醉胡爐

营业中

休息中

咁多年第一次出食評，就係因為覺得好值得推介呢間火鍋店！ 今晚一班朋友圍爐慶生，預早book定仲有間房仔可以暢所欲言，開懷大笑都唔怕太騷擾到其他客人。招待和食物都好高水準，湯底好正，我哋揀咗椰青雞湯底，一開始已飲咗兩碗，好多嘢食想話影相時，都第一時間比人清咗大半，除咗打邊爐嘢食高質外，佢啲熟嘢食都好好味，更欣賞難得係好多平時唔起眼的食品，如炸響鈴，各式丸子等都好好味，絕對唔係一般現成貨色，一餐價錢其實和出面任食火鍋差唔多，不過食物質素就好好多。

我最近去咗一間餐廳食龍蝦海鮮鍋，裡面仲有鮑魚、炸魚皮同餃子，真係令人驚艷！首先話龍蝦海鮮鍋，龍蝦新鮮彈牙，湯底濃郁鮮甜，真係令人回味無窮。龍蝦肉質鮮嫩多汁，同埋同其他海鮮一齊燉煮，令湯底更加鮮美濃厚。每一口湯底都能夠品嚐到龍蝦嘅鮮甜風味，絕對係味蕾享受！而鮑魚就更加加分啦！鮑魚肉質爽滑鮮美，配合湯底燉煮，味道更加濃郁豐富。鮑魚帶嚟嘅鮮甜味道，同其他海鮮完美融合，令整個鍋更加豐富多元。炸魚皮同餃子都係鍋中嘅亮點！炸魚皮炸得香脆，外脆內嫩，加入湯底之後更加入味。餃子熟透多汁，每一口都能夠品嚐到鮮美的餡料，令整體口感更加豐富。整體嚟講，呢個龍蝦海鮮鍋真係一個令人驚艷嘅餐點。新鮮嘅龍蝦同海鮮，搭配豐富嘅配料，湯底濃郁鮮美，每一口都充滿驚喜。如果你鍾意海鮮同濃郁湯底，呢個龍蝦海鮮鍋絕對值得一試！

剛過去周末又去吃火鍋,去左尖沙咀嘅醉胡爐! 今次點咗佢哋個招牌八鮮鍋, 係店員介紹我哋食! 入面超多海鮮, 店員加湯之後總會點火, 好有gimmick! 好有驚喜嘅感覺第一次見, 果然冇介紹錯! 湯底因為有好多海鮮, 所以味道鮮鮮地, 用嚟打邊爐好正! 又可以當湯飲! 佢哋嘅火鍋料都幾多選擇, 推薦食佢哋餃類, 皮薄餡靚. 另外點咗隻龍蝦, 肉質爽彈整得好惹味!! 整體店員服務不錯, 不時為我哋加湯, 又會收走碗碟, 幾細心, 下次同朋友聚會再嚟過

依排天氣轉涼就想打邊爐朋友建議醉胡爐又係一上調料盤有齊哂甘多款湯底配料夠多，飲落都幾鮮甜我地叫左個海鮮拼盤一隻大大隻龍蝦開邊！仲要唔係波士頓食材都幾高質除左龍蝦，仲有鮑魚，青口，螺等等食落夠新鮮又彈牙除左海鮮，我地仲點左牛肉，嚮鈴，餃，蔬菜等等牛肉牛味濃郁，脂肪比例岩岩好嚮鈴炸得好脆，蘸幾秒湯底就岩岩好蔬菜洗得幾乾淨水餃餃皮比較薄身，餡幾好食我地亦點左個小菜，風沙粟米好惹味，粟米夠哂甜粟米愛好者真係要試下我地直頭要encore~!

呢排天氣開始涼，即刻約朋友去打邊爐，去咗尖沙咀嘅胡爐，地方企理坐得舒服，同朋友傾計最岩烚下烚下佢哋嘅湯底都幾特別，海鮮鍋用料豐富又新鮮，有多款海鮮: 鮑魚,龍蝦, 青口, 蜆肉, 花膠等高貴食材，成個海鮮大雜燴咁！湯底味好鮮甜，未開始打邊爐前已經飲左幾碗，飲完唔會口乾！叫咗個黃金魚皮，即點即炸，香脆又好味，外層咸蛋黃超邪惡！唔點湯都好好食，當小食好好食! 點落湯又另一番滋味，其他火鍋料都幾多選擇，不錯，下次會再去打邊爐

