道頓堀御好燒專門店 (新城市廣場) (已結業)

星期六悶悶地成個晏晝係屋企，老公提議夜晚出沙田行下~出到去6點幾剛好肚餓就去新城市搵野食醫肚先啦!上到最高果層都幾多餐廳，見到一間寧舍多人排隊~裝下原來係食DIY大阪燒既餐廳~見到幾得意於是又排下啦~拎左飛兜左一陣商場大概等多10分鐘就有位~第一次唔知咩好食就簡簡單單揀左個2人餐~有齊沙律、2個御好燒、燒帶子、燒牛肉、甜品同野飲~懶人推介唔駛諗~好快沙律黎先~有點失望，個人覺得caesar salad既精髓在於上面既炸麵包粒，但呢碟沙律好多水，浸到d麵包粒淋哂~好失望!!之後廣島燒同道頓堀雜錦御好燒上檯，要自己落粉漿，落蛋落炒麵落配料~係個鐵板上面炒呀煎呀反呀~~製成品好衰但過程好爆笑好好玩~味道亦好好~用DIY呢個做賣點確係唔錯!之後係鐵板燒埋牛油帶子、燒牛肉，牛油帶子感覺新鮮但味道未見突出，燒牛肉則醃得好香，燒起上黎熱騰騰好滋味!最後上埋甜品~係兩客雪糕。我地揀左柚子味同抹茶味~柚子味清新唔過甜，食完油膩野來一客柚子雪糕感覺好refresh~至於抹茶味同樣出色，抹茶味濃面不過苦，有回甘，相比之下我更愛抹茶味!埋單連加一4百幾，但以好玩度同味道及整體環境而言都物有所值既!不過要注意一

成班人諗住有得玩有得食就擇左食佢啦！！！o(≧v≦)o 四個人叫左個四人套餐，再加和牛~\(≧▽≦)/~掛住傾計都冇理到啲嘢食，係咁。。。就燒壞哂(ノ_＜)但係個店員好好幫我地救翻佢，咁又可以食啦(≧▽≦)

週末沙田新城市每一間餐廳都勁多人排隊，見到呢一間寫住道頓堀就好有興趣想試吓，結果排咗45分鐘隊終於入得去🤦🏻‍♀️呢間主打係大阪燒，仲要係客人自己燒！喺每一張枱上面都有一個大阪燒嘅製造教學方法，但係你唔會知道啲麵粉蛋漿幾時落，燒到去咩程度先至反轉等等。我哋好多次想問侍應究竟下一步應該點樣做、啲嘢幾時先至落，但係嗌極都冇人理我哋，啲侍應自己喺度傾計，終於等到一個侍應過嚟啦，佢幫我地整左一下之後又走咗！結果雖然冇人幫嘅情況下都整得算成功，應該係話點都會成功因為只要啲嘢燒到熟，中間不斷係咁落佢啲醬: 甜醬 燒汁 蛋黃醬 沙律醬 木魚 孜然粉等等，就一定可以做到大阪燒嘅味道，但係呢一堆麵粉同埋醬我覺得唔值得要比四百幾蚊囉⋯⋯另外叫咗個所謂嘅”和牛”, 細細碟serve過嚟嘅時候居然落咗胡椒粉！邊有和牛落定調味俾客人燒架，仲要係胡椒粉好似想辟佢d味咁，應該係要食佢嘅原汁原味㗎嘛！咁就成$200，燒完出嚟完全同食緊普通牛肉冇分別，非常失望！

之前紅極一時排兩個鐘都排唔到既道頓堀原來開左咁多分店，就等小編放工後同另一半試下先小編同另一半大約七點到，坐滿左八成人，唔洗等位，係門口已經聞到幾香同另一半懶得諗，直接叫2人餐，揀左道頓堀雜錦、上級牛肋肉帶子道頓堀雜錦御好燒(另一半負責)製作中... 上級牛肋肉，總共有5塊廣島燒完成~!佢地會將材料分好曬，所以我地其實負責燒好佢地就得，只要唔係地獄廚神既話就會整得好食。有時收工覺得普通食飯食到悶但又得好短時間既話，黎道頓堀食自己燒既御好燒都幾好玩~ 不過職員既態度有待改善 想問清楚餐牌特飲桃味同白桃味有咩分別，佢無奈笑左聲話都係桃味佢都唔知 (小編即刻黑人問號左)點可以咁答客嫁... 

