里的茶 (已結業)

夜晚係香港仔搵食。本來諗住食馬拉菜，嘩，排隊排到傻佐，拎佐張飛見到隔離角位有間都幾大既飲品店，無無聊聊就過去望下啦見到好似好pro 咁，各式茶葉，又好多靚生果，仲要開放式咁滯，睇到入面環境極度乾淨，師傅埋頭苦幹，最緊要係今期時令竟然係我最愛既蜜瓜反正唔知幾時有得食飯，梗係試下啦都幾多人排隊，但見條隊都散得幾快，睇得出職員好賣力，等佐都係五分鐘就到我點佐杯蜜瓜芝芝士水茶，未試過茶加芝士梗係試下，最鐘意試新野朋友就點佐杯鮮果四季春茶。大家都係要小甜（其實可以走甜，但個人認為小甜就夠了）我自己嘛嘛地甜野，水果另計等佐都係大約三到五分鐘就出到，都幾快手，賣想仲好靚仔一插條飲管飲第一啖，不得了，真係啖啖蜜瓜果肉湧入黎，冰涼透心，好鮮甜，堅足料飲到八八九九開始feel到有小小咸咸芝士味手先醒起，係wor,芝芝冰有芝士wor,唔記得一開始攪勻飲，搞到最後兩啖變得偏咸，睇得出都幾足料芝士。朋友個杯就超穩陣鮮果四季春茶，但都唔野小，好足料雜果，佢話好正，唔似得有d台式飲料求其搵舊左雪到變冰既水果塞入去，呢杯真係食到新鮮果肉同望到水果好鮮咁話。唔瓜得間野係角落都咁好收視，用料質素真係唔錯，價錢仲唔貴，真係

尋晚去咗香港仔食飯 見到香港仔中心四期有間新開嘅餐廳 食喇沙同海南雞飯 好多人排隊 香港人性格 - 就梗係埋去湊下熱鬧🙊 點知意外發現間餐廳嘅門口 竟然同時開咗間飲品店😂 (可能係同一個集團我聽到店員同啲客人講 杯嘢飲可以帶入餐廳🙊)有新野又不妨試試丫 鋪頭喺轉角位唔太起眼 但係裝修幾骨子 又有部自助點餐機 感覺四正 而且重點係 佢新張期間做緊買一送一優惠啊! 🤑🤑🤑 超級抵買 揀兩杯飲品佢會淨係收你貴啲嗰杯嘅價錢😳 而且我覺得飲品價錢本身都唔算貴 芝士奶蓋嗰啲$25到 黑糖珍珠鮮奶嗰啲都係$25我哋要咗杯芝士奶蓋四季春茶 同埋火炙芝士黑糖珍珠鮮奶 free一杯埋單只係$25😧 平均消費$12.5😱 飲完去食譚仔可以加多兩個餸😂芝士奶蓋四季春茶一向都係我最鍾意嘅芝士奶蓋組合 因為四季春茶係特別清香又有茶味 少少甘味特別突出 烏龍同東方美人嗰啲 我個人應覺同芝士奶蓋冇咁襯🧐 呢到嘅四季春都幾有茶香 收貨收貨 奶蓋唔算好厚好creamy (=無咁肥?) 但都唔差 火炙芝士黑糖珍珠鮮奶 前排飲咗好多黑糖珍珠鮮奶當然有少少審美疲勞 但係呢個變奏有埋芝士係入面都幾特別 都飲得出佢有芝士味 味道比

香港仔一向食店選擇唔多~所以一有新鋪開張，我地同事們必點去試下~商場開左手搖飲品鋪~重做緊優惠，當然即刻買番杯~途中發生左小插曲，就係我地行左一圈都搵唔到間鋪~原來鋪口位置屈入左少少，都幾容易睇漏眼~門口有一部自助落單機~不過當日未用到住~開放式設計，清潔衛生~而且職員好親切介紹飲品~點左火灸芝士黑糖珍珠鮮奶~面頭用火槍燒過~賣相相當吸睛~黑糖鮮奶入口順滑~ 唔會過甜~珍珠比較細粒，少少煙韌~同事點左白桃烏龍奶蓋相對清新的選擇~

珍珠奶茶熱潮重未冷卻，重一間接一間禁開張今日去香港仔馬來嗽沙食lunch隔離新開左間《里的菜》係等位時，見到好多人排隊試新野，最愛珍珠奶茶既我梗係唔可以錯過啦係門口見到衣部電子落單機，但仍在維修中如果遲d啟用後一定方便好多每間餐廳，新開張一定有新張優惠，-全部外賣飲品買一送一，衣個優惠簡直無法抗拒特別季節限定係日本靜岡縣蜜瓜 同 日本青森縣富士蘋果飲品 三款飲品鋪面裝修係開放飾，重用左玻璃器皿放左茶葉做裝飾Menu 第一板就介紹招牌火炙芝士黑糖珍珠鮮奶$25鮮奶係用日本北海道3.6鮮奶，奶味好香好重，黑糖味同茶味相對地唔突出珍珠大小適中，唔會數量太多搞到每吸一啖就得珍珠而無曬奶茶我唔想太漏，所以我無攪勻頂頂既火炙芝士，飲到底先慢慢開始感受到佢，可能就因為無攪勻，味道比較重同咸芒果芝芝冰茶$28芒果🥭茶沙冰，新鮮芒果加茶做既沙冰！好香芒果味，但飲落去茶味蓋過芒果既味道而芝芝奶蓋，下次都係要攪勻黎飲

早排約左朋友仔係香港仔食飯又未夠鐘食飯，周圍行下竟然發現左依間新開台式飲品店雖然台灣過江龍開到成行成市，但偶爾都會支持下本地小店都幾多人排隊依間新店係新開張期間仲有買一送一優惠又幾抵喎餐牌設計都幾有型提供既款式都幾多樣化，有純茶、黑糖珍珠鮮奶、芝士奶蓋、珍珠奶茶、水果茶等等價錢都算可以接受，$20-30左右一杯仲係開放式廚房，買完可以睇住佢地整我就揀左富士蘋果芝芝冰茶蘋果味都幾濃郁，好清新夠冰凍，解渴一流朋友就試左奶蓋茶，都有幾多款茶底可以揀有個試左四季春，有個就試左凍頂烏龍，兩杯都唔錯喎不過我都係鐘情我杯富士蘋果芝芝冰茶仲有個嗌左火炙芝士黑糖珍珠鮮奶都幾特別，但係我唔鐘意鮮奶，所以我無試到嚕新開期間買一送一，每杯份量都幾多下，好抵