輝記香港仔魚蛋粉 (已結業)

呢間店係元朗千色店附近，雖然佢最出名嘅係魚蛋粉，但係我最想推薦嘅～生菜六寶河～六寶就係牛雜，牛肚、牛膀、牛肺、豬腸、牛腩、同牛筯，超好食！六寶唔單止大大碗，啲牛雜仲好大舊，好多，全部都好入味，而我自己就中意食牛肺同牛肚。佢d牛肚係好冧嘅，可以咬開一半，唔似其他店個啲咬極都唔斷，呢個就係好食嘅原因。湯底方面，真係飲得出係真材實料，好濃嘅味道，一啖麵，一啖湯，正最重要嘅係，同姓譚的男仔，過橋米線差唔多大碗，會價錢只不過係HK$39

呢日放工得我自己1個食飯, 就去左輝記快快趣食完就算了。之前其實成日都食$33餐,貪佢有碗粉麵, 再加油菜, 好抵食。但今日突然好想食撈麵, 所以叫左個墨丸牛筋撈粗($38)。另外再加多個油菜(跟餐加$14)。墨丸牛筋撈粗($38)。油菜(跟餐加$14)墨丸牛筋撈粗($38)。佢個墨丸係跟湯另上的~蠔油都係放旁邊。仲有幾條生菜。個墨丸..佢聲稱係手打墨魚丸來..但我真係未去麵檔食過咁細粒既墨魚丸..細粒又會影響口感..墨魚丸真係no good.....牛筋, 較細舊, 有d碎, 味道ok, 但如果大舊d口感會好好多。至於個麵, 不過不失, 一般般。油菜, 跟餐加$14, 其實我覺得都少少貴, 好似同單點冇咩分別。我叫左通菜, 係跟腐乳的。味道都唔錯, 份量都ok。總括, 下次我都係來食返$33餐好了。撈麵真係麻麻地..

今日叫左一個酸辣雲吞米線+淨雲吞，打電話去果時見佢好似聽吾太清楚我講野，我就重覆左差吾多3次自己要d 咩俾佢知，佢都重覆左1次俾我知，講地址果時明明佢地就系街市附近，個啊姐就話吾知街市系邊？都算，我慢慢再話佢知街市系邊，講左3分鐘，佢見我吾肯放棄，終於諗得起隔離就系街市，去到大廈樓下，管理員按照慣例，要求啊姐登記個名先再送上去，個啊姐就打俾我話吾識登記，就要我落樓拎，咁我就叫管理員聽電話，管理員就話通融一次吾洗登記，之後就俾返個啊姐聽返個電話，我就聽到個啊姐仲一路鬧緊個管理員，話佢好要佢登記，話管理員有問題，都算，但最後送到黎既系清湯雲吞米線。我打返去想要返酸辣個汁，個啊姐第一句就話我系叫清湯雲吞米線，我話我重覆左3次，你都覆左我1次系酸辣雲吞米線，佢問咁我想點，我好吾得閒，你食住呢個先喇，就cut 左我線。態度一直好差，吾系講野大聲就無禮貌，但一直推卸責任去我到，連吾好意思都無講句，仲要cut 我線。大佬，我想要返個酸辣汁咋。如果下次叫雲吞麵，黎左個牛肉麵，但我吾食牛既，都系一句你食住呢個先就算？平時佢地吾得閒都會同我講吾送，如果真系咁吾得閒，不如好似之前咁同我講送吾到。

久違了的夫妻外出午膳 簡簡單單食碗粉都好開心店子在千色對面 三上日本料理側 正舖早已爆滿 移步至右面幾步的延伸舖 人流仍多 但總算找到兩個小座位 人多擠迫快快開餐啦～魚蛋魚片頭河 $31 原本想併墨魚丸 但已賣晒 見到魚蛋同魚片頭都係店子推介 就雙併黎試試啦 單餸$25 雙餸加$6就可以了兩樣都「魚有魚味」魚蛋非常爽彈 魚片頭外皮亦炸得香口 仲有生菜和通菜 份量亦較一般麵店多 感到滿意！牛腩牛丸河 $31 OK牛丸彈牙 牛腩入味但略靭 普普通通店子的裝修古色古香 較一般麵店用心 奈何唔知無開冷氣 定抽風系統太差 令熱氣完全籠罩 食客們都大汗淋漓 務求快快完食離去 另外 店子人流絡繹不絕 期間有兩食客無座而退 店員上秒還說「等等啦 好快有」食客離場後立馬一句「運吉既」變臉之快堪稱世界級會再黎既 但待秋涼時啦期待到時天口涼啲 店員都無咁燥⋯⋯

