影片
港铁尖沙咀/尖東站 J 出口, 步行约2分钟
继续阅读
电话号码
25453288
开饭介绍
《鄧記川菜》顧問總廚鄧華東師傅秉承川菜的「百菜百味」文化，以不同香料或醬汁，衍生層出不窮的二十四種味型，是目前全國八大菜系裡味型最豐富的菜系。而店鋪裝潢則以四川老成都的古宅庭園及銀杏葉為創作靈感，饒富古雅風情。食客亦可步出陽台小酌一杯，欣賞迷人維港美景。
继续阅读
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
有关奖赏计划
优惠
相关文章
-鄧記川菜 🦀每年一到大閘蟹季節 就一定會帶埋屋企朋友去食鄧記因為呢度既大閘蟹菜式都好有特色同好好味餐廳顧問總廚鄧華東師傅 祖籍四川 師承川菜泰斗孔道生首徒陳廷新 系出名門 秉承川菜既「百菜百味」文化每次食完都有種行左四川一圈既感覺而店鋪裝潢方面係以四川老成都既古宅庭園為創作靈感非常古雅 食飽後仲可以去陽台小酌一杯 欣賞維港夜景~前菜+ 燒椒皮蛋 ($78)選用四川黃心皮蛋 加入燒焦過既辣椒同特製醬汁 皮蛋香味突出 食落香口辛辣惹味+ 蒜泥白肉 ($118)醬汁鹹鮮微辣 五花肉肥而不膩 肉質細嫩富有嚼勁 愈食愈開胃🤤+ 鮮椒海鮮滙 ($148)個人幾中意呢一道前菜 - 以獨門醬汁調味為帶子 八爪魚同蝦肉提鮮 鮮味滿滿+ 薑汁秋葵 ($88)薑汁香味濃郁 增加左香辣層次感每一啖既秋葵 嫩脆口感 令醇厚薑味滲透 同樣開胃大閘蟹料理🦀 6兩大閘蟹 — 花椒煎焗大閘蟹 ($388/隻; $598/2隻) 餐牌上一共有4款口味大閘蟹可以揀包括麻辣十三香滷大閘蟹 / 油鹽焗大閘蟹 / 老壇子泡菜大閘蟹/ 花椒煎焗大閘蟹 （我揀左呢個）建議食果陣可以啜埋外殼上花椒油香 非常香口 但完全唔會蓋過蟹肉鮮香味 隻隻都啖啖肉 爆膏甘香😍🦀 蟹粉扒豆苗 ($598)每次黎都會必點呢個 - 因為真係勁多蟹粉 同埋秋冬必食當造豆苗 加埋鹹香蟹粉超正! 🦀 熔岩蟹粉拌麵 ($298)正如其名 D蟹粉係多到好似熔岩咁流落D麵條 作為蟹控既我表示很滿足❤️不過記住趁熱食 如果唔係D麵就會變到一餅餅! 其他菜式+ 泡椒蒜香焗龍蝦 ($688/隻)食川菜又點少得落泡椒 呢道同時係鄧記既招牌菜嚴選鮮活龍蝦入饌 加入鮮嫩清脆既泡椒同蒜蓉汁重點係每粒龍蝦肉球都好鮮甜彈牙口感豐富 香氣濃郁 食落惹味又不會太辣 辣中微酸 令人一啖接一啖咁食 唔怪得會成為鄧記經典泡椒招牌菜!+ 孜然羊肋骨 ($388/例) 想講食完呢個真係有種瞬間去左一轉大陸用上新疆孜然調味 再用油泡香既辣椒香氣四溢 羊肋骨帶點肥膏 炸得酥香肉脆 果種油香真係聞到流晒口水 絕對正宗💯+ 水煮安格斯和牛 ($528/1份 ; $298/半份)呢個同樣令人置身於四川一樣 建議食得辣既朋友必點!雖然我食唔到辣 但都覺得佢辣得好好味湯底加入大量花椒 / 辣椒乾 / 指天椒 / 花椒油 / 辣椒油同豆瓣醬等等香料同醬料 紅油濃湯非常濃稠 係肉眼睇得到既足料 而且安格斯牛肉入味得完美 同時食到麻 + 辣 + 辛 + 香 + 鮮 + 甜 + 鹹入面仲有寬粉食 好掛汁 整個味道層次豐富惹味 + 廿年陳花雕雞煲 - 半隻 ($288半隻)用上新鮮嘉美雞 皮下脂肪少 肉嫩富彈性 含豐富骨膠原🔉留意番 呢個每日限量只有十客咋!甜品+ 四川冰粉 ($38) - 必點用來解辣用+ 紅糖糍粑 ($68/6pcs) - 大推呢個 非常軟糯煙韌 完美地結束呢一餐🎉
继续阅读
黎到位於尖沙咀 K11 Musea，商場設計非常特別及高端，當中各種食肆林立，今次揀左幾間餐廳都心大心細，經過鄧記川菜門口被環境及菜單吸引入去。Menu 都算多元化，菜式非常正宗傳統，當日挺多人用餐，所以無緣坐海景位置。同知心好友約會，點選了不少吸引菜式，整體非常出色，菜式實而不華，正宗傳統，簡單但呈現到高級中菜感。花膠高湯濃郁，花膠大大片，食得出真材實料，不比高級粵菜餐廳輸蝕。川味口水雞醬汁非常惹味正宗，濃稠度恰到好處，麻麻辣辣，非常惹味，一流！雜醬麵 及 成都擔擔麵簡單又正宗，雜醬較大碗，擔擔麵較細碗，成都風味全融入麵中，個人會較喜歡擔擔麵，將雜醬麵比了下去。糖醋里脊肉用料的確新鮮，廚師工藝 做到醬同原料非常分明，酸甜度適中，可比美高級粵菜。泡椒蒜香焗龍蝦喜出望外菜式，食慣蒜蓉蒸，芝士等配搭，第一次嘗試泡椒，比預想中更配搭，味道不會過度濃厚，但層次豐富，不太辣但夠惹味。糖不甩上菜時仍然帶有溫度，外脆內軟，能夠保持微溫的口感煙韌，黑糖不會太多，食落較優雅而不膩！
