郭仔記車仔麵 昌運中心

营业中

休息中

今日同朋友喺大埔踩完單車就嚟咗昌運中心嘅郭仔記食車仔麵，車仔麵來講佢舖頭嘅環境都真係好企理乾淨，燈火通明嘅感覺。我同朋友做完運動都相當肚餓，我叫咗紅薯粉沙嗲小辣、牛柏葉、生炸雞髀、清甜蘿蔔同埋椰汁紅豆冰。而我朋友就叫咗粗麵沙嗲小辣、紅腸、生炸豬扒、水魷魚同椰汁紅豆冰。兩個對於美食嘅取向都好同步🤣車仔麵好快就上到嚟，賣相都好吸引，足料。試咗佢嘅生炸雞髀，真係出色，不過原本以為佢會另外搵個碟上，咁就可以保持佢嘅脆口，唔會浸林晒。蘿蔔入味清甜，好食。牛柏葉都正正常常幾好食。雖然只係叫小辣，但唔知係咪第一啖冇撈勻個辣汁，都相當辣下。值得一讚嘅係呢度除咗環境幾企理之外，佢提供嘅筷子都係獨立包裝，喺疫情期間真係俾咗人一個安心。

平時返工已經好攰如果放工仲要買餸我諗第二日一定攰到起唔到身但係有選擇困難症見我唔對琳琅滿目嘅食肆一定眼花撩亂諗唔到食咩係諗唔到食咩嘅情況下我都會選擇食車仔麵因為由麵食、配料甚至飲品都有配好嘅套餐而且通常食車仔麵我都篇好幾款食物所以選擇嘅時間少咗見到餐牌除咗自選車仔麵之外仲有一張係配好咗嘅車仔麵套餐今日見到有師傅而且其中一本仲做緊特價最平都係$38一碗簡直係跳樓價跟住我就冇揀佢嘅套餐揀咗一啲比較抵食夠自己好難整嘅配料♥️清甜蘿蔔$9+手打鯪魚肉$11+秘製豬軟骨$13+河粉$11配秘制辣汁（中辣）辣汁係用匙羹另上可以因為個人能力慢慢加首先碗麵真係好大碗而且每一款配料都好多首先講下蘿蔔清甜的程度對得住佢個名煮得十分淋身而且一啲苦味都冇手打鯪魚肉就係一條條的見到大小不一就知道係人手擠去煮鯪魚肉無骨口質彈牙冇腥味而家仲有好多條好抵食啊秘製豬軟骨一開頭我以為係一小粒一小粒咁上點知原來係一大舊見到一瘛舊嘅肉第一印象都係粗鞋點知一咬就好淋而且好容易就咬開軟骨脆口亦都好易咬👍🏻👍🏻👍🏻整體黎講係平靚正上菜速度快飲品配左檸檬七起上左一杯碎冰碎冰溶得比較慢温度可以keep耐啲📍 郭仔記車仔麵 昌運中心 (大

放工唔知食咩，經過大埔中心見好多人排隊買依間外賣。一直都想試，但係都未食過就同朋友一齊試吓佢嘅車仔麵我就叫左豬軟骨、豬紅、蘿白同振興牛丸米線😍豬軟骨好腍都幾入味，蘿白清甜冇渣，唔錯🤝湯底都幾濃味，一啖米線一啖湯都真係幾正架。朋友就叫左豬大腸、溏心蛋同蘿白河粉鍾意食溏心蛋嘅一定要試下，生熟程度啱啱好😝我朋友都對佢嘅豬大腸讚不絕口，我相信佢哋嘅滷水嘢食應該都唔錯😍仲有唔少特色嘢飲，我哋叫咗豆漿同埋鹹檸七，不錯不錯如果晚飯諗唔到食咩都可以試吓呢一間呀！

早兩日去咗大埔做野，做完野見有點肚餓，行過呢間車仔麵舖聞到好香牛腩味，二話不說就衝咗入去。呢到除咗車仔麵之外，仲有其他炒飯炒麵食，睇落都好似好吸引。不過人地個名都叫做郭仔記車仔麵，就緊係要試下佢個車仔麵啦。唔知係咪新裝修呢，環境都幾光猛企理，連個醬油兜都無果Ｄ萬年油漬，食都食得安落Ｄ。一睇佢個餐牌，有成幾廿個餸俾我揀，選擇困難症表示頭都大埋。Ｄ餸有4種唔同價錢，最貴都係$13，都算幾抵食。最後幾經掙扎終於揀咗豬軟骨＋牛丸＋蘿蔔＆米粉（仲有條油菜送，唔係間間車仔麵都有）豬軟骨又淋又入味，骨位爽脆，肉位夠香唔會sip牙la。蘿蔔夠哂香甜，最後先食等佢吸一吸個湯底仲正。牛丸爽口彈牙，正常發揮。咁大碗都係$41，真係好味又抵食。p.s.食緊途中聞到隔離枱碟炒一丁好香，下次嚟一定要試下。

