道生麵館

营业中

休息中

今日晏晝去咗北角嘅道生麵館食午餐，呢間麵館雖然唔算好大，但勝在夠地道，充滿街坊風味！餐廳裝修簡單樸實，座位唔算多，但乾淨整潔，坐得幾舒服。我點咗個，牛腩煮得夠淋，入口即化，而且份量十足，湯底清甜得嚟帶少少藥材香，麵條彈牙，吸晒湯汁嘅精華，真係令人食到好滿足！朋友就試咗個，雲吞皮薄餡靚，蝦肉同豬肉嘅比例剛剛好，撈麵嘅豉油香氣撲鼻，麵質爽口，整體水準唔錯。另外，我哋仲試咗個，炸醬鹹香得嚟帶少少甜味，撈勻麵條一齊食，味道好豐富，再加埋青瓜絲，口感更加清爽。唯一美中不足嘅係，餐廳嘅座位比較擠迫，繁忙時間可能要搭枱。

唔會再去！排隊30分鐘後話所有牛腩賣晒，由於等咗咁耐唯有照入去食，但5分鐘後見之後入嚟嘅客人都叫到牛腩，佢哋又神神祕祕咁喺門口同客人落單，有返牛腩又唔出聲，山長水遠排隊去食，迫人食其他嘢，唔老實，態度又差👎🏻

今朝去剪完頭髮10點幾就順便去排下隊去食啦，去到排第一位就肯定有得食傳說中既崩沙腩河粉。排隊排咗1小時，寫話11:30開門，但係差唔多11:45先俾人入去，入到去之後坐多咗5分鐘至10分鐘先至開始寫嘢。落單個姐姐態度極為差，都唔明點解要來受佢氣，一味係咁鬧人，香港飲食業咪就係比呢啲人搞到差晒囉。我哋兩個人叫咗一碗崩沙腩同一碗坑腩河粉，先嚟咗一碗崩沙腩河，完全唔明個崩沙腩點解可以咁多人為咗呢個排隊，一咬落去成口都係油，又韌。我哋食完晒成碗崩沙腩河，另外嗰碗坑腩河粉都未嚟。結果等多咗成10分鐘另外嗰碗先至嚟，坑腩一咬落去仲油過個崩沙腩，個湯底又淡。總結就係為咗呢碗崩沙腩同埋坑腩河粉浪費咗我人生兩個小時。

我和朋友今日十二點半入座(他們每天十一點半開門)已經聽見店家通知隔離枱所有坑腩崩沙腩已經買曬令在座的客人感覺不太好我點了咖哩牛腩飯朋友點了牛腩河再叫了一個靜雙丸牛筋腍及入味牛腩柴雙丸非常爽及彈牙但碗牛腩河等了30分鐘以上上班一族要慎重考慮我倆還目擊他們對客人惡劣的態度我哋隔離嗰個女客由北位轉去南位就畀佢鬧自把自為我出去埋單唔見咗個 $1 coin自言自語問自己蝦！個一蚊去咗邊呢？收錢那女人即刻大聲鬧我關我咩事呀你唔見咗錢係唔係香港市民將香港飲食業嘅服務縱容到呢個地步？

呢間人氣麵店主打清湯腩，每日只賣4碗崩沙腩！我地平日12:30pm黎到崩沙腩已經賣晒🥲❛ 清湯牛腩撈麵 ($68)肉質軟稔亦有嚼勁，肥瘦適中，清湯鮮甜肉味濃，食完冇口渴❛ 清湯牛三寶河 ($70)牛腩 — 清香甘甜嘅濃牛味，肉質坑紋清晰，腍度啱啱好金錢肚 — 爽囗彈牙有嚼口 夠入味牛筋 — 爽滑入味，重骨膠原，煙韌有嚼口 ❛ 香煎牛小排鮮茄濃湯 ($58)喺粉麵店比較新穎嘅菜式，有五塊牛小排牛味濃，油脂豐富，肉質軟稔，熟度啱啱好，搭配濃郁嘅蕃茄湯底同埋彈牙烏冬簡直係一流！❛ 四寶鮮茄濃湯米線 ($58)牛丸香濃牛肉味｜墨魚丸有墨魚肉粒有嚼口｜我叫左走魚片頭轉做魚蛋，魚蛋爽口彈牙整體性價比唔錯嘅麵店，欣賞佢嘅特色牛小排茄湯麵！都想試吓佢嘅馳名崩沙腩，但係我就唔會為咗佢特登咁早排隊😌—ʜᴋᴅ $50-100 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? maybe𝙤𝙫𝙚𝙧𝙖𝙡𝙡: 7.5/10—📍 道生麵館 Infinitas Noodles北角英皇道560號健威坊LG樓L15號舖

