醉翁亭火鍋館 (已結業)

火煱料靚新鮮又抵食。。。。水餃很好吃,但服務真的好差,叫極都冇人應機,在場員工經常超大聲講野。。。。重點係個場得個2-3枱客,但就成日遲出單,醉翁婷去過好多其他分店。。。應該係呢間最差

天氣一凍新好想打邊爐喇~懶得自己去買野食又要洗，朋友介紹佢樓下間打邊爐既餐廳，唔限時任食，真係好少任食係會唔限時，一於去睇下啦！價錢方面呢，都偏貴少少既，但係又唔限時，d食物質素又高，係要咁上下價喇依個價錢本來就包咗以下依幾款，每人有一件三文魚係厚切，都好鮮味。鮑魚條邊就可以再清乾淨d~~依碟牛完全無筋，好味。不過想要多碟就加錢，但我地兩個女仔食肉量不大，依碟牛既份量已經夠食前菜有個角落任添，拎左碟雲耳，幾欣賞用依隻雲耳，無中間骨位，酸尾尾幾開胃任食既食物選擇就真係少左d，只不過係勝在每款食物都新鮮，質素都算高我地由7點幾開始食至11點幾，傾下食下，唔洗比人趕幾好d侍應服務都唔錯，每次想嗌人加湯前，佢地都主動過尼幫我地加咗第一次食依間任食邊爐，都幾滿意，如果食物多返d選擇就好喇

聖誕節假期前，在工作地方附近與同事聚聚會HAPPY一番，將工作壓力拋於腦後。雖然來了多次，最喜歡他的無限時及座位寬敞，可以與同事暢所欲言。先來一些頭盤，刺身拼盤，有日本魷魚、三文魚、北寄貝和希靈魚，每件都很鮮甜，三文魚厚身肥美。蠔皇金錢花膠花膠十分稔口，吸了蠔油令味道不會太單調。看到餐單上多了時令羊腩鍋，喜歡吃羊的我絕對不容錯過，枝竹吸引湯汁精神，入味非常，羊腩蠻嫰滑，相當暖胃。至尊水餃皇水餃皮薄餡料飽滿，蝦肉爽彈。環球海解盤海蝦、蟶子、大青口、元貝等，蟶子爽身鮮甜，海蝦口感彈牙。極級牛頸脊油脂分佈均勻，吃起來肉味甚濃，鮮嫰之餘不太肥膩。

近期好多餐廳都推出火鍋仼飲仼食，還有剌身前菜小食配搭，今日近近地去觀塘醉翁亭，地鐵站行幾分鐘就到，好方便呢。酒樓侍應個個都好有禮貌，有細心。剌身拼盤有希靈魚、三文魚、日本魷魚、北寄貝，全部都好新鮮好正常，三文魚仲係厚切。蠔皇金錢花膠，花膠好大舊仲好淋添，旁邊冬菇都好入味！我地叫左冬瓜瑤柱鍋，清清地打邊爐都唔錯！至尊水餃皇真係超大粒，應該有平時3粒既份量。極級牛頸脊，睇個樣已經好吸引，我喜歡淥30秒左右最好食。仲有青口、刀貝、聖子、海蝦、魚、午餐肉、魚頭雲、翠肉瓜等等，味道都係唔錯.....其實都好多種類。仼飲既選擇唔算太多，不過我覺得紙包飲品好好，細細包唔會浪費亦都可以飲更多款式，有柑桔、綠茶、荔枝、汽水、雪梨茶，最後仲有雪糕送添，好飽的晚餐！

之前同班同事嚟飲茶，見到夜晚有火鍋放題，今晚個會早左完，屋企冇留飯，就同個同事嚟打返個邊爐! 星期一至四$298一位再加一，無其他額外費用。我地到達後，人頭湧湧，大廳位置全部full晒，侍應安排左我哋入房，偏僻啲但又寧靜啲。出面有六款餐前小食，唔太啱食，留肚作戰。個餐本身包蠔皇扣鮑魚、蠔皇金錢花膠、蠔皇金錢海參或雞蓉燴燕窩，每星期更換一次，今日係蠔皇金錢花膠，每人一件花膠同冬菇。花膠大大件，同冬菇一樣炆得好入味，夠滑又夠軟腍。再嚟刺身拼盤，四款刺身︰三文魚、日本魷魚、希靈魚、北寄貝都算唔錯，冇乜雪味。三文魚更加係厚切。火鍋開始，先嚟個合照先!可以揀時令羊腩鍋或重慶雞鍋，但我哋揀左冬瓜瑤柱鍋，清清地又較為少見。冬瓜切成蝴蝶形狀，湯底滾起時，好似蝴蝶飛舞，好有趣!冬瓜份量唔算多，但瑤柱份量就好多，隨便一撈，就見到好多瑤柱絲。湯底未落任何火鍋料，味道已經好鮮味。大愛!極級牛頸脊雖然唔係咩和牛或安格斯，但雪花紋好靚，牛味真係好濃，一口咬落去滿滿油脂，可惜只有一碟。至尊水餃皇，一人得一粒，好矜貴。外表平平無奇，但可以話係「穿衣顯瘦 脫衣有肉」! 一粒裏面包含左好多隻爽口蝦仁，好足料。環球海鮮拼盤

