重慶雞公煲 (已結業)

同男友仔放工諗唔到去邊度食飯, 所以求其揀左佐敦. 男友仔話以前食過呢間D雞煲好好食, 所以帶我黎試下....因為我唔太食得辣, 所以o係門口爭扎左一輪, 終於鼓起勇氣, 死就死啦~~~我地坐二樓, 初初只有一兩張枱有客, 見人地食得好盡興, 不停點配菜, 我都開始放心點...見到有二人餐諗都唔諗就點了...溫馨二人餐. 就睇下有幾溫馨啦- 牛/雞/骨/蝦煲(特大煲) 任選其一當然點左雞煲啦, 話晒呢度係食雞, 加上我地只有兩個人, 又試唔到其他, 所以必叫招牌菜!雞煲有得揀小辣, 中辣或大辣, 其實我唔多食得辣, o係無得揀唔辣既情況下, 唯有揀小辣.主菜果然係主菜, 最遲先上枱, 但一上枱, 我倆都俾佢吸引住, 好心急想試下, 因為個樣的確好似好好食, 同埋真係好香!! 可惜個爐火力太弱, 等左好耐, 男友仔問問伙計先知, 原來本來d雞已經食得....我地好大鄉理呢, 仲傻傻咁等. d雞肉都幾滑, 小小辣, 有少少麻辣既感覺, 中間加左蒜頭釣味, 唔錯. 本身個汁都幾味幾濃, 撈飯一流! 愈食覺得d雞肉愈多, 其實兩個人一個特大煲份量真係太多. 一路食開始覺得食到悶. 我諗個煲裡面

在三希樓辣得不盡慶，心想起一直想嘗試的重慶雞公煲，曾有多間分店的雞公煲，現在只有樓高兩層的佐敦店碩果僅存，每晚由六點營業至凌晨零時，短短六句鐘究竟能否維皮呢？店舖的環境是徹底的大陸化，餐牌上的全是簡化字，而自選火窩配料都放在雪櫃內，顧客可自行拿取，但賣相相當市井，食材也毫不新鮮似的。一行五人也不用細想，要了一個約四百元的四人餐，一次過吃盡鎮店之寶雞公煲、恐龍骨煲及牛魔王煲，連同一些平價火鍋配料、白飯、汽水等，場面頗為豐富。這裡的特色是先將主要材料吃掉後，店員再在煲內放湯作火窩用，理論上是可以的，但實際上煲仔並不是以 gas 爐或電子爐加熱，而是只靠那微弱的火種，要等湯底翻滾嗎？相信也要等七百年後吧．．．鎮店之寶雞公煲，主要以青椒、洋蔥、蒜頭等香料爆香雞粒，味道十分惹味，惜雞粒的份量不多，中辣級數也略嫌不夠辣，但將剛烤好的雞粒放入口，倒算是一種享受。至於另一道恐龍骨煲，所謂的恐龍骨當然不是來自絕種的史前生物，而是極大件的汁燒豬肋骨，加入香蔥、蘿蔔絲後賣相變得花巧，可惜湯底久久沒有反應，火力實在是太弱了，而豬肋骨的肉質不太鮮不太嫩，入口有點韌，只可算是平平而已。最後的牛魔皇煲，材料多得驚人

曾幾何時幾多人甘心夏天晚上滴住汗在灣仔街頭排一、兩個小時隊,只不遇是為了食一個幾十蚊嘅雞煲同十蚊八蚊碟嘅平價火煱料？生意好得九龍新界也有分店,幾年下來現在只剩下佐敦這一家,是經營手法問題定食物質素下降?要試過至知!星期六晚上七點半到達,樓下坐了十人左右,侍應姐姐帶了我們二人到樓上,包場狀態!食到八點半才多幾個客.點了一個特大加辣雞煲,七碟火煱料及飲品雞煲----打開煲蓋已聞到獨有的香味!辣味普通,雞件非常入味及肉質嫩滑!其實雞肉是有改良過的,每件的Size比以前大,不像以往的細件及多碎骨.極速食完雞肉開始加湯食火煱.一樣是用那款酒精爐,即係大火極都有排先滾得起果隻!侍應姐姐見煲湯滾極唔起主動提議攞去厨房加熱,抵讚!火煱的配料無甚特別不值一提.食物OK,服務OK,但星期六晚上這樣的場面......真是新鮮感過後無以為繼?

