農家意粉

营业中

休息中

廿幾年了，今晚終於完成了這個心願。遙遠的從前，好多時我們一家人都會一齊食農場餐廳，一聽到話有得去農場餐廳食，我都會覺得好開心。當年知道農場餐廳突然結業，心裡有如情天霹靂，少左一個一家人食飯的地方。之前，知道老闆在上水熟食市場重新開業，但最後結埋業都係有唔同嘅理由而去唔到，真係後悔無的起心肝去食。最近睇youtube，我先知道原來老闆在深水埗再次捲土重來，今次我決定點都要去食！好在皇天不負有心人，今晚我終於都來到了，雖然只得我一個來。一打開趟門，入到去，其實已經覺得環境比較𣲷，空氣中瀰漫著油煙，但係都無阻我食農場餐廳的決心。老闆好nice同細心，話有啲未用過的碟可以隨便攞走，牛肉湯原汁原味，如果覺得淡可以自己落鹽同胡椒粉。牛肉湯好濃郁，感覺落足料，但如老闆所說，真的無添加調味，但我決定原汁原味飲晒佢。9oz Prime 級肉眼扒意粉配黑椒汁，可以揀幾多成熟，因為唔係鐵板，所以我揀7成熟。一路鋸扒，一路回憶過去的種種，覺得特別好食。老闆，多謝你俾個機會我回憶美好的時光，祝你每遇到難題，都可以大事化小，化險為夷，大步檻過，逢凶化吉。21-5-2021

牛酒汁牛脷意粉 勁多汁 任何紅酒配牛脷絕配有足料羅宋湯 大大份又好味 咁抵食仲想點 真心而論 老闆擺盤冇咁精細 環境裝潢冇咁靚 但食物貿素好過千幾蚊steakhouse 如果將尼到食物放上露天扒房 咁就prefect 池 當然食物點都重要過環境另外忌廉魚柳都好好味 配白酒一流 下次要食鵝肝 先+40 only

相信老細嘅背景都唔洗多講係佢最光輝嘅時候未食過老細有住份打不死精神加上最近斷斷續續出現係新聞媒體出現就知係mkt高手已夠晒值得嚟一試餐廳內部實行務實主義張張都係褶枱加褶櫈另有幾個吧台位仲放滿好多調味料/醬包裝做埋零售一嚟叫咗碗湯上枱，以為係一般嘅紅/白湯，原來唔係就咁睇有啲雜菜咁仲要用個中藥碗 有趣飲落好很油 心諗 得菜點整到咁油甜又唔甜 酸又唔酸 伏咗 但都係唔浪費為原則飲埋落去飲到底有舊肉片，咬落好怪，好似成舊肥肉不如正正經經整個紅白湯算然後叫咗 9oz prime肉眼意粉配洋蔥汁上枱又係一滴冷汗配菜係蕃薯 蕃茄 同粟米（影唔到，係右上角）蕃薯好奇怪都算，粟米竟然係罐頭粟米羹嚟蕃茄係正常嘅最後食晒牛扒同意粉就算牛扒肉質係ok ge 但用咗好多黑椒去醃搞到唔係好覺有洋蔥汁...另外 食食下 侍應姐姐同每枱食客推薦罐頭水蜜桃...好有禮貌嘅，唔係乜問題其實深水埗好多好嘢食如果選擇嚟嘅話 真係要心理上打定個底

去黃金路過就順便去埋牛扒抵食意粉一般，同茶餐廳既差唔多想食扒又唔想食貴野就黎呢間其實最想食係塊鵝肝去食有一半係支持老闆因為以前農家意粉真係唔錯算係多謝農家意粉比我的美好回憶

