醋頭家 (已結業)

叫左一杯芝士鮮奶蓋烏龍茶個人比較喜歡正常的奶蓋，芝士太咸，搶左茶香男朋友叫左一杯蜜桃酵醋烏龍茶建議平時唔太喜歡醋的人唔好笠亂試😂同埋要夠冰夠凍先好味 會易入口啲所以我地返屋企加左一大堆冰落去😂😂

呢間醋頭家開正係個兩間xx堂隔離，見佢唔洗排隊就打算試下。左）原生紅茶起司鮮奶蓋 $32芝士奶蓋味道略嫌太鹹，下面個茶都不錯，有回甘，怕苦既人可能會唔鍾意，不過我ok！但係配埋個芝士奶蓋覺得味道不太夾。右）黑糖波霸鮮奶 $30其實黑糖珍珠鮮奶真係間間味道都差唔多😂，所以我覺得飲落都幾好飲，冇咩特別。珍珠軟硬適中。總括黎講，呢間下次都會試下佢d醋，如果想飲黑糖珍珠鮮奶又唔想係隔離排咁耐其實都可以試下呢間。

繼老虎堂同幸福堂後！旁邊又一新店就系醋頭家😛佢地系元朗都有分店嫁！😍就有咁大杯，真心cp值爆棚！講下個掛杯先，望落都吾錯☺️奶味同黑糖配合後略有啲似焦糖布甸嘅味，系焦糖奶味😋味道特別，口感亦滑身～相比坊間嘅無咁店皆因店舖主張天然健康啲！珍珠亦都夠煙軔，質素吾錯試左蜜桃酵醋😊加左$5小紫蘇😋平時呻咁多乾醋，以為醋好酸就吾飲得？原來吾系，一試蜜桃酵醋原來都幾易入口，酸甜口感再加上健康嘅小紫蘇，成件事好清新，飲哂成杯都無罪惡感☺️

去銅鑼灣唔一定要飲黑糖珍珠嘅😂依家又多一個健康嘅選擇～！醋頭家同老虎堂、幸福堂開喺同一條街 渣甸街滿滿都是人👯‍♀️👯‍♂️哩杯係中杯～大杯都幾大 兩個人share應該就啱啱好/第一次飲個時本身無咩期望 朋友試過話有茶底個隻嘅仲好飲（哩杯無茶底）所以以為齋醋應該唔好飲 估唔到係好飲的～🤩每杯可以選擇兩種水果，我揀咗🍎蘋果同🍓士多啤梨，都算係perfect match掛😂 飲落一啲都唔酸唔嗆喉 味道啱啱好 有埋生果粒更加fresh 成件事多麼的！健！康！啊！🤗 第二次嚟飲終於試到醋茶飲茶底有四款可選擇：紅茶、綠茶、青茶、烏龍茶～店員建議鍾意飲濃茶可揀烏龍茶/而我哩杯係綠茶底，飲落都好重茶香味 絕對唔係淡茂茂嘅茶底；蜜桃本身同茶類係夾嘅 而且本身係peach lover, choosing peach for sure🤪/上一次試淨酵醋已經覺得質素好掂 今次試醋茶果然無失望 GOOD 解渴又健康 又自我感覺良好咗🤣

銅鑼灣出咗好多唔同嘅飲品店，每隔一條街就已經有一間至三間！喺希慎廣場附近呢邊真係太誇張！同一條街有四間，我見隔離兩間都好多人排隊，就試咗醋頭家👍🏻👍🏻佢門面唔算話好特別，但係佢嘅特色係果醋～以健康為主題😊😂 但係我就唔係好鍾意果醋，雖然佢有得俾我試下，但係試完都係唔係好想飲！店員服務好細心，積極咁樣解釋俾我聽邊樣好飲同埋成份係啲乜嘢～我最後買咗烏龍茶起司鮮奶蓋～ 感覺係芝士奶蓋鮮奶😅好快就拎得啦，唔使5分鐘！佢嘅芝士奶蓋真係好多！一啖飲落去，覺得啲奶就淡淡地，烏龍茶味道好濃👍🏻😋 配埋一次過一齊飲，味道好似飲西湯咁～ 不過我就嫌佢芝士比較淡，但係聽店員講，佢哋係跟足台灣嘅做法，台灣嘅比較淡，所以味道就淡啲～