其實覺得佢店舖環境好麻麻，永遠都會覺得佢d枱櫈油淋淋，有唔乾淨嘅感覺，我對手都唔想掂佢張枱 😌 好彩冷氣都仲可以，店舖伙計，食物都好大衆化，大件夾抵食，味道又 Ok ，所以你唔可以再對佢有咩要求，都係會經常光顧嘅舖頭 😁

今晚去了元朗行街，晚餐在輝記香港仔魚蛋粉吃。我叫了腐乳通菜和生菜六寶河， 河粉裏面一共有七種食材，包括牛肚、牛筋、牛肺、腸粉、牛腩、牛利和生菜 超級豐富！ 當初以為河粉沒有蔬菜，於是叫了腐乳通菜，但是看見河粉後發現裏面生菜份量十分足夠，所以多叫的腐乳通菜吃不完😂我叫的生菜六寶河，十分豐富，所有食材都非常好味，特別是“牛筋”入口即溶，驚喜十足！ 牛肚、牛腩和牛肺都超淋， 而且非常入味， 六款食材都驚喜十足！ 但為一不足是“粉腸”比較肥，所以吃時要把肥肉咬去才能放心吃 腐乳通菜水準一般，比較老，吃完很多渣魚蛋粉店非常受歡迎，晚餐幾乎全滿，還有很多街坊會外賣回家吃！

在物價日溢高的社會, 仍維持有質素, 而相對較平的食品實屬能得. $23一碗的雲吞河, 雲吞鮮味而彈牙, 河粉細滑, 雖然不是我食過最好味, 但以這個平民化價錢中最好的; 而且環境衛生OK, 來餐又快又唔使等位, 啱趕時間的你.

以前住元朗的時候，可能一星期也會來一次輝記的，不過搬離元朗後，就變成多月才來一次. 這次碰巧要到元朗買點東西，就與家人到來吃下午茶了. 全日特價餐依然抵食，只需$30 便可享用一碗粉& 魚皮/ 油菜/ 熱飲. 鮮滑牛肉米 差不多每次也吃牛肉米，牛肉分量多，而且不會韌的，用上餐廳的秘製辣椒油，輕易吃罷整碗米粉. 家人則要了牛丸河 & 鯪魚球麵 ($30)，也同樣配上套餐，很更宜呢! 魚皮 魚皮都幾香脆，沾上湯汁就更好吃. 生菜 跟餐的生菜份量多又鮮嫩，沾上蠔油就更開胃. 來到元朗又想平平地吃碗麵食，這裡是不錯的選擇呢! 元朗大棠路35號紅棉大廈地下B舖 2143 6198

之前黎食過牛腩河覺得唔錯，幾入味今次黎食下雲吞，水餃雲吞好實，充滿蝦同豬肉，食落口唔會散晒，蝦亦彈牙👍河粉亦好滑😋鳳城水餃無得叫餐，唯有散叫麵底好彈牙又爽，唔會好重鹼水味附送幾條菜芯，都好甜，新鮮！水餃好大粒，入面有好多蝦👍菜肉雲吞有輕微九菜味，如果唔食九菜既朋友就未必岩湯底方面：有重大地魚味，不錯！食完之後唔會話口渴！

入到黎元朗，呢間嘅河粉都算得上系數一數二咁白滑😉見到餐牌話魚蛋，魚皮餃都係自家製所以試試佢啦😀四寶河有魚蛋，魚皮餃，豬肉丸，墨丸🙂湯底帶淡淡豬骨同魚嘅鮮味，加左紫菜都吾會好咸，感覺上無加味精👍魚蛋同墨丸都幾彈牙！而魚皮餃就好大隻😉油菜都幾嫩口😉而且無乜油，幾健康嫁雲吞麵有大約4-5粒雲呑，食起上黎都幾爽口，而且內面隻蝦仲好大隻，做得算是出色😀麵質食落亦夠彈牙～配上湯底，味道吾錯價錢平民包保食得飽，行過肚餓都可以考慮下呀，認真抵食！😌