大家都知呢排我成日打邊爐朋友話唔好比佢停喎試左呢間居然有火焰龍蝦海鮮做湯底龍蝦個頭仲要唔細隻又厚肉～真係不得了入面仲有鮑魚、青口、花螺，未滾都知啖湯會有幾鮮黃金炸魚皮～香脆可口，咸蛋黃味濃郁自家製菜肉餃～皮薄餡多，唔錯紫菜響鈴～兩者都幾夾，淥兩秒仲有少少爽脆口感即叫即炸響鈴～呢度既響鈴真係唔錯，夾起果下已經知龍與鳳風沙椒鹽粟米條～呢個好有驚喜，惹味既椒鹽襯托出粟米的清甜雜菌拼盤～幾新鮮菇味重，放埋係湯增加湯既濃度爽脆牛胸爽～淥幾秒就食得，食落爽口一D都唔油極上本地騸牯牛頸巾瘠～非常重牛味，入口嫰滑，正！

醉胡爐，位於尖沙咀厚福街，一間食材相當新鮮，餐廳店員服務又好嘅火鍋餐廳。首先每次必點火焰龍蝦海鮮湯底，店員首先會係煲底炒下啲海鮮，之後加入清酒再點火，最後再加入相當濃味龍蝦湯底，飲幾碗湯食埋啲海鮮都飽左一半。湯底材料非常新鮮豐富，龍蝦鮑魚青口蕃茄蔬菜，確實抵食。龍蝦肉新鮮彈牙，鮑魚夠晒大隻。手打墨魚丸蝦丸，大大粒，相當足料，超級新鮮彈牙。炸響鈴熱辣辣脆卜卜，浸一浸龍蝦湯底，索埋海鮮湯更加好食。椒鹽粟米，少少辣，又甜甜地，好食。

天氣涼左, 又係打邊爐嘅好日子. 今晚同朋友去左尖沙咀厚福街醉胡爐打邊爐.火焰龍蝦海鮮鍋 – 用龍蝦海鮮做湯底真係第一次, 大大隻龍蝦開邊, 肉質夠爽口彈牙, 湯底充滿海鮮鮮甜味, 直頭當湯飲都得.風沙椒鹽粟米條 – 用大量椒鹽包住粟米條, 夠哂惹味.黃金炸魚皮 – 咸蛋王包住炸魚片, 爽脆可口, 真係食唔停口.波士頓龍蝦 – 見到火焰龍蝦海鮮鍋嘅龍蝦咁新鮮美味, 又忍唔住口叫多隻波士頓龍蝦, 波士頓龍蝦用左大量芝士蓋上面, 加上少少焦香, 使到龍蝦更加惹味.手打墨魚丸 - 墨魚丸味道香濃, 爽口彈牙.蟹籽蝦丸 – 入口食到蟹籽喺口裡面, 卜卜響, 蝦丸用料非常新鮮.服務周到， 材料上乘。

成日聚會都好鍾意食火鍋天氣突然轉凍一定要黎打個邊爐特別係打邊爐前飲下佢個湯底咁乾既天氣點可以唔潤下龍蝦海鮮鍋好正既好濃既湯底大大隻龍蝦，好厚肉既鮑魚花膠嫩滑，青口鮮甜仲有好多唔同嘅貝類現場起你面前點火烹飪火焰將海鮮嘅鮮味迫晒出嚟變得特別香口，龍蝦好厚肉，食落真係啖啖肉咁多款海鮮滾埋既湯底一定要飲多幾碗湯好甜無味精黑松露餃子最鍾意食黑松露餃子有好多蟹肉混和黑松露醬一入口好濃郁嘅黑松露味，然後蟹肉嘅鮮味餃子彈牙無腥味推薦😋

醉胡爐之前食過覺得唔錯，最近搬咗去新地址，再食都覺得仲keep到水準！地點方便，係厚福街算易搵！店員服務態度唔錯，有介紹餐牌！推薦食佢哋嘅海鮮鍋，用料新鮮，入面好多料，有龍蝦、鮑魚、青口、花螺、蜆等等，真係超豐富！影完相之後店員會加湯煮滾，個湯煮到勁鮮味，吸盡各款海鮮嘅精華，鮮甜又好味，忍唔住要飲多碗，加上食埋啲海鮮好正！另外餃子都出色，餡料整得入味，似係自家製唔係交貨嚟，食落有口感！紫菜炸響鈴都值得試！大大碌即叫即炸，口感脆卜卜，浸落湯幾秒就食得！

