酒鍋 (V Point) (已結業)

如果打算去吃景，而不介意食物質素和服務的話，可以去試下。見有好多正評所以去試下，失望而回。服務態度，和食物質素，以兩個人食左 $1700 黎講，絕對不值。湯底是花雕醉雞鍋（$168）無酒香味二人海鮮拼盤（$398）更是令人失望（蟶子 ok, 扇貝一般，果四粒細細蜆，兩隻瘦弱的蝦就堅失望）牛拼（$768）味道一般，不值這個價菜拼（$78）不過不失埋單二人連醬料，飲品，其他，加一共$17xx我地唔飲酒，埋單覺得伙記面黑黑。P.S. 由於沒有放上其他物品比對，事後看附圖好像還可接受，大家自己衡量😞

今日細佬生日佢又係鍾意食打邊爐嘅，所以就想搵一間質素好啲嘅火鍋店，呢間喺銅鑼灣食街-登龍街入邊嘅酒窩，見到食評唔錯就想去試吓啦！呢度有可以一次過試吓四款唔同嘅湯底，包括左麻辣、胡椒豬肚、杏汁白肺同埋蕃茄湯，我哋叫咗好多嘢食包括左牛將軍拼盤（有牛心頂、牛、胸、爽同埋牛筋）。另外要咗手切肥牛、鴨血、脆肉鯇、魚蛋、雞髀菇、蓮藕、手打墨魚丸、牛柏葉、豬皮等等，另外嗌咗個椒鹽鮮魷小食，呢個魷魚炸粉好薄熱辣辣好好食，另外再叫咗一jar紫貝天葵，味道酸酸甜甜啱晒打邊爐嘅時候飲。記得訂枱嘅時候要求坐窗口位，夜晚黑都可以睇到維港嘅景色，呢度枱與枱之間唔會好迫，所以坐得好舒服，下次可以再嚟！

▫️朋友準備離開香港🥹 餞行飯想搵啲香港常見但可能外國少見啲既野食，所以就揀左麻辣火鍋🌶▫️環境好靚，仲對住個維港🌊 不過可惜當日俾人book晒窗邊位🫠🌶 四川麻辣鍋 拼 鹹酸菜胡椒豬肚鍋 $208▫️餐廳有好多特色湯底，但覺得打邊爐其實雙拼都夠🧐 四川麻辣鍋要左小辣，唔係太辣同麻味較輕🌶 胡椒豬肚鍋都幾足料，好多豬肚同酸菜食，唔算太鹹🧂🥫 醬料 $22/位▫️店員會放低12款配料同鼓油俾你慢慢落🥸 好多款俾你揀，但我都只係會落蒜蓉同炸蒜🧄 務求臭死隔離嗰位😎🤘🏻 全部人落晒店員就會將調味料拎走架喇～🐮 黑毛和牛 (大) $278▫️好大隻牛坐左係枱面好得意🤣 和牛用冰鎮住，牛味夠重不過略嫌唔夠多脂肪🤏🏻🦑 手打芝士墨魚丸 $68▫️有芝士餡又幾好食，墨魚丸夠彈牙，可惜得4粒🫠🐷 豬頸肉 $58▫️肉質幾滑，夠爽口彈牙🦷🐖 香煎午餐肉 $68▫️上枱時已經煎好左，鐘意既可以再放落湯底到淥一淥再食😆 吸收湯底精華😼🫔 即炸手工響鈴卷 $68▫️炸得幾脆，淥2秒就食得✌🏻 又係索晒湯好正🤤🐝 蜂巢豆腐 $48/🥒 冬瓜片 $38/🥬 皇帝菜 $68/🍄 金針菇 $48▫️大路野無咩特別就唔多介紹😛🍺 生啤 $

