輝記車仔麵

营业中

休息中

之前見時間尚早,先去食柚皮,再食豬骨粥,回頭一看,已經有一條近十人的人龍,排了差不多十五分鐘先有位.牛腩雞腸通菜米粉 : 雞腸是我自中學以來,每一次光顧都會要的食物,經白灼後的雞腸,嫩滑軟熟,油脂充盈,加入腩汁一齊食,可以話只此一家,牛腩當然是碎腩貨色,不過炆得入味夠時間,不單筋膜位炆得夠淋,就算腩肉位亦炆得夠淋,其實單是菜已經有通菜,蒻菜,芥蘭,菜心等好縛樣選擇,今次便用上通菜,吸收了腩汁後的菜變得"冶"味得多了,雖然是簡簡單單的一碗米粉,露天之下食得汗流浹背,但個人而言是滿足的一餐.p.s : 其實檯面本身有辣椒醬提供,但另有一枝"余圴益"放在車仔檔上,有機會一定要試試,實在非常好味.

本人在附近工作, 每日收工都會經過呢附近, 一肚餓就好自然會黎呢度開餐,呢度日頭唔會開檔, 係夜晚先開檔的, 所以唔好早黎白走一趙丫 本人生活了三十個年頭, 對小時候的車仔麵特別有一番情意結, 成日想搵番小時候的味道, 而我覺得輝記就有接近的味道了, 對衣家街邊週圍都有的車仔麵, 好興用咖喱, 其他乜丸物丸, 好鬼多花臣野, 輝記呢度都冇, 一味都係大路野:粗/幼/油麵、河/米粉, 豬皮、魚旦、雞尖、蘿白、豬紅、腸仔、柏葉、雞/豬腸、牛腩、豆卜通菜、菜心、芥蘭、九菜每個餸都只係$5-$7, 千其唔好話貴, 老實講, 一麵二餸都已經好飽，因為所有野都係big size, 唔係求其比兩舊你就算, 菜一定要叫的,強列推介!!! 衣家好多車仔麵鋪只會比幾條菜仔就當味餸, 菜要幾貴丫? 利潤真係高到爆, 而輝記的菜真係抵死大件, 成捰菜淥比你食架, 菜心、芥蘭、九菜都係超正, , 本人最愛食米粉+牛腩+九菜, 埋單都只係$18 呢度的腩汁湯好有舊式的車仔麵味道, 菜同米粉可以非常入味,女友就鍾意柏葉+米粉+通菜, 我地真係食過都想翻尋味 見到好多人食雞腸,豬腸, 想信都唔錯的, 仲有呢度有橙色

第一次幫襯是十多年前,那時還是不定期在永星里開檔的車仔檔!味道早已記不起.自從搬入舖後未有再幫襯,因為舖中坐位不多只坐得六、七個人!旁邊又難停低車買外賣,這晚剛好經過有位泊於是外賣回家懷舊一番.點了六餸加麵底,份量一如以往,多得要用兩個外賣碗,回到家裡也要分兩個湯碗先裝得哂!韮菜----灼得剛剛熟,不過油落得太多!索油索到條條閃閃令.一口咬落啖啖油!雞腸----最好味的一樣!雞腸帶有肥膏,入口油潤軟滑.豬紅----沒有腥味,幾滑溜.牛腩----炆得並不入味,肥膏多個腩,部份硬身有渣.蘿蔔----沒有渣很淋身但亦都沒有甜味.(被車品品寵壞咗)豬皮----無味及未炆淋!份量超大一定飽肚,雖然話食車仔麵係食味精架啦!但今次真係重手咗,食完口渴咗幾個鐘,年紀大對味精係敏感D!

當年穿著校服,在街頭拿著碗光顧的日子,算來超過二十年了.輝記當時已經是有一位有殘疾的人,但依然黙黙耕耘.一直以來都在附近打轉謀生,從推車仔到入舖再轉到現在的地點,由孤身一人,到今日有妻有兒,全靠自已殘而不廢的精神,實在令我非常佩服.鮮雞腸 : 可以話係我每次光顧都必食"食送"之一,簡單的灼一灼,再放落湯汁內浸十秒八秒,不單只肥美,入口豐腴,再蘸點余均益辣椒醬(咁妯舖都有得供應,好野),可以話係人間美味,之前禽流感日子,沒雞腸供應,客人即時少了一截.再加上甜美無渣蘿蔔,滑溜煙韌的雞紅,亦不過廿蚊左右,抵食到不得了.唯一可惜是,店子實在太細,面壁思過都係得五個位,之前隔鄰舖無人租都可以放一兩張板凳頂住,今次去到都已經租左比人,檯都唔多張,真係有排等,而且老廟衛生環境實在太差,難怪好少女士幫趁啦.p.s : 食送.........選擇不多,全是大路貨,但處理得宜,令人再三回味.再 p.s : 無啦啦比人捉左去妹記,呢餐即時變溝貨日記.

