酸辣川 (仁愛堂街)

营业中

休息中

係平嘅，28蚊米線底，7蚊一個餸最低消費35蚊嗌咗中辣，湯底平心而論，唔好有要求，湯係冇味得個辣字，粉係多嘅，食極仲有發脹哂都冇心機食夠飽嘅，唔好有期望就好了。

在何福堂剪完頭髮，就在附近搵食。經過見到呢間酸辣川有得吃熱拌紅薯粉，就入去試下啦聽講舖頭由兩公婆主理，老闆娘好斯文有禮舖頭窗明几淨，都算十分乾淨，睇得出很用心經營點野食係自己手寫點餐紙，我點了小辣豬扒、肥牛、蘿蔔熱拌紅薯粉，凍檸茶，盛惠$55。隔咗幾分鐘，飲品同食物都相繼送到碗紅薯粉好大碗，豬扒同肥牛份量好多，整碗粉有很多配料，包括炸醬、花生、酸菜、芽菜、芫荽、蔥花、韭菜。豬扒煮得好腍好入味，肥牛好吃，蘿蔔好甜冇渣，加埋好多的配料，十分飽足的一餐下次剪完頭髮再來吃

嗌過好多次外賣了，又便又快，美中不足就係太太太甜了，鮮牛肉好好食，每次必嗌。份量好多，每次都食唔曬，夠曬兩個細食嘅人一齊share。早餐都幾抵食，又有多士又有粉麵，細食嘅人又係夠食兩餐了。

$28小窩米線，每加一種做$7，十分抵！配料充足，有蔥、芫荽、花生、韭菜、芽菜等。食左碗大麻辣，不油膩。湯有帶甜，這種鮮甜，酸菜不是死酸，有清甜！食左牛肉，不過不失，豬腸滷水味濃，肥瘦均勻！

地點不是太明顯，可能考慮到鋪租啦，叫了麻辣麵，但唔係好油膩，又唔會好咸，麵煮得剛剛好，配菜足夠，湯頭有點鮮甜，可惜只開到4點服務好親民，街坊小店，有自己特色，要支持

無意中發現屋企附近這間米線店，便試一次！湯底少少偏甜有麻辣和酸辣個人比較喜歡食麻辣！湯底小窩米線配料有很多仲有大量花生添香茅豬扒最出色，薄薄地好入味香茅味很重食過一次之後久唔久就會想起這間米線店來一碗

呢間米線食過幾次，質素保持到👍而且價錢實惠份量足，店員服務好好添，真係抵讚佢嘅湯底同其他雲南米線有少少分別，比較清，米線都比較彈 ！特別鍾意食佢嘅豬扒，好淋，小辣唔係好辣，下次都係食返中辣啦奶茶有茶味走甜好飲！

酸辣粉是重慶的美食，自從流入香港以來，一直大受歡迎，亦衍生了各式各類的酸辣麵店，其中有名可能是三哥、傷心等。能夠在香港這個美食天堂保持屹立不倒的地位，其中價錢大眾化、口味獨特又開胃，無論春夏四季皆宜放開肚皮吃，是成功的重要因素。自從在安定的譚仔見過一隻大蟑螂後，再也沒有去了，沒有辦法，環境實在太影響胃口了。今次去了新金榮附近，在一棟大廈的轉角發現一間又是吃米線的專門店，在開放堂食的第一天就在這間餐廳吃午餐。小鍋紅薯粉$26光是一碗紅薯粉，已經非常足料，有花生、芫荽、蔥、酸菜、炸醬、芽菜和韮菜。紅薯粉帶有嚼勁，爽彈，不會太易斷，顏色清透，湯底酸辣程度平衡但不濃，適合小辣的我，但我也吃到流鼻水。我最喜歡是吃酸菜，除了在已經關門的鹿兒島吃到美味的酸菜，另外就是這一間。我覺得酸菜其實是酸辣粉的靈魂之一，不但開胃，更是增添口感。我另外加配了豬軟骨(每款$7)，老闆很大方，給了我大約四、五塊，而且是大大塊，肉質夠軟綿，吃得很滿足。整體來說，性價比高，絕對會再光顧。

繼續支持小店系列。飲完咖啡決定搵間店食下tea, 路過呢間米線決定試下。入門口第一個印象就覺得呢間米線店應該好有人情味，因為佢既門口唔係樓梯而係斜台，方便一d 坐輪椅既人士出入。店內我都見到兩個坐輪椅既伯伯，相信呢一點小小既心思都真係方便到有需要既人。周日店內都幾多客人，但係只有一個侍應姐姐同埋一個廚房。個姐姐不停好忙咁落單收幾傳菜執野，但係神奇既係佢面上仍然係好有笑容，超高eq, 佢良好既服務態度真係好impressive! 🍜豬軟骨麻辣米線中辣($33)加低糖綠茶($3)呢度既湯底辣得黎偏甜，未必個個中意。不過d 豬軟骨都炆得好淋同入味，最欣賞d 軟骨炆到變半透明，食落好正 🍜麻辣牛肉紅薯粉清湯($33)加枝裝豆漿($6)麻辣牛肉隻辣味夠香，牛肉都好軟淋，可以一試！欣賞呢度碗碗米線or 薯粉都有花生，我最愛 🥟白菜豬肉水餃($20)水餃偏細粒，無乜特別。去到埋單時個姐姐仲笑住同我講："對唔住今日比較多人所以上菜比較慢。" 如果間間餐廳既店員都咁有禮貌我相信食客既包容度都會高好多。