野草

营业中

休息中

喺附近食完飯，想搵啲甜品平衡一下味蕾。想諗起好久不見的野草，上一次去應該超過一年前了。記得野草係用新鮮食材製作gelato，仲同好多本地農夫合作。以前有試過佢地嘅苦瓜同黃皮gelato，心諗等我過去睇吓有咩新item。作為茜控的我見到雪櫃裡面嘅芫荽牛奶Gelato，梗係即刻order一份。俾錢嗰陣先見到收銀機前的menu上有面寫咗，可以加錢加芫荽蛋糕做topping。實在係茜控福音呀🍀🍀🍀食感方面，兩樣一齊食都真係有啲synergy，gelato有生芫荽嘅清香同淡淡奶香，蛋糕就有種熟芫荽嘅菜香。蛋糕奉上時仲要係暖嘅，外皮微脆。一啖gelato一啖蛋糕真係好幸福。唔知點解，突然覺得冬天食gelato都好warm

近來開始素食多左，係隔離food court 食左個素lunch 意猶未盡，行多兩步就見到呢間裝修得好靚既舖頭。午餐時段人流不多，店舖擺左好多本地製造既飲品、食物及手作可以比客人慢慢睇。我選擇困難症發作太多味道都吸引，但最後比開心果戰勝。店員好有禮貌介紹及服務，亦都好開心遇到一間純素雪糕店及支持本地製作既舖頭。開心果雪糕味道好濃，感受到原本開心果既味道加上適量開心果碎增加口感成件事好滿足，單純的味道最吸引

野草 @weedsgelatocoffee 📍：北角和富道21-53號和富地庫B50號舖🚗：北角A1地鐵出口 步行8分鐘📞：+852 6015-9740💲：~HKD50-60/head for dessertFood quality✔️：本地有機芫荽牛奶、100%開心果、本地火龍果香水檸檬雪葩總結：😋一間好好食嘅手工雪糕🍦自家製仲要係本地耕作 雖然一球係好貴要$50-$60 不過好食都可以接受 想試高質雪糕或gelato 絕對值得一試😋雖然款式唔係好多 得8款試咗當中3款都好好食 推薦畀大家👏🏼😋最驚喜係本地有機芫荽牛奶 塱原有機芫荽🌿清新不俗 唔係一般街市品種 同牛奶完美契合 係我食過最好食嘅芫荽甜品😋開心果簡直係流量密碼 近期好多呢類甜品 食過幾款 呢個開心果係使用100%意大利開心果醬好濃郁 不過未到驚喜😋本地火龍果香水檸檬雪葩係嚟自元朗Johnny有機農場 古洞富機有機農莊出產嘅紅肉火龍果 清甜多汁 加入特殊香氣嘅孖記農場香水檸檬🍋特別嘅夏口雪葩🤔環境走童真繽紛路線 都夠哂打卡💕🤔唔關餐廳事 圖六係2位朋友去完南美後為我哋呢群人準備嘅手繩手信 可惜有位大佬帶咗唔夠一個鐘就整唔見

陪朋友處理一點事，4pm 在和富中心商場，無意中找到這店。之前聽一位美食家提起過這裡的 Gelato 很值得試，所以有點印象。但店面比我想像中大很多，而且見到那些小書架、農作物和擺放得像地攤讓我有點手足無措。店員很有禮貌。告訴我 display 雪櫃壞了，今天只有3款味。一看到蠔菇雪糕，就很想試。（$62）此店對雪糕似乎很有堅持，有註明沒有 cones的。盛雪糕的碟是雪凍的，伴碟有果仁脆脆和餅乾，還有藻碎。味道很特別，但沒有違和感。很多打卡位。和有賣本地農作物。很有趣的小店。

🧑‍🏫性價比：🟢🟢🟢🟢⚫🧭美食體驗：北角手工雪糕。開心果味好好食📸打咭體驗：全店的雪糕都係自家製，甜品都係自己做的，而且有勁靚的打咭裝修，未去過的真係要去下。可惜既係燈光要自備，不然只係用店入面的光，後期修圖會好辛苦。由於鋪頭係地底，無自然光，今次的相都只能用佢店入面的燈黎調色，點調都係有啲古怪，想影得靚相始終要係要自備燈具。佢地仲有圖書角，有唔要的書可以拎黎放係度比其他人睇。鋪頭會賣本地有機菜，算係做好多野。甜品好精緻既，雪糕有勁多口味。🧑‍🍳服務：店員姐姐好好人咁介紹食物比我地。🍳食物搭配：開心果雪糕。佢地有個類似甜品SET咁既野，好值得食。如果唔知叫乜，可以參考一下其他人買的食物，見到邊啲靚既，指住佢同店員講要同一份就好。佢地個布丁都好正野飲方面就一般，我覺得可以留番啲錢食多杯雪糕