继续阅读
其實K-11 Musea 唔太順路，呢間第一次離，有驚喜。❤️.酸菜魚好食，味道好有層次，與其他四川店不同，其他店食落會有啲刺脷，同有好重味精味，呢間無，連鋪底的粉都好好食，食過好多其他店都是淋pat pat的，這間好吃，好Q彈，正宗不正宗不確定，反正我覺得好食，只是份量有點少，及稍稍不夠辣。.花雕雞待應推介，堅好食，半隻HK$288有點貴，但真好好食，酒味好香，雞肉好嫩滑，雞皮還是脆的，而家香港好少有店做到，呢度整得好好食（讚）👍🏻👍🏻👍🏻.豆腐花ok好食，豆味好濃，只稍稍有點貴（下次未必再叫）.糍粑好食，聽講甜品全部自家製，都唔錯。.服務好好，環境都唔錯，還會回頭的。😋👍🏻🫶🏼
继续阅读
其實一直以來都好食得辣，尤其是90年代深圳好多川菜館，曾經試過一天之內走訪三間不同格的湘川菜館，回想起來，又真係幾有趣。家陣香港的確多了不少川菜館，由往日平民化的餐館，逐漸登上大雅之堂，今次就同幾位朋友走到尖沙咀，在Fine Dining的環境下品嚐高質的川菜。餐廳除了酒吧之外，更有露台供客人摸住酒杯底吹吹風聊天。餐前小食已盡見功架，燒椒皮蛋（$78）有辛香及油潤的感覺。食川菜當然有蒜泥白肉（$118），蒜茸刴得好幼細，醬油調較出色，腩肉片沾上了醬油，真是美味。鮮椒海鮮滙（$148）夠晒豐富，帶子、蝦仁及鮮魷，辣辣地又不過份，正好挑起了食慾。想健康最好多食秋葵，薑汁秋葵（$88）食落不會太單調。到了今晚的主角，就是足六兩以上的大閘蟹，口味有麻辣十三香鹵水大閘蟹、油鹽焗大閘蟹、老壇子泡菜大閘蟹以及花雕煎焗大閘蟹（$ 388一隻或者可以$598兩隻）。麻辣十三香鹵水大閘蟹口味好獨特，既有鹵水的香料氣味，又有川辣的味道，拆開蟹蓋，就已經見到艷麗深黃的蟹膏，入口豐腴甘香，超正。亦都試了半隻油鹽焗大閘蟹，比起清蒸是多了一份咸香。很喜歡泡椒蒜香焗龍蝦（$688/隻）的層次感，龍蝦肉拖過油不單鎖住肉汁，更令蝦肉更爽彈，辣辣地非常開胃。所謂“無雞不成宴”，20年陳花雕雞煲（$288/半隻）一揭開瓦煲蓋，已傳來陣陣香氣，雞肉嫩滑，火喉控制得相當準，聽說是用上新鮮龍江雞，置底有新鮮雞雜，又是滋味無窮。很有大漠風情的孜然羊肋骨($388/例)，肉質嫩滑，辣度是個人可以接受程度，而且骨膜位滿是油香，真係好啱配上啤酒。川菜又怎可以沒有水煮菜？這道水煮安格斯和牛（$528一份/$298半份）辣度相當正宗，並非一味死辣，而是吃得出的層次，牛肉嫩滑，千萬不要遭浮面的紅油嚇怕。把兩款當造的食材放埋一齊，炮製出蟹粉扒豆苗（$598）在鮮嫩翠綠的菜苗中夾雜濃稠的蟹粉，多美妙。賣相好澎湃的熔岩蟹粉拌麵（$298），尤其是把大量蟹粉傾注落麵上，更是充滿了儀式感，麵條沾滿了蟹粉後，每口都是濃濃的蟹粉味道。甜品點來了四川冰粉($38)以及紅糖糍粑($68/6條)，很欣賞冰粉不會過甜，而糍粑口感煙韌，都不錯。
继续阅读
在這大閘蟹季節，推出多款風味獨特的蟹品，包括 ，麻辣十三香滷 / 老壇子泡菜 / 花椒煎焗 / 油鹽焗大閘蟹、蟹粉扒豆苗，及熔岩蟹粉拌麵等，蟹粉份量十足，鮮味滿滿，而且每一道都展現了川菜的獨特魅力。其他招牌菜，有 泡椒蒜香焗龍蝦 ，用上鮮活龍蝦搭配清脆的泡椒和蒜蓉，味道鮮美，肉質彈牙。廿年陳花雕雞煲採用新鮮嘉美雞，每日限量供應，肉質滑嫩。酥脆的孜然羊肋骨，香氣四溢，咬下去味道濃郁，油泡辣椒更添層次。而水煮安格斯和牛的紅油湯底，麻辣中不失鮮香，口感豐富。冷盤如燒椒皮蛋和蒜泥白肉都是開胃的佳品，前者辣味十足，後者則蒜香四溢。最後還有四川冰粉和紅糖糍粑的甜品。
继续阅读