嚟到沙田新城市見得最多就係喼🧰，想搵間可以坐耐啲嘅餐廳真係有啲難度，但今晚經過呢間道頓堀見冇咩人，之前新開張時已經想試，但礙於人多就未食過，今晚就決定試下啦！入場前店員已經講明用餐時間得90分鐘⏱，第一次嚟嘅我梗係咩都想試下，最後揀咗五花肉🥓、芝士🧀四重奏御好燒、明太子年糕芝士🧀文字燒同夏威夷風朱古力班戟🥞。五花肉🥓：唔算太肥，雖然畀咗兩小塊嘅牛油，但五花肉🥓本身都會出油，所以就冇再特別加，個鐵板溫度好夠，一放就差唔多熟晒，五花肉食落好軟身好香口，但附上嘅汁比較咸，反而有啲畫蛇添足🐍嘅感覺。芝士🧀四重奏御好燒：睇住啲材料時我真係無從入手，呢個時候對店員👩🏻‍🦰投上一個求救👀眼神，佢地都好習慣咁嚟幫手燒，店員用純熟利落嘅手法快速將所有材料攪拌均勻，然後就正式放係鐵板燒，兩面首先各燒5分鐘，然後再翻返第一面再燒多5分鐘，最後加埋醬汁就終於可以食喇！外皮燒得好脆身，但燒汁蓋過咗芝士🧀味，加埋年仲糕食落口時有好口感，食咗一個已經有啲飽喇！明太子年糕芝士🧀文字燒：吸取咗大阪燒要燒15分鐘先食得嘅經驗，今次我地啱啱燒完大阪燒就即請員店繼續燒，店員將所有材料混合後就倒落鐵板，但今次倒淨啲蛋🥚汁，原來

買咗票睇戲，為免一陣食飯時間超多人又有排等，我係睇戲期間用THE GULU禁定餐票搖距等位。今晚揀咗道頓堀御好燒專門店試下，其實本身都唔係好知道食麥，入到嚟至知主要係自己動手燒大阪燒食。有得散叫同套餐，都唔知揀咩，費事煩就點了套餐試下啦。套餐前菜有凱撒沙津，味道都OK之後就嚟一碟碟唔知點處置好嘅食物原來D職員都唔會幫你或者介紹下....要自己睇MENU學整....Round 1由於冇人介紹下，我地都好狼狽，亂整一通咁(多得隔離枱指點一下，哈哈)先落D油，之後落晒D肉同菜抄香後，分別加蛋同麵 (好唔小心我地仲把其中一隻蛋掉了落坑)一番努力，加返D醬料，望落製成品都見得下人嘅Round 2，簡單燒下肉食，D肉唔係得別好食，係好普通嘅牛。仲有牛油帶子煎下，都OK嘅Round 3就係將呢碗野，撈埋然後煎(相比起原來比頭先Round 1簡單好多)每邊煎5-8分鐘左右，最後加起醬料，其實食落同Round 1個款大味道分別不大不過都幾好玩，不過我覺得試過一次就夠喇最後有兩杯飲品同雪糕....兩個人食真係好飽好漏埋單HKD$426.8，每人HKD$213.4

被門面道具食物款麵餅吸引了，於是入去!原來係自己煮鐵板燒，有啲興，從來只有見師傅用2個鑊剷仔燒，終於可以扮吓師傅啦由於怕失敗，先叫帶子同牛肋肉試吓手勢。食材都新鮮，由於帶子不會出油，所以附上牛油(我估係)，仲有伴菜。牛肋肉有預先加上醬汁及葱花。技術還可以，加碼試煮肉類雜錦炒麵，豬及牛都切得薄薄，雞就切得相對夠厚，麵分量足夠，仲有伴菜同有壼油，今次料比較前2道菜多，難於掌握，都不過不失。仲有道蒸蔬菜，賣相夠多色(有''紅"蕃茄，"橙紅"蘿白，"淺黃"粟米仔，"黃"南瓜，"淺綠"椰菜，"綠"西蘭花，"啡"菇)，蒸15分鐘就食得! 每枱仲有香草，木魚絲，醬油，沙律醬比客人調味服務都好快回應!抽油煙如果拉近啲煮食位置可能好啲!

