過橋麵檔

营业中

休息中

之前男朋友一直話呢間嘅雞好食而我又想食蔥油雞所以就搵日晏晝過咗嚟食唔算太多人所以都唔洗等位😬我哋order咗霸王雞飯同豉油雞飯真係好好好好食😖雞嘅肉質鮮嫩 霸王雞有好微嘅辣味同炸蒜鋪面送飯真係好出色🍚個底仲要有索晒醬汁嘅芽菜 超級入味另外個豉油雞都好濃味 個豉油汁都幾甜雞下面都係墊咗芽菜 都係勁夠味但相對霸王雞嚟講就無咁香不過都好好食價錢無話特別平 但係食物質素好好坐得都尚算舒服（係有啲位冷氣有啲凍）仲有兩隻舖貓巡邏🤪下次會想冬天試佢嘅燉湯😬😬

每次嚟過橋麵檔都會食霸王雞米線，大大碟雞，真係好抵食但配角之一既咖喱牛筋腩飯也不容忽視本身唔食得辣既我，我都專登去食牛腩、牛筋、薯仔🥔蕃茄，青瓜🥒組合而成既大大碟飯，牛腩同牛筋都整得好入味，好淋，蕃茄、青瓜同椰汁可以中和辣既感覺，但感覺牛腩分量太少了，只有4舊左右，希望可以改良下依家價錢確實越嚟越貴，飯$66，凍飲另加$6，但我覺得食物對得起喱個價錢。

元朗無人不識的過橋，講真嘅外區人講嘢食除咗B仔涼粉外就係過橋麵檔。我食得最密都係上年年中開始，除咗佢嘅食物水準仍然保持到之上，人情味很濃（老闆在場好關心你食得開唔開心、好唔好味）今次合集咗我最喜歡吃嘅：🥢 潮式蠔餅 - 內外都脆，包括蠔仔，鬆化好吃不油膩，我喜歡點搬式辣醬，但有人話點魚露配飯食一流。（已同老闆講😆）🥢 黃介辣蜜糖急汁骨 - 醬汁調味高手，豬肉出色好食，伴腰果同蝦片呢啲曳野岩我。🥢 蝦醬肉片炒河 - 我大愛！ 好有鑊氣火氣，仲以為食雞出色，點知小炒都唔係流！🥢 西檸雞 - 個人覺得唔夠汁，如果汁濃同多，就會無咗寡味。🥢 巴辣雞 - 呢款雞配菜飯一流！（皇牌之一）🥢 豉油雞 - 有比較有傷害，豉油雞恰當好處入味，但有巴辣雞霸王雞呢啲名雞在前，失色了。🥢 咖哩牛筋腩飯 - 咖哩汁都冇諗過同真係專做咖哩嘅店鋪都可相提並論，牛筋牛腩都較腍身。🥢 霸王雞飯 - 一絕的驚艷，建議未食過先食佢，個汁好惹味，雞肉又滑。🥢 咖哩牛肉飯 - 如上上餸所講，無得輸。🥢 蝦米肉片炒河 （啤哥最愛） 一食就愛上，可惜此餸已經冇再出，下次問老闆可否做返期間限定。

菜飯做得10分唔錯，雞肉其實好好食但係我覺得霸王雞嘅雞汁有少少鹹，但純粹係我個人口味比較清淡。份量十足，見到店舖平日都有非常多嘅捧場客。當日見到食客大部份都係點雞飯，但其實餐廳仲有好多其他午餐嘅選擇，希望下次可以去試吓。嗰日我亦都帶咗一個外賣回家，霸王雞的雞汁是分開上，一盒炸蒜一盒醬汁，包保唔會全部炸蒜被浸淋非常有心思。若果喜歡芽菜的話，必定會喜歡墊底的大量芽菜，滲入雞汁10分美味。外賣也是一個非常不錯的選擇。

過橋麵檔在元朗經營多年。霸王雞的份量非常足，讓人吃得飽足滿意。雞肉嫩滑多汁，每一口都能感受到鮮嫩的口感，讓人回味無窮。特別值得一提的是，這道菜搭配的芽菜非常爽脆，吸收了濃郁的醬汁後，味道更加出色。醬汁的調味恰到好處，既不過鹹也不過甜。🐓

