影片
港铁坚尼地城站 B 出口, 步行约4分钟
继续阅读
营业时间
*最後落單時間: 21:30
星期一至日
07:30 - 22:00
以上资料只供参考，请与餐厅确认详情
農場餐廳作為多年的街坊西餐廳，依間應該係第三間新開既舖，開咗就好想黎試下佢有咩唔同一入餐廳門口已經覺得好舒服，裝修較似日本簡約風多過扒房，幾正幾chill既，比另外兩間既風格都好唔同餐牌大致相同，都係做港式啲既西餐為主，睇落都幾吸引既先上餐湯、包，羅宋湯正常，包係焗左既蒜茸包，算幾好味生果沙律屬於港式西餐傳統，味道都係正常嘅香草牛油焗扇貝，上枱發現都幾大隻，以為特價跟餐小食會hea啲但完全唔係，香草牛油味好濃，食落仲好鮮好香香草牛油亦好夾扇貝個味，肉質唔老又滑，正紐西蘭A級肉眼，叫左五成配薯菜，係時候睇下大廚手勢比起另外兩間有無分別，先讚一下就係佢個沙律菜，又鮮又好味，薯條幾唔錯，夾埋作為配菜一流肉眼一切開就見到粉紅色，肉汁多而皮脆脆地，火候控制出色入口牛扒肉質嫩滑，相當高質既牛，牛味濃而又唔係靠調味或汁焗芝士帶子雞扒飯，賣相好吸晴流晒口水，份量好足，脆香芝士係面，連埋蛋炒飯一齊食都好正帶子仍然香滑鮮，半熟肉質好味，雞扒味道相當唔錯，肉嫩皮滑成個飯啖啖都好味最後送上餐飲同甜品，相當豐富嘅一餐好唔錯既港式西餐，而牛扒更喜出望外，高質到食物氣氛都好正，性價比奇高，我一定會再黎！！！！#服務好好好好店員好nice#牛柳T骨扒西冷牛仔柳等緊我#食幾多餐先試得晒
继续阅读
大食妹朝早去西環做野, 比預定時間早左到, 所以叫埋係附近嘅朋友食早餐因為之前已經食過格離嘅吾係茶記, 今次就試下呢一間農場啦<歐陸風情>朋友嗌左份歐陸風情豬扒幾大塊, 口感一般, 唔會好柴外表偏黃, 但食落無咩味...牛角包無烘過, 唔係咁好食但火腿奄可火腿量幾多, 而且充滿蛋汁<沙嗲牛肉公仔麵>農場嘅牛肉同沙嗲係分開整嘅, 牛還牛, 汁還汁配公仔麵仲要加5蚊, 有啲唔抵跟餐有火腿奄列同餐包奄列同樣唔錯, 但餐包就真係無咩誠意啦熱咖啡都比較淡
继续阅读
農場餐廳呢個名，對於70後嚟講一d都唔陌生，而且係有情意結，如今西環開第二間分店(唔肯定係咪以前好多分店果間)，終於忍唔住去試下會否尋回中學味道，結果係好令人失望！🔘紐西蘭一級肉眼扒 $98 (跟蒜蓉包、餐湯、沙律、啫喱/布甸、飲品)⭐️肉眼扒賣相唔多吸引，係一塊煎得唔靚嘅薄肉眼，5成熟出嚟效果似8成熟，血紅色色澤完全無，無牛味無肉味，幸好肉唔韌可以點多d醬汁食到。🔘美國雪花西冷牛扒 $98 (跟蒜蓉包、餐湯、沙律、啫喱/布甸、飲品)⭐️⭐️⭐️西冷比肉眼厚，口感豐富d，肉又煎得嫩d，同樣叫5成熟，因為厚過肉眼dd所以係7成熟，肉味有但較淡，而醬汁亦較吸引，所以呢個價錢叫試得過。二人共消費：$216
继续阅读
環境同上手素食份子差唔多，只係翻新過，比隔幾條街果間農場舒服。第一次去呢間農場試咗個焗窩蛋肉醬意粉($58)：意粉雖然無煮到坺哂，但乃茶餐廳平價意粉質感。肉醬味度比茶餐廳燒汁好少少，還可以，不過啲肉碎得好少。簡言之，我覺得麻麻地。反而跟餐送個蒜蓉包幾新鮮，跟餐紅湯也可以。第二次去試咗個焗鮮椰汁咖喱雞飯($60)：有椰香味又唔太搶，淡淡咖喱味，整體味道都 OK 。雞肉唔靭而份量都夠，好過肉醬意粉。跟餐送飲品，熱檬水唔苦，OK。如果淨係個肉醬意粉總評會比OK，椰汁咖喱雞比較好，最終決定比個笑面啦。
继续阅读