邊澗鐵板燒日本料理 (已結業)

疫情下返工，食午飯嘅地方我比較揀擇，要感覺地方整潔，有得訂座，枱與枱之間有相當距離，食物當然要有質素啦，今日突然想起好耐無幫襯呢間餐廳，咁就決定再去試下，今日叫咗雜錦魚生飯配烏冬，食物質素仍然保持中上水準，個烏冬嘅湯好鮮甜，烏冬彈牙，不過食物份量好細，女士啱啱好，大胃王，我估要食兩份先夠嘞。小插曲係我同事叫咗三色飯，等了又等，我食完哂同事個飯都未黎，足足等左45分鐘，我見其他枱啲食物上菜速度比較慢，最少要等30分鐘，如果趕時間千祈唔好黎😅呢間食肆嘅上菜速度係令我卻步的😜

大約一年冇黎幫襯，往時吃烏冬set,今日食三色丼就出事。好彩點完菜好快就上沙律同蒸蛋，兩樣都好味。同事叫雜錦魚生飯定食個飯都好快上，但個烏冬話要後補，當同事食完魚生飯，叧一個同事個鰻魚飯都上。但我個三色丼終於要三十分鐘先有，正想影相，店員發現俾錯咗，攞左去換。等多五分鐘先有。碎吞拿魚丼可以，天婦羅蝦唔得，和牛丼算最好味。甜品係蕨餅，都可以。係缺人手情況下，服務算唔錯。

佢喺灣仔比較多酒吧個條街入邊 如果唔係我朋友同我講我都唔知呢度有間鐵板燒😂😂佢lunch time都有d鐵板燒既set既 但係我今次就叫左佢啲定食😎而且你幫襯完 佢會有個85折coupon俾你下次用 都唔錯keke·自選三色便當定食 $168因為我依家唔食得豉油 又唔食得牛 所以我嘅選擇就少咗好多🙊🙊我揀左個蔥吞拿魚非常之唔錯 個吞拿魚好新鮮 唔會因為係吞拿魚蓉就hea你😈另外我叫咗個炸雞 個炸雞都幾好味 調味剛剛好又唔會太熱氣 美中不足係我嗌左個海膽魷魚 佢個魷魚好好食 好彈牙 好新鮮 但係個海膽好腥🙊不過海膽呢樣生物本身就比較容易會中伏🙊🙊·#rbyeat#rby小黃店#rby灣仔·📍灣仔駱克道89號灣仔中匯大廈1樓

今日同事介紹去呢間餐廳，每朝返工都途經未入過去食，即管試下。入到去有一列bar枱對住廚師嗰種格式 再行入去正常位，空間都足夠唔會太迫，坐左一陣同同事傾傾下，突然同事大叫話枱面有強強，嚇到我即刻想尖叫，身平最怕強哥既我，為左唔想係公眾場所失禮，死忍住驚恐既樣子。即刻叫工作人員清理，佢地都好快手ko左強哥，同即刻轉左枱比我地。食物份量都足夠，但未算好突出，一個餐大概由$108至268都有, 有沙律，日式蒸蛋，主菜，甜品，唯獨係無餐飲跟。

我同幾個朋友系hokobuy 買左coupon 去用，一去到見到我地用coupon 已經好差態度，後尾話要print coupon 先用得，咁問佢我地無print, show 個bar code 比佢睇得唔得，佢一句話無coupon 你自己諗辦法。我朋友訂位既時候問佢係咪show 比佢睇就得，佢又話係，結果佢話我地無講清楚係用電話app, 姐係打橫黎講，仲話你鐘意可以走，唔係迫你系度食。後尾我個朋友話唔好搞到咁姜，將張coupon send 去佢email 比佢print 出黎先搞掂 但食到一肚火，以後都唔會再去。

又再食歡迎飯~同事推薦呢間鐵板燒~大部分女仔都鐘意食日本野~既然唔知新同事鐘意食咩菜，選日本菜應該會穩陣D~😂除左鐵板燒~佢仲有其他定食同魚生飯~但係一場黎到點會唔係食鐵板燒呢~~~呢到係分左唔同選擇，唔同價錢~睇落好似樣樣都好食~有選擇困難的我地~真係頭都大哂~~😂柚子汁沙律同凍既麻醬拌雞肉~個沙律正常喇~係柚子汁酸左少少~個雞肉有少少"鞋"~蒸蛋~聞落同食落都好重蛋味~仲好滑tim ~我叫左三文魚同薄燒牛肉~三文魚好食~唔會好乾~入面仲有D魚油~仲將個魚皮煎脆左~食落卜卜脆好似食緊薯片咁~正~個牛肉入面包左好多蔥，我就覺得食果陣如果再加D鹽就更好食喇~同事叫左~鵝肝同豚肉~鵝肝好厚~好香~個面有少少脆~好食~豚肉包左洋蔥~食果陣除左食到豚肉味~仲有爽口的感覺~另一同事叫左薄燒牛肉同魷魚~魷魚用汁炒~好夠味~鐵板燒重點之一就係佢個炒飯，炒飯好香~粒粒分明，唔會炒到好乾~甜品係牛奶布丁~奶味唔算好重~反而重雲尼拿味~布丁都好滑，好厚身~個人覺得如果佢有個焦糖係面會更加好食~😂😂