究竟一碗好的車仔麵要有什麼東西在裡頭?就是有heart ,好的車仔麵在香港已經買少見少,小時候處處都係好食的車仔麵,而家就真係難食到爆行過廟街附近的一個角落,看見一個叔叔主持大局,落單,煮菜,煮麵一腳踢,份量足晒料,唔會因為想多賺一個幾毫而偷工減料,吃麵的地方很少,很不衛生,但真係好好味,豬腸,豬皮,九菜,正到唔識講,有heart真係好緊要叔叔的一隻手是有點不靈光,但他沒有因為他的殘障而看少自己,相反更落力做,值得支持

睇見呢間食店喺呢度嘅食評, 師傅真係有d激氣, 有d深深不憤, 點解? 話說師傅同好友食家"乜都放入窿"專誠黎呢度食飯, 食完之後師傅諗住寫番個食評, 點知上到黎搵唔到呢間食店, 於是師傅第一時間提供呢間食店嘅資料, 諗住成為第一位提交食評嘅人啦, 點知忙得濟, 最後而家先得閒寫, 由第一變第三, 灰!閒話休提, 話說師傅同好友食家"乜都放入窿"黎左呢間食店, 皆因兩位食家都好鍾意食車仔麵, 加上又未試過, 所以好期待! 行到埋去, 好友食家"乜都放入窿"率先柯打, 佢揀左米粉, 牛柏業, 雞腸, 豆卜同菜; 而師傅仲顛, 要左豬紅, 豬皮, 豬腸, 牛腩同埋蘿蔔, 配上幼麵, 實行黎個喪食車仔麵!點都冇諗過兩個人叫左四碗野出黎, 厲害厲害! 先講下師傅嗰碗啦, 一個麵, 五個餸, 結果出左黎就一碗淨麵, 一碗淨餸; 而好友食家"乜都放入窿"就一碗米粉, 四個餸, 結果出左黎係一碗三餸米粉, 一碗淨菜!先講下豬紅, 豬紅腍得黎夠煙煙韌韌, 咬口超好; 豬皮入味爽口, 真係好味到停唔到口, 正呀; 而豬腸炆得幾腍夠入味, 咬口一流, 勁得; 而牛腩相對黎講就一般, 不過亦勝在唔韌, 可以

見到上一篇太公兄所寫食評, 我也寫寫輝記..........輝記以前真係隔離文明里擺檔, 我讀書時侯(十幾年前)已經成日夜晚偷偷落去幫親宵夜! 近一兩年先搬到而家呢個細舖.輝記好鬼勤力, 早上中午時份已經預傋晚上美味的車仔美食. 一到晚上, d 熟客就會坐滿路邊摺檯........尋晚如常坐係路邊, order左豬皮, 豬紅, 蘿白, 菜同埋粗麵, 熱棘棘, 加埋佢檯上提供棘辣醬, 味道十年如一日, 無得頂!! 價錢只不過廿零蚊....比起隔離廟街果d 香港x魚旦粉, 味道好食幾倍!! 如果唔係太夜幫親, 可以試埋隔離廟街牛雜, $7有交易!!如果唔介意無空調的話, 真係值得一試!

在電影中心看畢最後一場電影，已差不多十二時。還沒有吃飯的太公伉儷肚子餓得咕咕叫，決定在附近覓食。晚上的廟街很熱鬧，一街之隔的鴉打街，相對較為安靜，但吃的地方絕對不少，除了「四季煲仔飯」和「廟街牛雜」外，還有看起來不太起眼的輝記車仔麵。但其實輝記是個好地方；舖子小小的，只設幾個面壁或面向煮麵櫃的坐位，深夜才開出幾張摺枱在街上；我們最喜歡坐在面向煮麵的那兩個位子，直接向主事人輝哥點菜，然後看著輝哥煮面，很有日本流動麵攤之味。太公之公最喜歡這裏的雞腸，認定這是全港作得最好的；可惜，是晚剛好售罄，唯有轉投牛腩豬紅等的懷抱。不喜歡吃動物內臟的太公，要了蘿蔔、豬皮和魚蛋米粉；當米粉送上時，實在嚇了一跳：份量多得不得了，餸菜幾乎滿瀉！除了份量多，質素也很好；蘿蔔煮得夠腍，非常清甜；豬皮夠爽口，且絲毫沒有腥臭；魚蛋是普通的炸魚蛋，但完全沒有雪藏味，浸在帶腩汁的湯中，配上香辣的豆辨醬同吃，也相當不錯。再要了一份韮菜 - 份量十分足，韮菜也很新鮮爽脆，加上鮮香腩汁，吃下去感覺一流。輝記主要是做街坊生意，吃麵期間，不斷有街坊出出入入；阿叔邊喝啤酒，邊與輝哥閒話家常；老婆婆則「遙控」輝哥下她那份米粉和餸菜的份