呢間真係高級火鍋享受~~ 坐得舒服仲有靚景 👍酒火入鍋 ($328)係佢地既signature ~~ 咁一定要試試1! 湯底有五格 包括獨特木瓜鍋 / 蕃茄波士頓龍蝦鍋 / 清湯蘿蔔牛腩鍋 / 四川麻辣鍋 / 潮州沙嗲鍋個木瓜鍋係真係有幾大舊木瓜係入面 仲有D蝦 第一次食木瓜鍋 感覺有D奇怪😂😂 潮州沙嗲鍋好正 好濃味!! 但食得多真係好漏同好飽 要夾雜下D清湯食先得🤣頂級安格斯牛小排 ($268)呢個牛小排非常之抵食，逐片逐片掛出黎都好美觀，好適合打卡🤣食落去，油脂味重之餘，牛味都唔會搶走曬!黑松露蝦蟹餃 ($68)必 點 !! 勁香黑松露味!!! 😍 入面真係啖啖蝦同蟹肉 一隻好大隻七星報喜 ($98)七種唔同顏色的墨魚丸，每種顏色代表著唔同的味道，十分有特色，值得一試!❤️黄金炸魚皮 ($78)邪惡之選 好多咸蛋黃醬 同埋炸得好香脆 🥰 但勁大碟 兩個人食真係搞唔掂 建議4個人先好叫🤣 唔係到最後會食得好辛苦仲叫左蔬菜拼盆 ($68) 同 雜菌拼盆 ($58)都好fresh~~ 打邊爐叫菜岩哂 可以索哂D湯汁🤣🤣

有friend好中意打邊爐，次次約親我都喺去火鍋店，本來都冇點期待，結果呢間酒鍋都幾俾到驚喜我，環境舒服，食物有gimmick得黎素質都唔錯。《酒火入鍋》次次揀火鍋湯底都有選擇困難，而呢個鍋有5個口味，包括左番茄波士頓龍蝦鍋、潮州沙嗲鍋、四川麻辣鍋、清湯蘿蔔牛腩同埋木瓜鍋，一次過試曬唔同口味。除左木瓜鍋，其餘4個湯底都幾好味，木瓜鍋主要喺用黎做噴火gimmick用的，店員會喺木瓜鍋上澆酒，然後用火點燃，製造火焰升騰嘅視覺效果，但因為呢個湯底有酒味，我就冇用黎涮食物。番茄同沙嗲湯底夠惹味，可以提升食物嘅鮮味，麻辣湯底辣度適中，清湯就好鮮甜，四個口味都不相伯仲，各有優點。《黑毛豬豚腩肉玫瑰花拼盤》呢個拼盤大大份，豚肉肥瘦適中，又夠油香，而且肉片夠厚肉，食落真喺啖啖肉，最為配沙嗲湯底，食落最香甜惹味。《開心小企鵝》呢個喺企鵝形狀嘅墨魚丸，造型可愛，而且煮完都keep到個樣，企鵝嘴係枸杞黎，整體口感彈爽。《什菌拼盤、蔬菜拼盤》食材新鮮，處理得好乾淨，以為望落唔算多，但其實好大份，三個人都好夠食。《黑松露蝦蟹餃、韭菜餃》兩款餃子都皮薄肉餡多，黑松露味好突出，配合蝦蟹肉餡味道香甜，而韭菜餃亦都鮮美

勁鍾意食火鍋架我..搵到依間有海景架高級火鍋..所以約埋屋企人黎一試..佢座落銅鑼灣燈籠街..順手可以行埋街..非常方便..一試之後嗰感覺很好..無論食物 裝修 服務全部都一流我地一行四人選左 抗疫先鋒 入面有四款湯底每一款都好有特色胡椒豬肚花膠黃金雞湯超級足料…有雞件 豬肚 ..花膠都有數件..花膠厚身張口👍🏻…湯頭煮到奶白色..濃濃胡椒味一讚四川麻辣湯入面有 豬皮 辣椒干 豆芽 豆卜…辣度十足.麻招都做得非常好..食得辣嘅一定鍾意杏汁白肺木瓜雪耳湯非常滋補嘅湯底…又係煮到非常奶白色…蕃茄洋蔥紅蘿蔔豬展湯濃濃嘅蕃茄湯…打完邊爐仲可以飲埋佢..鍾意蕃茄一定鍾意依個湯底一大盤配料..應有盡有.驚喜嘅係有XO醬七色丸全部都係手掣嘅手工丸七款嘅唔同味道樣樣都好有特色..我自己比較鍾意黑松露同埋菠菜丸企鵝造型嘅墨魚丸用黑色嘅蝦滑同埋白色嘅蝦滑造成依個企鵝造型..好睇之外仲非常之好食彈牙蔬菜拼盤有非常多種類嘅蔬菜..西蘭花椰菜花唐生菜粟米雞髀菇有我最愛嘅娃娃菜添仲叫咗個小食脆薯墨魚丸用薯仔絲包住啲墨魚滑..然後油炸..非常之嘢味.送酒一流金磚豆腐豆腐切成粒粒..然後上粉炸..然後用避風塘做法..

