都薈廊

营业中

休息中

原本無打算訂位慶祝情人節，但今日喺社交媒體網站見到 We Go Mall 宣傳依間餐廳既情人節套餐 望到餐牌同價錢好吸引，所以book位試下😊 果然無令我地失望，食物好好味，尤其係其中一款主菜 “日式西京燒鯛魚柳”，條魚柳好清新，食得出廚師好有心機整🩷加上價錢又唔貴，情人節套餐$598二人價錢 另加一，同埋餐廳既燈光 環境 座位都覺得好舒服，唔錯 唔錯！食了一半，已經見餐廳座位已坐滿，而門口好多人排隊等位，好彩有訂到位😊 雖然眼見大多數係情侶或者兩公婆食情人節套餐，但亦都有幾枱好似我一樣帶埋小朋友黎食，可能見依度又有兒童餐提供 ，而且有兩款揀，我兩兄弟都食得好開心 好滿意🤣 不停讚意粉同雞翼好好食 👍 下年情人節可以再考慮黎依間Metro Cafe慶祝❤️❤️ 我自己覺得依個套餐美中不足既地方係甜品無得揀，如果甜品有兩三款可以揀就好，例如雪糕窩夫依d 😆

個牛油果唔知太熟..定係氧化咗..定係壞咗..我都分唔清…😅雞同菜同麻醬都ok既店員態度都幾好既不過見到啲牛油果咁黑真係sad左呢間幾個月前轉menu一開始都幾好，過左一排又差番🥲 之前番食佢個滑蛋慢煮豬扒都難食左好多🥲甜品都食過，拿破崙個吉士愈做愈差但最近新出既巴斯克芝士蛋糕就幾好食感覺呢間餐廳做新item就ok, 過左一排就會失準😅價錢方面，由於食物質素唔穩定，我覺得稍為貴咗希望佢可以keep番以前既水準啦☹️

呢間we go mall嘅西餐廳，以前都食過幾次，就係正正常常冇乜特別，價錢就中等啦。呢日行過見到，寫住下午茶買一送一，咁抵緊係要食下。下午茶款式都算多嘅，有小食、意粉、pizza、burger、日式咖哩飯、鰻魚飯、牛肉飯、漢堡扒。我哋就叫咗兩個都係意粉，價錢一樣$68，感覺抵啲自家製肉醬貓耳朵粉都幾多肉醬㗎夠撈晒啲貓耳朵粉，唔會唔夠汁，仲有啲芝士粉。貓耳朵粉好有口感，有啲煙韌但唔會硬，剛好。另一個係菠菜烤雞忌廉汁意大利粉忌廉汁好濃幾craamy味道幾好味，不過份量就唔算大碟，畢竟係下午茶，加上買一送一只係30幾蚊一個，已經好ok。仲包飲品，好多飲品包括好多款咖啡、果汁都有得飲

今日放假，去咗We Go Mall嘅Metro Cafe食下午茶。原來下午茶餐同午後輕食做緊Buy one get one free。叫咗兩個餐，一個係菠菜烤雞忌廉汁意大利粉，加多一個意大利芝士蕃茄薄餅，跟餐仲有飲品。意粉賣相唔錯，份量剛好，雞肉好嫩，忌廉汁啱啱好掛晒啲意粉。至於芝士蕃茄薄餅，蕃茄醬同芝士份量唔夠多，所以味道比較淡，薄餅上面加咗四片蕃茄就似係裝飾多啲😂😂，不過薄餅底反而又幾好食喎，唔會太厚太硬。食物賣相同味道，整體而言我覺得唔錯，重點係有買一送一，咁就非常抵食啦！

4個besties 試新嘢。今次去咗we go mall食日式石燒套餐及石燒安格斯西冷牛扒日式石燒定食：石燒安格斯西冷牛扒定食、 石燒羊扒定食 $165/set配日式椰菜絲沙律、味噌湯及日本珍珠米飯**高質又juicy 嘅西冷扒牛扒。大大件厚切，配埋紅酒🍷perfect** 石燒羊扒定食, 羊扒肉質夠嫩。唔騷，配合燒汁好正。送飯一流另外我哋叫多一個set: 烤安格斯肉眼牛扒Medium-rare 剛剛好。肉質粉嫩夠焾。好味＄198有前菜、餐飲，仲有甜品。前菜：三文魚沙律🥗夠新鮮餐湯：南瓜湯。好多南瓜蓉。好飲甜品：strawberry cake, 賣相又靚又好味。