過橋麵檔元朗必食之最好食霸王鷄飯！沒有之一！！💠💠💠💠💠💠💠💠以前成日有機會去元朗，所以成日有機會食過橋麵檔！不過最近好少入黎，所以都好心心念念佢地既鷄飯！！周圍都有霸王雞飯食，但真係食過過橋麵檔之後都唔洗再食其他鋪頭既霸王雞！at this stage都仲未有其他普通打敗到過橋麵檔😂😂所以，係最好食霸王鷄飯！沒有之一！！💠霸王雞菜飯 $67好大份！如果食量比較細，可以考慮叫佢地既輕量set~ 霸王雞啖啖肉同超級好嫩滑！雞下面仲有芽菜，配搭特製豉油同蔥絲炸蒜送菜飯🥬🍚食一流😍😍💠石磨杏汁螺片燉白肺湯 $50白肺湯工序多，所以唔係好多地方有得飲！見一場黎到有得飲，所以都叫左一碗~ 杏汁味濃，有幾舊豬肉同豬肺~ 肉質都好嫩滑！值得一試！！餐廳環境：🩵🩵🩵🩵🩵/5 服務質素：🌸🌸🌸🌸🌸/5 食物味道：😋😋😋😋😋/5 性價比：💰💰💰💰💰/5過橋麵檔📍大坡頭徑2-12號華盛樓地下A號舖

諗住叫車仔麵，見佢冇乜特別仲有午餐咪叫海鮮炒烏冬，啡，冇誠意比蟹柳同個啲所謂鳴門卷都算你咁嘅價錢都唔係比咁嘅份量下話一夾落去得返一半加$3有個羹仲離譜，以為佢食咗一半，索性唔好俾好過所有嘢都勁細份不了。。。

喺度都食咗10幾年，每次嚟食都唔會失望，超推介呢度嘅霸王雞或者豉油雞菜飯，雞嘅份量永遠都係勁足料，味道都係好好，調味啱啱好，雞亦唔會好老，菜飯都好好味，支持有心做嘅小店！！未食過嘅元朗街坊一定要嚟試！

今日唔食佢最出名嘅雞飯～～～轉吓試小菜，都唔錯😋～～～~富二代炒芙蓉～$84~~~賣相幾靚，味道都唔差，而且上面仲好多蝦子，但又唔會好鹹，略嫌蝦仁少咗啲～～～~干鎬香辣爆雞～$86~~~雞煮得夠乾身好香，調味都幾好，用嘅全部都係雞中翼一開二，如果係用全雞斬的雞件我會再鍾意啲～～～~小炒王～$89~~~小炒王嚟講佢夠鑊氣得來都唔算超級油，裏面大致上有魷魚～雞柳～菇～蝦乾，如果魷魚多啲就好喇～～～加錢轉咗菜飯，係佢一貫嘅正常水準👍～～～今餐三個菜式味道都係合格以上，性價比以份量同材料嚟計就爭啲～～～

❣️每次去元朗都必定會去食嘅霸王雞飯🐓 雞肉啖啖肉好嫩滑😋 底下仲有芽菜墊底，大量蔥絲炸蒜加埋惹味豉油，配埋菜飯🥬🍚食一流，另外仲有口水雞、豉油雞都值得一試👍🏻👍🏻 🌟霸王雞飯 $68 跟餐可以配菜飯/麵，推薦菜飯/米線

廿幾年前初初搬入元朗，過橋麵檔真係淨係賣車仔麵嘅，舖頭位只係個麵檔，冇位坐，所有枱凳都係擺喺舖頭外邊，有帳篷。後來麵檔搬入舖位先至開始有雞飯！依家多數去都係食雞飯或者小炒，間中都會叫吓車仔麵。🐔🥬🍚霸王雞菜飯，無論雞定係個汁都好好味，雞好嫩口，汁唔會太鹹，菜飯亦都煲得剛剛好👍🏻🐔小食叫咗榨菜醉雞腎，做得幾好嘅係雞腎夠腍，榨菜亦都唔會太鹹，不過略嫌唔夠酒味，可以再勁啲！🍜豉油王炒麵，麵條煙靭，炒得好好，配料亦都好多好豐富，有好多蛋絲同埋海鮮👍🏻👍🏻🍹飲品每次去都係叫呢個，海鹽話梅七喜👍🏻👍🏻

