野玩海店 (已結業)

忙咗咁耐，終於有時間約下啲閨蜜出嚟聚一聚！Something Wild - The Sea 呢間以海洋風做主題又有Live Music嘅餐廳就啱晒我呢啲鍾意特色餐廳嘅人😎～長期「餓鬼上身」嘅我齋食環境梗係唔會夠飽啦！一於叫幾個Main Course一齊Share🤤！首推 #烤紐西蘭短骨肉眼扒，Order 5成熟就啱啱好，肉質夠腍唔多筋，唔洗10分鐘就俾我清咗！仲有#芝士焗波士頓龍蝦 一樣掂！蝦味濃、肉質彈牙兼配埋芝士，仲有得輸咩？最值得一讚嘅係每個Main Course伴菜都唔會Hea！睇得出廚師有用心配搭過❤#牛油薯容堅係好好好好味#應該好快又會再去多次#聖誕食大餐

之前去始創嗰陣已經見到呢間餐廳勁靚，好有沙灘feel ,今日又去開始創，所以捉咗朋友過嚟呢邊食晚餐，入邊嘅裝修格局好得意。一人套餐＄138，揀咗沙律，同埋一個Pizza ,如果想食pizza ,揀呢個套餐真係幾抵食，因為一個Pizza到＄128 ,呢個加＄10左右已經有野飲又有前菜。加＄30轉菠蘿紅莓冰，個份量勁大杯，我同朋友兩個一齊share ,真係啱啱好，菠蘿味道偏重，唔會太甜，剛剛好凱撒沙律， 細細碗，味道都不錯，沙律菜撈好晒沙律。我哋揀咗夏威夷薄餅，朋友勁鍾意上面嘅菠蘿，我就覺得好多芝士，而且味道不會太鹹，啱一啲唔係太鍾意濃味嘅朋友，而且餅底係薄批龍蝦泡菜炒飯＄228，俾佢圖片吸引左，黎度本來以為個龍蝦殼係得個樣，點知原來真係有龍蝦肉係入邊㗎！啖啖肉，炒飯粒粒分明，有泡菜喺旁邊酸酸辣辣，好開胃原隻燒春雞＄158，個份量又係勁大，燒雞肉滑，又多汁，切開嗰陣個皮勁脆，我地點左蒜蓉汁，鍾意佢可以分開上，啱我呢啲唔太鍾意多汁嘅人。薯條都有驚喜，真係薯仔整出嚟㗎，粟米好重牛油味，一上菜就已經聞到。原來仲有live Band,可惜我哋早走聽唔到菜式嘅份量都偏大，啱一大班朋友嚟食，我哋兩個人

老友由加拿大返港探親，行程編排得密麻麻，只能夠安排午膳時間敍舊，但另一老友卻要返工，不能告假，所以就只好安排在佢工作地點附近 -----太子一齊食午飯，食完俾佢返工，剩低我哋兩個 ，慢慢傾下偈，講下近況。咁遠返到嚟香港，梗要搵個特別啲嘅地方同佢食飯，上網搵咗一輪，終於敲定喺呢個主題餐廳吃午餐。去到餐廳門口，已經感受到一股強烈嘅水上活動氣息。餐廳內寬敞舒適，室內裝修繼續延續餐廳嘅主題。船艙嘅窗口，頭頂嘅衝浪板，周圍嘅擺設，都令你感覺到一陣陣海洋的氣味。餐廳還有兩個小房間， 都是洋溢著海洋風情，可作廂房或供小型派對之用。甫坐下，侍應即送上清水，因為天氣轉冷，侍應主動送上一壺熱水，非常貼心的服務。由於有一個朋友趕時間，所以先下單要一個午餐，畀佢食完趕返工。蕃茄南瓜忌廉湯細滑香濃， 帶有少許番茄的微酸，很開胃。五成熟的牛扒煎得恰到好處，牛扒肉質鮮美， 而且配上大量的蔬菜，感覺健康。隨餐還附上精美甜品和咖啡或茶，以$108吃一個牛扒午餐，非常合理。我哋兩個可以慢慢食的人，先叫杯菠蘿紅莓冰歎下。紅莓冰酸酸地，味道很特別，加上慢慢滴下來的菠蘿汁，感覺清新。香甜芒果，配上新鮮的蔬菜和美味大蝦，絕對可以