「酒鍋」銅鑼灣店位於V Point 27樓，接近頂層，能居高臨下般遠眺維多利亞港景色，非常優美，而且餐廳樓底極高，極具空間感，論環境，真係一流無得輸。酒火入鍋 ($328): 視覺效果一流嘅火鍋湯底選擇，此鍋共有五款湯底，分別係蕃茄波士頓龍蝦鍋、潮洲沙嗲鍋、四川麻辣鍋、清湯蘿蔔牛腩，以及木瓜鮮蝦鍋。而最後嘅木瓜鍋，店員會先落酒，再點火將鍋裡面嘅幾隻蝦燒一分鐘左右，再加湯，木瓜鍋味道就無咩特別，純粹幾igable...... 其餘幾個湯底都幾好食，尤其蕃茄波士頓龍蝦鍋夠曬鮮甜，由於湯唔多，所以幾重蕃茄味及龍蝦嘅鮮味；沙嗲鍋亦夠惹味，帶花生香；四川麻辣鍋唔算太辣，約莫只有譚仔中辣至大辣，但都幾香嘅；而清湯蘿蔔牛腩我純粹食啲蘿蔔及牛腩，由於湯底清，我都無拎黎灼食物。So overall，蕃茄龍蝦、沙嗲及四川麻辣都幾好食。黃金炸魚皮 ($78): 新鮮脆香，鮮味之餘，亦Juicy可口，每塊魚片都掛住足夠份量嘅鹹蛋黃，蛋香豐富，惹味得很。此比起一般袋裝鹹蛋魚皮少左各式添加劑及防腐劑，食起上黎無咁油膩。頂級安格斯牛小排 (大) ($268): 肉色鮮紅，油花不多亦不少，分布均勻，食起上黎肉味濃郁之

今日同朋友嚟銅鑼灣行街，行完之後諗住一齊打個靚邊爐，最後決定嚟呢間環境好好嘅酒鍋 。環境好靚，間隔疏落 坐得好舒服，而且仲有大玻璃，可以望到海景，呢個體驗真係一流。湯底方面選擇都好多，我哋揀咗抗疫先鋒$288，有四格分別四款湯底，包括胡椒豬肚花膠雞湯、杏汁白肺木瓜雪耳湯、麻辣湯、蕃茄紅蘿蔔豬展湯，惹味得來好養生，每個湯底都有各自特色，味道好好同埋好多湯料添！先黎一個「豬」拼盤，圍住成個爐，好靚！有成朵玫瑰花嘅豬肉片、手打蝦丸墨魚丸、黑松露豬肉餃、韭菜餃，賣相好靚而且質素好好。各款丸嘅味道同埋口感感覺都係比一般火鍋店特別，真係有種手打嘅感覺。黃金炸魚皮呢個炸魚皮真係非一般嘅好味，炸到勁脆！脆卜卜，而且好重鹹蛋黃味，雖然好邪惡但真係必點！開心小企鵝呢個賣相都幾得意，因為我哋有小朋友，所以佢哋睇得開心又食得開，呢個小企鵝係墨魚丸，口感都幾彈牙，不錯。頂級手切肥牛牛肉嘅質素真係好好，紋理分明，肥瘦平均，口感非常軟嫩，牛味又夠重！好正。最後我哋仲嗌左佢嘅竹蔗茅根同埋紫貝天葵，唔算甜，好好飲，呢餐火鍋非常滿足！

銅鑼灣呢間酒窩,最適宜三五知己放工後或shopping之後飲返幾杯先跟住打下邊爐吹下水,設計有外國bar既風味！食得開心,呢度氣氛環境浪漫又舒服。今次叫左最特別抗疫先鋒 鍋底有四種味道,其中一個湯底係海底椰雪耳豬肺湯底湯底料十足,麻辣大豆芽豆卜湯底,鍾意食辣就啱曬,蕃茄西芹湯底有彈牙嘅豬踭肉,還有一個惹味嘅胡椒豬肺湯,適合唔同嘅口味,最特別嘅地方嘅擺設一個大圓週！中間四個湯底,非常漂亮,,麻辣春捲響鈴一定要推介,非常鬆化入口溶化曬,最鍾意食避風塘門鱔丸彈牙爽脆,黑色的水餃餡料是黑松露非常惹味,價錢合理。食肆最重要係洗手間要乾淨👏總括嚟講食咗一餐好特別好開心！值得同朋友share的一餐畀五個👍👍👍👍👍