平時成日過嚟返工，都冇時間食餐好嘅。每次嚟到都會買佢一杯玫瑰latte ,真係好好飲🤭所以今次約埋朋友一齊嚟呢度食晚餐。其實我好鍾意呢度樓底夠高，環境好舒適。食物質素高，但價錢真係好抵！ 呢排我又要減肥，減澱粉質，所以食扒為主。而佢地嘅高質扒餐真係勁抵食！我地order 2個日式石燒套餐，石燒安格斯西冷牛扒定食 同 羊架定食，多個醬汁可以揀，定食有扒有飯有湯。高質厚厚嘅西冷扒牛扒同羊扒，2款都超juice ! 另外仲有 香草烤羊架，烤安格斯肉眼牛扒🥩 值得一提，佢地控制火候做得好好，完全做到我地想要嘅Medium-rare熟成度剛剛好，肉質粉嫩夠juice ,又唔會出晒血水。烤得非常均勻！ 認真，好多高級餐廳都未必掌握得咁好。呢個價錢確實CP值超高！$198有前菜、餐飲，仲有甜品🍮 仲洗乜北上呀？🤣重點一提！ 除左甜品之外，雪糕係必食🤭🤭

搬咗嚟呢度咁耐都未試過呢一間都薈廊 今個星期日終於可以好好瞓一覺，起身去食個brunch我哋今次嚟咗呢間餐廳試吓 店內感覺寬敞舒適啱啱去到做緊午餐時段 原來都幾多人我哋今日點咗慢煮厚豬扒早餐 同吉列豚肉旋風蛋飯定食慢煮厚豬扒早餐到先 其實見到煎雙蛋嗰下嚇一嚇 不過唔影響味道就由佢 薯條 大啡菇 都正常好味 牛角包就有少少加熱過咗籠 外面比較硬豬扒方面都有少少失望 因為佢話係厚豬扒 其實都係一般般嘅豬扒 而且佢好似冇乜醃過 質地似煲湯瘦肉 同埋比較硬難切吉列豚肉旋風蛋飯定食呢個豬扒就比較正常 係厚切嘅吉列豬扒同埋佢帶點肥肉肉質比較鬆軟 ，蛋同埋咖喱都正常無過火，只係擺盤冇咁精緻下次再試試其他set menu

自從有朋友搬到馬鞍山，我哋假日偶爾都會去We go mall商場，因為整體好啱小朋友玩，而且係Pet-friendly~ 每次兩姊妹都會走去同啲🐶玩一輪！玩夠要食嘢，餐廳選擇都好多～ 今次就第一次試正門間 Metro Cafe，居然發現係 #一般餐廳價錢有酒店質素 🫢 忍唔要寫返個Review 先得🤣🥩 石燒牛柳套餐成塊石板上嘅燒牛柳😍 全程保持件牛喺理想溫度，而且配上自家製菇汁 — 由醬汁看得出大廚真係好認真，值得下次encore！🍕北京填鴨Pizza . 夏威夷烤燒Pizza兩名Pizza狂徒喺超多選擇嘅Menu，甚至放棄兒童餐，都要揀Pizza… 不過又咁講，個 #北京填鴨Pizza 係我食過咁多間之中質素中上👍🏻 真係有驚喜！而瞳妹妹揀嘅烤雞Pizza就中規中矩，但特點係大量拉絲芝士🤭 俾小朋友食就幾啱嘅～本來仲想食甜品/雪糕但已經太飽🤪 如果食lunch menu或者兒童餐其實可以用抵食形容添！估唔到餐廳細細竟然有去酒店食野嘅感覺，環境靚、選擇多、食物都好有質素～ 大家可以save低下次去試吓🥰

平時成日經過呢度，咁啱見到有兒童餐所以入咗去食，原來質素好ok喎！呢度嘅環境坐好舒服，而且有兒童櫈同埋兒童餐具提供，最緊要係有埋兒童餐畀小朋友食，啱晒一家大細去食😍👶🏻兒童餐我哋叫咗卡邦尼貓耳朵意粉配雞翼薯條，仲有蘋果汁同埋啫喱糖，貓耳朵形狀嘅意粉仲令到成個賣相更加得意😍小朋友就最鍾意，一個餐都夠晒飽肚。🐮之後叫咗黑椒汁芝士牛肉漢堡配薯條，呢個漢堡包嘅餡料十足，漢堡扒煎得好 juicy，牛肉嫩滑新鲜。黑椒汁香濃惹味，配埋脆卜卜嘅薯條，食落真係好滿足🥰🍖跟住仲叫咗個二人午餐，湯叫咗干邑龍蝦湯，前菜係日式芝麻羽先，主菜叫咗美國安格斯西冷牛扒同埋西西里辣肉腸薄餅。😍呢塊安格斯西冷牛扒煎得非常出色，肉質嫩滑可口，食落 juicy 嫩滑，煎到 medium rare 嘅熟度啱啱好，令到啲肉仲可以保留少少血水，食落更加鮮嫩美味。仲有個薄餅餅底都做得非常好，薄得之餘又保持到一定嘅鬆脆口感。佢哋嘅辣肉腸做得入味香口，辣度亦都適中，唔會蓋過晒啲其他配料嘅味道，so yummy 😋餐廳推薦指數：👍🏻👍🏻👍🏻👍🏻👍🏻👍🏻👍🏻👍🏻

