影片
营业时间
今日营业
11:30 - 02:00
星期一至六
11:30 - 02:00
星期日
全日休息
以上资料只供参考，请与餐厅确认详情
【东区】【逸东饺子】同美女朋友收工经过呢间之前我食过佢哋大埔店嘅饺子店，我记得质素都系正正常常，唔差嘅。咁我哋入得去都系食饺子啦，先食「水蒸饺」系列 $52 嘅六只「粟米芝士鲜肉饺」，又几特别，但芝士味唔算浓，不过食得出系有嘅，只能够讲系不过不失。跟住就到美女朋友最期待嘅「香脆煎饺」系列 $54 嘅十只「韮菜鲜肉饺」，本身佢中意食煎韮菜饺所以肯定会偏心，因为我觉得都系正常水准，佢就讲到劲好食咁，唔知咩事。我自己最期待嘅就系呢间嘅「招牌鱼汤饺子」系列，因为系可以连汤饮，几好嘅。呢个系列我哋系叫咗 $50 嘅六只「雪菜虾酥鲜肉饺」，反而系三款里面最平庸嘅一款，雪菜同虾酥都唔突出又冇亮点。我哋都系饮「自家制樽装冷泡茶」，佢饮 $16 嘅「热情果玄米绿茶」，我就饮 $16 嘅「桂花元肉乌龙茶」，冇特别。埋单 $188，合理啰。。。（地址：炮台山蚬壳街6-16号宝荣大厦地下F号舖）
继续阅读
今日系夜晚嘅时间嚟到食饺子本身都系一个钟意食饺子嘅人我嗌咗10粒嘅椰菜云耳鲜肉饺$58仲有招牌蕃茄薯仔鱼汤饮落去一啲都唔咸 食得出冇味精嘅味道每一粒都好饱满大粒鲜肉馅嘅比例肥瘦适中一个女仔食完10粒都好够饱
继续阅读
仲记得刚刚过黎北角返新工既第一日就系食佢食完之后念念不忘佢个酸辣汤同埋煎饺🤩时不时都会想再食不过呢头又真系好多野食小店真系多到试唔晒🤪早2日同事讲起好耐冇食佢就决定过黎会一会佢🙌🏻🤩我地2条友叫左:▪️椰菜木耳鲜肉饺 (酸辣汤)▪️X香三椒鲜肉饺 (酸辣汤)▪️芫荽胡椒煎饺我特别钟意个椰菜木耳鲜肉饺, 馅料丰富 椰菜同埋木耳口感清新 配上鲜嫩既肉馅 味道层次分明🙌🏻仲有个煎饺 外脆入面超Juicy 好香口🥹但煎饺会等得耐D但等耐D都值得呀
继续阅读
一想食煎饺就会帮衬佢，见未人齐就叫吓小食食住等，平时实叫嘅豆腐就照旧，见到有皮蛋酸姜就试吓啦，皮蛋一d都无𠮶阵“压”味，连埋酸姜一齐食系正，酸姜又脆又够味，呢样下次可以再叫，唔知可唔可以多酸姜呢平时粟米芝士饺会叫汤饺，今次转食埋煎饺，果然一放低响台就食，好似芝士酱包粟米嘅感觉比汤饺明显，另一食法都唔错。韮菜煎饺又系我必叫嘅食物。之后仲买咗两盒生饺番屋企煮，因为唔系住附近，10只送两只又抵，放冰格又可以随时食，比起超市急冻饺感觉好似新鲜d, 员工叫我最好7日内食晒佢。
继续阅读
几个月前无意中揾到呢间饺子店觉得几好食成日都心心念念想再黎今日二访觉得差了好多🥲叫左双拼，大白菜鲜肉饺拼椰菜木耳鲜肉饺($56, 双拼再+$2)加$10要左个通心米粉以为通心会比较挂汤🙄原来唔系，不值一试今次食比上次个皮更厚馅料同出面其他饺子店差唔多比较下钟意椰菜木耳多少少，多左木耳爽脆嘅口感汤底拣左蕃茄薯仔鱼汤全汤冇汤渣，几好饮我都饮哂豆浆加$12 系支装𠮶种得个甜字冇咩豆香望真d仲要系中国制樽口个封口痴得好实劲难开完全搣唔开最后用筷子笃开佢先饮到店员都系除左基本落单出餐收钱就系0服务差过快餐店唔知系咪因为天气热一路食仲有只乌蝇飞来飞去埋单$80 中午食个饺子面加饮品黎讲算小贵最主要系饺子系重点但唔算好食附近亦有唔少出色嘅餐厅决定冇下次👋👋
继续阅读
您可能会有兴趣的...