話說，那天一行十多人到餐廳慶生，一開始去到就跟餐廳侍應生說冷氣風很強，要求調低點，叫左兩三次都唔覺有調低，只有硬住頭皮快點食，因為所有食物都好快變凍冰冰。到了切生日蛋糕時，蠟燭點了數次都被冷氣強風吹熄，真係好無隱！原來唔止我地呢檯有呢個問題，其他檯都有。。。。很奇怪餐廳經理為何不顧及食客感受呢？我之前都去過灣仔分店，服務質數完全兩回事，真係地區唔同，服務都有唔同？！真係唔會考慮再光顧此食店！

小朋友生日飯，一定要選擇一間親子餐廳慶祝。最近睇雜誌，介紹太子一間親子餐廳，以海洋為主題，夜晚仲有live唱歌表演。所以訂位試試。打電話訂位時，服務員十分細心，問一共有多少位小朋友，要幾多張BB櫈，又問有冇生日蛋糕要準備等等嘅問題。當晚去到，門口已經有一個小朋友玩樂區，有幾條大大嘅海豚迎接小朋友。未入餐廳，小朋友已經興奮。當晚並非周末或星期五，但全場爆滿，超過一半嘅食客，都有帶小朋友。場面十分熱鬧。當晚的確有live唱歌表演，是一位年青靚仔。每逢有生日蛋糕上枱，都會live唱生日歌祝賀。氣氛十分好！食物方面，十分多元化，以海鮮為主。整間餐廳畀我嘅感覺， 十分良好！朋友都讚口不絕，小朋友都盡興而歸。

第一次寫評論，呢次真係差到唔寫唔得。同事生日，黎左呢間餐廳食午餐。7個人叫左4份午餐，(當中有一個沙律，一個意式腸肉意粉，一個白汁菇菌意粉，一個炸雞薯條)，再加一個薄餅，一個豬手，一個鰻魚炒飯，同兩個窩夫。一個字，差到冇得再差。沙律份量又細又難食，啲意粉勁水，炸雞勁油同得啲炸粉，薄餅冇味，鰻魚係惺嘅，窩夫係燶嘅，要數最差，一定係個豬手，真係硬到落唔到刀，叫個侍應拎俾廚房切，個侍應仲講係我地冇企起身切，食唔到個力，然後個侍應幫手切，連佢自己都話 “硬過舊石頭”，之後補句 “咁就正喇”，我心諗咬石頭正係邊度，黎到呢度佢真係切唔到，懶係講句 “你地食住先” 就行開左。得裝修幾特別。完。

以龍蝦作招徠的食店有不小，但付中等價錢的話，中伏嘅多。幫襯前幾日，老公才說發現深水埗有間食龍蝦餐嘅舖頭幾抵，心裡就覺得質素好極有限啦~結果今天揀了野玩海店和老公慶祝生日，就是被其他食評裡拍的龍蝦食品吸引，而價錢不貴呢！😅先在openrice book 了八點，進店時約七成滿坐，有點奇怪這些gimmick食肆好少吾full喎~我們點了那個二人鐵板龍蝦餐（類似），包沙律、湯、pizza 和海鮮鐵板雜會（類似），餐飲和甜品，齋聽都覺得好豐富啊😄當然，最重要是質素係點……well, 今次無伏！前菜pizza甜品那些，都可以啦，最期待嘅龍蝦真是亮點！完隻龍蝦上，熱辣辣，進食時要雙手加工具並用，因為龍蝦殼並没有預先切割的。但就係咁嘅關係，龍蝦肉保持肉汁，質地鮮嫩，好味！好彩食店提供紙圍裙，否則件衫就無硬了😆。而其他海鮮，就堅係配角了。晚餐其間，有live show唱歌，聲音動聽🎶，而坐的卡位，闊落舒適。約九時多，餐廳反而差不多全滿了。幸好book了位有卡坐，唔，今次選得真不錯~

明明係open rice booking到寫左生日留甜品加Happy Birthday 字！去到無唔緊要、即場落、佢話師傅未返寫唔到,但都有生日牌、我都ok la。講左要1點前黎個甜品、又忘記、提佢地上啦、但就咁上左個甜品、無左生日牌同蠟燭，叫個待應補返、態度極差😡😡😡上菜又慢！啲待應淨係識傾計、吹水、都唔係做野！上左菜連碟都唔識俾我地、叫佢地俾、拎左黎就企定定係到要我地自己分！完全no good👎👎👎