朋友知我鍾意打邊爐又鍾意食麻辣野，所以就帶左我黎呢間靚景又好座既餐廳十下十下～呢間野ｄ服務好好，一黎到就guide我地入座跟住介紹下有咩好食。黎到即刻叫個湯底先！我地今次叫左個叫"抗疫先鋒"既湯底，入面有4款湯，分別係：胡椒豬肚花膠黃金雞湯杏汁白肺木瓜雪耳湯蕃茄洋蔥紅蘿蔔豬展湯四川麻辣湯４隻我都食過，每一個湯底都係真材實料，入面係有好足料既餸。而個人最鍾意就係麻辣湯，好夠麻好夠辣！！完全係搵番之前係大陸食重慶火鍋個種感覺。最正既係，呢度有四款湯底，照顧埋ｄ唔食辣既朋友～！！我地仲有叫左好多唔同既餸，呢度係用一個大圈圈咁樣上菜，幾有趣同埋超打卡值得一讚個玫瑰花拼盤，ｄ黑毛豚肉非常有新鮮豬肉味。同埋切得唔算厚，好快淥完就食得，好香好滑既豬肉片。手切肥牛都好得，一食就食到好濃郁既牛味。身為一個鍾意食麻辣既人，我仲叫左其他麻辣既小食，幾正！分別有麻辣響鈴同埋麻辣鴨血，前者呢個整法幾好，有少少味之餘，你可以揀就咁食或者將成個麻辣湯浸住ｄ響鈴都得，麻辣程度自己揀另外都係不外乎其他辣野～仲叫左個避風塘鱔太同埋胡椒風味魚皮。兩樣都幾香口，同埋唔算好辣，唔太辣既人都可以handle到。整體黎講ｄ野食都幾

呢間火鍋店除左料靚呢Ｄ基本野之外佢連成個景都好靚十分推薦望住維港，咪話唔爽坐得唔逼，環境舒適多款醬料，真係唔少酒火入鍋（木瓜鍋、蕃茄波士頓龍蝦鍋、清湯蘿蔔牛腩、四川麻辣鍋、潮州沙嗲鍋）通常打邊爐最多都係雙拼估唔到呢到有成五拼岩晒多心既我但點解佢會叫酒火入鍋呢？火係邊？原來係火係店員會用酒燒中間既木瓜鮮蝦鍋，令佢味道更上一個層次龍蝦大大隻又啖啖肉，真係淨係食個湯底已經好足料清湯腩又淋又香本地手切肥牛淨係擺盤已經咁吸引～我鍾意呢到既肥牛唔會太肥但因為佢用既係靚料所以依家入口勁軟嫩仲可以食到陣陣肉香豆腐紙口感好特別，似更加薄更加軟既腐竹手打芝士墨魚丸、手打芝士蝦丸超級無敵勁彈牙，而且蝦味勁香勁濃，推薦洋蔥豬肉蝦蛋餃呢到既蝦肉真係唔錯用黎整湯餃都可以食到佢勁香勁鮮既蝦肉味黑松露蝦蛋餃黑松露味好突出，估唔到原來黑松露同蝦係咁夾三色鮮制生麵呢到既生麵口感好特別唔似坊間果Ｄ浸幾野就軟晒冇晒口感蔬菜拼盤、什菌拼盤兩個拼盤都好大份，抵食開心小企鵝造型好特別，味道都唔錯