終於都試到呢間餐廳！每次去都好多人，而且無得book位！今次我地有8個人去食，佢要到齊先俾入！原來係有原因。。因為成餐飯都要自己燒！但好好玩！好得意！無論多人定少人，呢度都好正！一個好機會一齊傾計！全部野食賣相完全同餐牌入面既相片一樣❤️而且所有醬料都好齊備！紫菜碎、木魚碎、燒餅汁、沙律醬！好地道！御好燒、芝士燒飯團、芝士薯仔飯團、炒麵、燒肉全部都好好味！不過成餐飯都要自己煮，可能煮既一位有點攰，但大家都覺得玩得好開心！而且設備好好，唔易燒燶！反而野菜蒸就麻麻，好難熟！蒸左成餐飯最後先可以食，但椰菜都好甜！另一唔太好食係芝士牛筋燒，都麻麻地！呢間餐廳真係超多款式！好多野食好多野飲！酒類都好多款！紫蘇梅酒都好好飲！果味燒酌/果味梅酒/果味梳打既酒都好味！好有層次感！琴日食完今日想再食🤩😋不過如果多人去，要考慮一下，因為食完都好似唔飽，都食左$13xx!同埋多人去食會好混亂🤪🤣🤣但好開心！就算帶埋幾歲既小朋友一齊食都無問題！笑聲吵鬧咁度過！可以去試試！

見開左咁耐都未試過 以為熱潮過左會少d人 點知星期六晚 用新城市手機app拎飛都要等接近一個鐘！店入面好熱鬧 好多一家大細同小朋友一齊食 店員都做到無停手 抵讚既係店員態度好好 好細心睇住幾時食完會幫手收碗叫左$388二人餐 真係好多野食😂😂係除左最尾個甜品之後 成個過程都好忙 全部自己整 係咁計時 睇住有無lon會比左張說明書 教你各種燒餅每個step點整 要等幾多分鐘結論係樣樣野食都唔錯 但幾乎全部都係同一個汁 一樣味係幾好玩 幾新奇 不過要有心理準備會成身都係煙味

沙田新城市道頓堀御好燒☺️係御好燒-okonomiyaki （$98)話說朋友約咗我係你度行街😌但佢臨時要返公司拎啲嘢😭😭所以就得返我自己一個食午餐🙈我唯有搵間餐廳自娛一下啦😉🍽可以自己整大阪燒嘅感覺好正😊好似自己去咗日本🇯🇵咁而且價錢唔貴🏮仲可以俾你影好多靚相❤️味道都唔錯沙律醬任志仲可以自己整一邊嘅餡料有蝦芝士蔥等等好好味！如果想濃啲我就有押一押佢haha☺️又玩得又食🥞但價錢仲要唔貴好味

適逢生日 細佬book左呢間野同我慶祝都等左九個字先有得入去入到去見到個個都自己煮一於睇下有幾好食幾好玩香蔥牛筋炒麵 $88唔知係咪自己整嘅關係 寧捨覺得好食但個啲牛筋遇熱就會溶 所以有啲難搞個個麵嘅麵質係幾好食豬五花 $48都幾肥 好薄所以好快熟牛舌 $65得唔係好多塊 切厚少少 有啲咬口會好好多廣島燒 $98都幾好味 但要整好耐 又要逐個步驟跟 錯左一個步驟 就變左另一回事總括而言 試一次係幾開心 但如果你係想同朋友坐低傾下計就咪搞喇 因為要整黎整去 整嘅時間多過食 同埋佢係限時 好彩我地係食尾場 如果唔係一定會超時

