逸龍軒

营业中

休息中

咁啱經過鰂魚涌呢度有一間新嘢食，好似近排好Hit，逸龍軒近排有個新嘅推介熱賣中意大利陳醋雞。這道菜靈感來自地中海的風味，雞肉搭配了高品質的意大利陳醋，經過慢火燉煮，最特別係個醬汁真係可以送兩碗飯😍另外仲推出咗另一種口味！將農莊走地雞全新口味雙重享受瓦罉霸王雞，這道菜以新鮮的雞肉為主角，經過特製的醃製，並搭配獨特的香料與醬汁，令雞肉香嫩多汁，口感極佳。醬汁的微辣和香氣交織，讓人一試成主顧。這兩道餸菜將為您的餐桌增添獨特的風味，讓人回味無窮！

⏰任飲任食2小時「優惠價$588/位」提前預訂尊享⚡️快閃品嘗優惠🌟$528/位♥️無限追加清蒸江蘇大閘蟹、粟米海皇羹、金邊鮮蝦餃、蟹籽燒賣王、黑毛豬叉燒包、古法馬拉糕、荷香瑤柱珍珠雞、XO醬炒腸粉、生炒臘味糯米飯、銀芽豉油王炒河、黃金脆魚皮、濃湯浸時蔬、椒鹽九肚魚、川式口水雞、冰燒三層肉、青瓜雲耳燻蹄、川味沙薑豬手、黃金脆豆腐、拔絲咕嚕肉、酥炸鯪魚球、蛋黃蓮蓉金桃、蛋白杏仁茶、禦品紅棗糕、杞子桂花糕、茅台是果杏仁、九層薑汁糕、奶黃流沙包、薑茶湯圓。

逸龍軒係北角海逸酒店3樓，今晚同家人慶祝生日黎食就好興奮。見到餐廳做緊pomotion既上湯焗龍蝦伊麵$368，就已經非常心動，重點係佢有多種煮法揀。包括上湯焗蒜蓉開邊蒸 薑蔥焗等等..........今次揀咗上湯伊麵系列。原隻龍蝦大大隻，肉質結實新鮮，夠晒足料好食。前菜嗌左粟米墨魚餅同燻蹄兩款都唔錯，幾開胃。另外黃金蝦都做得幾出色，什果沙律黃金海蝦用左咸蛋炸起，金黃嘅顏色做得非常出色。配上生菜加什果既配菜，咸蛋味好正，真係好惹味。脆到連個蝦殼都食到！雜果沙律上面仲有蟹籽特別精緻嘅呢😍濃湯一品豆腐煲，配料豐富，豆腐腩肉等等令到呢個豆腐鍋特別鮮甜。古法扣原隻4頭清湯鮑魚黃玉參$238/位 - 4頭鮑魚勁有咬口，口感彈牙。黃玉參原條上都幾大件，入口滿滿骨膠原，極度養顏，食飯都要隨時補下膠原蛋白嘅呢😘甜品方面以下呢兩款都好好食💁🏻‍♀️燕窩360牛乳奶凍- 滿滿嘅燕窩鋪喺幼滑奶凍上面，你一定吾可以錯過。桃膠蛋白杏仁茶-杏仁茶味道濃郁，桃膠份量多，杏仁茶飲落勁滑，睇得出比左心機去煮。

27/5 約了兩位朋友在逸龍軒品嚐點心午餐、好聚聚聊聊近況。我們要了5個點心、羊肚菌餃子熱辣辣很滋味、牛肉球鬆軟彈牙、叉燒腸的皮薄肉多、很享受！唯獨是鴛鴦米裡的餡料有鹹蛋、我們姐妹怕高膽固醇、有點不適合呢！服務生數量不足、舉手也要等上一兩分鐘才有服務生回應，估計也是經營成本有嚴格管制！中菜廳在酒店裡面、服務與西餐廳的有一點不一樣、培訓上可能有不一樣的要求！可是、食物質素呢、我可更喜歡中菜廳、新鮮材料足！

好耐冇喺北角逸龍軒飲茶，今日兩個人嚟食晏。喺門口望入去，見到冇乜客、好多枱剩，同疫情前好唔同，連餐單同價錢都係唔同哂。以前都幾經常嚟，雖然通常唔使等位，不過都冇乜枱剩。今日叫咗啲特別嘅嘢，我最欣賞係個金盞沙律百花蟹鉗，大大隻、賣相又靚，新鮮熱辣，好正！😋不過超貴，兩隻$136😅！呢度啲灌湯餃雖然唔平，都唔算好貴，不過真材實料，夠熱好味，值得一試。😋通常飲茶都係食蝦腸，帶子腸都食過，不過一般都係帶子碎上，呢度講明係原隻鮮帶子，果然係唔同啲，重點：啲帶子唔係細細粒㗎。個藥膳綿花雞又係有啲特色，$58唔算好貴，如果唔怕藥材味都真係幾OK。最唔抵食係黃金墨魚餅，味道唔係好特別，但係要$98，平均$20一件！最後叫咗個燉湯同臘味煲仔飯，個湯夠熱，味道都算OK，不過煲仔飯啲臘味得個甜字，失望！😥個飯開蓋之後唔記得影相！🤣🤣今餐啲嘢食整體都係算唔錯，不過八折咗人均都仲要$378，雖然話係酒店啫，但係都真係幾貴$$$！最唔明係：菊花茶收咗$28，但係張單上面仲有樣嘢叫「座位費」每人$20😓！