走入北角這間氣氛繽紛的Café，粉色系列裝潢境若仙境，令人即刻充滿少女心！🌸今日心血來潮，順手點咗個泡菜芝士蝦Panini，跟杯凍鮮奶抹茶。Panini入口，爽口泡菜輕輕發酵，鮮脆到彈牙，啱晒我呢啲想食得健康嘅朋友。芝士味剛好，唔過分搶鏡，蝦仁又夠彈性，一咬下去，質感正！😋再嚟個香草海鹽Bagel同鷹嘴豆蓉，香草氣味撲鼻，海鹽嘅微妙咸香正中下懷。Bagel鬆軟又有嚼勁，同平時食到嘅完全不同，搭配鷹嘴豆蓉清新順滑，真係異國情調嚟架！當然，凍鮮奶抹茶唔可以唔提，無冰加上抹茶嘅微苦，好似係言外之意地提醒我：呢場食旅，除咗享受，仲要細味生活。🍵若果你都係飲茶控，唔該你唔好錯過阿薩姆玫瑰茶，淡淡玫瑰香交織茶香，一啖啖都係浪漫。依家嘅我，滿足得坐喺呢個粉紅夢幻嘅一隅，呷緊我嘅美食，感覺自己真係食界探險家咁，發掘到這唔同凡響嘅滋味！🌟

一心諗住來買個本地檸檬🍋，順便食啲gelato做comfort food，果然冇白行一趟。我鍾意呢度主張「本地耕作、不時不食」，Gelato都係用新鮮時令本地耕作嘅食材製作，每隔一段時期就會轉款式，總係會有驚喜。今期係咩芫荽雪糕、咩菇雪糕等等，比較驚心😂 我都係揀返啲大路嘅😂 本地蕃石榴氈酒雪葩 （$58)幫襯小店嘅好處係客人少少，店舖嘅製作特別用心。店員捧碟雪葩過來嘅時候特意介紹返，佢話係用本地嘅蕃石榴加蘇格蘭嘅氈酒整成嘅。雪葩嘅表面倒多咗啲氈酒而隻氈酒係用(唔記得咩)莓釀造嘅，所以有陣陣莓味。另外，雪葩表面加咗啲碎咗嘅檸檬、橙味糖，想模擬返番石榴一粒粒嘅口感。我留意到隻裝雪葩嘅碗仔都係雪凍咗嘅，令我打咗咁耐卡都未咁快溶味道都唔錯，食得出有蕃石榴肉#支持小店

嗰日去完和富大爆買波鞋（和富係港島人的小東涌😂）之後去咗我bookmark 咗好耐嘅呢間手工gelato 補充能量好多款口味，無曬龍眼蜜味就揀咗芋頭同開心果。（店長哥哥勁nice 仲特別提我哋呢兩款都係濃味。但我哋重口味人士完全唔怕仲好興奮添)兩款雪糕嘅口味都真係好好食，還原度勁高，濃厚而不太甜。無揀錯😋 Gelato 嘅口感輕柔而豐盈，加埋面頭少少嘅脆脆仁，食完又想再食買雪糕仲可以平10蚊配咖啡☕️舖頭除咗有好多少女色嘅打咭位之後，仲有好多本地農產品賣，我想講食過就知真本地果菜完全不遜色，好值得支持🫶🏻

野草嘅Gelato全部都係純人手手工製造，店主好有心咁樣選取唔同嘅香港本地農作物或者係原材料去製作美味嘅Gelato🫶🏻我最鍾意嘅就當然係佢哋嘅牛奶Gelato ，牛奶味真係十分之香濃，比起其他出面嘅Gelato係好食😍另外值得推介嘅係佢嘅龍眼雪芭🥰都係用咗本地農夫所種嘅龍眼去整嘅😍食落去淡淡的龍眼味，完全滿足到龍眼控嘅喜愛🤪另外我覺得佢嘅朱古力味都非常之香濃，暫時都冇喺野草食過一啲伏嘅味道😋全部都值得一試！

我bookmark咗呢間cafe 好耐，終於有機會去試😆Cafe裝修真係好靚，完全滿足哂我的少女心，粉紅色好靚😍可惜彩虹隧道封咗唔俾入🥺朱古力咖啡 $45咖啡味好香濃，朱古力味相對比較淡，但不苦澀，連我平時少飲咖啡都鍾意，都覺得好飲。榛子焙茶蛋糕 $22蛋糕質地綿密，食落微暖，好欣賞佢嘅邊邊位有少少脆脆哋。蛋糕有好多榛子粒，感覺落足料，口感十足，食落有焙茶味但唔算濃烈，味道淡淡哋反而令人回味無窮🥰梅窩龍眼菠蘿雪葩 $48原價$58，跟餐平$10。一擺入口就食到龍眼同菠蘿味，呢兩樣野mix埋都幾好食，仲食到有好細碎的果肉，好有口感。最有趣係吞咗之後口腔會有一陣班蘭的甜味，班蘭味同龍眼菠蘿意外地好夾，呢幾種食材配搭埋一齊的味道真係好有層次，好好食😋野草 (北角)北角和富道21-53號和富薈地庫B50號舖*上述文章只供參考及以當時價格為準

開心果忠粉朋友帶咗我去北角「野草」食開心果雪糕，地點喺和富薈，店舖位於商場冷清嘅位置，不過店舖主色用上粉紅色，舖內仲要有道彩虹拱門，打卡一流！店舖有啲農作物做零售商品，好似苦瓜、薑等等。當然我們是為了名為「100%開心果」手工雪糕而來。一球雪糕索價$62，都幾貴，不過食得出好天然嘅開心果味，伴隨有咬口嘅開心果脆粒，係好味嘅。加咗$22一件榛子焙茶蛋糕，好乾好硬，還是食返雪糕好了。店員態度親切有禮，係一間唔錯嘅休閒cafe!