喺幾個月之前曾經幫襯過朗豪坊分店，當時已經覺得好有趣，因為可以自己整御好燒同炒麵等食品，尋晚趁睇戲之前就去咗沙田新城市廣場分店試下，大約6點半去到未算好多人，安排我地坐晌卡位，坐座都幾寬敞，枱前面有個鐵板，上面有一條吸走油煙的管可以自行拉上拉落，店員同我地講入座計限時90分鐘，每人最低消費100蚊。餐牌真係花多眼亂，就算我係食過一次都要深入研究下，兼且要自己整緊係要睇清睇楚，難免有啲緊張，我地2個女仔食唔到好多諗住都係散叫，如果人多或者真係諗唔掂，佢都有套餐比大家選擇，最後我地叫左肉類雜錦炒麵同埋海鮮5品御好燒，仲叫左2杯飲品，柚子梳打同埋紫蘇梅酒梳打。食物好快就送到，全部都係要自己用鐵板煮熟先可以食，餐廳會有張有齊各食物做法的餐牌比大家睇住整，有晒各個步驟唔會整錯，再唔識可以scan qr code 添，真係好似美女廚房咁好玩。我啲成品大家可以睇下相，自己整一定係10分架，所以依間餐廳真係做得好成功，佢吸引到好多年青人同一家大細一齊黎又玩又食，不過都有一個缺點，就係抽氣不足，食完成身會一陣味，所以有得有失自己衡量下啦。時間好快就過啦，剛剛食完就夠90分鐘，佢仲有甜品燒餅比大家自己整，

同友人去開沙田新城市行街，八點幾見餓餓地就上左去拎位，星期日晚上當然要等位！見要等十幾張，就再同周圍行下街先等左個零鐘頭終於有位！地方都幾闊落，雖然每個位置都有抽酒煙機，但都要預左食完行返出去實有d味！我地坐低就叫左個二人餐，首先有沙律同燒煙肉，不過不失。然後主菜黎啦，有大阪燒，好食又好玩次次一反大家就會好緊張，好好笑！用料其實係一般，但醬汁值得一賺！香港黎講都算係幾正宗既味道。然後仲有個炒麵燒同埋燒牛肉！炒麵難度高好多，大家玩既時候要小心佢成盤散哂總括黎講食材簡單真係唔算平，但勝在坐得舒服玩得開心！都會推介情侶兩個人黎拍拖玩下煮飯仔

職員訓練非常唔夠，唔夠細心， 對okonomiya 唔係太熟悉, 就連mojanyaki係乜嘢都唔知(包括侍應), 因為當我追加的時候 我沒有講文字燒,而講mojanyaki, 他好似一頭霧水咁 而客人方便， 見有幾枱都好迷惑唔知點煮，雖然有曬餐單教學同埋QR code 上網睇點做， 但侍應應該都要多加留心客人情況，因為我隔離嗰張枱都煮到失敗， 侍應先行埋嚟幫手，嗰陣時已經太遲要剷起再嚟過。 而我嗰枱甜品亦都係桌面溫度唔夠， 侍應又係搞唔掂又係要剷起，再出過碟新的 。成間舖頭裝修都好骨子但係最大問題就係抽氣非常差， 食完出嚟成身油煙味。雖然入座時，已經講咗98分鐘限食時間， 但廚房唔洗煮的東西，都要等咗好耐15分鐘以上，我要吹咗一次先至到。甜品仲等緊煮， 就畀單我， 最搞笑我冇理佢張單放埋一邊食咗先算， 因為點都要食完先至走得， 男侍應竟然走埋嚟打番開擺喺我阿媽側邊， 要老人家找數，有趣!甜品粉漿，應該係整定放雪櫃，雪到冇曬水分 傑撻撻， 到好似砵仔糕咁黐住個匙羹，已經唔使煮，調較方便真係要落啲功夫花啲心機， 真係唔好咁hea。而食品方便， 椰菜料唔夠， 正式嚟講煮完後應該係洒上片裝木

🇯🇵又食又玩自製御好燒叫咗2人餐 晚市同男朋友去食❤️ $388前菜:煙肉凱薩沙律🥗 - 多醬 煙肉要自己煎廣島燒1個: +$20有海鮮配料 蝦🦐魷魚等 要炒麵 要煎蛋 仲有大量椰菜😂御好燒: 揀咗肉類雜錦 有豬牛雞肉 食肉獸至like😂鐵板燒: 揀咗上級牛肋肉 醃醬好入味 牛肉夠油份香口 另外仲有牛油帶子比較一般甜品: 單球雪糕 柚子 綠茶🍵套餐包2杯飲品另外我地叫多咗個芝士薯仔年糕 岀奇地無伏🤣-超好玩體驗 自己整御好燒 成功反到舊嘢個陣我真心尖叫左岀黎😂幾驚佢散成班朋友食可以再熱鬧啲😂大家一齊大廚上身吱醬個陣 以為自己chef lemon上身😎樓面收舖洗鐵板