一年一次食大閘蟹緊係想食高質呢間之前飲過茶，環境幾舒服見今年做大閘蟹放題，openrice book有8折就試下個餐除左大閘蟹和小菜點心任叫，同埋包埋3樣野，鮑魚、乳鴿、蟹粉小籠包鮑魚－比想像中大隻乳鴿－呢個比想像中細隻，但夠juicy蟹粉小籠包－一籠一隻都幾大隻，都好味，蟹粉味好出我地2個人食左每人3隻，我以為放題都好細隻，不過都ok，同埋d腳都夠肉食到隻隻都有膏，好好食，全部都係公蟹，不過都好似有d大隻d、有d細隻d。其他小菜、甜品：椒鹽尤魚鬚－必點，另一半勁勁勁鍾意食，大讚佢地整得好食口水雞－可叫可不叫凍豬手，燒腩仔－好surpirse放題有埋燒味，都脆，不過凍左無咁好食蟹肉羹－正常咕嚕肉－呢個食得出佢係豬頸肉做，但我唔算好鍾意糯米飯－呢個好好食，食得落的話要試甜品叫少少試下：蛋白杏仁茶－好味湯丸－正常仲有啤酒汽水任飲，我無飲啤酒，但我另一半讚佢俾呢隻「醇滑」，係好野佢仲有其他野食，但我真係無肚食了lol整體野食好滿意，環境都好舒服但service就真係一般，無乜staff做野，否則就perfect了～

提早母親節飯局，去酒店食點心，都預咗貴，但食物只是一般水平。正如一些人留言，服務員嚴重不足，即使全場只有10張枱有客，都招呼唔哂，只覺她們慢吞吞，問泊車優惠，好似唔識講廣東話咁，亂七八糟，要我們其中五個人，發出唔同問題去估佢想表達什麼。最差係個洗手間，舊…不是問題，但整體整潔只能用差嚟形容，厠板好舊有漬，好似無人打掃，即使外表怎樣華麗，洗手間如整潔如此差，給人印象只做表面功夫，其實，越高級食肆，洗手間越是非常注重整潔。平均點心$50-$80一樣，大多是兩粒（或兩件），一般水平都收呢個價，怪不得只有10枱人！！希望你們見字改善下。

歡送飯局、梗係要環境好些、食物都要好一些👍個人喜愛逸龍軒的點心：非常精緻美味👍大海花尾班二食：花尾班切得厚厚、用來蒸飯、真係好滿足！預先已告知酒樓、席上有位素食者！廚師精心配搭五小碟素菜和素羹！可見酒樓和廚師對各位客人的細心👍

中午時段附近都多公司客食飯，成行都無一個服務員，斟水自己斟，拎走左啲茶加水半個鐘都無回頭，完全無服務可言，人手相當不足，叫極都無人應……. 😥😥食物款式都多，但係個賣相同擺盤完全無誠意，啲菜心上枱掂枱，要我哋夾返好佢，蛋撻得兩件，燒賣蝦餃都係得兩件，味道無特別，真係貴得黎太細碟…… 同埋叫既食物都無俾醬汁，燒鵝無醬，炸魷魚無醬…… 😮‍💨收得哩個價錢，希望可以俾返少少酒店水準，整體體驗真係仲衰過酒樓🤥🤥🤥

今日同屋企人去開北角, 就嚟呢間食午餐… 呢度以前係海逸軒, 據聞outsource咗星期六特別少人.. 不過最好訂位… 費事白行Btw, 記得免運申請會員，好似有8折定9折..🫣今日雖然得4個人，但係要打包D嘢比老豆食, 所以叫咗好多嘢1） 點心拼盤+芋角2） 咕嚕肉3） 烤乳鴿以下因為太吸引唔記得影相4）籠仔蒜蓉蒸龍躉頭腩飯 👍👍👍👍👍 $198呢個真係好好食, 我母親大人食到讚不絕口.. 連唔食蒜蓉嘅朋友都食咗2碗… 真心推介5）勝瓜魚湯龍躉片👍👍👍👍👍 $298呢個都係真心好食, 龍躉嫩滑, 勝瓜甜, 魚湯清甜, 一個字”正”!