打邊爐比人感覺好似好麻甩，環境通常都麻麻但係呢間就環境又好，野食又掂位於銅鑼灣黃金地段落地大玻璃望住維港加埋舒適既座位呢個配套簡直完美火鍋配料有多種選擇醬料都有咁多花款，認真講究酒火入鍋湯底我點左呢個咁有趣既酒火入鍋其實佢係有五種口味分別係木瓜鍋、蕃茄波士頓龍蝦鍋、清湯蘿蔔牛腩、四川麻辣鍋、潮州沙嗲鍋款款都各有特色蕃茄波士頓龍蝦鍋入面真係有大大隻波士頓龍蝦木瓜鍋既鮮蝦用火燒過，份外惹味本地手切肥牛打邊爐最唔少得既梗係肥牛啦呢到既本地手切肥牛油花分布均勻令你食落可以食到陣陣油花香而且肥而不膩，高質！黑松露蝦蛋餃、洋蔥豬肉蝦蛋餃兩款好特別既餃黑松露蝦蛋餃既黑松露味勁香洋蔥豬肉蝦蛋餃將爽滑既鮮肉同豬肉完美結合，啖啖肉勁滿足手打芝士墨魚丸、手打芝士蝦丸呢到既手打丸應該係我食過咁多間入面最彈牙既真係用黎打乒乓波都得開心小企鵝仲有玩味十足既開心小企鵝，其實都係魚糕類食物咁得意，帶小朋友黎食都唔怕佢冇野岩食啦三色鮮制生麵生麵勁大份，淨係叫一份已經好夠飽，抵食豆腐紙比腐皮更薄，入口即溶，豆味香濃什菌拼盤、蔬菜拼盤拼盤類份量都幾多，種類都唔少紫貝天葵、竹蔗茅根除左常見既竹蔗茅根仲有好少見既紫貝天葵

酒鍋定時定候都會有新意思，之前去過都覺得幾正！貪佢環境闊落坐得舒服，仲有無敵靚夜景！每人三，四百就享受到，值得推介。今次叫左抗疫先鋒包有4款唔同口味湯底，四川麻辣夠香夠濃！非常風味，食得辣不得不試；杏汁白肺湯，雪耳清爽，好滋潤養生；蕃茄洋蔥豬展湯味道到位，清新鮮甜夠健康；胡椒豬肚花膠湯大量豬肚煲得夠綿滑！真係各有特式。配料圍住湯底，成件事好靚，岩哂打卡。黑毛和牛卷成花，色澤紅潤，質感嫩牛香重，好好食。黑松露蝦蟹餃，松露香味 撲鼻而黎，餡料夠飽滿， 皮又夠薄非常高質。其他餃都好正，大隻夠抵食。秘製麻辣鴨血，味道好正夠哂刺激，鴨血質感夠滑又入味。麻辣響鈴， 即叫即炸，新鮮脆卜卜！麻辣香而不膩，創新配搭。

今日去咗同朋友食飯 我哋就揀咗位於銅鑼灣登龍街嘅呢間酒鍋度打邊爐餐廳環境好靚用咗好多中式元素去裝飾 最特別係竟然可以飽覽維港夜色 帶旅客或者情人呢都係唔錯嘅選擇首先叫咗個黃金美人鍋 湯底係花膠雞湯花膠分量唔少雞肉嫩滑即炸手工紫菜響鈴卷 超級脆卜卜即叫即炸有心思開心小企鵝 其實係墨汁墨魚丸 造型可愛小朋友一定鍾意黑松露鮮蝦餃 洋蔥豬肉蛋餃黑毛豬豚腩肉玫瑰花拼盤 黑毛豬肥瘦適中仲擺到好似玫瑰花咁嘅造型超靚呀本地手切肥牛 份量幾多 油花分佈平均牛肉味濃郁蔬菜拼盤 幾新鮮 仲有幾款唔同嘅蔬菜

今日開會開到成7點幾，原本應該6點幾就走得，所以老細都識做請我地去打邊爐，佢話之前黎過酒窩食幾好食就帶左我地黎食。一坐低原來係望到維港，個環境一流，不過我地都餓到飛起，唔理三七二十一就叫野食，四個人都想食唔同鍋底，最後就叫左個酒火入魔，有5個味，又有蝦同龍蝦食先$328，勁抵。打得邊爐就緊係要叫小食食住先，叫左個黃金魚皮，其他野未到已經比我地清哂，好鬆脆。之後主食就黎左當中緊係有手切肥牛同埋黑毛豬豚肉，其他仲有黑松露蝦蟹餃，洋蔥豬肉蝦蛋餃，即炸手工紫菜響鈴卷同埋三色鮮制生麵，埋單先一千蚊左右，抵食到爆。