晚上諗住食素年，結果排晒隊咁打開和你eat, 貪近就簡左呢間黃店，幾難食我都食過，但惡夢就開始了首先我叫左一份雞沙津($18) 同燒雞意粉($98)由落order到上沙津等左一小時有多，都算了個雞沙津塊雞 唔熟的 我估得5成熟，唔緊要，人多自然求奇，無所謂，我志在支持黃店，叫佢再搞搞佢。等多15分鐘左右，果塊唔熟既雞同我份主食放埋一齊上，唔緊要。結果，我份主食(所謂既燒雞) 都係唔x熟的！！！！同埋所謂既燒雞根本就係雞扒，咁點解我唔叫雞扒？？？佢過程既態度我唔多講了(有興趣自己去感受下). 第三次，終於搞番掂，我係唔知佢發脾氣定點，d雞外表全部變晒炭！！係炭咁黑。唉，我都算，真心好肚餓，諗住食完唔死就ok點知！！！個雞外表變晒炭咁諗住穩陣啦，結果都係唔x熟(得7成左右), 信我，唔係冰鮮果種紅，係完全生肉！！！！結果，真係搞唔掂，食晒d意粉就走人。出到門口轉灣即嘔，番到屋企嘔左兩次！！總結，我都算比較食得開，今次都英勇賴野。黃店真係唔係大晒的，有興趣自己都感受下，講完！

等左一個鐘，吹下你就黑口黑面！未食過一塊牛扒仲柴過豬，咬都咬吾開講明5成熟，熟到一忽忽，一邊熟曬，一邊生既，就係5成熟？ 做餐飲業一啲熱誠都冇，講得難聽啲真係比狗食都未必肯食！ 牛扒無牛味，低質素的劣質牛，脂肪多過肉，加多40蚊要鵝肝點知又黴又爛，完全吾知系食緊鵝肝，仲要係又黑又濃！ 最嬲既係比我遲嚟到嘅客人都已經吃完了，我咽個餐都仲未有，個廚房啊姐仲嗌出黎過牛扒厚煎既時間緊系吾同拉，我吹既時間 系15分鐘前15分鐘後都仲煎緊？ 依d餐廳真係一次就夠

為左食黃店 我自問大西北都去過 再難食都食過但呢一間真係完全頂唔順 係難受到要開返呢個幾年無用過既account 黎寫食評首先無裝修都由佢, 等左半個鐘先有野食都唔重要...一上枱 成碟野係黑色既 塊牛扒完全係燶既 比40蚊加多塊鵝肝(我明白40蚊呢個價錢 唔可以有太多要求) 但都唔會過份到完全係一舊炭 完全入唔到口...完全係得苦味同埋燶味....全部食左幾淡已經食唔到...之後到e家仲胃痛同想嘔.....真心請都唔會再去食...

🥢深水埗挑戰集體回憶之劣食🥢全盛時期農場餐廳曾經多至48間分店，突然金融風暴使全部餐廳消失得無影無蹤，後來深水埗再開一間意粉小店，老闆有有種固執性格一直用返舊有經營模式去營運，使其劣食風味得以延續🥢餐廳分兩邊舖位，一邊是廚房連收銀少量舖位，入店很大油煙，門口整齊擺放了一整檯番茄，點餐後需要先付款再入座，被安排了旁邊一間完全無裝修的空間，放滿了紙皮箱及雜物，牆上用了白色紙封住，還有貼上兒童繪畫，增加詭秘感覺🥢prime極級牛肩扒意粉黑椒汁（9安士）$88上檯擺盤個樣是家庭風，有啲求期，有番茄椰菜，牛扒不可選幾成熟，上檯時已經是十成熟狀態，非常難切開而很鞋難咀嚼，黑椒汁同以前食味道一樣，旁邊仲有少少粟米汁點綴，但味道完全不夾🥢牛脷意粉蒜蓉汁 $68蒜蓉汁味道同以前餐廳一樣，啡色的汁一如以往只有少量蒜蓉香氣，但很多汁撈意粉食都不錯，談不上好好食，牛舌大大塊厚肉煎熟了，中規中矩的口感🥢以前細個對農場餐廳感覺都是一般感覺，價錢貴質素一般，只是貪佢就腳。而且餐廳對待員工福利非常之差，老闆試過唔出糧，出餐廳現金券俾員工做薪酬等等。今次主要試伏是自虐mode 去幫大家試下呢