好多年前由住元朗嘅朋友帶我哋試過呢間小店之後，我哋就愛上咗，仲經常揸車入去幫襯👍 以前晚市經常大排長龍，屹立不倒多年，一定有原因。今次番香港有機會經過元朗，一定唔放過佢嘅霸王雞🐓 雞肉嫩滑，雞皮仲有啫哩，配上大量蔥絲同炸蒜，豉油濃得嚟唔會太鹹，亦有大量芽菜墊底，係嗰隻味喇🥰 今次唔只食味道，仲食埋情懷🫶The place was always busy when we were still living in HK. The restaurant named as noodles stall but the most popular dish is actually chicken. My friend brought us there and then became our go-to restaurant for chicken which was good especially accompanied by green onion and fried garlic. I won't miss it every time I drop by Yuen Long.

行過間餐廳時，總係見到滿滿嘅人龍，心諗一定有啲嘢好食。咁多日終於踏入去試吓，心諗今次要好好嚟個品嚐。首先，當然要點份經典雞飯啦，雞肉嫩滑，每一口咀嚼都感受到雞肉嘅鮮味，而佢個秘製醬汁更加係点睛之筆，帶出咗雞肉嘅美味，真係令人一試難忘🐔。同埋佢啲飯特別香，每粒飯粒都吸滿咗雞油，食落去口感非常好。再嚟，試咗下佢哋嘅滷味，每一件滷得入味，而且好夾飲茶。香滑嘅口感加埋恰到好處嘅調味，正到爆炸💥。車仔麵都唔可以錯過，彈牙嘅麵條加上豐富嘅配料，每一啖都有驚喜，佢嘅湯底都好出色，係嗰種飲完會留低回甘嘅那種，一碗根本唔夠飲🍜。食物做得出色之外，環境都唔錯，服務員都好有禮貌，令整個用餐經驗加分唔少。呢間真係一間值得推介嘅好地方，不但食物質素高，而且選擇多樣，下次仲會帶埋朋友嚟試其他菜式，真係令人喜出望外㗎👍。

📍過橋麵檔俗語有云食飽先有氣力做野💪所以食一餐飽飯係非常重要‼️今次同大家分享一間元朗區好出名食雞既餐廳🐥🍚霸王雞加菜飯 （$64）呢間餐廳最出名就係雞飯🐥🐥🐥有好多款唔同煮法既雞比你揀例如鹹雞、豉油雞、霸王雞、巴辣雞等等總有一款岩你🫰🏻今次嗌左好多人會叫既霸王雞一上枱覺得碟雞既賣相好吸引滿滿既雞件上面舖上爆香左既蔥花、辣椒同豉油雞件嫩滑🐥底下有大量既芽菜吸曬雞味同豉油香送飯一流👍🏻跟餐會跟菜飯菜飯既菜量多感覺健康🥬如果唔想要菜飯可以轉白飯或者轉麵都可以👌🏻唯一要留意呢間餐廳午市同晚市既價錢唔一樣晚市會貴少少所以如果想食得抵d中午過黎食就最抵啦✅

過橋麵檔喺元朗屹立多年，元朗區有另一間分店，之前食過幾次霸王雞菜飯，係幾好味的。今日轉下口味，見有下午茶餐，揀左🐔🍜豉油雞米線$46，豉油雞嘅豉油味好淡，反而近似白切雞多D，顏色唔算深色，俾咗雞胸位，肉質略嫌唔夠滑，湯底就充滿雞味👍🏻，米線吸晒雞湯，仲附送兩條菜心幾好。🥤凍檸茶走甜，凍飲唔使加錢，點知整左正常甜版俾我，好彩店員肯幫我換番杯走甜版👍🏻