過橋麵檔

营业中

休息中

今個晚上黎到大坑渠邊的過橋面檔食飯, 原來都幾多好野食有麻辣豬耳, 雞菜飯, 過橋小炒皇仲有得轉菜飯, 由於肚餓啲關係, 我叫左個炒面配芽菜, 再配上特色鵝腸夠鑊氣之餘, 其實應讓配多支啤酒飲飲不過得一個人同埋要揸車, 都系下次先啤啤佢晚市宵夜抵食推介!入開元朗就要試試喇!

過橋麵檔非食麵！男友推介元朗呢個食雞好正，見到餐廳名，以為食麵，乜原來雞咁出名！😂🤤收工同男友特登揸車入元朗試下d雞，係咪咁好食。餐廳似一般嘅茶餐廳，冇乜特別，不過入面就坐滿曬人。有五款雞食，我哋叫咗半隻霸王雞，三餸自選拼盤，分別係豬頸肉，牛脷同埋滷大腸，另外加咗碗菜飯，畀阿男人食。大約十分鐘， 自選拼盤上台。 分量都幾多下，$53抵。滷大腸同牛脷幾好食，味吾會好咸，大腸夠臭😂，不過入面清得乾淨。 牛脷入味，吾騷，冇雪味。豬頸肉就一般， 唔太肥，唔太彈口。有酸菜配邊，椰菜係底。跟手半隻霸王雞都上枱， 勁大碟， 面頭勁多炸蒜，好多蔥絲， 芽菜墊底, 感覺好足料， 就咁聞都香。霸王雞雞肉嫩滑唔會好肥，夾埋蔥絲同芽菜，點汁一齊食，一啖肉一啖飯，好味。 個汁有少少辣， 爭d夾埋辣椒食。單食雞肉嘅話就偏鹹啦。菜飯ok，都幾多菜，吾多油。份量多，我地兩個人，就算咁食都好夠飽啦。

有聽過～過橋麵檔，就知道黎呢度係食雞，而吾係食麵啦（雖然係有麵，但從來無食過🤣🤣）必叫既，就一定係霸王雞套餐，仲可以要菜飯，雞好滑嫩之餘，面上仲舖滿晒蔥，蒜，同辣椒，好嘢味，而且可選菜飯，感覺健康好多另外，叫左個🔥🔥巴辣雞菜飯，鐘意食辣既我，覺得個醬幾特別，有d印尼風味既感覺，不過要食得辣先好叫，個醬汁都幾辣，用黎撈飯好正小食，我地order 左椒鹽魷魚鬚，原來小食一D 都吾細碟，好香口雖然晚餐時段座得迫小小，但為左食佢既霸王雞，就無所謂啦

本來諗住食男朋友推介嘅吉列牛，但係太肚餓又唔想等位，唯有轉陣啦。之前都嚟過呢間過橋麵檔，但男朋友未試過，就等我推介佢食吓好嘢啦今次㨂咗霸皇雞菜飯同埋咖喱牛腩飯。霸皇雞肉質嫩滑，芽菜入味，送飯一流。咖哩牛腩係巴基斯坦咖喱，入口濃郁豐富，另配椰漿比人隨意添加，細心非常，而牛腩同牛筋炆得軟淋入味，男朋友都大讚好味臨走時，同枱嗰位伯伯叫嘅豉油皇炒麵啱啱上枱，樣子好吸引所以我同男朋友都已經諗定下一次嚟食咩喇

元朗必食霸王雞飯♪( ´▽｀).《霸王雞飯 $65》身為元朗人，你可能未聽過#過橋麵檔 ，但你一定聽過#霸王雞飯！！係肥妹仔心目中，雞飯嚟講佢真係我首選，無得輸㗎！份量大又足料，雞底下有芽菜，吸曬個雞同汁嘅精華，配埋面頭嘅蔥同炸蒜黎送菜飯真係一流(´･ω･`)～！呢個價錢呢個質素，我無野補充啦^ ^！.肥妹打分: 8/10😍❤️元朗必食霸王雞飯♪(元朗必食霸王雞飯♪(元朗必食霸王雞飯♪(.#過橋麵檔 (#元朗)元朗建德街25號大福中心地下1號舖

><大坑渠分店 原來有樓上雅座坐得幾舒服 我哋排到九宮格咁影相😂麻辣豬耳($29)爽脆少辣霸王雞菜飯($60)好多炸蒜蔥絲鋪面雞少肥 都算嫩滑 但冇咩雞味唔通比蔥蒜豉油蓋過咗味過橋小炒皇($63) 轉菜飯+$3菜甫 蝦乾 豆角 魷魚鬚 腰果 XO醬炒得惹味好下飯鮮果咕嚕肉($60) 轉菜飯+$3酸酸甜甜 好開胃><><><><><><><><><><><><過橋麵檔 Kau Kiu Noodles元朗大坡頭徑2-12號華盛樓地下A舖

呢間麵檔既米線幾好食，特別係食即佢既香辣湯底。但係琴晚我去左食佢既霸王雞飯！份量好多，特別係佢碟雞！😍呢個霸王雞飯其實都好出名下，佢d雞好滑身，而且好入味！最正係佢有好多配料一齊，令到d雞更加野味😍不過佢平時都好多人，等位就比較耐少少。