點解？點解？1、2⋯⋯5，已經穿了5件衫上身，仲有兩條褲，但仍覺得好凍，手腳都好冰冷，無辦法啦⋯⋯真係要吃多些保暖食品，今晚一於出入冬第三擊，又是我覺得最有效的一擊，就是打邊爐，Yeah!友人是大食之人，任食火鍋就最岩她，只要不點額外收費的食品，劃一收費，唔駛擔心荷包，又必定吃得飽。火鍋店地方頗大，大廳設有多張大圓枱，最岩大夥兒圍埋一起"烚吓烚吓"，亦設有一排四人卡座，寬敞闊落。另外還間了兩個設有數張四至六人枱的區域. 全店可納不少客人。而裝潢亦很優雅得體，一盞盞中式燈籠吊燈，好華麗!******************************除火鍋外，這裏還有一個小自助區，可讓客人在等待湯底滾起前先醫醫肚，真細心! 自助區有兩個任飲大凍櫃、兩款湯和四款小吃，分別是藥膳雞腳湯、胡椒豬肚湯、泰式鳳爪、涼拌青瓜、雲耳百合 和枝豆。因要留肚，故只選了一些嚐一嚐。個人較喜歡清爽的青瓜，拌些酸酸地的青瓜汁， 味道不錯! 而胡椒豬肚湯 亦不錯，味道幾香濃，豬肚爽嫩兼不肥膩。******************************無限時任點任食火鍋分兩個收費，星期一至四每位$298，而星期五至日

邊爐怪又出動喇！我鍾意打邊爐嘅程度係可以連續成個禮拜都打邊爐，真係好痴線！呢排個天氣轉涼，一諗唔到煮乜嘢好就想出去打邊爐！今次上OpenRice就搵到呢間醉翁亭！原來佢係北斗翁旗下㗎！佢係食半放題邊爐，有啲係佢一個套餐咁俾你，有啲就可以任叫嘅！我哋係星期四去食，每位298 ，但係真係飽到飛天！最緊要嘅係啲嘢食質素非常高！首先我哋就揀咗個湯底先，大少想食雞煲，咁我哋就試吓個雞煲啦，問問店員，佢話之後可以幫我地轉返個清湯底打邊爐都得，咁就絕對要試雞煲啦！因為我唔係好食得辣嘅關係，問咗姨姨佢話唔係話非常辣，食落去真係麻多過辣！啲雞肉都仲好嫩滑，又夠入味，我哋迅速就食晒煲雞啦！雞煲係可以添加嘅，但係我又想打邊爐所以就唔再加雞啦！個餐有個刺身拼盤，非常新鮮，個三文魚直頭係厚切呢一個蠔皇金錢花膠真係冇得頂！好似我呢啲女人仔，一日掛住骨膠原，呢兩塊花膠真係不得了！ 半隻手掌咁大㗎花膠下邊內藏一隻冬菇，忟到啱啱好又入味，連我平時唔係好好冬菇都忍唔住食晒成隻呀！呢個牛頸脊，睇吓佢啲脂肪分佈就知道有幾好食啦！完全冇筋，又唔會話太肥，喺出邊好可能兩舊水一碟都冇咁好質素啊！何況而家係298一個人咋喎！超值！呢

弟弟找到新工做健身教練了，我馬上帶他到觀塘的醉翁亭任飲任食來滿足他，今天是Monday 才不過298元比星期六日平了30元，而且無限時間才是重点，因為不用趕，而且可以慢慢地吃過痛快!首先我們叫了一個任飲任食的海鮮火煱，叫了一個冬瓜瑤柱鍋!今天我們贈送的是蠔皇金錢花膠，真的又軟又滑，我們女孩子最喜歡!刺身拼盤真夠份量，有三文魚，日夲出尤魚和北寄貝，真的十分新鮮!酸翁亭極級牛頸肩脊真的很簿，滾一下己覺肉質充滿嫩滑!環球海鮮盤很大份，没想到有海蝦，蟶子，元貝，頭腩，大青口，魷魚，令人心情興奮，而且入口很新鮮!其餘的材料應有重有，而且醉翁亭的服務員態度友善，我覺得這個火煱真的性價比高!

