鄰舍咖啡 (已結業)

警世！星期日下晝滿心歡喜嗌意粉食，睇相好似幾唔錯點知2百幾蚊嗌兩個意粉，份量極少 又凍一個軟殼蟹意粉一個煙三文魚腩意粉，食落極一般同日晚上即刻肚屙（全日只食左意粉）星期一全日又屙又嘔仲要餐廳話翻佢哋本來份量同質素就係咁大家諗清楚先好去…食到食物中毒一定唔會有下次絕對永久黑名單！

一入去覺得環境好舒適，店員Nice叫咗洋蔥湯、極脆炸雞漢堡配黑松露薯條、洋蔥湯、朱古力撻洋蔥湯好濃郁，好多洋蔥，正嘅！極脆炸雞漢堡配黑松露薯條好大塊雞扒，外皮真係好脆，雞肉嫩滑juicy個包都好軟熟，加埋沙律菜、蕃茄，成件事好夾黑松露薯條薯條有少量調味，朋友覺得要再加鹽同店員拎咗啲鹽佢哋都好Nice，而且畀咗好多鹽我覺得ok，正常發揮黑松露醬有淡淡黑松露味，不錯！朱古力撻濃郁嘅朱古力味，配Americano 係正嘅另外店嘅理念都欣賞嘅成為大家嘅鄰舍，以愛還愛，讓大家有個舒適嘅聚腳點今次去主要係想試吓啲食物，同friend 諗吓喺嗰度搞小聚會嘅可能性會回頭😉

幫襯過幾次，嘢食雖然一般，但環境舒服、優美，仍然好貼心。記得有次去食，廚師唔小心炸得唔好食物，但仍補上別的食物當賠償。另外，飲品都幾好飲…知道他們好有心改進環境方面，主要是以優質裝修為主，有酒櫃同戶外空間可以坐，亦可以自由選擇坐屋內。與朋友坐幾耐無限制，人流唔多，傾計都一流。點餐可以scan檯上嘅qr code或到台前俾又得。有興趣，都可以一嘗嘅！PS 他們有提供聚會到會服務，如果需要都可以打去查詢。

作為一個土瓜灣街坊，其實想搵間餐廳靜靜地chill就唔係咁容易嘅最近新發現食過晒佢早午晚三餐各有各正嘢先講個早餐，我上次就食咗一個all day breakfast都係嗰啲正常嘢但係個薯餅係有驚喜嘅佢，因為佢真係有一啲薯仔嘅肉喺裏面! 比較有咬感芝士腸爆汁又係正嘅中午我食過佢個漢堡包，塊包有比心機烘過，牛肉juicy最近呢度已經成為咗我嘅飯堂今日食呢個牛油果蟹肉沙律，真心讚佢將啲蟹肉擺咗喺牛油果裏面，除咗靚之外，好方便食嗰啲好珍貴嘅蟹肉，唔會癡晒喺隻碟度新鮮，同細心完全食到廚師嗰份愛 ❤️❤️❤️同埋咁樣會有兩隻味，本身沙律有醋嘅味，如果加埋蟹肉就甜啲一個沙律，兩種口味🤗

依間真係有啲名過於實，見OpenRice 甘多好評諗住唔會差得去邊，要左份最簡單嘅牛角包牛油果加大菇三文治，先唔好講味道，講吓賣相一見到個樣已經唔開胃，所有材料跌哂散收收，好比拎兩技牙籤固定好先拎比客人啦！依個講吓味道啦，牛角包係淋嘅一食就知隔夜，仲要係細細個，完全同啲材料分離哂，明明係叫三文治，但每樣嘢都要分開食，好彩嘅係牛油果都叫做新鮮！凍美式咖啡價錢唔係抵，但size細杯到呢…….真係唔會有下次

Weekend黎chill真係好正，冇諗過土瓜灣會有一間文青cafe今日叫左個古早味卡邦尼配意大利豬面頰煙肉. 腐乳. 煙肉好好味，好有特式，值得一試咖啡就揀左Dirty冰咖啡拿鐵，有漸層效果，上面係熱嘅expresso, 下面係凍嘅奶，個杯係凍嘅，好講究呢度環境好舒服，啲侍應好nice, 真係好似鄰舍咁，好有社區嘅連繫不枉今日特登喺葵涌過黎嘗試，之前朋友介紹，一直都的唔起心肝，今日一試，讚今日黎到等左一陣就有位，好好彩

