖湯🍜。蘿蔔又腍又有咬勁，雖然未算最甜，但配埋嗰湯底就真係無得輸。而且，麵量多得嚟嘅份量，真係好滿足😋！坐街邊吹下風，啲熱騰騰嘅麵食落肚，咸香得嚟唔膩口，簡直就係平民美食嘅寶藏！車仔麵配料出奇得食，有個甄選過嘅豬皮真係又滑又彈，搣哂舊花生蓉落麵度，呢碟小食直頭攞晒架！輝記個湯底幾有層次，唔似其他車仔麵咁鹹濃，教人稔實食落去意猶未盡。講到服務，老闆娘嘅手勢快又穩，煮麵技藝嘅純熟令人肅然起敬。幾翻身間，一碗熱辣辣嘅車仔麵就端到你面前。咁嘅手藝、咁嘅味道，唔驚啲遊客排隊等位了👏！而家街頭小食唔多，能夠喺呢個急促嘅都市中，享受到一碗有人情味又美味嘅車仔麵，係一件幸福嘅事！下次再過油麻地，記得要留一個肚，黎呢度搞番碗自己嘅經典搭配，領略下真•街頭美食嘅風味啦！🥢🌟

油麻地地鐵一出轉左就會見到，好多街坊都識，地方非常之細，只可以坐一兩台，今次叫牛腩，蘿蔔，豬紅三個餸米線，睇圖就見到非常足料,完全比D餸遮住個麵，牛腩好入味，濃濃既柱候醬，蘿蔔蘿蔔清甜爽口，豬紅正常，再加多個韭菜。成餐飯真係非常滿足。如果中意食得地踎D真係非常推介

成日聽啲前輩講，依家車仔麵多元化，但係食唔番以前嘅風味🧐位於油麻地輝記車仔麵，咖喱魷魚、花膠、瑞士雞翼通通都冇😅有嘅就係80年代傳統車仔麵嘅原貌😚小編每逢經過油麻地都會試，輝記車仔麵嘅水牌大部份都係車仔麵嘅基本組合🤨豬皮、豬紅、牛腩等🤫另外只有粗幼麵同油麵，落嘅唔係沙嗲汁而係牛腩汁，呢啲就係傳統車仔麵👍🏻今日收工經過舖頭只有老闆娘😬環境雖然一般，但望住老闆娘係車仔檔煮麵，視覺及味覺，充滿回憶🤤小編照舊叫豬紅、豬腸、牛腩加幼麵🤤豬紅爽滑，豬腸爽口仲有少少油脂，配合埋細細舊嘅碎腩，完全係舊時車仔麵嘅風味， 同依家嘅車仔麵有好大嘅對比，現今車仔麵嘅殺手鐧臘汁沙嗲汁係輝記車仔麵黎講係真係需要？好食指數：8/10

幫襯了多年的油麻地車仔麵檔，佢喺紅茶館對面，廟街後邊街嘅鴉打街，每次醒起好想食車仔麵，都必定會過嚟呢度，雖然地方好細只係得兩張枱，但係食得返兒時車仔麵的味道連媽咪都話好似以前嘅味道，特別係豬皮豬紅，蘿蔔，特別入味， 而豬大腸又唔會特別好多肥膏，同埋覺得使得比較乾淨，食完之後你又唔會覺得好頸渴，唔會覺得落咗好多味精，加上店主左手沒有了手掌，見到佢太太同埋間中佢啲仔女會嚟幫手玩，所以尤其夏天見佢特別辛苦，雖然我哋都冒着大汗踏細汗喺度食車仔麵，都依然會嚟支持下小店啦！秋冬天就最好啦，涼涼地，啱啱早兩星期又再嚟幫襯！

呢間車仔麵店地方窄，無冷氣，坐街邊，但係就有好多人幫襯，因為真係好食。以前有必食雞腸，因為好食同埋好快賣晒，雖然衣家無咗，不過佢嘅牛腩、豬大腸同埋豬皮都好正，首先係牛腩，有八角嘅香味，最重要係會有牛薑，正到無朋友；豬大腸夠厚身卻又唔算肥，難得；豬皮夠彈性兼爽，好食。至於另一樣我覺得好神奇嘅就係佢d菜，人地淥菜佢又淥菜，都唔知點解佢就係淥得好食d，大家可以試下，睇下會唔會係我自己嘅錯覺，還是真係佢嘅功夫！

