適式吧

营业中

休息中

工友食評食完咖哩想找個地方飲野，在旺角要搵間野飲很難，見呢間OPENRICE有介紹就試下﹗地點在酒店，去到門口感覺騎騎呢呢，又舊又奇怪，本來都唔多敢入去，膽粗粗一試入到去有點回到八十年代一樣，0的待應著哂0的牛仔衫褲，好似去左睇鬼馬相星咁，搞笑非常﹗我估呢個係佢地既主題吧﹗飲品方面所有大路野都有，我就要了杯白酒，買一送一，由於唔多識飲既關係，在我心中白酒最緊要夠凍，夠凍的味道就算很酸很澀也沒有問題，可喜的是這兒的味道入口較甜，好岩女仔喝，價錢公道﹗其實老實講服務是不錯的，待應們都有禮及主動，坐得亦舒服，也許無咩人知吧，我由七點半坐到十點都係無人的﹗在旺角想靜靜地傾下計飲下酒，呢度很不錯﹗

尋晚同C小姐飲野, 因為我考試要9點幾先開始, 所以我就suggest去lee度, 好過去諾士佛台同人迫, 又嘈. 貪依度夠清靜, 又有音樂聽, 有fashion show睇, 仲有d人唔雜, 多數係鬼佬遊客.happy hour去到9點 - buy one get one free, C小姐9:10pm先行到達, 佢地個captain好好, 仲offer我地有happy hour, 於是on the way的我, 收到C小姐電話, 即刻order定Draught 生力同long island (要diet coke).之後我地叫左炸魚薯條+凱撒沙律, 講真, 食物質素一般啦.但service搭夠, d 酒又溝得好飲 ... 唔錯 見佢咁好人, 幫佢買左幾隻糉 ... 人地要交quota , 無所謂坐到佢地打烊, 1點鐘lu .... 要返屋企total: $366

見咁多食家都讚，一心以為呢度應該ok，而且自己事前也上過她的website，看到有個stella draught beer o既套餐，來到始知已沒有供應，隨手翻翻餐牌看看有甚麼飲，生啤只得一款，就係生力啤，呢次真係「局飲」，本來想order 小食，但方圓有人坐的枱都沒有人叫嘢食，只飲，故也不願冒險，匆匆灌下兩杯啤酒即閃。

酒…都係以前飲開個D所以唔評, 反而食物今次又搞下新意試下D新野…炸雲吞- 雲吞外層炸得好香脆, 咬開內裡全是蝦肉, 大大隻仲好爽口炸魚柳拼炸薯條- 魚柳有兩大塊, 炸漿唔算太厚, 魚肉幾厚身, 就算炸完D肉仲好嫩滑牛柳串- 牛柳粒燒得過熟, 肉質有D韌, 我就麻麻地, 但同行朋友就幾欣賞

上次朋友就我去CWB, 今次就到我去番佢屋企附近既維景飲番杯上星期去有幾款小食任拎, 試左春卷幾脆口, 而煙三文魚牛角飽既餡三文魚有D腥, 不過唔駛錢又唔要求得咁多今次除左飲酒外仲係到食埋晚飯, 焗豬扒飯唔太多汁, 但焗出來又唔會太乾. 個雞翼加左麵包糠再拎去炸, 炸得好香口同本身醃得好入味

酒吧唔算大, 酒客中佔左9成都係老外. 朋友M差唔多個個禮拜都來呢處, 所以佢同D侍應都好熟, 上次要佢地比隻嘉仕伯做推廣個隻吹氣船我, 佢地真係推廣完後記得比隻我, 服務加分啦!除左飲白, 紅酒外, 今次就試下佢既J.D. COKE, 可樂就原支自己倒落個杯到, J.D.份量唔少, 整到酒味濃, 我鍾意!問侍應拎左個大MENU, 唔止得小食, 飯, 意粉, 扒, 湯等都有得叫, 叫了個海南雞飯同炸雞槌, 海南雞飯就好普通, 反而個雞槌就幾唔錯, 炸得幾香口, 送酒一流.

同朋友照舊係呢度HHHouse White Wine($48x3) - Happy Hour時段買一送一, 今次隻酒轉左另一款, 入口太甜, 麻麻地House Red Wine($48) - 易入口, 單寧味不重三文魚北寄貝($48) - 三文魚(5塊)北寄貝(4塊)份量唔多, 但入口尚算新鮮泰式豬頸肉($48) - 燒得有點乾, 醬汁酸酸地, 幾醒胃既一款小吃

幫朋友整完電腦就係附近HH, 今晚好爆(16/11/2006), 成場坐滿晒老外, 好彩仲有張檯House Wine($48) - HH買一送一, 算大杯, 幾抵, 同埋杯酒好易入口飲酒緊係要叫D野來送酒, 雞軟骨有6串, 點日式燒汁, 味幾濃

昨晚打完邊爐朋友仔話未夠喉所以來左呢度飲多杯, 好耐無見既靚女侍應生竟然係到, 我朋友見到不知幾開心原本只係諗住飲一兩杯, 但飲飲下竟然總共飲左8杯白酒, 而佢既白酒都幾易入口, 同埋都幾大杯下, 如果係HAPPY HOUR時段就真係抵到爆

朋友好喜歡在此happy hour, $48一杯happy hour 到9點賣一送一, 都算抵飲, 而小食$40-$60, 份量又好大碟, 不計地方唔就腳, 這間絕對是happy hour好去處.