放假帶埋細路去咗馬鞍山嘅We go mall 玩同食嘢，佢哋差唔多每逢節日都會有啲節日主題佈置，影相一流。放埋電之後，攰攰哋都差唔多要食嘢，去咗地下間Metro Cafe 食個晚飯。好在佢哋係親子餐廳有baby seat，小朋友menu ，同埋毛孩🐶😼都歡迎㗎👍🏻。Cafe 嘅食物都幾多選擇，想high tea 有馬卡龍同埋蛋糕食，想飲酒又有紅白酒飲，連雪糕都有得食呀🤩食咗啲乜：🐂「東京燴牛尾定食」$108🎃「日式帶子南瓜意大利飯」$115飲咗啲乜：☕️「Iced Flat White」$42⭐️牛尾定食賣相唔錯，有日式沙律菜、麵豉湯、主菜燴牛尾同飯。燴牛尾味道濃厚煮得夠淋，唔會痴住啲肉係骨👍🏻。南瓜飯小朋友食得津津有味，意大利飯唔會硬，味道唔重，放心比小朋友食😌佢哋嘅咖啡唔貴又大杯，見到佢哋都有部大咖啡機係度沖，Flat White 咖啡香滑濃郁。總結：成間餐廳座位舒適，闊落食物款式多，早午晚三餐下午茶high tea 蛋糕又有，想搵好食又坐得舒服嘅話可以嚟呢度！#西餐 #隱世美食#吃喝玩樂 #食好西 #吃貨 #香港美食 #辛苦搵嚟志在食 #打卡 #香港人 #親子活動 #馬鞍山美食 #毛

地方好大好闊落，帶埋小朋友都坐得好舒服👍🏻😆性價比高💜2人餐✨前菜同湯已經好吸引，前菜除咗沙律仲可以揀雞翼，湯有龍蝦湯同南瓜湯選擇😍好少地方有龍蝦湯主菜✨西冷牛扒 - 推介⭐️好有驚喜！肉汁鮮嫩，外層烤得焦香，一啲都唔韌，口感夠軟淋！✨ 西西里辣肉腸薄餅一嚟到已經聞到好香，芝士味濃，而且好足料💜卡邦尼意粉好creamy! 而且意粉都好彈牙👍🏻💜日式照燒片皮鴨薄餅 -推介⭐️好特別嘅fusion款式，估唔到咁夾！鴨肉唔會乾身冇羶味，配料有青瓜絲，加埋甜甜地嘅醬，好味😋💜日式咖喱唐揚雞飯定食唐揚雞外皮酥軟，肉嫩又多汁，配上咖喱汁好好食，而且仲有麵豉湯，大滿足💯

我最近去了一家位於寵物友善商場內的餐廳， 這家餐廳特設人寵共享專區，讓主人和寵物可以一起享受美食的樂趣！專區內設有圍欄，讓寵物可以自由走動，而且還有許多打卡位，例如粉紅色花花牆、色彩鮮艷的梳化、寵物帳幕和噴水池模型等，絕對是寵物與主人們的好去處。此外，餐廳也細心地提供寵物用品！至於食物方面，雖然暫時還沒有寵物食物供應，但餐廳的人食選擇卻非常多樣化。主打日式西餐，包括東洋風石燒扒、薄餅、吉列咖哩飯定食、日式漢堡和意粉等等。此外，還提供各種美味的蛋糕和西餅作為甜點選擇。吉列豬肉旋風蛋飯定食這道菜色香味俱全！旋風蛋口感滑嫩，散發著誘人的蛋香，咖哩醬汁香濃，米飯飽滿，每一口都充滿了柔滑的口感和豐富的味道，絕對是一道美味佳餚。日式鰻魚木魚薄餅鰻魚的鮮嫩搭配薄餅的酥脆，絕對是一道令人垂涎的美食。如果您喜歡湯品，可以試試他們的日式南瓜湯，濃郁的南瓜味道令人回味無窮。最後，別忘了品嚐他們的pastry，必食芒果拿破崙🥭及草莓拿破崙🍓，果味香甜，餅皮鬆脆！