飲完酒,心血來潮同朋友係車諗緊食咩果陣經過,打黎book完位就行左過黎一年前黎過寫過一篇讚既食評(上年8月),今日再黎,有啲食物水準高左喎!如:鵝肝多士。點左炸軟殼蟹、鐵板牛柳粒、鵝肝多士、白飯、雜錦天婦羅拼盤、加拿大海膽、巨鋒梳打、凍seke。炸軟殼蟹- 鬆脆唔油鐵板牛柳粒,牛柳粒揀左7成熟-蒜片香脆,夾牛柳粒黎食好惹味美女師傅,哈哈,希望唔好介意我影。因為我覺得佢炒野炒得好勁...又排得靚靚上碟。珍珠米..硬左少少。鵝肝多士...超級好食(推介)...其實呢到既所有野都唔會成口油,煎得香脆。經理話送兩件紅酒醃梨比我地試下,幾爽甜但唔會有濃既酒味,中和下鵝肝油香,this is something new this time.雜錦天婦羅,唔油,蝦同鮮菇最好食。鮮菇厚肉炸粉薄薄的,好岩飲seke。加拿大海膽。我怕腥但呢個好鮮甜朋友最鍾意既海膽,佢不停讚巨峰提子梳打整體service都仲係好好。態度友善,臨走賣單店員仲問我地食唔食雪糕但真係太飽冇食。慢慢坐傾計又美食又酒...唔會有人趕收工咁令客人唔自在。我同朋友走果陣仲好開心講緊下次叫邊個邊個朋友黎食飯傾計。p.s.唔知係咪門口難搵,要

Book左7:45,一入門口要讚service。2個人怕未返屋企住啲衫會大陣味所以要求坐卡位。經理同員工即刻執好6-7人卡位比我地坐👍野食方面, 叫左個鵝肝安格斯鐵板餐(有前菜,沙律,炒飯,牛柳粒,鵝肝多士,三文魚扒湯,甜品)。另外散叫左炸軟殼蟹,炸雞軟骨,鵝肝太好食encore多兩件,三文魚刺身。😛講下啲好好食既: (好味既影左啲相)第一,鵝肝。煎得香脆油份岩岩好落左啲海鹽係面。旁邊啲醬汁濃好夾。一件唔夠。第二,牛柳粒一上枱覺得好有heart,旁邊有炸蒜頭片,牛柳粒軟滑林唔會過熟。第三,炸軟殼蟹好多膏。炸得乾爽。第四,三文魚刺身好新鮮。仲有個土佐豆腐又係超正,出面炸到鬆脆入面有豆腐花既香味好軟滑。最尾個牛奶奶凍好香牛奶味又結實整體真係食得過。不過可能因為地點問題門面又唔起眼,客比較少,都係得3,4堆人同間vip房既客。可以靜靜傾計。值得一提,drink list多元化有紅酒,白酒,香檳,seke唔似出面只賣seke汽水果啲👍朋友一向嘴刁但都讚呢餐飯😂

週五午飯時間飯友提議食日本菜，因遲了點出門口，飯堂藏人應該無位了，改道前往附近的邊澗。邊澗雖未至於是飯堂，但久不久也會前往用膳。店內地方都算整潔，除那張鐡板燒枱外，和風味不算重。午餐價錢方面，人均消費百餘元至二百餘元左右，不算便宜。是日點了一份鐵板燒定食，前菜是一小碟麻醬豆角，豆角微脆帶甜，㚒上麻醬香口。田園沙律用料賣相匀和預期差不多，無乜特別。蒸蛋蛋香中規中矩，質感比預期實身，以致滑度食感不明顯。麵豉湯口味清淡，湯中留有小蜆一只為湯品添上一份甜感。 主菜鐵板燒雙拼，法國鵝肝賣相窄長飽滿，輕咬一口，外層帶微微脆感，肝心油花豐富，肝香十足，口感軟滑，味道不俗。下方多士盡滿油香，亦特別可口。美中不足的是多士本身不夠脆，有點可惜。 鵝肝是味重之物，以菜式伴上的沙律菜輕輕洗滌味蕾重裝上路最好不過。另一鐵板燒是安格斯牛肉薄燒，牛肉送上時已全熟，肉汁稍缺。肉質鬆軟度及肉香只算普通。薄燒㚒上香葱蒜片，香口度無問題，但因蒜片閒置了一會，口感帶硬，間接影響了整件薄燒的食感評分。 連餐有炒飯一碗，配料都是一般的葱花、火腿、紅蘿蔔粒等等，炒飯飯粒富口感，但調味重手了少許，略鹹。 甜品是奶凍，奶香清淡，OK喇