第一次食道生，食物質素可以，鋪頭環境一般，但服務員態度極差，嫌棄客人落單麻煩，我12點30分入到舖，知道崩砂腩，坑腩我一定食唔到，但想叫個牛小排烏冬都話冇，仲嫌棄客人麻煩，我只好叫中腩麵，食物可以的的老板用這樣的員工，食物幾好都係趕客。一次就好了。

終於食到傳說中嘅「道生」牛腩；兩點幾鐘去到當然食唔到傳說中一日只有三碗嘅神級崩沙腩，唯有叫普通牛腩河多葱。正所謂慢工出細貨，經過師傅足足20分鐘嘅精心炮製後牛腩河終於擺到面前，之前可能受到坊間大力吹捧，滿心歡喜下有所期望，但食落又冇晒期望。最欣賞湯底清甜有牛味，最後食完連碗湯都飲埋，但飲完感覺有啲口渴，雖然成碗食晒但都仲係覺得唔係好飽😅，諗住再叫多碗不過費事又再等多20分鐘攪到食個麵要食成粒鐘。走時見隔離枱阿嬋𦧲到成枱都係牛腩渣，唔知係佢冇牙力咬定係乜嘢，好明顯呢啲牛腩係唔適合老人家食，埋單$58唔包嘢飲都算係富貴價....😋

道生麵館本身係八寶清湯腩fans 但聽聞呢度既牛腩更出色 一於試試佢先!清湯坑腩米 ($63)11:00am開門 我係平日12:30pm黎到 崩沙腩已經賣曬 聽店員講要一開門黎食先有機會食到 每日得3碗 但係都有坑腩食 (叫左最後一碗!yeah!) 坑腩好腍 好有牛味 中間果層牛脂又香又邪惡 仲帶點咬口 牛骨湯底清甜 個人比較鐘意八寶既藥膳湯底! 但係呢度價錢抵好多!牛小排鮮茄濃湯烏冬 $58牛小排充滿油花 牛味濃 但係咬開時要用d力要咬得開! 番茄湯唔甜 還好! 不過下次有機會都係食番清湯腩好d!

上次嚟食道生，已經係兩個月之前！實在太多人幫襯，要排隊太耐，晏晝未必有時間！今日有事要請假，過開港島，所以決定再嚟試吓！雖然都要排隊，但冇想像中咁多人，排咗隊15分鐘就有得食！不過，所有崩沙同爽腩都賣晒，咁今次就嗌坑腩，叫咗碗坑腩米！一場嚟到，梗係唔可以食咁少嘢啦！就叫咗碗淨半肥瘦牛腩！今次真係膽固醇超標！不過落咗單，足足要等半個鐘先有得食！好彩今日放假啫，如果唔係實遲到！首先嚟咗碗坑腩米，坦白講！得一個正字可以形容！湯底係比較淡，但飲得出冇味精，而且有牛骨嘅味！另外啲坑腩好腍，而且好有牛味，冇多餘嘅其他調味！配埋啲辣椒醬，真係好好食！另外，嗰碗半肥瘦牛腩，都好鬼正！又好重嘅牛味，而且有少少咬口！真係好享受！我今次又有少少改觀，我覺得佢係全香港最好食！大家經過北角記得一定要試！

之前見到有人推介呢一間餐廳嘅蕃茄湯底，今日路過即刻試吓佢！餐廳面積唔大，所以好多時都要搭枱，而職員態度都唔係太友善🤭午餐時段目測大部份人都係OL~ 佢哋全部都識清湯牛腩，唔知係咪好食呢~雞扒烏冬，食得出係啱啱煎嘅雞扒，仲有少少脆皮，如果可以嘅話我想叫佢雞扒另上😝蕃茄湯底係蕃茄薯仔湯嘅味道👅味道唔假，淡淡蕃茄味呢一個牛小排煎到粉紅色，但相對嚟講就有啲un喇，唔太推介，相信叫招牌牛腩嗰啲會更好🤭

