適合品味

营业中

休息中

📍 適合品味🇭🇰 紅磡馬頭圍道37-39號紅磡廣場地下42號舖呢間係想食好耐嘅燒賣係之前燒賣關注組推薦嘅之前夜晚去到賣曬😟今次咁啱經過見到有貨一定要試下！原來佢係 一間涼茶舖🤣有好多自家製嘅健康飲品但竟然燒賣係最出名🤣🤣😋 燒賣6粒 $10佢係魚肉 唔係麵粉嗰隻 都幾大粒好煙韌有咬口！好正最想讚係佢個辣椒油 好似係自家調的好好味 第一次見係麻辣嘅辣椒油👍🏼👍🏼👍🏼好麻 但唔算好辣 好正呀！！

🥢 適合品味 @紅磡成日經過嘅緣故，佢好多唔同嘅涼茶我都已經嘗試🤣去濕茶、粟米薏米水、雪梨海底椰、黑糖杞子薑茶都係10分推薦😚視乎需要同心情去選擇hahaa~佢嘅燒賣係受香港燒賣關注組認可及推薦😛當然有番咁上下水準，辣係有少少麻辣嗰種～不過我個人係比較鍾意港式小店嗰啲潮州辣椒油hahaha腸粉、燒賣、茶葉蛋全部都係正常發揮~經過買早餐返公司食，絕對係一流選擇~👍🏻👍🏻🌟燒賣 $10/6粒 $15/10粒🌟黑糖杞子薑茶 $30/支🌟特效感冒茶 $45/支📌 地址:馬頭圍道37-39號紅磡廣場地下42號舖營業時間: 09:00-21:00 (不過通常佢八點就開左）

一間賣涼茶的店舖，入面竟然有賣燒賣仲要得到關注組推介？🤤不知道你是不是魚肉燒賣控，但我就係鍾意食依魚肉多過豬肉燒賣😋依間店賣嘅燒賣就係魚肉燒賣！切合返我嘅口味👍🏻每朝返工經過見到都好多人幫襯買燒賣畫龍點睛之處就係依間店舖個辣椒醬好好食😋一定要加辣‼️連我唔食辣都覺得好食🤤佢地自家調製嘅辣醬！麻而不辣！配埋個燒賣好正‼️一共有分三款價錢 $10 6粒$15 10粒$20 14粒如果你都鍾意食燒賣！一定要試下！🤤🤤🤤

再重申一次，作為香港燒賣關注組既成員，我地梗係成日都捐窿捐罅尋找美味既燒賣!☺️😳入正題，今日路過紅磡，當然係睇下關注組附近有咩燒賣推薦啦!😝黎到呢間”適合品味”，見到門口我地呆左呆😨佢係一間賣涼茶既街坊小店，竟然臥虎藏龍有正燒賣?!🤨一於就試下佢有咩特別!😎1.魚肉燒賣 ($10/6粒) 🌟6/5分講真佢個賣相真係平平無奇，仲用紙杯裝令到成件事好頹🤣燒賣相信係入貨，佢唔係行重魚味既路線，一啲都唔會腥，比較容易接受!☺️燒賣亦唔會重麵粉味，熱辣辣，亦幾彈牙😋不過就唔會話好特別，單比我會比4/5分😛只係重點黎了🤩一定要加辣‼️一定要加辣‼️一定要加辣‼️痴線佢個自家製辣油真係好好食😭麻中帶辣，非常香，但又唔會太搶味~😳😍唔識點形容了…真係好正😭佢完全係將燒賣提升到另外一個層次🤤超級驚喜啊!👍🏻👍🏻好想買佢個辣油返屋企😝總括黎講，一定要加辣‼️🤩

跟住香港燒賣關注組去食燒賣，嚟到紅磡呢間合適品味，原來係一間賣健康飲品既鋪頭。😍😍😍燒賣食落真係幾好味，個辣椒油有渣都好正。另外仲買左枝雪梨茶，$27都幾貴。

呢間野開正人來人往既大馬路，每逢收工放學都會經過。所以都幾好生意架♥️呢間野主要係賣涼茶，但我懷疑佢最好賣既係燒賣😂💫魚肉燒賣價錢正正常常啦，$10有6粒/$15有10粒，大食既我一買就緊係10粒😌出面小食店賣既，好多唔係有小魚骨，就係有彈腥味，但係呢間完全唔腥，而且十分彈牙👏🏻唔知係米自己親手包既呢？。另外值得一讚既係佢啲豉油唔係死咸既味道，應該係用左甜豉油😙 再配上佢既辣油，真係好好食！經過呢間野既千祈唔好錯過呢間野既燒賣吖😜