自從灣仔和旺角分店相繼關門後，太公老是嚷著要來這僅餘分店支持一下；不過，嚷了一整個冬天，還是未有付諸行動；終於在本年氣溫初升穿攝氏30度的這天，前來打邊爐。九時抵達，冷清得有點嚇人；明明店舖有兩層，上層已沒有開放，下層連我們也只有三枱客，真教人擔心他的命運。不管了，先要了個大雞公煲；這兒的雞公煲分三個size: 中、大和特大，沒有小的；兩個人，除非是大胃王，否則要個大的就可以了 (雖然侍應會推介特大煲)。上桌時，滿滿的一煲都是雞，真豐富 - 雖云打邊爐，但這兒的雞公煲(其他煲亦然)吃法是，先吃完雞公煲，再著侍應加湯，然後點/拿配料打邊爐。所以，第一步，就是要吃雞煲了！雞煲內除了雞，還有洋葱、水芹、蒜頭、青椒等配料，加上小辣的醬汁與雞同煮，非常惹味。也許是生意差了，煲內的雞比以前的肥，肉也較肥美鮮嫩，比以往經常出現半煲是「瘦巴巴得棚骨」之現象，大有改善。因此，雖然價錢貴了，太公還是覺得它扺食依然。因為雞件夠可口惹味，不消一會就被兩名餓鬼消滅淨盡；速速叫侍應加辣湯 (湯可選辣或不辣，侍應會提醒你的)，就點 / 出自助櫃拿菜；(櫃內大多是蔬菜和澱粉質類，與點菜單會有部份重叠，建議去打個轉才起

記得好耐之前曾經到過灣仔想試重慶雞公煲，點知去到原來已經執左，當時真係有d若有所失既感覺！最近發現佢番黎喇，見到 d 食評即刻流晒口水。琴晚我地叫左最經典既雞煲，選左中辣同中Size，另叫左白菜、油墨菜、蘿蔔、寬粉、腐竹同雲耳做配菜。一打開煲，有一陣陣香氣飄出，但唔係好野味果種既香氣。汁有味，但唔係好好味，亦唔覺野味，如果好辣既朋友相信要叫大辣。食到差唔多，可以加湯食配菜，湯有分唔辣同辣兩種，我地要辣，我亦唔覺得辣，湯底亦無特別。總括黎講，唔食出有任何重慶特式，只係雞肉較嫩滑唔肥，經多次翻滾都好滑。但相比晌國內食既辣雞煲果種獨特既野味及香氣就遜色好多。P.S. 交通：佐敦地鐵站B2出口，直行轉左，一路直行見到左手邊全都係橫街，直至見到橫街茂林街轉入，即太平館既對面。Kan Lee ２８／３／２００９

赫見灣仔的分店真的倒閉了，聽聞其倒閉的原因是其老闆是四川人，在上年的五月四川大地震要回家鄉打點，所以關了其中兩家分店，現只剩佐敦的這一家。舗位小小，但放了至少七至八枱客，有幾款煲選擇，分別是牛魔王煲、辣蝦煲及重慶雞煲，第一次光顧，當然是選其招牌的重慶雞煲，和女朋友來吃一個大的已很足夠，然後還可放湯變成火鍋餐。大的重慶雞煲份量也挺大的，就如之前食評的評語，味道好而雞切得太細，其實正確一點說是它們採用的是很瘦的雞吧！因為如果雞是大隻的，切得碎的效果是很多像雞丁的肉粒的，但這兒的雞件可見是普通連皮帶骨有關節的，所以此煲也真是正宗得很，既然煲是川味的，其採用的雞也是像大陸的一樣了，到過內地的人會知我在說什麼，因為就連海南島馳名的文昌雞也是如此，瘦得可憐。我好辣，女友怕辣，取中庸之道，叫了中辣，最後吃的也不太辣，但香料很多，有辣椒、芫茜、花椒及八角等，好香好入味，而因為雞瘦的關係，更使它容易入味呢，以此煲輕易下了一碗白飯。第二回合開始，加上薄薄的湯，味變得輕一點，沒有之前的那麼濃烈了，但用來煮熟食物後同吃，已是足夠有餘，配料叫了一些蔬菜及一點點點心類如魚肉燒賣、豬肉丸及日本魚蛋等，材料是否一流的