今日朋友帶我去咗一間喺尖沙咀嘅港式火鍋食飯，間餐廳裝修環境都唔錯 新裝修👍🏻火鍋湯底都幾特別 我哋叫咗個龍蝦鮑魚海鮮蕃茄鍋 好足料個湯底 用蕃茄煮好 有哂味 喺我哋面前即刻倒落去 俾足儀式感😆 海鮮好正🙌🏻呢度嘅手打丸好好食 好彈牙 好新鮮，師傅應該真係落足力去打👍🏻佢地既自家製響鈴都好好食，勁推介有海苔嗰款 仲索晒湯🤤🤤手工餃都推薦，皮薄餡靚。小食就叫咗避風塘粟米，好惹味香口。呢度嘅服務都唔錯，店員都會走過嚟問吓你食物點樣 有冇咩意見，海鮮食得會提醒我哋 又會幫手調教吓火 唔錯！

有朋自遠方來，朋友從外地回來，想試一下港式火鍋，當然諗到去交通方便，食物質素，店員服務又好，喺尖沙咀厚福街嘅醉胡爐啦。火焰蕃茄龍蝦海鮮鍋，以蕃茄龍蝦做湯底，湯鮮甜新鮮好味，入口滿滿海鮮味道，鍋底海鮮材料相當豐富，龍蝦青口鮑魚，龍蝦肉結實好食，鍋底仲有大量蔬菜。紫菜炸嚮鈴，響鈴包住紫菜，熱辣辣炸起，脆卜卜上菜，一流。浸湯食味道更上一層樓。黃金炸魚皮，咸蛋黃味道香濃，魚皮酥脆。手打鮮蝦丸，材料足，蝦丸彈牙，新鮮好味。

如果打邊爐只可以揀一個湯底，首選一定係醉胡爐嘅火焰龍蝦蕃茄海鮮湯底。餐廳店員首先會用清酒炒一下海鮮，之後再加入蕃茄龍蝦湯，湯底本身味道超濃厚，再加有清酒味道，入口鮮甜味道多層次。餐前小食亦相當出色，椒鹽粟米，粟米炒完之後都唔會太乾身，咸咸地甜甜地。手打墨魚丸，餐廳自家出品，傳統手打丸材料豐富，墨魚丸彈牙結實好食。手打蝦丸，確實足料，啖啖蝦肉，乒乓波咁大粒。流沙黃金炸魚皮，就咁食都好好食，放湯食口感不同，咸蛋黃味道適中。

無論天氣是涼還是熱，我老友總是提議打邊爐，今次選了尖沙咀的醉胡爐。員工當日好好服務，我們上到去好快就安排到座位，介紹不同湯底同埋食材。我們聽他推介，揀咗火焰龍蝦海鮮鍋。銅鍋中有大大隻開邊龍蝦，鮑魚、青口，底下則墊有娃娃菜。只見他先炒一炒龍蝦，然後倒下烈酒和點火，隨即火焰飛揚，龍蝦和海產的鮮味亦飄出來。真是好睇又好吃。推介手工丸類和手工餃子，超正。全部即日製作，真材實料，飽滿新鮮。新鮮炸響鈴同樣即炸，上枱時還是熱和挺身，毫不油膩，吸收湯汁後也脆中帶軟，超好味。

哇~天氣開始凍咯，梗系約埋閨中密友去滾一滾啦🍲醉胡爐胡椒湯底濃郁暖胃，胡椒味濃香。海鮮新鮮肥美，肉質豐盈，口感爽脆。肥牛拼盤油脂分布均勻，肉質細嫩。鮮蝦丸純手工製作，爽口彈牙。魚皮餃皮薄餡靚，魚味濃郁。水餃、雲吞用料十足，只只餡料飽滿Juicy，啖啖滿足。蔬菜雜菌拼盤包羅萬有（生菜、娃娃菜、油麥菜、白菜仔、冬菇、雞比菇、杏鮑菇等）乾淨新鮮，入口清甜。椒鹽玉米清甜惹味。響鈴即點即炸，香脆輕身，食落去唔會覺得油膩。醬料品種多樣化，任君選擇。環境：餐廳入面樓底好高，所以感覺整個空間好開闊舒服，裝修簡約典雅。服務熱情主動，食材豐富多樣，值得加分~📍尖沙咀厚福街8號H811樓