二人外出打邊爐，選了這間較貴的半任食火鍋來試試。餐廳裝潢摩登，沒有擠逼和悶熱的感覺，卡座放置大咕臣，感覺舒適。火鍋的靈魂是湯底，這兒的選擇不算多，但質素不錯。我們點了鴛鴦鍋，是經典的皮蛋莞茜及沙爹湯。皮蛋莞茜湯非常足料，除大量的莞茜和皮蛋外，亦有馬蹄和薑片，湯味濃旭。至於沙爹湯則比較稠，沙爹味香濃而毫無辣味。如要二選一，必選皮蛋莞茜湯。先談談附送的火鍋配料，首推極級牛肩脊，牛味濃，而且肉不韌，咀嚼沒有困難。其次是水餃皇，餡料有大大隻蝦，味道不錯。而海鮮盤相對就普通一點，不過材料新鮮。其餘的任食火鍋配料則屬大路款式，整體不錯。餐廳還附送刺身拼盤和名貴熟食，我們吃的是蠔皇花菇拼花賿。其中刺身拼盤叫人有點驚喜，厚切三文魚和肴靈魚竟有點令人回味。另外，還有自取前菜，其中醃百合黑木耳、胡椒豬肚湯和藥膳雞腳都頗出色。看到這裡，大家可以想像單吃前菜、附送的拼盤和熱食，已經飽了一半，還未開始打邊爐呢！其實，餐廳還提供羊腩煲和雞煲，但我們估計應該吃不下，所以沒有點。總結，想食餐好一點的火鍋，或想跟三五知己邊食邊傾，不受時間限制的話，這裡是不錯的選擇！

食過返尋味，喺outlet買完野，望住個 directory ，諗緊食乜嘢，見到醉翁亭，我記得銅鑼灣食過唔錯，咁樣今次就試吓觀塘呢間啦！雖然價錢來講唔係全場最平，但我鍾意佢嘅座位設計坐得好舒服，我哋兩個人撐枱腳，佢就比張四人枱我哋，啱晒我哋買到一袋二袋吖一坐低侍應姐姐服務都幾細心，先話比我哋知會送雞煲，跟住我就揀咗小辣。然後雞煲就好快自動送上，小辣嘅雞汁好好味，小小麻辣唔會太誇張雞件夠鮮，肉夠嫩，又多汁。跟住以下呢幾樣野都係送嘅，所以唔使寫點菜紙都自動排隊上枱刺身拼盤頗新鮮，味道鮮甜。蠔油扣鮮鮑魚仔，豐富到好似去飲咁呀！醉翁亭極級牛頸脊，脂肪紋理又靚又平均，入口柔軟，牛味濃郁。配埋個鴛鴦鍋底，真係冇得彈！仲有環球海鮮盤超生猛嘅海蝦，蟶子皇同埋貴妃蚌鮮甜到不得了，兩個人食真係好滿足。跟住每人仲會送一粒大大隻至尊水餃王。差唔多唔使點乜嘢嘢食都已經好夠啦！係咁意食下竹笙、魚滑、午餐肉咁啦！飲品選擇唔算太多，但都已經足夠我揀啦！打邊爐最緊要有可樂，又凍又夠晒氣。整體上環境、服務、食物、價錢都好滿意

又黎打邊邊放題。 呢間野印象中好似係賣貴野。 唔知錢時開始轉左做任飲任食呢？可能競爭太大喇。 唔做放題真係頂唔住！作為消費者，我情願一個價任食， 都唔想去一間要就住就住食既地方， 因為一興起就會唔睇價錢亂叫野食！今日係298一位，其實話就話任食， 應該係rl半自助先岩，因為有d 係有限既， 只可食一次冇得refill家。呢張紙既食完就冇ga la xd可以見到有收費食品～ 另外疏菜種類都算多選擇～🌽🥒🍅整體黎講同市面上呢個價既都好多選擇。其實我想要返多d 牛or 海鮮， rather than 送魚生畀我。 我都係覺得魚生要係返日本餐廳食先得。 即係你個major 係中菜， 做乜冇啦啦要整唔係自己強項既野呢？ 都唔夾。 你畀多碟牛我會開心d~ 但市面上一般邊爐放題大勢都會畀魚生。 呢個問題令我好疑惑係邊個帶起XD