巴辣雞菜飯 🐥我自己一向好鍾意食口水雞 而見到有辣雞就緊係點呢個巴辣雞佢嘅辣度亦相當高雞肉嘅嫩滑有咁上下水準✨份量啱啱好雞肉底下有好多芽菜 吸入哂啲辣度🌶️食呢個餐嘅朋友們真係要嗌番杯野飲先得喇配上菜飯 啲菜加入白飯中 多咗分口感 又健康 添多幾碗飯都仲得呀霸王雞菜飯 👑呢個真係招牌餐絕大部分都啱食👍上面有蔥絲、炸蒜、辣椒仔增加味道同口感錦上添花 醬汁咸咸地帶到雞嘅鮮味真係唔錯 唔想食太辣嘅朋友就啱食✋石磨杏仁螺片白肺湯 🥛第一 好足料 一打開有一半都係材料🥄第二 杏仁味好濃郁 少少濃稠第三 當然滋潤啦🥂值得一試如果想係元朗搵美食🍯呢間值得大家去絕對唔會白行一趟🔍

依家係一間由我中學時期已經食到大個嘅麵檔，佢除咗有米線之外，仲有好出名嘅霸王雞飯😂而我最鐘意就係佢既豉油雞飯！佢d雞好滑，勁大碟，如果細係既，其實係會食唔哂😂😂

過橋麵檔最出名就係食霸王雞菜飯，大大碟都係$58，元朗人一定識既過橋麵檔霸王雞菜飯！你隻霸王雞巴閉到吸引到唔少香港九龍嘅朋友專程入嚟識佢！首先份量真係好大份！雞夠滑配上香蒜同埋蔥絲簡直一流！豉油既味道岩岩好，唔會過鹹，鋪底嘅係一大堆芽菜！入曬味爽爽聲，次次我都食清碟，幾飽都會食曬佢！而巴辣雞好岩食辣嘅人，因為真係好辣好香口好惹味，辣得剛剛好，雞又嫰，芽菜更加入味，送飯真係一流！岩曬啲大食嘅男女黎食，一定好滿足！

今晚帶家人去到元朗吃飯，聽聞這家店挺有特色，就去吃個晚飯了。點了半隻霸王雞，一個豬手，炸魷魚鬚，一個豬肚湯和兩碗糖水，還有個鴛鴦飯，霸王雞來到的時候，賣相出眾，我們三人都哇哇聲，接着每個送到的時候，家人都急不及待嘗一下，熱辣辣，好好味！每餸都有特別之處，魷魚鬚新鮮炸起，我哋都唔敢怠慢好快食晒豬手用酒腌好，口感好（老人家都食到），上面有蟲草花，賣相吸引，又感覺附加少少營養價值。以經制實惠嘅價錢，換取yummyyummy的好味晚飯，簡直開心到飛起！最終到捧住個肚走，仲食唔晒要打包返屋企添！沿路和屋企人都大讚，下次必定再嚟！

今日同朋友3個人去元朗行街，其中一個 friend帶我哋嚟呢間過橋麵檔，話又平又好食。我哋點咗咕嚕肉(有白飯跟), 豉油雞菜飯， 霸王雞菜飯， 4餸拼盤， 仲有3碗老火例湯。咕嚕肉都算大碟，係即炒小菜，菠蘿係新鮮菠蘿，但覺得咕嚕肉嘅粉漿炸得唔夠脆，嚿肉淋淋哋，扣咗分。霸王雞好食，碟雞都幾大碟，配料同雞汁非常正，菜飯亦好食，極力推薦。豉油雞亦係好大碟，但覺得啲雞肉唔夠滑，只靠豉油雞汁，好普通。四餸拼盤揀咗雞腎，鹵大腸，豬手同豬耳；呢碟係鹵水拼盤，啲餸好入味，仲有咸酸菜伴碟好醒胃。每個餐都可以加 $8 要老火例湯，今晚係節瓜雞脚湯，熱辣辣上檯，碗碗都有湯渣，係真材實料煲的，好味。

黎親元朗都會黎食霸王雞🙈尤其男朋友係勁鐘意食😆最多人食都係霸王雞加菜飯 係絕配黎🤤！雞既份量好多 底部有好多芽菜然後個面會有好多蔥同炸蒜 有小小辣椒 但平時唔食辣既 都會接受到既！辛埋蔥同蒜食好好味😍😍下次試埋佢個燉湯先好似好吸引！

有一個朋友帶左阿哥去食霸王雞之後阿哥話好味就帶左我地1家去試呢間餐廳都好多人排隊..我地當日排左15至20分鐘就有位我地叫左半隻霸王雞1個滷水拼盤..另外仲有1個小炒王真系非常抵食..3個人只系食咗250幾蚊如果大家系元朗又諗唔到食乜既時候佢系一個非常好既選擇🤣

▬ ▬ ▬蔥油超香。霸王雞菜飯▬ ▬ ▬.元朗實在太多好嘢食，to eat list已經好長，趁著今日入元朗， 第一站元朗朋友已經帶咗我去食呢一間菜飯。。單睇門口，已經知道係一間平民嘅小店，座位排得密密麻麻，唔算坐得舒服，不過朋友帶我嚟，一定係食物質素取勝。餐牌上面選擇都幾多，有冰鮮雞同新鮮雞，最後我哋點左兩個冰鮮雞菜飯。.▪️霸王雞菜飯$54超級多蔥一見到啲蔥排成一座山，已經覺得好期待， 而且蔥油超香。雖然係冰鮮雞， 但係好滑一大碟大概有12件仲有雞翼尖、雞髀肉個菜飯亦都唔會太淡雞下邊仲有啲芽菜入曬味好食啊.朋友點巴辣雞菜飯辣都可以噴火等於譚仔三小辣以上越食越辣食一啖芽菜我要食返三啖飯分量一樣係好多一大碟都有12件左右。後來見到隔離枱加$8 原來會多一杯熱飲同一碗湯，真係唔錯喎，多謝朋友推介，我下次會再返嚟食嘅。餐牌上面仲有另一款係新鮮雞，價錢當然貴啲啦，要80幾蚊一個餐，下次有機會再試啦。