今天工作完畢，一個人差不多下午二時才去吃午餐。經過見到這間新開的店，店員還結我85折的優惠劵。我看店內環境好像不錯，就試試吧。午市套餐選擇本來應該很多，可能我太遲入座，有三個套餐已賣光了，最後我點了野菌Pizza。餐飲凍檸檬茶及汽水可以添飲，檸檬的糖水是自己下的，很好。有點奇怪是店員非常少，我點餐都等了很久才能下單。店員亦沒有留意我點的是午餐，連餐包及湯都沒有給我，當我把主菜吃到一半，我再問他們才發給我。於是我唯有先吃主菜吧 。Pizza的份量很大，的確有8吋，卻不是圓形的。一個人吃的話份量是有點多，我卻非常努力的把它吃掉，不想浪費。批底非常脆，芝士及野菌亦多，很不錯的Pizza~遲來的餐湯想不到非常好喝，很足料的蕃茄湯，很酸很開胃！餐包亦是暖暖的，可惜我已經差不多吃掉整個Pizza，沒能把餐包吃光。最後的甜品亦是等了很久都沒來，我要追問才有，好幾個店員都好像沒有發現我是吃午餐。事實上當時店內人非常少，連我都只有6名客人，完全不明白為何可以漏掉大部份的食物。甜品是藍莓慕絲，亦是酸酸的，味道不錯。總括來說，食物是不錯，卻沒甚麼特色。難忘的是服務太差，讓我不想再來了。

因為21:00 後入坐會獲得75折優惠，而吸引我去嘗試。到達後意外發現有live Band表演，而且環境設計很獨特，店員制服為航海員，全店充斥着海洋感覺，環境令我感覺很輕鬆。食物份量比想像多，味道正常，性價比高

有d侍應好無禮貌，仲要當人係x，你哋自己做錯野關我鬼事，仲要hi面比客，好心轉行啦，咁驚人走數報警啦，好彩我有keep張單姐，買部電話報幾堂bb班幾千都唔只，我仲要孭住個小朋友，要呃你哋嗰少少錢一早走左啦，仲慢慢行比你兩條友帶返落去，以後唔會再去你哋太子呢間分店，我都覺得樣衰比兩個職員帶返落去，行衰運，就算食物ok，不過態度咁差搵鬼去，仲要以為我係食霸餐，連厠所鎖鑰都唔想借比我，要走數我仲會光明正大比你哋捉咩，自己唔查清楚，已經將無比錢嘅問題放左落我度，認定我係走數，永世黑名單

因為男朋友生日特別打去問下可吾可以係甜品加字🎂，接電話女職員好好人都好友善解答👍👍👍 當日點佐短骨牛扒，5成熟，粗身薯條好食，又脆又香，建議牛扒本身吾使要汁都已經好入味，咬落去又有肉汁👍👍大蜆扁意粉意粉就無咩特別，可能我鐘意食軟身少少所以覺得意粉有d硬，😛😛但有驚喜係大蜆好大粒同食到係新鮮，加上有少少辣味，食佐吾會太膩生蠔 配 白酒 其實可以選紅白酒既生蠔偏細粒，偏咸重海水味我個人都鐘意😋😋😋

最鐘意佢可以係Openrice book位，好方便，食物質素很好，龍蝦飯，龍蝦餐都好正！出面有個位比小朋友玩，我囡囡好鐘意，上次有人現場唱歌，很好，我地會再去的！

全店以水上活動為主題，餐廳七彩繽紛，充滿陽光氣息🏖很適合一家大小和朋友相聚晚餐食物都是海鮮餐為主打，晚上更會有Live band唱歌真係好似去左海灘邊食住野邊聽住歌-----煙肉芝士薯條薯條都是即叫即炸，很熱辣辣但唯獨芝士唔夠多-----鄉村風味炸蘑菇呢個新鮮熱辣炸蘑菇幾滋味蘑菇仍保留到原汁原味炸漿又不會過厚------野玩薄餅薄餅餅底夠薄身，當中配料豐富加入意大利腸、甜椒和芝士口感香脆

一個人路經太子轉車求其搵野食。中左入黎始創。 左邊牛一打邊爐食晏都要排隊，右邊呢間唔洗，就食右邊啦…有set menu，多數都係意粉类，我就叫左個炸魚薯條(未加一$98) 。。。魚ok (我食野極求其，夠熱夠水份唔燶，夠香就ok) 薯條。。。干，凍，硬。好明顯係一早炸定攤凍既出品。 之前上左個粟米湯同面包仔，普通野，係細份d.男仔食呢個未必夠飽。。。甜品係朱古力mouse，幾溜。 一句總結，舊水我唔會黎食個凍既薯條。冇下次