影片
港铁炮台山站 A 出口, 步行约4分钟
继续阅读
电话号码
28897799
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
餐廳：遇見花蓮地點：北角炮台山電氣道菜式：台灣野餐牌：古早台味，花蓮小鍋，花蓮地道小食，手工麵，麻辣手工拌麵，古早味薑蔥，滷肉飯便當，蛋餅，吐司，甜點，飲品。無加一。落單掃QR code。私房麻辣牛三寶 $78私房麻辣牛三寶有牛腱心兩大件，牛肚三幼件，牛筋兩大件，薄身鴨血兩片，仲有臭豆腐兩件，糖心蛋一開二同鹹菜，面頭撒上葱花。我叫左走麻辣，只係得鴨血同臭豆腐無得走。牛筋同牛腱都好正。麻辣鴨血 $28麻辣鴨血一客5件，唔算太辣，都好脆口，面頭灑上蔥花。士林鹽酥雞 $38士林鹽酥雞一客七件，用牛油紙包住吸油。雞件炸得香脆肉嫩又多汁，味道唔會太鹹，面頭加上兩片炸菜。古早烤台灣香腸 $38古早烤台灣香腸係一客三條細香腸再一開四片方便食用。食落皮脆，而味道甜甜地，好味道。伴有生蒜片好香辣。慢烤雞腿蛋吐司 $48慢烤雞腿蛋吐司一客兩份，用紙包好，烘底吐司包住爆餡雞腿肉，蛋同黃色芝士醬汁，好邪惡。隨吐司附上濕紙巾，好貼心。滷肉A菜 $28滷肉A菜一兜滿滿，鮮嫩油墨菜面頭加上唔少滷肉，健康好味。紅豆仙草三色芋圓 $42第一次食呢度既甜品。紅豆仙草三色芋圓既鮮奶好滑，配香甜紅豆好夾，仙草份量多，都好滑溜。三色芋圓有黃色，紫色同淺紫色，一共有十粒左右，食落都好有咬口。呢份甜品好足料。鹹菜枱上有鹹菜比你自己加。呢度食物質素唔錯，最緊要係價錢非常街坊價，而且無加一。環境安靜，座位舒適。
继续阅读
今日喺炮台山放工行過電器道見到一間早前食過嘅餐廳叫遇見花蓮，食台灣菜餐廳有下午茶menu📑上次食過都幾好，所以就入去食啦用手機掃QR code 落單📲下午茶時間，價錢會平咗一截✨花雕雞卷麻辣伴麵🐔🍗上菜時就見到好大碗麵仲已經聞到花雕雞卷嘅花雕酒香🍶有層薄薄雞皮，包住好嫩嘅雞肉🍗而且係冇咩肥膏，食落啖啖肉🐔🍗最啱我啲做gym 嘅人🖖🏻麻辣麵麵條有用辣椒油醃過🌶️每條麵條都掛有辣椒味🌶️🔥食落唔太辣，食完後咀唇都少少麻麻感覺隻碗好深，麵好似食極都仲有😂麵條一咬就斷唔係霉的🍜貢丸湯飲落唔鹹湯上面仲有少許葱加紫菜🌿☘️飲完可以沖淡口裡嘅麻辣嘅味道✨古早肉鬆榨菜蛋餅🥞有兩大件✌🏻蛋餅煎到好脆好香口🔥🍳食落伴隨住肉鬆嘅甜加埋榨菜嘅鹹味🤟🏻仲有軟軟蛋餅包住脆口榨菜嘅感覺口感滿足🥳✨冷泡烏龍茶，冷泡阿里山綠茶🍵🍵茶味甘香濃郁，可以沖淡返個口餐廳環境乾淨企理通風冷氣都好足夠💨💨侍應態度親切有禮👍🏻上菜時會根據食客所點嘅食物去放返喺食客面前唔會好似茶餐廳咁推銀機式放食物呢個位抵讚👍🏻👍🏻餐廳全天候冇收加一連星期六日都有下午茶時段🤟🏻平日下午茶時段就2pm - 6pm週六週日及假期就3pm - 6pm今時今日連假期都有下午茶供應嘅餐廳實在難得會繼續幫襯🥳
继续阅读
一講到花蓮就想起 2017年包車由花連玩到台東，沿岸景色又多又靚，仲睇到幾片金針花海，玩得非常之開心。所以，之後不時都會留意下花蓮、台東嘅新聞。雖然短期內就未打算再去花蓮 走走，但今晚就嚟到「遇見花蓮」重尋台灣嘅味道。踏進店內嘅第一個感覺就好醒神，一來地方光猛 、環境整潔，二來裝修都幾骨子，一面落地玻璃窗加埋樓底夠高，自然令空間感更強，有幾邊卡位設計成小個室咁，前後嘅騷擾都可以大減，令客人傾得更舒暢，而店員都態度親切有禮。細細一本餐牌，食物嘅選擇都幾多，其中有地道小食、逢甲蛋餅、雞腿吐司、花蓮小鍋、紅燒手工麵、花雕老雞湯、肉鬆滷肉飯便當、麻辣手工拌麵、台式飲品及台式甜品。自行以二維碼落單又得，搵店員幫手落單都得，但咁多招呼，仲唔收加一，抵讚啦。