慢工出細貨 深水埗難得一見抵食西餐次次經過呢度都會覺得呢間鋪頭好神奇門口擺晒啲蕃茄出嚟賣然後餐牌係用人手手寫，再影印鋪頭有兩個舖位零裝修 行過好容易就Miss左嘅鋪頭好在今次朋友介紹 話係深水埗好抵食嘅西餐小店經營得一個廚師 所以嘢食都要等一陣先到 如果趕時間嘅lunch power嚟可能唔係太適合🤣今次我哋食lunch嚟，等咗大概20分鐘就有嘢食牛肉雜菜湯 $10 係比較中式既湯好足料，非常濃郁嘅牛肉味，再加上可以食到一粒粒嘅蕃茄6oz 肉眼扒 $78揀咗紅酒汁意粉，嘩一嚟到6oz咁大份既咩！成隻手板咁大嘅?!?!肉眼扒煎得好香，七成熟啱啱好，配菜仲有蕃茄椰菜粟米更等等。佢叫做農家意粉，果然意粉都煮得好出色，唔會煮得太林！農家意粉嘅前身就係農場餐廳，老闆堪稱為飲食界嘅DJ Tommy，欣賞佢咁多年來都好俾心機去掙扎求存，睇得出佢係一位好有heart嘅老闆，希望佢可以繼續努力💪🏻

就如大部分食家所講，餐廳內部真係似補習社，估計佢哋係想幫補支出，以前睇過農場餐廳嘅報道，原來曾經好輝煌，老闆好有雄心壯志去經營，可惜光輝不再。都幾多選擇嘅，醬汁方面有芥末/紅酒呢類特別小小的，都有啲希望。個餐湯好香！好重牛味！應該係煲咗好耐嘅牛骨，每一啖都有牛嘅精華，雖然佢賣相真係好普通好家常，估佢唔到！牛扒仲可以揀幾多成熟，於是：肉眼扒五成，極級牛肩肉七成。肉眼扒5成啱啱好，配埋芥末汁，估唔到都幾夾；牛肩肉叫7成熟結果有啲老，仲要咁啱成塊扒都有筋所以好難嚼。。。 不過食正肥膏嘅位置就好香， 可能係我揀得唔好；番茄有煎過呢下覺得佢哋都幾有心思，只係諗唔明點解要加粟米蓉，for配菜點嚟食？不過整體唔差，似花園餐廳略平版。

首先， 呢間絕對唔係一間坐得舒服的餐廳， 一張摺枱，兩張硬板凳， 一張好簡單的手寫點單紙。 入到去， 8點10左右， 落單叫左1. 兩隻帶子（小食）2. 6安士薄牛扒配紅酒汁3. 半隻農家燒雞 配 （牛肝菌汁， 疑似老闆娘話推介，話配咩食都好食）4. 有機提子汁5. 雜菜牛肉湯好快提子汁就上左， 好甜， 利賓納味。但係碗湯仲未有， 咁等多左10分鐘左右，我就問個女店員， 碗湯有未？ 因為間舖好細，所以疑似老闆娘聽到就即應「 有呀， 煮梗㗎啦，無漏單」 ， 然後1 分鐘都無，碗湯就出現了。 碗湯雖然無肉，但飲得出有牛味， 而且菜都多， 所以值得一讚。 之後， 佢一直出菜，但 一直都未到我哋， 咁等左40分鐘左右， 大概8點50分， 問咗問疑似老闆娘幾時有， 都係嗰句， 間舖好細， 係廚房唯一的廚師/老闆就應「下張單就係，5 分鐘有， 唔好再催單， 唔答啦！」我哋好無言， 等左40分鐘， 問咗一次個進度，都好正常啫？！但佢嗰態度可以咁😥然後差不多9點， 終於出左個燒雞， 附上一粒小食帶子，無錯，帶子唔係分開上， 係同主食一齊上，粒帶子唔係好似我想像咁煎， 而係好似炸咁樣， 帶子的大細好似一