下午時份來到元朗，到了以前常光顧的香港仔魚蛋吃下午茶. 碰巧店內客人不多，3個人可獨佔一張圓桌，不用與別人搭枱，真是太幸運了!餐廳有全日特價餐供應，包括指定麵食，另加魚皮/ 油菜/ 熱飲，只售$30，相當划算. 不過最出名的魚蛋粉則不包在內，單點價為$25.蠔油生菜跟餐選了蠔油生菜，生菜很翠綠且嫩口，份量亦多，相當抵食.炸魚皮家人則選了炸魚皮，魚皮香脆可口，令人一件接着一件不停吃呢!鮮滑牛肉米牛肉亦下得慷慨，雖然沒甚咬口，但配上米粉，再加上辣椒油，已能輕易吃罷全碗.牛肺粗麵家人愛吃內臟，選來了牛肺粗麵，看似都不錯吧!魚蛋河 ($25)魚蛋都幾有魚味，可惜是偏稔身的; 至於魚片則相當薄，水準一般.不過這間香港仔魚蛋都不失為一間抵食的粉麵店，來到元朗也可一試呢!元朗大棠路35號紅棉大廈地下B舖2143 6198

是晚去元朗瘋狂採購759美妝及零食, 牛先生剛巧說想見面, 那就好了, 可以幫我拿東西, 呵!採購完畢, 已經拿了不少戰利品, 還經過生果街, 買了三個大大的木瓜, 本來還想吃西瓜, 但...已經負苛不到了!早前openrice看到這間魚旦粉麵風評不錯, 自己在元朗活動這麼久也沒吃過, 於是就趁今晚試試!點了:1.) 鮮蝦雲吞麵+通菜 (套餐) $292.) 魚蛋墨魚丸河 (雙併麵) $30另加+$7 一支可樂可樂$7一瓶, 茶要order才送上的 魚蛋墨魚丸河, 附送幾條菜, 剛巧和我們叫的通菜一樣魚蛋墨魚丸都偏細粒, 墨魚丸雖然說手打, 卻墨魚味不濃, 粉多, 魚旦也不突出。河粉是幼身的, 份量頗多, 吃不完, 河粉不夠滑, 但可能是落得油較少, 比較健康。鮮蝦雲吞麵 - 麵底幾爽口彈牙 雲吞也是偏細隻, 但蝦和豬肉比例適宜, 蝦亦有鮮味, 也不錯!大地魚湯底幾濃味, 平時牛先生該會想落辣油也不用, 已經夠味, 難得是, 兩碗都喝了不少湯, 回家也不太覺得口喝, 味精該不多。 套餐中附送的通菜, 份量不多, 也算新鮮吧!初走入這店有一陣"宿味", 可能是食物的味道, 但幸好坐下習慣

是日晚餐到了這間粉麵鋪叫了個黑椒雜排飯(共有四種汁揀：黑椒汁、茄汁、豉油汁，還有一種不記得了。)，飯的份量很多，而雜排方面有一條煎腸、雞排豬排各一塊，配上幾條唐生菜。雜排煎得剛剛好，可惜黑椒汁太鹹，吃完好口渴:-( (Ps.這套餐附送冷熱飲品的)

今日我哋一家三口又入元朗開餐喇! 為咗滿足百厭仔需求要食湯粉, 就嚟咗呢度試下.呢度有套餐有散叫, 價錢大聚化套餐 $27.00 一碗指定粉麵+炸魚皮/菜/熱飲叫咗一碗雲吞河配炸魚皮散叫一碗魚蛋米 $23.00 一碗片頭米 $23.00另加一碟炸魚皮 , 一碟油菜, 一杯凍檸茶 各加 $10.00炸魚皮好夠脆, 正! 套餐果碟少啲碎啲, +$10.00 果碟多啲完整啲 雲吞一啖一粒啱啱好, 味道唔錯魚蛋/魚片/片頭食得到魚鮮味,  但唔係爽口嘅, 感覺上健康啲 (魚蛋爽口好多都加入水楊酸)油菜/檸茶都OK埋單 $103.00

好開心又去食，辛苦完好似特別好食咁 ，等緊果陣真係好肚餓，依到既魚蛋面聽講係好出名，食到好好好飽。魚蛋好彈牙，最正幾系魚肉味突出，似系用大量純魚肉手打。魚片亦好出色，彈牙又厚，湯底清甜一流。 仲有一杯香濃濃既朱古力暖透我的心，好幸福架啫 如果我起到床，我一定日日黎食。