今日去到北角朋友介紹咗去呢間舖頭食嘢我就揀咗清湯牛三寶河食牛腩嘅肥瘦比例不錯，食物不會痴牙牛筋夠腍，冇硬梆梆嘅感覺牛肚就正正常常冇特別佢湯底清甜好味係用牛骨湯嚟整嘅整體感覺幾好

牛魔王糧尾恩物‼️香港出街食飯五六十蚊走唔甩，依家仲食到牛小排！！！北角依間小麵館主打清湯腩同新鮮蕃茄湯，貨真價實，CP值爆哂登！心郁想食牛嗰陣會再黎！—— 牛小排鮮茄濃湯烏冬 $58本身抱住懷疑嘅心態叫﹐點知啲牛小排真係掂喎！！！夠晒油花，入口好嫩，一咬肉汁油脂齊哂，一碗五塊已經好夠食，呢個份量啱啱好唔會食到膩。以後想食牛小排，除咗燒肉店，呢度真係平靚正首選！—— 雞髀扒鮮茄濃湯米線 $58即叫即煎好有誠意！大約要等10分鐘，雞扒又厚又大嚿，淨係食雞都好飽😂份量超足！雞髀肉特別滑，外皮煎得好香。蕃茄湯清清哋唔係超濃湯嗰種，食得舒服，有屋企煲蕃茄湯嘅感覺🍅—— 油菜 $20🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️ 📍 道生麵館 (北角)北角英皇道560號健威坊LG樓L15號舖🔎分類搜尋：#FTHK_港式 #FTHK_北角

服務整度極差，出產極度慢，做個牛腩面好似去酒樓食小菜咁，都唔知佢地點生存。第一次嚟，叫個坑腩河，追左四次單，到最後發蘭渣至有，足足等左等左45分鐘。諗住係個別事件啦，今日再去過，排第一個，叫個崩沙腩面，因為提早發蘭渣，等左20分鐘碗面至到，碗面嚟到已經差不多變左面漿。整體崩沙腩亦不外如是，決定唔會再去第三次。

黎到北角捐窿捐罅搵嘢食 俾我搵到呢一間細細間嘅麵舖 原來暗藏美食 一望個餐牌就俾蕃茄湯吸引住 牛小排蕃茄烏冬都只係夠$58一碗 如果想轉稻庭烏冬就要加$10 另外仲有燒雞髀扒烏冬都係$58咋！ 蕃茄湯底冇味精 飲晒成碗都冇罪惡感 如果個湯底可以落返少少豉油或者鹽調一調味會更加正！不過而家呢個價錢絕對冇得頂 晚巿嚟講仲可以六十零蚊食到一碗麵都算係唔錯 如果想飲嘢都只係加$6就可以配到餐飲

我自己好鍾意食牛腩麵，所以一知道某網紅推介呢間，我即刻搵機會嚟試吓。據講呢度嘅崩沙腩同坑腩都非常正，所以心諗兩樣都好啱我食。當日12點鬆啲去到，門口已經排咗一條長龍。不過我預咗一定要食，所以都唔介意排隊。派咗七八個字，就輪到我哋。由於係小店，所以都知道一定較為逼夾，需要搭枱亦都好合理。我哋兩個人分別叫咗坑腩河同片頭河，但佢話坑腩同崩沙腩都賣晒，所以只有普通腩。所謂嘅普通腩就係比較瘦嘅部份，雖然我覺得如果牛腩比較瘦就係有啲伏，但係既然嚟到都試吓啦。食物送上嚟覺得賣相仲勉強可以，牛腩黐到少少肥膏，食落口唔算太乾柴，但係亦冇10分精彩嘅味道。而最令我失望嘅係佢嘅河粉，質地比較爽硬，一啲都唔滑，而且個湯冇味，所以食落就係淡淡咁。我反而覺得個片頭河啲片頭仲比較OK。結果就係食晒啲牛腩同片頭之後，就算數。好可惜今次食唔到坑腩或崩沙腩，所以未能作準。。