醉美島 (已結業)

因為喜歡吃海鮮，生日晚上選擇吃海鮮鍋，在元朗這間店預訂了，晚上來發覺人非常多，因為三百幾元有海鮮鍋吃很抵食吧。我們選了不辣的口味，湯底留有少少麻味，海鮮都蠻就鮮的，有肉蟹、魷魚鬚、花甲、鮑魚、蝦，肉蟹已分開小件容易吃，蟹肉新鮮蟹蓋還有好多膏，鮑魚爽彈、蝦鮮味，另外還有萵筍、粟米、薯仔、金菇、娃娃菜等配料，如果配料份量多點就更好。另外叫了燒茄子和燒生蠔，茄子大大件，醬汁十分惹味，燒生蠔蒜味濃郁，很有蠔香。飲品選了芒果沙冰，超澎湃的，裝滿了還要像山一樣加高，很有視覺效果也抵飲，好像飲到一些果肉。

前幾日同老公去試左真係好好味，我地食海鮮喎同叫左燒羊架，所以食吾到好多串燒，但食左兩串1蚊盲串，一個人可以叫一串，送左一串燒娃娃菜同豬頸肉，真心覺得好味，海鮮喎我地連湯都飲晒真心介紹大家去一試，我仲準備黎緊星期六帶埋奶奶去食，個海鮮真係真材實料，好鮮，自已去街市買都食吾到$368，老闆娘話因為新開張所有預多左比客人試食，之後如果要去食最好預訂，因為海鮮過吾到夜，成本好大，燒羊架我老公都話真係好正，我老公話出面100幾200蚊都吾夠佢地$58低食及好味，我自己就吾食羊，只係幫老公表達，我應成左老闆娘會比好評😌

見新開嘅燒烤店有羊腰，就想話試下啦。本身跨年夜開開心心去買嘢食，點知拎番屋企先發覺俾少左嘢，exactly就係果串羊腰如果係我點左幾十串漏左一串我都理解，但係我total就點左4件嘢，咁都可以漏真係都幾誇張我明佢地都不停keep住有嘢做，所以等左半個鐘我都無講乜啦，但係咁樣漏左嘢真係唔應該咯其他嘢食都正常水準，羊扒同多春魚ok，韭菜都幾嫩，店員嘅態度亦都唔差，同佢地反應漏左嘢都有轉數快俾番個羊腰錢，不過就成件事令人好唔愉快

好嬲丫！今日見到雞地有間新開串燒，醉美島，諗住去試下，開頭見價錢都唔平喎，心諗應該幾好食啦😰食完簡直顛覆咗我嘅三觀呀😰串燒貴 都唔緊要，個五花腩串細到呢，好似豬肉碎串然後鴨掌串，我腦海中嘅鴨掌串係成隻手掌，點知嚟到係冇嘅，得鴨掌筋 係得一條筋 oh my god 😰再黎牛肉串，成個瘦肉嘅感覺，仲要勁細粒！仲有佢個魷魚鬚串，得2舊仔，仲超級細條！我應該覺得佢間鋪係買迷你嘢食，價錢仲要唔成正比，仲有個臭豆腐，又唔臭又唔好食，又冇味，心諗豆腐卜都好食過佢‼️未試過一間串燒食到咁差嘅食評，佢哋唯一好嘅係包裝袋係保溫的！仲有係職員有禮貌嘅！我真係唔係淨係比差評。我係講出我食後感，我已經係試左三次嘅人，諗住第一次食串燒差，第二次食佢嘅午餐會好d,原來都係差..個2個送，我真係食咗個”寂寞”😫第三次再試堂食！份量都係一樣細！我唔會有下次~好貴！又唔抵。好差好差！oh my god行過兩條街，有間串燒又平又大件，真係唔係sale,自已去搵

一直想試嘅海鮮鍋！🦐今日經過元朗，終於可以一試，🦀佢哋嘅海鮮鍋份量都幾大，一個小煲足夠2-4人份量。🌶仲有辣度可以選擇，入邊嘅配料非常豐富。🥢醉美島海鮮鍋gourmet island seafood pot 小鍋 368/份🥘面頭有蔥花，🥬芫荽增加鍋底香氣。肉蟹都幾大隻，而且新鮮厚肉。配菜方面，🥢萵筍可以吸收湯底嘅精華，🌽香甜嘅粟米，🥔軟淋嘅薯仔。仲有多款蔬菜，金針菇，娃娃菜，豆角，都可以令你大飽口福。

燒羊扒！羊肉串超正！！好正宗！燒得啱啱好！D羊肉燒完都充滿肉汁！一D都唔柴口！肥瘦均衡！完全唔會過分騷！亦都唔會完全冇肉味！非常推介！羊扒羊肉串必食！同埋呢間海鮮都好新鮮！燒蠔一流！我地叫左兩大打！個個都咁好肥！！！燒蝦都係勁彈牙！！唔係冰鮮果種食落肉質好霉！極力推介推介！係香港食出返大陸既感覺！D味道真係好正宗！香港好難穩到！燒玉米粒都好好味！🌽係糯米粟！勁有嚼口！一粒粒串好！燒娃娃菜都好正！好甜！

呢兩日天氣突然間咁凍，甘啱又行開依條元朗食街都唔知食乜好，行行下見到一間新開食海鮮鍋+串燒，就俾佢吸引到入咗去試下！一坐低，店員即刻推介佢哋個招牌海鮮鍋，店員又同我哋講本身呢個海鮮鍋要預訂，但好彩我哋嗰日去到還有兩個，所以我哋才有機會可以一試👍，我們叫咗二人份量少辣，海鮮鍋份量相當足夠。有蟹、蝦、魷魚鬚、萵筍，金菇、薯仔、蜆、鮑魚……份量絕對夠食，所有海鮮都非常之新鮮，配合濃郁湯底，好食😋😋😋👍👍👍除咗海鮮鍋外，我哋經店員介紹叫咗生蠔，雞泡魚乾，和幾串串燒（包括雞腎、羊肉串、魷魚鬚，）店舖還相當貼心，串燒可以有一個熱爐可以熱住一路食，唔怕咁快凍，串燒配上啤酒簡直係絕配👍🍺🍺期待下次再去試其他款式的串燒

有個爐䁔住啲嘢食，可以吹水慢慢食，啲嘢食嚟到都唔驚佢凍，呢個動作好窩心，啲嘢食好好味唔會太鹹，又唔會太乾👍🏻👍🏻，叫咗章魚鬚串，羊架，羊肉，燒雞皮，仲有會生啤，價錢唔算貴，環境坐得舒適，真係一個吹水嘅新地方