好耐都無飲茶 公司附近間酒店嘅中菜好似幾好三個人 叫咗一個點心拼盤 加一籠荷葉斑腩飯點心拼盤有蝦餃、鮑魚燒賣、蘿蔔絲酥、紫薯酥點心不過不失 金魚餃係幾得意嘅蘿蔔絲酥裡面幾juicy 好味荷葉斑腩飯出色嘅 金蒜喺面好香 加埋炒飯底 好好味

安格斯牛肉腸粉變咗安格斯牛口感係唔同嘅不過都係腸粉一條😅金邊蝦餃皇只係外觀多咗金箔口感都係普通蝦餃千島蘿蔔糕呢個有啲唔理解完全唔夾炸蘿蔔糕有啲怪口感變咗一pat嘢唔好食遠年陳皮牛肉球幾大粒陳皮我唔愛食 好彩牛肉球無牛皮味實肉嘅 唔削龍蝦湯海皇卷同普通腐皮卷無分別飲唔出係龍蝦湯試一次就夠 去番啲普通酒樓就可以

在openrice 找酒店中餐廳，發現此處重新裝修，新穎年青，重新再了解佢，比以前色調舒服，環境寬敞開揚，2人枱大大張。 前菜琥珀合桃，樣子一般都脆，有粒發酶。 叉燒稣$42，皮不夠鬆。鮑魚燒賣$40，鮑魚略咸，肉亦略咸。 樱花蝦蒸蘿蔔糕$36，咸， 奪蘿蔔鮮甜，臘味都ok。 生拆澳洲龍蝦泡飯$78，大碗，多芫荽葱，大粒龍蝦肉，但無蝦味，有炸米，但都收貨。紫薯蟠桃仔$38, 最好味，黃蕊紫芯白花瓣以普通酒樓食物水準比較可以，以酒店水準就不合格。

自從上次公司食飯去過呢間餐廳之後，就心思思想食多次啦。今次一行四人同屋企人去，2個老人家都讚好食。埋單每人$200 都唔洗就食到千絲蘿蔔酥出面啲蘿蔔酥一般都係好食嘅，所以呢個都沒有太大驚喜。外皮做到夠鬆軟，唯一同出面唔同嘅係裡面嘅餡係素千島蘿蔔糕嚟到都有猶豫係咪我哋點嘅，再望真啲原來係蘿蔔糕。同埋千島係指千島醬。比較新色啲嘅一款蘿蔔糕，配上千島醬出奇地夾春風得意腸必吃，裡面不是油炸鬼，而係一件炸到好脆好脆好鬆化嘅嘢（唔知咩黎），外面腸粉好軟熟豉油係另上，個人覺得唔點豉油仲好食鮑魚燒賣鮑魚食落唔似罐頭鮑魚，好難得食到粒鮑魚同燒賣係唔似分開兩件食物金箔蝦餃金箔純粹係連個點心收得貴啲，完全冇特別不過隻蝦無雪味值得讚花膠瑤柱灌湯餃*值得試* $58好足料嘅灌湯餃，一大片花膠大粒瑤柱。味道濃郁而且花膠花膠爽口,略嫌湯唔夠。蒜泥白肉《不用點》與個人期望好大分別，期望係好多蒜頭喺面，但原來醬汁係另上而且醬汁只食到鹹味亦都冇乜蒜頭味另外仲點左個蚊伊麵不過冇影相。加上太飽無食，未能評價。另外侍應嘅服務都好好，唔會扮睇唔到。而且會主動收碟同斟茶。總共食咗$768，平均每人$200都唔使。呢個質素都值得試。

朋友生日，幾對couple想搵個靜靜地既地方食下飯、傾下計知道新開來試下頭盤：荔枝西紅柿－呢個好好食！粒粒車喱茄去晒皮，酸酸甜甜既荔枝汁，好開胃。麻醬茄子－個名好似唔係exactly呢個，反正佢係麻醬淋上啲茄子到。茄子做到爽爽地，唔會太淋有口感，幾好。小食：冰燒三層肉－即係燒腩仔，呢個大推！皮脆肉香，朋友老公話無試過咁好食。waiter話佢地係用新鮮五花腩做，唔怪得咁好食。燉湯：花膠螺頭黃耳－燉湯好足料，隻花膠大到好誇張。好誇張。好誇張。食完都飽晒：o小菜：？？明蝦球－又係唔記得左個名，keep到隻蝦外脆內爽，最特別係個沙律醬係柚子味，好特別法式鑲蟹蓋－我本身好鍾意食蟹蓋，佢二百幾蚊我覺得非常ok，啖啖蟹肉，食到佢真材實料，佢mix左薯仔洋蔥，好大隻，兩個人share岩岩好。帶子濃湯脆香苗－炸米上面有隻炸帶子，個waiter會用個紫砂茶壺倒d湯入去，社交平台必點。不過粒帶子炸左我個人就一般般喇，炸米反而幾好食。甜品：陳皮凍糕－有陣陣陳皮香味，食到咁飽，食呢個酸酸甜甜既甜品好舒服，陳皮粒粒可以多啲就好了