我杯茶唔夠醋味，果粒亦都好少份量。叫咗杯黑糖珍珠奶茶，本來話係最後一杯，點知佢話珍珠冇晒要另外再等10分鐘。但其實我之前已經等左10分鐘，所以加埋係等左20分鐘。都唔緊要跟住問佢，佢又話要再等。我係諗住睇戲飲，所以趕時間無奈要取消訂單。唔知道係咪啱啱開張，所以有啲亂，人手唔夠。希望下次去會有改善啦。

今日行過銅鑼灣既飲品街,間間都係出面湧滿人群,原來有間新開既台式飲品喎,店員介紹話佢地出面飲果醋,健康d😆不過我自己今日想飲d淡味少少既飲品,咁店員就介紹我飲呢個奶蓋烏龍茶喇!一開始我諗同平時果d應該無咩分別喇,都係果種味,但飲落口又唔差喎！烏龍茶味真係幾淡,當然淡得黎都飲到茶味啦,而奶蓋既芝士味都好濃,芝士同茶做到個對比,我自己鍾意佢唔洗叫少甜都夠清淡,果然係真係健康d呀！😋店員服務都好好,下次再試下佢地既果醋

銅鑼灣多咗好多手調飲品，數數下都成12個brand🤣 真心勁！最近又開左間，喺老虎，幸福隔離，好大膽👍🏻🤣 先係名好特別，再黎問過個店員，係標榜健康既，主要sell醋類飲品，都唔錯服務好好，仲會俾客人試下，我本身唔多愛醋類既飲品，所以就有問店員有冇茶類，佢就推介左我幾款~ 只有一款珍珠奶茶，奶茶既調法就跟足台灣，所以對香港人黎講可能淡口少少~ 咁我就叫左鹿谷烏龍茶起司鮮奶~ 佢既奶蓋真係似奶多少少，唔係太似起司🤣 烏龍茶好清下，冇熱氣既感動，奶蓋都濃同厚，連茶一齊飲幾正，好夾👍🏻👍🏻 杯都幾大，有份量，因為好多外面既呢類都係細細杯，感覺唔抵～ 不過我就略嫌杯既設計難飲少少，但整得試的👍🏻

最近，銅鑼灣變成左台式飲品舖嘅戰埸，就喺一條短短嘅渣甸街，短時間內已經開左3間台式飲品舖，而呢3間鋪都係以珍珠奶茶或者珍珠奶做主打，真係有少少悶。就喺今日食完Lunch經過渣甸街時，發現一間用紅紙封住店名，以醋為主打嘅飲品舖，出於好奇 ，就喺店前研究一下Menu，店員就好熱情咁為我哋遞上一小杯青梅醋茶比我地試飲，飲落好又幾好味，望望Menu，竟然有我最愛嘅蜜桃，於是即刻科金買左杯蜜桃酵醋鮮茶，原來茶底都有好多種揀，喺我一片迷惘之際，多得店員指點蜜桃同烏龍茶最夾，於是我就揀左烏龍茶底。好快就已經有得拎，影左1張相，搖幾搖，就急不及待試味，醋味超出超濃，以蜜桃配醋，酸中帶微甜，完全唔嗆喉，恰到好處。而烏龍茶底，真心超驚喜，茶味濃郁，回甘超重。成杯野飲醋、茶同蜜桃比例剛剛好，真係估唔到醋同茶係咁夾，超正，超好味! 一定會再幫襯!