影片
营业时间
今日营业
12:00 - 00:30
星期一至日
12:00 - 00:30
以上资料只供参考，请与餐厅确认详情
嗰日去九龍灣淘大睇戲，睇完戲之後聞到隔離嗰間嘅醉雞捲同椒鹽燒賣都好香，所以就買咗嚟試吓🤤老闆娘姨姨好好人，我哋落完單之後就轉身喺廚房度煮煮煮，煮嘅過程都聞到好香好香嘅味道，我哋仲叫咗花甲粉，但係太肚餓食晒唔記得咗影相🤭花甲粉冇影至相，唯有用文字去描述一下。老闆娘姨姨好好人問我哋洗唔洗走芫荽走蔥。唔食芫荽同蔥嘅我緊係全部走晒啦。碗花甲粉雖然冇咗呢啲調味料，但係佢嘅湯底仍然都係十分出色。我哋揀咗好BB嘅BB辣，但係個湯底食落好似譚仔五小辣咁樣。所以如果真係唔食得辣嘅朋友仔鼓勵要提醒老闆娘姨姨真係要落好少好少好少嘅辣～（佢嘅辣度係會令到條脷覺得麻麻地咁，好過癮！）✨🦛
继续阅读
收工返到屋企附近都8:30 ，仲未食晚餐，想食啲野味嘅食物，上foodpanda見到呢一間買滿$120有6折，我叫咗一個醉雞捲，一個芝士肉鬆手抓餅，辛辣花甲粉，兩條台灣腸，為返110幾蚊醉雞卷一盒有10粒份量好多，但係整得太鹹啦，我見到個膠盆睇到佢唔係喺舖頭度整，喺食物工場度拎返嚟嘅，所以唔關佢事，撇除比較鹹啲，佢係好味嘅芝士肉鬆手抓餅，係好食嘅，辛辣花甲粉，裏面有八粒花甲我覺得份量幾足，我叫咗BB辣都食到佢嗰個辛辣香，好食台灣腸正正常常， $16兩條還好呢一餐外賣晚餐係滿意嘅，但係有一樣唔係幾好嘅就係，我見到間舖頭細細，等緊外賣嘅時候又見到兩位中年女士喺度準備緊食物，都有好多人喺度等緊，我見到兩位女士都冇帶手套處理食物，而手上都佩戴一啲飾物，令到我對食物嘅衛生有少少擔心，另外食完晚餐之後當晚半夜我都有肚屙，雖然未必一定關事，但係我好希望佢哋可以改善返呢個問題，因為佢啲嘢食真心唔錯，性價比都高support
继续阅读
淘大商場3期呢間❤︎︎醉滋味❤︎︎設有幾間分店，主打賣特式小食，有花甲粉，冷盤，手抓餅，燒賣等等⋯⋯我等外賣期間，連續有兩個人客來買醉豬手😋聽店員講慢煮醉雞卷同花雕醉鴨舌最受街坊歡迎👏🏻成日都買到沽清架👍🏻厲害🩷❤︎︎辛香花甲粉清湯❤︎︎$60湯底可以揀辣度，配料有芫荽，蔥，花甲同粉絲，我額外加左貢丸同娃娃菜，大大碗超多粉絲😋湯底清而夠味，啲花甲洗得好乾淨無沙👍🏻唔額外加配料都係$42，好抵食。❤︎︎杞子花雕醉雞翼❤︎︎$42一盒有六隻雞翼，大大隻😍啖啖花雕酒香味，天氣咁熱🥵真係消暑涼拌。👍🏻❤︎︎椒鹽花枝丸(5粒)❤︎︎$22爽口彈牙，椒鹽味鹹鹹香香。😋❤︎︎台灣腸(2條)❤︎︎$22精選新鮮豬腿肉，口感紮實，嚼勁十足，煙靭多汁。
继续阅读
由元朗開分店開到黎九龍灣最出名係花甲粉同埋醉雞主要做外賣為主冇堂食所有食物即叫即煮😛除左花甲粉仲有啲炸物小食同手抓餅🫶🏼配搭方面幾自由幾多選擇🥰🍜辛香花甲粉 轉鳥冬 $57· 娃娃菜麻辣湯底味道適中唔濃唔淡啲花甲量都幾多而且全部都冇沙烏冬係日本烏冬幾有誠意🍜麻辣辛香花甲粉·山根 美國肥牛 $62幾鐘意個花甲粉 辣得黎唔會太過份啲野食全部都好入味份量唔小 食極都仲有咁🤣🤣🐄椒鹽麻辣牛丸 $22一共有5粒 炸得幾香口麻麻辣辣咁好惹味
继续阅读
淘大呢間外賣店好高質，食過幾次質素都好穩定。間唔中都會掛住佢哋嘅花甲粉！✨惹味套餐 $75有一份花甲粉（可以揀兩個餸），一份椒鹽燒賣，仲有一罐汽水。我揀咗要麻辣小辣湯底，味道好香，尤其係配埋大量芫茜，會令人越食越想食。花甲好鮮甜同完全冇沙。建議配多份蔬菜，吸晒湯汁好惹味！✨巴辣單骨脆翼 $32雞翼香脆多汁，有少少辣味好鬼香。食到完全停唔到口。✨D24榴槤手抓餅 $38手抓餅裏面有大量榴槤肉，好香好滿足。榴槤控必食。📍醉滋味 (九龍灣)九龍灣牛頭角道77號淘大商場3期地下276A號舖
继续阅读