早兩日去咗大埔做野，做完野見有點肚餓，行過呢間車仔麵舖聞到好香牛腩味，二話不說就衝咗入去。呢到除咗車仔麵之外，仲有其他炒飯炒麵食，睇落都好似好吸引。不過人地個名都叫做郭仔記車仔麵，就緊係要試下佢個車仔麵啦。唔知係咪新裝修呢，環境都幾光猛企理，連個醬油兜都無果Ｄ萬年油漬，食都食得安落Ｄ。一睇佢個餐牌，有成幾廿個餸俾我揀，選擇困難症表示頭都大埋。Ｄ餸有4種唔同價錢，最貴都係$13，都算幾抵食。最後幾經掙扎終於揀咗豬軟骨＋牛丸＋蘿蔔＆米粉（仲有條油菜送，唔係間間車仔麵都有）豬軟骨又淋又入味，骨位爽脆，肉位夠香唔會sip牙la。蘿蔔夠哂香甜，最後先食等佢吸一吸個湯底仲正。牛丸爽口彈牙，正常發揮。咁大碗都係$41，真係好味又抵食。p.s.食緊途中聞到隔離枱碟炒一丁好香，下次嚟一定要試下。

今日同家姐去咗大埔踩單車, 踩完單車之後就去咗食車仔麵, 我哋兩個人就叫咗一碗五餸嘅車仔麵, 再加一碗生菜魚肉, 嘢飲方便就每人飲咗一杯凍檸茶, 埋單總數106元車仔麵嘅餸, 我叫咗鳳爪, 魚蛋, 魚皮餃, 肥牛同埋生菜, 再加上我最鍾意食嘅沙爹汁生菜魚肉, 20蚊, 生菜同埋魚肉嘅份量都幾多㗎, 所以好適合share食呢度推出咗個限時優惠, 就係八寶面, 呢碗麵有8樣餸呀, 再加埋一杯嘢飲, 原價係48蚊嘅, 咁而家做緊特價38蚊

這一日放工我們來到大埔昌運中心嘅郭仔記。呢度主要係食車仔麵，亦都好多唔同嘅港式小食。有自選車仔麵，亦有好多特價嘅套餐。我哋分別點左一碗麵同一個飲品。嚟到嘅時候估唔到真係咁多餸！一晚就見到好抵食！當中，比較喜愛入味嘅滷水雞翼及雞翼尖煎紅腸都好香口好味魚蛋係陳皮魚蛋，感覺都好香蘿蔔好甜好林，水份充足豆卜同埋蔬菜都充滿着湯底香濃嘅調味，感覺唔錯。另外一碗麵係生炸豬扒麵。豬扒都揸得幾香口，調味適中跟餐飲品係熱檸蜜、及椰汁紅豆冰。呢兩個都係特飲，加少少錢，但味道都好OK。呢兩個餐真係好抵食！下次我哋再幫襯

臨近中秋節，剛好在大埔附近那邊有中秋節活動，朋友說來打一打卡，那就長征過來，順便吃一下午餐！而剛好經過這間店員說他們在做優惠，３８元就有八寶麵還包飲品，挺吸引的，想不到吃什麼就選了這間了！八寶麵（限時優惠３８元）新鮮豬腸（＋１２元）鮑汁鳳爪（＋１０元）就是被這個吸引進來的，看到滿滿的料，而且還特別加送了雞中翼，那就是九寶麵了，這樣真的是超值了！其中比較特別的蘿蔔清甜無渣，豬紅嫩滑，其他都非常入味！我還特別加了新鮮豬腸和鮑汁鳳爪，兩個都煮得挺不錯，豬腸嫩滑，鳳爪軟滑！湯底叫了牛腩汁，味道挺香濃的，再加了秘製辣汁小辣，這個也挺不錯，辣得來非常香，不是死辣的！麵我就叫了油麵，吃起來爽滑！三餸麵—生炸雞扒（１３元）生炸豬扒（１３元）秘製牛筋腩（１３元）這個兩款生炸的都入預先醃過的，吃起來非常入味，特別是豬扒，挺嫩滑的，吸飽湯汁後更好吃！秘製牛筋腩就煮得入味，肉質滑滑，入口鬆化！湯底叫了沙爹汁，帶一點點的辣，喝起來挺惹味的！麵就選了紅薯粉，吃起來嫩滑，帶點Ｑ！凍檸茶／凍豆漿凍檸茶的茶底挺不錯的，傳統的港式口味，非常不錯！凍豆漿就正常，有豆香！