呢間雞公煲來左好多次啦，每次吃完就一個字形容“爽”，其中招牌菜“雞公煲"係一道重口味，令人一吃就難以忘懷既菜，同時結合了火鍋長盛不衰既經營精華，又有吃左吾膩吾厭，同時俾人帶來越吃越豐富既感受。我地叫左個特大煲微辣既雞煲．味道燒得好入味，D醬香味入曬D雞骨頭入面。雞肉仲係好嫩，一D都吾鞋．好送飯．配菜料也很足，味道吾係好辣。就算吾吃得辣既人都沒問題．雞肉吃完後，再叫選左幾碟素菜，錄來吃，就好似打邊爐甘．素菜雖然量吾係好多，，不過勝在便宜

這是代愛吃朋友出的食評，我跟他經常交流飲食心得，近日他趁假日出動覓食，早兩天他跟女友光顧了重慶雞公煲，叫了一客招牌的雞公煲。以下是他食完之後的評價：座落於油蔴地橫街之中，位置不太好找，被安排坐在樓上，客人數目不少，如人數不多又没有卡位的話，便可能要搭枱跟陌生人一起同枱，環境只是一般，服務也祇是一般小店水平，不要要求太高。食物方面:雞公煲湯汁味道都唔錯，上枱時香噴噴很吸引，.叫了小辣好夠味, 食完可以煲中剩餘的湯汁另加鍋料打邊爐，不過大部份鍋料實在不儕，選擇不及其它火鍋店多，而且用料不太好及份量太細碟，例如廿五蚊一小碟的肥牛只有十小片，要叫多幾味才夠飽肚，鍋料只有薯粉和菜叫做似樣...!! 如果只吃雞公煲，一般成年人都不夠食。總結來說這店的雞公煲很有特色，但可惜整體味道只是普普通通，路經油蔴地的話一試無妨。

有牛肉，雞肉、排骨煲等，以辣為主，聞到好香，不過我因為喉嚨不適，所以點了以柱侯調味的打開煲，都算唔少料，有牛腩、牛根、牛柏葉、牛丸、蘿蔔，每樣幾塊，都算好豐富但更正的是吃完整個煲後，可以再加其他配料，以煲底的湯汁繼續打邊爐雖然配料選擇不會像其他火煱店般多，但基本如菜(有油麥菜、生菜、白菜)、墨魚丸、芋絲、麵筋，南瓜、金菇、肥牛都有由於有牛腩煲打底，所以只點了五樣配料，包括薯粉絲，我會形容這為煙韌版的粉絲食物是好味的，尤其是我想跟男朋友兩口子打邊爐，但光顧普通火煱店實吃不了很多東西，一人一爐的選擇又不多，這裏的確唔錯至於環境．．．．有點街坊店格局，面積不大，裝修簡單，店員不多，但服務ok，叫加湯點火都無問題，只是人客一多就真的要等等，但一定會記得回來serve你﹐唔會好似大餐廳咁，要不斷催催當然，最重要是價錢真的好抵....

2個人要左個特大恐龍骨煲...其實即係豬肋骨..有7-8件左右.D豬肋骨食落係甜既,佢用BBQ醬整,但係個湯底呢,個伙計話係冬蔭功...我只係食到係酸辣啦..加埋個D豬肋骨既甜BBQ醬滲左入去..都唔知呢個湯底係甜定咸..豬肋骨呢.係幾軟身既..不過真係太甜,2個人食8件真係食唔到除左豬肋骨之外個煲咩都無...只係少少菇同勁多芽菜.咁就113蚊.所以我地叫左個肥牛,25蚊份得個6塊.唉...旁邊有個雪櫃放火鍋料既...我地揀左木耳同薯粉(粗)..都係8蚊一份..味道都唔錯既...叫左2支大啤..埋單213叫個餐會抵D.不過有D後悔無食雞煲...因為聞到隔離台好香呀..比多次機會佢.下次試麻辣湯底既雞煲,雞唔係BBQ醬應該唔會怪味喇.