💛野草(北角-炮台山)👍🏻SPINACH & MUSHROOM $56菠菜、大啡菇、巴馬臣及水牛芝士配料健康豐富，又冇乜醬汁啱晒食得健康既人士呀😆.🫶🏻TERIYAKI CHICKEN $56照燒雞扒、香烤甜椒、水牛芝士大推💓雞肉嫩滑～好鍾意佢個汁🤤照燒汁+甜椒～令個包食落冇甘乾.🫶🏻100%開心果 $52(跟餐)大推💓 勁濃郁既開心果味雪糕又綿又滑🤤.👍🏻本地紅菜頭冧酒提子 $48(跟餐)口感比較黏口，好紅菜頭味🤣本身以為係冧酒做底+配紅菜頭點知原來係調返轉😵😂覺得紅菜頭有好大浸草味我就覺得麻麻地，男朋友就話好正😋👦🏽你唔食紅菜頭點解要揀呀😂👧🏻我鍾意食冧酒提子🥹點知得兩粒提子係冧酒味😭👦🏽🤣🤣🤣📸07.05.2023.💁🏻‍♀️#大推有Heart小店💗罕有注重生態既良心小店🌱可惜商場人流極少，得一兩枱客食物有質素，係值得大大力推🙌🏻💕舖頭仲有好多打卡位，好吸引架😆

喺偏僻嘅商場中偶然發現呢間小店。人流唔算多，有唔洗排隊嘅cafe實在難得😀睇得出呢間店好有心，除咗有寄賣本地農產品，更融合呢啲農產品製作Gelato： 好似「本地有機芫茜牛奶」、「紅菜頭冧酒提子」、「火龍果檸檬」呢啲創意組合咁。Gelato嘅收費平均$58 一球，唔算平，但新鮮自家製嚟講誠意滿滿，加上店舖幾重視環保，唔用即棄餐具，所以都甘心支持。講吓Gelato嘅味道：1） 本地有機芫茜牛奶🌿 有鮮芫茜味，食到少少渣嗰種真材實料，但整體其實牛奶味比較重。對芫茜黨友嚟講覺得茜味可以再濃啲。2）馬達加斯加🇲🇬黑朱古力🍫呢隻朱古力有陣天然嘅莓香果味，偏酸同苦，比起芫茜味冇咁甜，對於唔想試新嘢嘅人嚟講係穩陣嘅選擇。飲品：咖啡同茶飲價錢意外地幾親民，$40甚至$30 樓下嘅選擇都唔少，屬於良心價錢。3）Flat White $384）高山玫瑰配焙茶 $32份量同味道屬中規中矩 ，咖啡有拉花！ 侍應喺拎過嚟餐檯時仲有耐心解釋飲法，好有禮貌。對比喺中西環區嘅同類型Cafe，呢間嘅質素同性價比高，仲係Pet friendly，整體嘅體驗都好好👍🏻

很早已經聽聞過野草的GELATO🍨亦知佢會不定期有團購/popup store但就一直未有機會品嘗今日出開北角當然要去門店一探究竟GELATO今日有8-9款猶豫左好耐食咩味😆掙扎揀本地蠔菇雪糕/鳳凰單欉烏龍茶最後都係揀左鳳凰單欉烏龍茶呢款烏龍茶係採自超過60年古樹肉眼望見雪糕上有唔少的茶葉碎雖然佢價錢定價略貴但一食落口 真係值得口感細滑 味道如佢所講 略帶單寧澀感但會有一陣甘甜的茶味作為飯後甜品真係岩哂

我不論有冇帶寵物出去，只要我嚟到北角我都一定會去位於和富商場入邊嘅野草食雪糕。經常去食嘅原因好簡單，就係雪糕好好味，佢哋經常有唔同款式嘅雪糕，而且每種都非常好食，我特別要推介佢哋嘅茶味手做雪糕，我之前食過嘅分別有伯爵茶，烏龍茶，同埋鐵觀音，最近食埋印度茶嘅手工雪糕，全部都好好味，另外另外印象好深刻嘅係南瓜味雪糕，超級好味，彷彿自己唔係好似食緊雪糕咁！第二個經常到嘅原因係佢哋支持本地農場，經常會擺放出售本地農作物！第三個會去嘅原因就係店舖裝修太靚，有好多打卡位，色彩繽紛，每次都同唔同嘅狗狗朋友一齊影相打卡！