住喺大埔咁耐，郭仔記真係由細食到大。不過之前就係喺大埔墟食，而家喺昌運中心新開左一間專食車仔麵嘅郭仔記！外在環境都好光猛，而且煮食嗰度呢有嘢罩住，所以呢間衛生程度我都唔太擔心！我嗰日係下晝2:00去到但係都已經過去食，大概等咗10分鐘左右就有位啦～食物種類都好多，其中推介嘅就係佢嘅豬腸，因為佢整得好入味，其他配料方面都不錯我就帶咗呢個魚皮餃水魷豬紅，沙嗲汁幼麵。其實都見到佢嘅材料都好豐富，面方面都唔會太少，我嗰陣時都食5矖。而呢一個呢就係牛丸豬腸紫菜配油麵，不過我覺得幼麵會好食啲，佢個口感會硬身少少。豬腸都有好多舊。飲品嗌咗凍檸茶！配車仔麵一流買單都係$117，因為我哋今次嗌既配料都多，如果我嗌少一兩樣，會好抵食！

未試過呢間真係唔好話自己大埔人！.郭仔記係昌運中心開左分店，新嘅分店好乾淨好光猛，位置都好方便，最緊要係！超！級！抵！食！.佢除左車仔麵，仲有炒飯同炒麵等等，但最好味一定係車仔麵，有成20款餸揀，每次可以揀唔同嘅配搭，價錢由$8-$13，無儉由人.粗麵/冬菇+牛筋+豬皮+菜芯十級推薦牛筋腩，牛腩夠淋夠入味，筋超彈牙膠質夠晒唔漿口！冬菇真材實料夠晒味，一加冬菇成件事唔同晒，碗麵即刻香晒，大推呢個組合！粗麵/豬軟骨+紫菜+生炸雞扒個粗麵蛋香味夠，唔係淋吱吱個種粗麵，對粗麵有要求嘅你一定要試！叫車仔麵好少有得揀紫菜，或者都好少人揀，但加落去麵入面食真係好正呀！隨餐送埋飲品，抵到爆！魚皮好脆，絕對品係隔夜魚皮！沙嗲魷魚好彈牙爽口，沙嗲有少少辣.推薦大家要試埋隨枱附上嘅辣椒油.大幾7點左右就多人，住附近嘅朋友可以叫外賣，仲有折架！.$130食到你捧住個胃走，真係好抵

~車仔麵兩餸一麵起🍜淨餸三餸起~。。。🦔👉紅薯粉底+漢堡扒+陳皮魚蛋+紫菜 $39我幾鍾意佢偏粗嘅紅薯粉質感😂但食嘅友人表示唔鍾意haha 唔緊唔緊靠餸搭救😉漢堡扒睇落色水已經好jenggg 隻醬好惹味 成塊好juicy 我都估唔到普通嘅加工食品可以咁okay 陳皮魚蛋細細粒但陳皮味幾足 紫菜都估唔到比咁多(其實係發脹咗🤭唔會太咸我滿意。。。🦔👉河粉底+秘製牛筋腩+振興墨魚丸+清甜蘿蔔 $40+免費咖哩汁我未食過河粉碎得黎我食得有啲吃力😗人生第一次後悔食車仔麵嘅河粉 質感有啲令我懷疑人生 牛筋腩見佢比👍諗住好出色 如果好鍾意食筋嘅你實好鍾意 腩肉得少少啦 墨丸係真係幾爽口嘅 而車仔麵嘅蘿蔔一定唔可以輸！又腍又甜係必然 都唔少嚿der 但我始終比咖哩汁嘅辣fight底了🤣哽到我流鼻水

街坊生意~配菜好多選擇🍜星期日中午做完運動 冇咩胃口食飯見到有間車仔麵好多人食同好多外賣單 一於親下熱鬧先睇返價錢都幾ok 真係做街坊生意wod食物平靚正👍🏻米線+豬紅🐷+蘿蔔🥕+豬軟骨🐷+秘製辣汁蘿蔔🥕好有驚喜~😱😱😱  好甜呀豬軟骨煮到好淋好入味 加埋秘製辣汁好惹味🤤🤤🤤覺得米線好似唔夠食🤰🏻男朋友叫左出前一丁+蘿蔔🥕+生菜+芝士腸+沙嗲汁佢都話d配菜好好味 好入味👍🏻👍🏻所以另外叫多左小食混醬腸粉 + 陳皮魚蛋 + 燒賣腸粉又滑又嫩 淋著混醬醬汁 真的很美味🤤陳皮魚蛋未放落口都好大陳皮味😆大熱天時我地豪氣咁order特飲😆 都要+$13架~~鹹檸七~~ 酸酸地加埋大量冰 真係涼透心好正呀🤤