返工做到暈下暈下，放工突然想烚下烚下。於是搵埋老友去呢間醉翁亭火鍋。佢位於觀塘黃金地段的鱷魚恤中心，觀塘地鐵站經 APM 過去都唔使三分鐘，超方便。一出𨋢就見到侍應姐姐，佢好 warm 咁介紹有咩食同埋收費 。原來係無限時任飲任食，另外每枱按人數送刺身拼盤、海鮮船同鮑魚。聽落都唔錯，人少都係任食好，可以每款試下。帶位姐姐安排我地坐大卡位，嘩！超大張超舒服，兩個人真係點坐都得 ，完全唔會迫。香港寸金尺土，食慣啲碟大枱細嘅餐廳。見到呢個卡位，真係未食先感動。等食之時，阿姐話外面有自助飲品同小食，好，一於去昅昅。自助小食有鳯爪，青瓜，木耳等等，每款夾少少先藥膳雞腳好香藥材味，雞腳好淋好入味。食完即刻feel 到好補，頭痛冇曬 ！ 而飲品選擇比較少，大多都係紙包類。如果飲啤酒要另外加錢。湯底到，我地叫左鴛鴦鍋，一邊係芫茜皮蛋湯 ，下火嘅呢 ; 另一邊係沙爹湯，好香花生味。食材陸續登場，二人份的海鮮船有大蟶子，大蜆，鱔片，青囗，魷魚同生猛海蝦。蟶子好大隻，仲長過手板架，玩左佢一陣先捨得食，好肉又鮮味，大滿足。蜆都好大隻，好甜又冇沙，好肯定係即開即食，因我而死的。之後嚟係刺身拼盤，有三文魚，希靈魚

終於一嘗醉翁亭啦，同事多次介紹，不負所望！半放題任食火鍋。無限時任飲任食，都只係$298，堅扺🤤自選湯底可選鴛鴦鍋、冬瓜瑤柱鍋、羊腩煲及重慶雞煲，仲可加$80要龍蝦煱，真係眼花瞭亂，最後都係㨂返我最愛嘅重慶雞煲😍個雞煲唔錯，辣味適中岩哂小辣嘅我，係略嫌甜左小小，雞亦夠滑👍🏻食完雞煲經理仲問我要唔要試下羊腩煲，雖然想試埋，但真係驚食唔落，因為每位都送刺身拼盤同蠔皇扣鮑魚🤤到主菜海鮮拼盤同極級牛頸脊，個拼盤最正係海蝦、蟶子，好鮮味！牛頸脊牛味極濃又有咬口，正! 份量仲好足添👍🏻整體黎講呢個價錢有咁嘅質素，絕對值得推介！最後想講經理同侍應服務都好好，應該受過嚴格訓練😂

天氣漸涼，同中學老友好耐無見，係各大社交平台都見到唔少醉翁亭嘅報導，好似幾吸引，星期五晚 happy Friday 一行四個女仔去咗試。朋友於早一日訂枱，去到個場幾滿，職員帶我地左穿右插，穿過大堂d 大枱/ 卡位，帶我地去到較隱蔽嘅角落位置，自成一角都 ok。去到揀湯底先，怕熱氣嘅我地揀咗冬瓜瑤柱湯底，唔洗一陣湯底送到，真係好足料，有一絲絲嘅瑤柱絲浸底。 再過多陣限定花膠炆冬菇送到，睇落好靚，但食落花膠炆得唔夠淋，無乜味。 限定水餃真係好足料好大粒，入面有4粒蝦超爽口。之後刺身同海鮮拼盤都送到，刺身厚切，食落幾新鮮，海鮮拼盤都好多，幾吸睛。 我地另外仲加咗其他嘢食，都好快送到。 食物選擇幾多，味道唔錯，見到成枱美食，好滿足。食咗大約四分一後，可怕嘅事發生咗 😱😱😱😵😖 我係枱面角落發現一隻大約三分一手指尾大細嘅曱甴，我同佢只隔一隻手掌位，好驚佢會爬咗去我到😰😱😵 有圖有真相，佢先係圖片右下角，係食物隔離爬過，再爬上牆，我地覺得好唔對路，即刻想搵侍應，但因為坐隱蔽位，侍應好少行過。我地提心吊膽咁等，一方面好驚隻曱甴會跌落d 食物到，一方面又好驚佢會爬咗過黎有親密接觸。好辛苦先有侍應走過黎

我地叫左羊腩煲，都算大煲，唔會得幾舊肉。海鮮拼盤食物都幾新鮮，送既花膠就一般，但都可以接受。兩個人食完羊腩煲經理都比我地選多個湯底。服務員有禮貌，主動招呼。環境裝修幾靚，仲安排坐卡位。地方都算乾淨整潔。送左個花膠，水餃王，一大碟牛肉，仲有魚生拼盤，魚生都新鮮比起外面一般送既新鮮好多牛肉新鮮，水餃王入面有好大粒蝦tim.陵魚滑新鮮食落知道唔係外面加好多粉果d，墨魚滑都好有鮮味。9點入坐，食左兩小時都冇人催促我地last order。