遇見青花椒

营业中

休息中

垃圾到爆，筷子匙羹有油漬，冇服務，成個場無客員工玩電話我入鋪無人理。啲嘢食完全唔掂，小食直情係難食。成間舖店員完全冇心做，希望快啲執咗佢換過第二間舖，唔好阻住其他美食進駐

好難食，湯底完全冇味，零態度，成間野睇住佢開果時好企理，宜家污糟邋遢基本淨潔度都唔到，越做越差！一入去問Bb櫈個店員話無一個就話有，見耐無過黎諗住會有驚喜，同屋企人叫兩碗野，兩碗都食唔到，由湯底到配菜全部無味

天水圍一間想食很久很久的酸菜魚之前看過其他的食評 以為只有一人份的份量選擇 原來是有平常食 一大盆份量啊！哈哈哈哈 我這個吃貨 一人份量怎會夠我食？·青花椒酸菜魚（2-4人份量）選了鱸魚片 贈送6款配菜（豆腐皮、豆卜、萵筍、薯仔、黑木耳、大豆芽）及兩款主食（可選米線、薯粉、米飯）個人選擇了兩款都要薯粉味道：個人覺得還不錯但如果有寬粉就完美了兩個人食 份量超足夠 魚和配菜也是像吃不完的·紅糖糍粑 係..好食嘅都～·百香果檸檬茶百香果味濃 酸酸的味道 令人特別開胃念·蜜桃檸檬果茶 個人覺得很甜 但朋友說剛好 大家可以試試

見到有個$198既二人餐，有飯有配菜抵食，加$3重有杯熱飲，加$5就有凍飲咁就辣都吾洗驚啦湯底方面都有吾少選擇，第一次黎樣樣都想試，心思思就嗌1人餐，不過我今次兩個人黎，試下二人餐，嗌左個同店鋪名一樣既青花椒湯底，應該會係招牌湯底黎，問過店員辣度無得選擇既，食到譚仔小辣既話可以一試，一上枱真係會比佢個巨盤嚇親，成盤綠色，外表睇落差少少食落辣度足夠，而且重帶麻既後勁，青花椒味道好足，但可惜既係太過油，而且味道層次感吾夠，係單一既辣同麻，不過勝在盤酸菜魚魚肉夠多而且夠滑，配菜方面可以自選，份量都同樣吾少，重可以配埋個飯/紅薯粉，吾好話2人，3-4人都真係夠食，以$198呢個價今時今日真係無得輸，性價比好強最後我地都係食吾晒，打包反去第二日又夠二人食啦

第一次黎呢間野到食 見個餐牌都幾吸引 俾次機會佢啦!試左青花椒湯底, 叫左bb辣, 揀左鱸魚 再加杯柚子茶青花椒湯底好濃味 聞落好香好惹味魚片都冧 冇咩骨, 份量正常 合符預期見到青花椒湯底明明得一條辣椒 而且我只係叫左bb辣但係食食下發現真係太辣 食唔到落去 ....下次再黎食嘅話 要改試酸菜魚先得 我估應該冇咁辣掛

見之前網上面都有人讚下佢，就襯lunch黎試下每一碗都可以揀兩個配菜同埋一個主食蕃茄湯魚柳配海帶結萵筍白飯（$58）金湯酸菜魚配萵筍黑木耳薯粉（$58）同在見到好多地盤工友放食飯，我諗佢哋應該唔會夠飽😂

留意《有加一服務費》，感覺被強迫。於6點前《下單》出的收據是沒加一，但於6點後《埋單》出的收據是有加一，下單的收據是錯誤的（仲要有銀碼），當顧客埋單才會印一張新收據，十分誤導。食物質素普通，服務還可以，但前後兩張不同銀碼收據足以令人不會再想幫襯。

偶然路過，入去一試，嘢食中規中矩CP值算高，連嘢飲都係$70-80(唔計甜品)一個人萵筍同豆腐係我必叫，食材都算新鮮魚嘅雪味唔重，湯唔算多油，整體OK薯粉略略差少少，有少少怪味拖湯食OK，朋友叫飯就冇呢個問題青花椒飲品就係加左少少青花椒係上面飲落冇乜特別，OK嘅冰粉加左好多雜果罐頭料、椰果、紅豆偏大甜，甜魔會鐘意，我就普通紅糖糍粑應該係即叫即整，口感軟糯，價錢實惠，整體OK順帶一提，呢間嘢啲姐姐態度正在常常略胖男仔態度就……🥶