到大埔探外婆,同佢落樓下間新開嘅郭仔記食麵。為避開人潮,我哋係下午兩點先去食,但依然坐滿食客,要等一等位！呢度嘅車仔麵有多款配搭,係張餐紙上圈出自選喜好,交畀服務員,好快就有得食！我哋點咗一個三餸一麵,加$9一杯熱菜蜜爆炒一丁,加$10一杯椰汁紅豆冰,同$10一碟油菜。熱菜蜜甜甜哋,椰汁紅豆冰有椰汁香味又吾太甜,紅豆稔度剛好,少少爆開保持口感。菜心嫩綠稔甜,老人家食都冇問題。清湯紅薯粉Q彈,滑劣劣,配爽口生菜,豆卜同彈牙手打鯪魚肉。係老人家嘅至愛。加埋自制辣菜脯,辣辣哋同爽脆,更加惹味！爆炒出前一丁,炒得够鑊氣,加入椰菜絲、芽菜、洋蔥絲同彩椒絲,更加香口。瑞士雞中翼,就肉滑入味,而豬扒就幾特別,好香咖哩味。幾十蚊大大碗粉麵加飲品,價錢貼地,店舖乾淨企理,值得再來！

疫情最嚴峻時這間小舖推出$26套餐，有肉有麵有飲品，簡直是糧尾福音。估不到暑假優惠延續，更可以補錢加餸。嗱喳麵入舖不再嗱喳，仲有數個卡位，餸菜多達30-40款選擇。其中推介大埔名物「振興肉丸」，爽彈、爆汁肉味濃。專門店零售一粒牛丸要$5，加餸9蚊即有，外區人黎大埔一定要試。▪️$26抗疫餐 (生炸豬排麵+飲品 )▪️套餐亦有牛筋腩，瑞士雞翼等肉類配搭。🔸️生炸豬排🔸️豉油醃製，陣陣港式咖哩香，厚度適中，沒有用鬆肉粉醃肉所以口感實在是不錯。即使浸泡放車仔麵中亦非常入味，價錢方面更是完勝。🔸️薯粉+$2🔸️ 扭紋薯粉比較直身薯粉容易夾起，即叫即煮夠𡁻頭唔會軟糯。由於薯粉不太吸收湯汁，配辣會比清湯適合。🔸️牛腩湯底🔸️湯底清澈不油膩，無味精不會渴。只是我選擇薯粉不太配清湯，可能改沙嗲湯更好。🔸️瑞士雞翼🔸️車仔餸亦有瑞士雞翼，但我覺得瑞士汁係精華之最。單點小食的雞翼份量double up，浸住瑞士汁，撈麵非常匹配。深啡色澤已知雞翼浸得入味，骨肉輕易分離飲食方便。如果雞翼再肥少少就更好。🔸️豆漿🔸️豆漿雖是包裝預製，但就更加衛生。豆漿居然是打邊爐必備的響鈴旗下產品，質素有保証。送黎的豆漿夠凍，甜度低，非常解渴。▪️位置

大埔墟郭仔記就開咗好多年，不過大埔墟選擇太多，講真就好少選擇食車仔麵。最近郭仔記喺昌運中心開咗分店，咁近就一於食吓啦。裝修都好乾淨企理，仲有卡位，坐得舒服。車仔餸大部份講得出都有，我哋就叫咗一碗蘿蔔、冬菇、豬軟骨、牛筋腩、麻辣大辣淨餸，同埋牛腩汁油麵、韭菜、豬皮、牛柏葉、鮑汁鳳爪。本來想加碗仔翅，又想試吓佢嘅腸粉魚蛋，但係呢間分店冇，真係可惜。最鍾意車仔麵配碗仔翅㗎嘛。咁唯有試吓韭菜豬紅腸啦。浄餸一上枱就見到冬菇好厚，一睇就知入味，正！牛筋腩其實係分開牛筋同牛腩，牛筋已經煮到好淋，好q，筷子都夾唔到，要穿過先可以夾得起！出色！牛腩、豬軟骨鬆化，蘿蔔清甜冇渣！我地兩碗既餸一齊食，兩份分，咁可以試多好多餸！韮菜味道新鮮正常，豬皮有驚喜，唔會係爽硬而係軟滑！嘩！難怪係推介。牛柏葉比一般切得厚身，口感更好！仲有就係鳳爪，炆得好淋，好容易就食到軟骨位喇。韭菜豬紅腸，豬大腸脂肪清得乾淨唔會成口肥膏！豬紅亦都唔係硬嗰啲，口感軟嫩！重點係全部份量都比較大大件，滿足晒我對車仔麵嘅期望，細個嘅感覺回憶返晒黎。最唔鍾意就係裝修扮懷舊，但係啲餸得細細粒嗰啲！車仔麵唔係咁㗎嘛大佬。總括嚟講呢間車仔麵既餸夠晒傳統