復活節爸爸媽媽有假放, 就梗係要帶個女出街威下啦🤗我地去左We Go Mall玩egg hunt 🐣 場內任何食肆消費滿HK$100或以上, 即可免費換領尋蛋Pawty參加證🍝🍕🥗🥘『Set menu for Two』HK$368頭盤係煙三文魚田園沙律, 煙三文魚有兩大塊, 沙律菜好新鮮🥗 湯呢我就揀咗龍蝦湯, 入邊真係有一嚿嚿龍蝦肉👍🏻主菜我揀咗吉列安格斯肉眼扒同埋西西里辣肉腸薄餅🍕肉眼扒都好大塊, 配左個醬汁點黎食好滋味!!! 薄餅個餅底香脆, 料都好足!『夏威夷雞肉薄餅』HK$98因為辣肉腸唔啱阿女食, 叫咗個夏威夷雞肉薄餅, 阿女仲食晒我啲料😂太過分喇!!!『Kids Menu』HK$68兒童套餐有肉醬意粉🍝/ 卡邦尼貓耳朵粉配雞翼薯條🍟仲有果汁同啫喱糖😍一份就滿足晒小朋友所有願望😌凡於🌟3月29日至4月1日🐣期間, 惠顧 Metro Café成人午膳套餐 / 晚膳套餐, 即可免費獲贈👧🏻兒童套餐一份✨°°°°°°°°°°°°°°°°°°°°°°°°°°°°°°都薈廊 @wegomall📍馬鞍山保泰街16號We Go Mall地下G02號舖#MrsLong #hk #Longs

復活節假期， 周圍商場都好多活動可以選擇。剛好嚟到馬鞍山，有一個活動比小朋友玩🐣，順便喺呢度食一個午餐😋（5⭐️最高）南瓜湯（5⭐️）南瓜湯好Creamy，上面加有麵包粒粒。咬落去有一種爽脆嘅感覺加上有一塊多士配上😋。明太子黃金醬，炸雞軟骨（5⭐️）第一次試用黃金醬的雞軟骨。黃金醬撈入蛋黃醬之中一齊炸🩷。感覺有少少似星加坡嘅口味，但系就唔辣嘅🥰而且好香口。金澤酥脆日式豚肉定食(5⭐️)肉質好鮮甜，外皮是薄薄的炸粉。內里是鬆軟的豬扒🐷。 咬落鬆軟，多汁又彈牙😜。和風香煎三文魚柳日式香蔥汁定食 （5⭐️）我比較欣賞呢一款👍🏻，因為三文魚🐟煎得外皮香脆，內里呢就清甜， 加入了少少檸檬汁🍋有助提升鮮味。Mocha (5⭐️)入口香濃而且幼滑， 有一種陶醉嘅感覺🤩凍-鮮奶抹茶（5⭐️）抹茶味比較香濃，所以如果喜歡以茶味為主的朋友會好岩😍蘋果汁（5⭐️）小朋友愛不釋手之選擇

這道美味羊架的外觀令人驚艷。它以金黃色誘人的外皮為基礎，表面覆蓋著香氣四溢的調味料。每一塊羊架都烤得恰到好處，肉質鮮嫩多汁，肉骨與肉搭配得天衣無縫，給人一種無法抗拒的誘惑。第一口入口，肉質鮮嫩得令人驚艷。羊架經過烤制後，肉質變得極其柔軟，每一口都能感受到肉汁在口中爆發，讓人回味無窮。肉質的鮮美與香料的香氣完美結合，營造出一種令人著迷的口感。此外，羊架的外皮烤至微脆，增添了食物的層次感和口感這道美味羊架最好搭配一杯清爽的啤酒或一杯紅酒。啤酒的爽口感能中和羊肉的油膩感，紅酒的醇厚口感則能提升整體的食物體驗。此外，您還可以搭配一些新鮮的蔬菜或水果，例如生菜沙拉或柑橘片，以增加口感的層次和提供更多的營養。這道美味羊架絕對是一場味蕾的盛宴。它的外觀誘人，口感鮮嫩多汁，味道豐富而濃郁。無論是單獨享用還是與朋友共享，這道美味羊架都能帶給您一次難以忘懷的美食體驗。如果您是個美食愛好者，絕對不容錯過這道令人垂涎的美味羊架！