環境衛生當然不算好衛生，不過食左好多次都冇生病，證明啲食物係乾淨嘅！香港人必食嘅豬大腸！肥美可口，而且好夠入味！都係13元到，有7，8嚿，完全係物超所值!佢啲丸類，吾算好多選擇，我就揀左魚蛋。非常大粒，彈牙！如果有咖哩汁就好了。麵底粉麵河都係同價，外賣要加1元。飲料都有好多款任君選擇，檸檬茶，七喜，忌廉，可樂，全部大概6-7元。我非常支持呢類本地小型餐廳，好有自己的style,吾似其他大型連鎖店公式化的食譜，沒有那種香港原味道！價錢也非常合理

車仔麵真係一個偉大既發明，可以任選配菜，我就必定點豬腸、豬紅。😍😍😍輝哥出哂名抵食，樣樣大大份，岩哂我大胃王。今次點左豬紅、豬腸同豬皮。豬紅豬腸一貫好食，但豬皮就唔係我鍾意既冧冧豬皮，係爽爽豬皮，差DD。但我知道好多人都鍾意爽爽豬皮既。另加左碟油菜，因為太多料，豬紅要放係油菜果兜度，而麵底我點左幼麵，最誇張係佢比兩個麵我，今鋪真係兩個人食都得，我食淨哂呀🙈🙈🙈🙈🙈下次都係要叫少D，唔做大嘥鬼喇😌

車仔麵打包回去吃，也不會爛掉，能全部吃完。豬大腸處理得很乾淨，沒有異味，敲好次！青菜(油菜)也是每次必點，一點都不老。廣東青菜幾乎都很老，而這家的有些粗的以為很老，結果吃起來完全不會。一定要加那個辣醬哦！好吃極了！永遠也吃不膩！

販賣車仔麵的木頭車中放置金屬造的“煮食格”，分別裝有湯汁、麵條和配料，顧客可自由選擇麵條，配料和湯汁，通常很便宜就可飽吃一頓。隨著生活水平改善和衛生要求提高，街頭熟食販賣漸漸消失。

硬係覺得隱世、人情味呢啲字眼係媒體用黎引人注意。不過，口袋都有一兩家對得住呢幾隻字嘅食店，亦都私心覺得呢啲鋪頭都值得多啲人幫襯支持。油麻地鴉打街嘅輝記絕對係間小店，店名平凡但不隱世，門面很老舊，鋪面唔大，只有兩張枱，到晚上客人多，會開枱出門口，仲見過有人唔介意用櫈叠高就直接喺門口食麵。店內冇所謂嘅廚房，一架火水爐車仔走天涯，地方淺窄冇冷氣，加上天時暑熱，作為大汗燥底之人，都要鼓起勇氣到訪，食到大汗叠細汗，十分俾面配料款式簡單，冇花巧，檔口太細，想複雜都複雜唔到，只有基本嘅牛腩、柏葉、大腸、豬皮、豬紅、蘿蔔、腸仔、雞尖、油菜等，定價$7-13，粉麵河底8蚊。今時今日食碗麵都唔貴喇，有客人點個麵配蘿蔔加埋外賣碗，就收16蚊，店主亦無異議。車仔麵有最低消費我以為已經係慣例了。配料份量多，鋪滿整個碗，罕有地我都食唔哂個麵底。味道未必出眾，不過你會覺得有時味道並非全部。有光顧過嘅都知道，店主冇左手掌，對住個爐一腳踢，唔理背後咩原因，或者佢有冇其他支援，見佢左手腕活動自如，同平常人無差，呢碗麵我係抱佩服嘅心去食。豬大腸、牛腩、豬皮麵 $42魚蛋、雞翼尖、蘿蔔麵 $31

經過油麻地無數次去親鴉打街 不是路過 就是去四季食煲仔飯 一係成班朋友去紅茶館bbq就係走漏眼有間車仔麵檔今晚接近11點男友得意地帶我食好野（平時係我搵食多）去到街中間 就是紅茶館門口對面 有間唔係好夠光的麵店有個佰佰 駝著背 密密手地煮嘢食舖外已經有2張檯比人霸佔了 我們選了另一張吉的如果無檯 旁邊還有一些未打開的摺檯 如果唔嫌棄污糟可以自己再開檯野食選擇其實不多，一般車仔麵檔的（腸仔，魚蛋，蘿蔔，豬紅，牛腩，雞亦尖，菜等，十指都數得灑）我們選了蘿蔔豬紅魚蛋牛腩菜油麵加底腩汁，兩人的宵夜味道蘿蔔好入味 又夠淋魚蛋好彈口 不過唔係好入味牛腩 係碎件咁 但好好味 好有咬口湯味好濃 好有街邊車仔麵檔的原味送太多，其實仲有另一碗後上的望真d，原來真係車仔檔 放入舖 難怪其實佰佰好厲害，menu見到可以講英文 👍而且國語都好了得有時風味嘢 真係唔可以嫌眼前覺得不乾淨就唔食其實細個時都係咁樣食到大，係現在講夠衛生所以令到細個街邊風味沒有了呢檔車仔麵 其實係男友係 灣仔有間立食車仔麵檔老闆介紹的真係與眾不同

