影片
电话号码
24916628
开饭介绍
以茶著名的小店，老板事事亲力亲为，食客可边品茶边和老板交流心得。
继续阅读
以上资料只供参考，请与餐厅确认详情
相关文章
一向都唔好咖啡同茶，因為會瞓得唔好。有朋友從汕頭來香港，帶他們到深井食燒鵝，老公好耐之前已經講過呢度嘅咖啡超好飲，於是順路帶他們來試試。我一入到去就話我淨係試一啖半啖，所以唔使預我。老闆就立刻用科學去解釋點解會瞓得唔好，然後豪言話飲咗佢嘅咖啡瞓唔着，你都會覺值得！老闆好好，用兩杯咖啡同兩杯茶嘅份量，分咗五碗茶同五碗咖啡，等大家都可以試！一邊沖茶/咖啡老闆一邊講咗好多歷史同知識，放心～一啲都唔悶，老闆好有趣。飲第一啖咖啡，我真心唔覺得有特別，但下一秒，老闆講嘅味道入咗喉嚨又走返出口腔嗰啲感覺真係應晒！杯咖啡冇落糖，但係一啲都唔覺得苦，又唔覺得澀，又唔覺得酸！有啲滾動眼濕濕：真係突然有杯咖啡會令自己對咖啡改觀？！完全始料不及！完全認同老闆講嘅：飲咗佢杯咖啡，瞓唔着都抵！我同老公講呢杯咖啡咁貴係絕對值得嘅！真心highly recommend 大家自己試試，我都想知本身鍾意飲咖啡嘅人有咩感覺？仲有杯茶，老闆即興玩味覺，加檸檬之後又再加胡椒粉，味道又出奇地夾😂返到嚟上OpenRice睇，原來老闆沖奶茶都係拿手嘅，已經決定下次去要一碗奶茶一碗咖啡🥰最後小tips，大家唔好當係茶餐廳，匆匆來匆匆去，預多啲時間，老闆會慢慢沖，同你吹吓水。亦唔好以為係靜靜地嘆杯咖啡，呢度似係品茶品咖啡workshop咁😉最後最後，第一次覺得值得為此寫食評！愛上老闆沖嘅咖啡！
继续阅读
裕記晚飯後，食過裕記啲茶芥花生唔錯.見係隔離間鄭記士多見到啲淮鹽花生🥜賣相幾好，就問店主阿伯呢啲係咪就係裕記個隻花生.佢答係，於是買咗一包$50蚊返屋企試.開封後試咗一粒入口，完全唔係個樣嘢.好大陣油亦味又淋身，淨得少少咸味.勁難食.分明係擺咗好耐.仲要擺出嚟呃食客.成包掉咗.$50蚊當請阿伯飲茶👎除咗花生，仲有話梅、咸檸檬…零食賣.大家諗下要唔要試就自己諗
继续阅读
今日終於去左試奶茶。 懷住好大寄望，滿足而回。老闆每沖一款飲品都詳細介紹說明一番。 了解左過中做法更可用心品嚐。奶茶又滑又厚，入口茶味香濃。老闆一再强調要留下半碗涼至室溫，茶香更好。果然味道更上一層樓。鐵觀音latta, 飲一啖花香在囗中爆發出嚟，唔係講笑，我真係用手撼住個咀。回甘一段時間，再飲奶茶，花香頓然消失，只有奶茶味道，再飲latte, 花香又在口中爆發。呢個玩法叫轉台。唔到你唔服。品茶之餘又學到野。不枉此行。
继续阅读
放假日冇咩特別野做，就周圍搵吓有咩嘢好食..搵搵下又搵到呢間鄭記士多，睇過食評佢係出名飲咖啡奶茶，但係價錢就一啲都唔親民。同男朋友過去，叫咗一杯奶茶同埋一杯咖啡，老闆好有心機咁沖咖啡， 一路沖一路講解！睇住成個過程，又使煲到煮咖啡，完全感受到佢對咖啡嘅執着！老闆見我哋兩個人好細心咁幫我地每樣分左兩碗，俾我哋兩樣都可以試晒！佢嘅咖啡同奶茶都唔落糖，仲會叫我地分段飲感受下唔同嘅溫度有咩唔同嘅口感！係佢嘅指導之下好似真係有啲分別🤔🤔同場加映，老闆自家製嘅龍蝦湯雪糕😍仲要用烘咗嘅牛角包一齊食！龍蝦湯雪糕真係好好味， 每一啖都好似飲緊凍嘅龍蝦湯咁樣，加埋暖暖地的牛角包，勁夾！但係留意番，呢個係唔公開發售，食唔食到就睇老闆心情啦！同個老闆傾吓計飲下咖啡食下包，咁就過左兩三個鐘啦😰
继续阅读
上個月walk in，好彩老闆有時間招呼！今次做足準備，訂位！今次一行三人去學嘢！😍試鐵觀音Green tea latte，奶茶同埋咖啡！驚喜之作，講得興起，老闆賣大包，送中國茶，蜜蘭鳳凰單叢！首先蜜糖味，然後花香味，最後回甘。。。三樣次序可隨佢技術點調都得！ 無論奶茶，咖啡，中國茶，Green tea latte，飲完一樣即刻飲第二樣，味道即刻係第二樣，嗰個感覺真係好得意。。。！打泡嘅茶筅，係我國前人發明💪最佩服嘅係，老闆完美地控制住單寧！味道係越飲越正！剛沖好時同攤半小時、一小時、1.5小時之後。。。味道唔同晒，層次完全調轉晒！越來越好味！攤凍後完全冇苦澀味！去邊度揾？！又一次味覺大考驗！真係神乎其技！🙇🏻五體投地！！😍最後，感謝老闆非常偉大，將咁多年嚟，不斷鑽研嘅技術、技巧分享比我哋，為嘅，係唔想失傳！用佢畢生絶技去幫助弱勢社群，重燃香港人守望相助嘅精神！聽君一席話，勝讀十年書！感謝
继续阅读