叫咗個涼拌皮蛋、水煮牛同埋藤椒魚，等咗四十五分鐘嚟咗皮蛋同飲品，已經催過幾次..……成間嘢堂食唔多人，但就不停做網上外賣平台先，到我哋拎晒袋走人，一位女經理就捧住個藤椒魚追過嚟話已經整好啦，該名女經理不停重複講「出咗餐就取消唔到嫁喇，無辦法cancel嫁喇」，姐係係焗我食？由於父母已經一枝箭走咗出去，所以我都選擇埋單唔食，點知個女經理就話「都幾搞笑喎你哋，整完又唔食」點解變咗我哋問題咁？？？

2個人叫外賣 叫兩個1人套餐加雞煲 知佢酸菜魚份量好小 專登加多28.8加多啲魚 點知冇加到比我地 啲魚仲小過冇加既 咁就呃左我28.8！最過份係個雞煲 份量極小 同埋大部分都係碎骨 有碎既雞翼尖 碎pat pat 同埋勁多腳趾 冇乜肉 有肉都勁柴既 88蚊加個咁既雞煲 真心伏！2個人叫3個餐都可以食唔飽 又唔係平 冇下次。

2個人叫外賣 叫兩個1人套餐加雞煲 知佢酸菜魚份量好小 專登加多28.8加多啲魚 點知冇加到比我地 。。。最過份係個雞煲 份量好小 同埋大部分都係碎骨 有碎既雞翼尖 碎pat pat 同埋勁多腳趾 冇乜肉 有肉都勁柴既 88蚊加個咁既雞煲 有點兒過份！2個人叫3個餐都可以食唔飽 又唔係平 冇下次～

周未唔煮飯出街食，夏天食得壽司多，今晚轉下口味。星期日 7:30pm 竟然唔使等位🧐🧐坐低後點了一個招牌青花椒鱸魚(2-4人份)，有基本功架，魚🐟很滑，份量是大概一斤的魚，味道無驚喜，算唔錯。配菜很多，喜歡吃配菜多過魚既可以考慮😂 如果魚的份量提升50%感覺會因為性價比高而再次光臨。毛血旺，真係有點失望，個人口味係唔會再叫。至於其他小食，點了皮蛋(普通，唔夠譚仔好味)，無骨鳳爪(不予置評)脆皮奶卷細路好鐘意

又有新品👍👍麻辣海鮮毛血旺，一定要試試，服務員也非常機靈😬态度又好。環境舒適。川味正😬甜品糍粑，奶卷，冰粉，还有很多小吃，凉拌小菜，特别好吃。值得一提的，还有这个藤椒鸡，藤椒肥牛。👍👍

5月黎光顧過，味道係讚嘅，但之後兩次再嚟食，已經唔係果回事了😞😞😞，叫咗之前食開嘅青花椒生魚片，賣相同顏色都已經吾同咗之前，完全冇曬青花椒嘅香味，真係好失望，最基本配菜嘅蘿蔔都要唔淋，兩次食都硬嘅😩、生魚片嘅份量又比少咗，埋單我都忍唔住唔收銀，係咪轉左廚師，原來真係，我有同佢講之前完全唔系呢個味，不過佢都係聽完就算，睬都冇睬我，明嘅！收銀都只係打份工，得鬼閑理我咩😅

2022年6月2日晚上在遇見青花椒食晚餐。本身都幾期待，食完之後都幾失望。嗌左2碗一人份嘅酸菜魚（鯛魚、鱸魚），兩碗都係青花椒酸菜魚湯底，味道太鹹，感覺係味精湯，食完好口渴。而鯛魚口感幾好，幾彈牙。但鱸魚某幾塊有鱗，口感極差，食食下又要吐返啲魚鱗出黎。另外嗌左紅糖糍粑，好食！夠熱，同時夠煙韌，應該係退即叫即整。一人份皮蛋都不錯，有八瓣，個辣汁幾特別，有芝麻係入邊。整體而言，小菜幾好食，可以保持水準。但主菜既味道有待加強！始終呢間鋪係酸菜魚專門店。