出名燒物的邊澗也有拉麵門前一大碗仿製品作為介紹。走入小店, 見到不少老外, 不論堂食或買走很多都叫拉麵, 小人放胆一試。其實多人叫外賣的原因簡單, 只因店子太小了, 座位只有六個: 一張四人枱及兩個對著墙的門口位, 小人坐的正正就是門口位, 感覺是邊吃麵邊吃塵, 建議店方在門口起碼加些阻隔如門簾等, 衛生應該較佳。此店提供唯一的岩湯豚角拉麵$78, 可選辣或不辣。拉麵趁新鮮, 小人決定即場幹掉。豚骨湯底算不上濃郁, 辣味温和, 味道較為淡口。麵條屬軟身, 小人還是喜愛硬一點的。豚角、海苔、木耳、溏心蛋及粟米, 份量是可以的。質數方面, 蛋黃過熟, 變成實心蛋; 幸豚角肉質柔軟入口即化, 食味甘甜。整碗湯、麵和餸都因為欠了些咸味, 吃後有點膩滯。一碗不會太差亦欠驚喜的湯拉麵, 就是平平穩穩。

一連試了尖沙咀、銅鑼灣兩區的鐵板燒，今日去灣仔“邊澗”。去到差不多兩點鐘，只有我一人。鐵板燒商務定食可自己配搭，我要了大蝦、安格斯牛肉薄燒作主食。選用麥茶奉客以清熱解毒，心裡加了分。前菜苟蒻以烏冬木魚湯汁醃漬、蒸蛋富蛋味質感無過散或實、沙律醬汁是清新柚子醬汁，全部高水準。師傅將虎蝦煮得剛熟中間微生，又鮮又爽又彈，好好味！牛肉我要了生點，嫩滑有牛味，師傅建議將餘下兩件煮熟點，讓我可吃到燒肉香，好貼心。炒飯只快炒，蛋有點半熟的，非傳統做法但我很喜歡。湯的蝦鮮味與麵豉鹹香平衡，很好。雖沒有炒菜但我已飽了。最後的奶凍又香又滑，有啲馬利餅碎做底好似tiramisu咁，為是餐飯作完美總結。原來師傅曾於“花盃”等鐵板燒名店做了十多年時間，後來上大陸發展，今次是客串性質，純粹捱義氣只因“邊澗”近來缺人手，但手勢了得無容置疑。師傅只待至月底，希望有時間再訪食和牛餐…

平日常光顧的日本料理改了餐牌，給引度減了，還是多去其他日本餐廳。邊澗因近公司，所以間中也會光顧。前菜雜菜沙律及麵豉湯無乜特別，蒸蛋口感食味香滑。主菜銀鱈魚拼牛肉薄切鐵板燒，銀鱈魚無乜味，有點失望。牛肉薄切五成熟度，肉香足，當中蔥蒜亦惹味。主食炒飯端上時不夠熱，普普通通。飯後有奶凍甜品一小杯，滿足作結。

There is a sign on the door, if you pay your bill before 12 (i forgot exactly) or arrive after 13:45, you get 20% off your bill, if I knew beforehand, I wouldve waited! what a bummer.Ordered 2 sets, one A + A, one B + B. started off with salads.foie gras, IT'S COLD ON THE INSIDE. WTF.sea bass was ok. oily like any sea bass.salmon, medium, very considerate.thinly sliced beef, with loads of onions + garlic (by request). it's better than "chow tin" in tst.after the a+a+b+b, everyone gets fried rice

失驚無神新同事叫咗幾盒外賣壽司盒,俾全世界做 Tea海膽 好香好滑蝦好大隻肉質好彈牙三文魚睇落去都好肥,但點知食落去有咩三文魚味,有少少失望劍魚唔太肥尾帶子唔係一粒完整帶子,但都厚身有鮮帶子味油甘魚同另外一隻唔知咩魚都係一般壽司飯唔太重酢酸㕲,易散開

記得之前黎過一次,食物都唔錯,希望水準依然。今日都幾多人一齊食,所以款式都可以多叫少少。首先就叫左個刺身拚盤,依個真係幾多種類,咩都有少少,有拖羅,三文魚,海膽個類野,最緊要係佢夠新鮮,同埋件件都好厚,完全無偷工減料。不過就每人食得少少,不過食太多又覺得唔珍貴。另外就叫左個天婦羅,只能夠用好好食去形容,炸得好香好脆,又唔會太油膩,而且佢個蕃薯真係好甜好好味,黎到絕對要試下。之後叫左串燒，個牛舌非常之好味，又係厚過其他好多,其他既串燒都有水準,只係唔夠突出,再值得一提既係牛扒,控制得好好,肉汁多,調味又唔錯,可以試。最後就食埋甜品就走人,其實環境幾舒服,野食又唔錯,得閒既可以同班朋友成日黎。