這是小店經營，餐牌用人手寫再影印的。舖頭分開了兩個舖位，兩邊相加大概只有十桌。只有兩人為多人服務，所以等侯時間比較長。我們是晚餐時段的第一枱，但等侯食物的時間也不短。.牛肉什菜湯 ($10)分數: (7.5/10)牛肉湯的牛肉味十分濃郁，內裡亦加了很多紅蘿蔔，令湯頭有點甜味，不過湯表面看到不少油，感覺有點油膩。.Prime極級牛肩肉眼扒(6安士) ($78)分數: (7/10)牛扒有配意粉，醬汁選了黑椒汁。肉眼扒煎得外皮很香，但表皮較硬。內裡生熟度適中，看到些少嫩紅色。不過中間有些筋位有點難切和咬，可味道還不錯。旁邊另有配菜，蕃茄，椰菜，粟米羹。.醬汁雞意粉 (1/4隻) ($42)分數: (6.5/10)醬汁選了紅酒汁，微微酸酸鹹鹹的。醬汁不夠，令意粉味道不夠。雞肉嫩滑但不夠入味。

(等候時間50分鐘唔係講等位，係take order後等上菜既時間。)放午飯，Order了洋蔥汁4安士牛扒配意粉，加凍奶茶+$10。牛扒好味，有牛味，係有些部位過熟較靭，洋蔥汁好味好濃及多洋蔥。有半個蕃茄及少量菜伴碟。份量夠晒飽。Good.凍奶茶夠茶味。如其他食客提及，廚師慢工出細貨。有Heart。餐廳只有一男一女照顧全店及煮食，真的是一碟一碟煮，要計算好有足夠時間等候才好考慮。本人午飯時間60分鐘，用了30分鐘來回公司，點餐後等了50分鐘才上菜，等待時已經過了上班時間，用17分鐘食完份午餐，然後趕住返公司。好味的食物，但要急住食，一方慢工出細貨，另一方牛o趙牡丹。。。不太合適放午飯的食客。哈哈~還有，全店源源不絶油煙味。

農家意粉前身就是農場餐廳，七，八十後應該不感陌生，老闆經歷生意上的大起大落依然不放棄努力爭扎求存，光是這點已令人萬分敬佩。這店位置較僻，人流不多，但喜見仍有不少有心人專程前來光顧，不介意店內沒有華麗裝修（餐檯是家用摺檯），也不介意出菜慢近乎零招呼（全店只得二人一腳踢做個冇停手）。點了一客農家醬汁燒雞意粉（1/3只），先端上來的是餐湯--材料滿滿的雜菜湯。看著碗內的蕃茄薯仔西芹紅蘿蔔，未喝已覺很健康，喝了一口，果然充滿蔬菜的清新香氣，非常高汁。燒雞本身亦頗嫰滑，醬汁更有八個選擇，我揀了較冷門的芥末汁，除芥末外還有點點芝士味，跟雞肉搭配一流。特別一提伴碟那片蕃茄：既新鮮又多汁，非常非常好吃。1/3只對我來說比較多，下次應該叫1/4只便夠。肚滿腸肥，埋單才不過 $50，又是性價比甚高的一餐。

等左1個鐘都無得食。叫我坐隔離，因為廚房個邊好似農場咁臭。唔係見人寫佢黃，我唔會入黎。員工態度差，咩都無又唔講定。又唔跟單做，遲黎有得食，又唔睇，仲話我係差不多時間黎。仲問我邊個落單，根本得一個員工。