極少寫食評，但今次試過輝記車仔麵。真係感覺冇得輸，從未試過咁好食油麵，再加上大腸入味，豬紅超好食，還有牛腩，雖然是碎腩，但超級入味。看着老闆不知什麼原因，已沒有要手板，但動作依然純熟。應該比普通人還要快，再講一次，真的沒有得輸。剛還食了佐敦牛雜炸大腸，感覺已經覺得那些人，為什麼要排隊購買牛雜，而不購買炸大腸呢！再食輝記車仔麵，嘩！真係無得輸。大腸方面各有所好，各有特色。但油麵方面，真係我所食過咁多油麵之中，最出色的車仔麵右面油麵。所以我必須要寫這個食評表揚它。

依家好多車仔麵環境太好 要不就似食緊雲南米線，好似已經分唔清兩樣但係廟街依間車仔麵，無論格局，味道同口味，都同以為細個食到既車仔麵一模一樣大概可以想像到依間車仔麵應該都好難挨過三十個年頭,滿是歷史是痕跡由於OT收夜，想快d返屋企，所以叫左個外賣。牛腩雖然係碎腩，但剛好一口一件，煮得好入味。豬腸偏咸，又係同出面既豬腸唔同味，估係自己醃先有咁既味道！ 食車仔麵一定食油麵。點解？幾十年前有無公仔麵，有無米線你揀？ 梗係追舊時既味道啦！

繼續支持小店，係附近等緊拍嘢（有時多謝份工俾我周圍走，可以食唔同嘅嘢），發現有間好多人幫襯嘅麵店。天氣熱到咁，大家都好享受坐係小店外小小嘅位置食。唔好睇佢店細細，選擇都算多。有粗幼油麵，夠哂風味嘅車仔麵，已經買少見少啦。呢間係家庭式嘅食店，幫襯個晚，見到係老闆娘煮，囡囡就幫手，兩個無乜點開口都知道要點配合。我叫咗粗麵，餸要豆卜魚蛋（哈哈，我就係易養），唔可以唔加嘅係腩汁o(^▽^)o，成個麵係好好味！魚蛋大大粒，豆卜充滿湯頭，麵都滾得剛剛好，唔會太淋。21元，完全係抵到喊！

有人話不用餐餐大魚大肉, 有時簡簡單單吃一餐, 也可以很滿足, 我絕對同意, 因為講呢番說話嗰個人係我心愛嘅人, 有佢陪住我食, 食咩都梗係滿足啦.但今晚佢又要加班, 惟有獨自去尋歡, 想起先前同佢食煲仔飯嘅時候, 途經呢間車仔麵, 發覺都幾多人吓, 今日經過, 可能係落雨天嘅關係, 幫襯嘅人唔太多, 就行埋去試試聽過唔少食車仔麵中伏嘅故事, 所以响嗌呢碗麵之前, 哄埋啲由對眼同鼻哥幫我決定食乜, 最後揀咗幼麵餅+豬皮+碎腩幼麵餅:食落有佢應有嘅麵粉味同蛋香味, 唔會似其他新派車仔麵食店, 用埋啲大路貨, 食極都食唔到麵味豬皮:浸煮嘅火喉掌握得非常好, 唔會過份軟諗或過份爽彈, 舊式古早味道, 唔會剩係得豉油味, 此外, 用嘅亦唔係啲漂到白一白嘅豬皮, 如要挑剔, 只係其中一塊有豬毛牛腩(碎腩):比起雪藏牛腩(當然唔係和牛, 安格斯之類), 其實用新鮮碎腩, 成本唔平得好多, 但炆得好, 真係比雪藏牛腩好食得多, 起碼唔會食到攝痛啲牙罅, 呢檔嘅碎腩有柱侯醬同磨豉醬嘅香味, 炆得夠諗夠滑, 食落唔會覺得柴, 坊間少有做得咁好後記: 睇返openrice站嘅舊食評, 就更覺得呢檔家庭式經