尋晚找算係佐敦食飯打邊爐, 發玩左呢間雞公煲!!我地叫左個四人餐, 有三個煲, 每個煲入面都有唔同既餸菜同辣度, 三種唔同的味道!!好野味, 但略為多油!!當食到d 餸7788 的時侯, 就可以加點湯, 再放餸打邊爐!!好新鮮~~~另外值得推介既係自家制竹庶矛根水, 唔太甜, 好味!!

其實我同我男朋友都好鐘意食呢間雞公煲 (仲有灣仔果間), 佢地個煲好味, d配料又唔錯, 適合人少少咁黎食的。之前太懶冇寫，但驚見灣仔果間執笠, 趁此店未執，都係快d寫返個食評support下。我同我男朋友次次黎親都食雞公煲...無他, 因為我愛吃雞；兩個人的話, 我建議食大煲就夠, 唔使要特大, 因為其實食太多會悶, 同埋d雞都唔係算d靚既位 (如雞肶), 所以叫特大, 意思唔大。不如慳錢慳肚黎食佢d餸。食雞食得七七八八就可以叫佢加湯食餸啦！！餸方面，其實好多野食，放落個湯度都好好味的！佢有時會有d類似薯粉的野，推介！迷你山根又係推介！仲有一舊舊好似海綿咁既野，索左d汁又係超好味！如果未夠飽，食埋個福面呀，索左d汁又係勁正呀！(其他就悉隨尊便啦，除左以上我係必食之外我其他就睇心情啦....)一般黎講，我地食完都係百零蚊左右可以落樓.....又好味又好玩的過程，其實好抵啦....

星期日晚,和朋友一行2人來到這裡吃飯.2個男人叫了個溫馨2人套餐,要了中辣的雞煲,再叫了4支啤酒,中辣的湯底不夠勁,食物味道和質素以這價錢來說還可以,套餐的份量也很足,我們2個大食男人,點了套餐,都不用再加其他東西.只是太多師傅,飲了4支啤酒,走了以後要再去買東西喝,因實在太口乾了!價錢還可以,味道ok,和男性朋友飲啤酒吹水的一個不錯選擇!會再來的

聽人講話間鋪好細~原來有兩層ga~7個人一開始叫左個6人set~有3款小食,3個煲(1大2中),3個火煱料,10碟配料,6罐汽水,白飯小食叫左薯條,餃子,雞翼薯條幾好味~不過咸左d~ 餃子同雞翼一般~3個煲,本來係1大2中,但係個師傅整錯左,變左2大1中~ 但係唔洗加錢~haha雞煲(大) 小辣---雞肉斬得太碎, 好似冇乜肉食牛魔王(大) 小辣---有牛腩牛丸牛根牛柏葉等~ 辣辣地~唔錯~恐龍骨(中) 唔辣---即係豬仔骨,3個煲之中e個最好~火煱料and配料同一般打邊爐差唔多~不過個煲個湯底唔知點解越食越辣~Total $638比起其他任食火鍋~ 黎e度食仲好~

聽人講得多，昨晚同男友經過，決定試下因為男友不能吃辣，所以叫了個不辣的雞公煲(大)雞肉炆得很香口，配啤酒非常正其實吃一個煲都飽了大半，不過都想試埋打邊加滿了骨湯後，再撇除了大半飯碗的油，才開始烚配料湯底相當的鹹，所以用來烚蔬菜比較好我們選了豬肚菇、油麥菜、小棠菜、蕃薯粉等等素菜，都不貴而且幾好味反而$20 一碟急凍美國牛，份量小之餘，配上濃湯也顯得太油膩，不推介全晚整個二樓十多檯，只有一位阿姐負責招待服務很緩慢，但見她又要落單又要添火又要出菜，我們都不好意思再催促其實加多1-2 個店員就fit 了，這種成本實在省不得通風設備一般，如果怕吃得滿身雞公氣的話，就不要穿毛衣大褸去吃了會再去試恐龍煲