今日去咗土瓜灣簡咗一間cafe, 好好彩咁岩唔洗等位即入室內位置，排我後面嘅就要去室外了😂素食全日早餐薯餅炸得幾脆，個酸種包幾好食！另外個大啡菇考得好香加埋蒜蓉喺面好味！軟殼蟹鹹蛋黃意粉鹹蛋黃味好香好足料！軟殼蟹亦好脆，而且擺盤好靚😋😋Earl Grey Tea，唔算好濃，但有勝在得添飲一次！凍朱古力都好香濃郁呀，唔錯！呢度環境好舒服, 推薦黎呢度hea 返半日😎

土瓜灣難得有一間有特色西餐，食物有特色，味道很好，環境舒服，店員有禮貌。每次必食脆豬卡邦尼，意粉軟硬適中，豬面頰面炸到好脆，最近新出咗古早味卡邦尼，古早味其實就係腐乳，超特別。小朋友都好鍾意食。

土瓜灣黎講咖啡店，首先唔多，仲要勁多三餸飯舖頭，呢間咖啡店已經幫襯咗好多次，坐得舒服，意粉同埋漢堡包真係好好食！第一次黎嘅時候佢未有晚市，今次見佢開埋夜晚，所以再去試下！估唔到都keep到個水準咖啡正常發揮，唔係玩手沖，但我本身都唔係咖啡控所以已經覺得唔錯。佢啲意粉好食，意粉味道食得出有層次！今次去食係夜晚，出咗啲新嘅意粉，試左原隻蕃茄海鮮意粉，非常驚喜！而家仲有巴斯克芝士蛋糕😋期待下次黎繼續有新嘢！

新開張幫襯過一次，當日人山人海，今日差不多1點30分，所以好少人。 今次朱古力拉花非常好， 全日早餐賣相都非常好。食物質素方面，個餅炸得比較乾，同埋回左少少油，下次可以唔好咁過火。Salad 唔夠汁, 黃豆就唔喺好夠熱。整體味道喺偏淡，但可以加salt, 所以對我黎講, 就唔係一個問題 .

土瓜灣區好飲嘅咖啡店真係唔多，難得屋企附近有間所以都幫襯過幾次飲啡。今次第一次試佢地嘅午餐，以咖啡店嚟講食物水準中上，咖啡好飲，環境舒適，會繼續捧場！如果佢地可以考慮做埋手沖就更perfect!

今日叫左一份170g安格斯牛肉漢堡配黑松露薯條，個牛肉漢堡多汁，醬適量，好味，薯條炸得剛剛好，配上黑松露醬，好味，另外叫左一份蟹肉牛油果沙律配意大利黑醋汁，沙律份量都多，汁做得唔錯，另外加左$30洋蔥湯，系足料嘅，又唔會太咸，重有杯茶，美中不足系室外用紙抔紙碟

1餐廳裝修尚算不錯，很清新！2餐枱座位空間太小，放兩個餐，已放不下小食，也沒有位置可給人放手袋，結果全程抱住個袋食嘢。3食物價格過高，不太合理😔我和朋友叫了一個蛋黃味軟殼蟹意粉（$128）、漢堡包薯條🍔（$118），洋蔥圈小食（$68），以及一杯檸檬茶（$48）。連加一服務，總計$3964整體來說，份量太小，味道也普通。5而洋蔥圈炸得過久，變了焦黃色！唉😮‍💨！6午餐、下午茶餐都沒有赠送飲品，有些失望！7只此一次，相信不會再光顧了！

店鋪以白色外牆吸引了眼球的目光鄰舍 作為店舖的名字很有意思朋友介紹第一次光顧這間小店食物大致分為 漢堡包 意粉和沙律下午二時到達這間店舖坐滿了中學生在吃他們的午餐之後他們離開 店內開始有一種寧靜的氣氛 這間店還有戶外的地方雖然不是太大但感覺舒服我點了一份意粉和拿鐵咖啡味道不錯但如果意粉可以更清淡一點更加好吃 在香港連鎖咖啡店比較多實在要多多支持香港的小店More than coffee 是店舖門外招牌的一句說話 希望他們朝著這個目標進發

[🇭🇰香港- 土瓜灣].🔻食物同咖啡不過不失, 總括係冇咩特別嘅Cafe.🔻🍽 鄰舍咖啡📌 地址: 土瓜灣天光道46-48號翠德閣地下E號舖.#tummysreadyattokwawan #tummysreadyforcafe #tummysreadyforpasta #tummysreadyforwestern