小食拼盤 $88好多款小食都好吸引，心大心細之時，咁不如叫個拼盤啦，可以一次試到9款小食，樣樣少少啱晒我哋兩個人。小食款式包括（左至右，下至上）豬大腸、地瓜酥、雞卷、台式香腸、鹽酥雞、麻辣鴨血、蛋餃、牛肚，九宮格造型，賣相非常的骰精緻，甚具打卡感。小弟今次就唔嘥時間逐個逐個評，但整體嚟講確喺各有特色，要麻辣有麻辣，要清新有清新，要香口有香口……絕對滿足到口福之樂。藥膳花雕雞卷手工麵 $68曾經食過呢款花雕醉雞卷，覺得好有特色，所以，專登推介俾老友試，加上台灣嘅手工麵一向 有賣點，故此，就揀咗呢一款主食。先試個湯底，濃而不濁，睇見咁多蟲草花同杞子，好有藥膳嘅清香；而雞卷做得出色，捲起嚟夠紮實，咬落啖啖肉，非常之嫩滑，有陣陣酒香，手工麵亦搓得好，咬落有韌勁，整具口感。蜜汁滷排骨滷肉飯便當 $75另一款主食我哋就睇啱呢一個排骨便當，一登場就感覺好有霸氣，兩大件滷排骨非常夠份量，仲配有一碗紫菜貢丸湯、麻辣臭豆腐和麻辣鴨血，個便當真喺好豐富。個湯飲落幾清甜，雖然話喺臭豆腐，其實就聞唔到咩臭味，不過堅辣，由於唔食鴨血，我就無試喇。件排骨做得濃香入味，肉質非常鬆化，正呀餵！啲白飯夠軟熟，撈埋大量滷肉同肉鬆，淨喺食呢碗飯都覺得開心正啦，溏心蛋亦做得啱啱好，個便當真心抵。愛文芒芝士奶蓋 +$16本來就想嗌黑糖珍珠奶茶，不過，小弟一向都鍾情芒果，所以，就試咗呢一款芝士奶蓋。先試試底下嘅芒果凍飲，味道都幾OK，芒果味都夠清甜，而上面嘅芝士奶蓋打得非常之幼滑，再將兩者撈勻，再飲，鹹鹹甜甜嘅味道極之特別。 大甲芋頭芋圓鮮奶 +$16老友就喜歡芋頭，難得呢杯鮮奶用咗大甲芋頭打成蓉，更加喺佢嘅首選，鮮奶奶味幾香濃，底下有大量芋頭蓉，有香又軟滑，仲勻有唔少甚具咬口嘅芋圓，佢話非常之好飲，當佢喺甜品都仲得呀！啲菜式份量足，又好味，原本都打算最後叫個甜品作結，不過，食完呢三樣嘢我哋都已經好飽，甜品就留返有機會先再試！
继续阅读
《遇見花蓮》價錢親民，幾十元一份餐，绝對係自費來食。今次叫左:✨️花蓮小食拼盤鹽酥雞、牛肚、豬大腸、雞卷、滷蛋、香腸、地瓜酥、蛋餃 和 麻辣鴨血。我最鐘意香腸，係切片嘅古早烤台灣香腸嚟，外皮脆薄，入面肉質煙靱好有咬口，伴著附上嘅香蒜片一齊食，滋味無窮。沙茶牛肉煱粉絲秘製嘅沙茶味道濃烈，鍋內有嫩滑薄牛肉、牛筋、牛丸、貢丸和蛋餃等，好豐富。✨️鹽酥雞滷肉飯配紫蘭貢丸湯 及 台灣香腸，好有台式風味。鹽酥味✨️花鵰雞卷麻辣伴麵花鵰味重，雞卷卷精緻好味。麻辣味好有餘味，好過瘾。✨️鮮柳橙四季春橙香四溢，清涼冰凍。✨️鮮鳳梨水果茶酸酸甜甜，果味香濃。✨️冷泡烏龍茶淡淡烏龍茶，解膩又解喝📍炮台山 電器道183号友邦廣場地下
继续阅读
隔咗排冇食台灣菜，今日約咗朋友去食炮台山嘅呢一間台式食肆，餐廳價錢性價比高，質素都唔錯蜜汁滷排骨麻辣拌麵 $75滷排骨麻辣拌麵，拌麵喺底，面頭嘅滷排骨用咗蜜汁整成，並且切成四五條長條，方便食用，底下嘅麻辣拌麵，食落甜甜地，辣味唔會太刺激，都幾醒胃。拌麵跟咗碗紫菜貢丸湯，飲落都幾清爽蜜汁滷排骨滷肉飯便當 $75另一款主食同樣叫咗滷排骨，不過就包埋滷肉飯，成個便當仲有一碗紫菜貢丸湯、麻辣臭豆腐&鴨血，臭豆腐同鴨血份量少少，亦都好入味，滷排骨一分為二，另外上枱，食落香甜酥脆，滷肉飯入面仲有肉鬆，加埋半粒糖心蛋，便當豐富慢烤雞腿起司蛋吐司 $56慢烤雞腿蛋吐司 $48鍾意食吐司，兩款都叫咗，最大分別只係一款有加芝士，一款就冇加，吐司切成兩份，用紙包好，本身吐司已經有烘底，再加埋雞腿肉、蛋食，落香口古早起司芋泥肉鬆蛋餅 $46蛋餅有四舊，入面包有滿滿嘅肉鬆同埋芋泥，表面仲淋咗啲醬汁
继续阅读
您可能会有兴趣的...