野郎Stone (已結業)

係橫巷入面既野郎石燒 麻雀雖小但認真有料簡直係我既飯堂 去過幾間石燒但始終覺得哩間最好食筆者寫哩篇食評先發現佢已經執左🥺🥺🥺 遲下去下佢其他分店先出面有部自助餐點餐 有單點牛或者套餐 如果想比現金要入去同職員講套餐會包：麵豉湯，沙律，飯/意粉/薯蓉，飲品（啤酒要另外加錢）全部都可以無限refill架 （除左啤酒）我次次黎都係點 牛肋間隔膜200g套餐 跟薯蓉朋友就點左肉眼 麵豉湯：普通沙律：椰菜配芝麻醬 乾身 多啲醬會好啲薯蓉：滑 有啲似某快餐店果款薯蓉 個人覺得配薯蓉最好牛肋間隔膜⭐️：唔韌 無根 厚身 放得耐都唔會太熟 之前試過朋友點既其他部分都會有小小韌餐廳有提供唔同醬汁比大家送牛 不過我覺得就咁已經好好食！最後比個溫馨提示大家：食石燒唔好切哂一片片先享用 應該切一塊食一塊 因為佢一片片會好快熟透 咁就好容易太韌甚至燶！

果日收工同同事係尖沙咀行街經過見到呢間野有幾個人排隊我同事又話想食牛肉 所以就同佢一齊入去試下 等左十分鍾終於有位一入到去 見到環境都幾靚 擺設佈局都係好日本風格 仲要係開放式廚房 感覺好衛生 咁我地就叫左個燒肉眼同埋一個牛小排既餐 牛小排比人個感覺好好 入口即溶 有一種食日本和牛既感覺另外果份肉眼就比較有口感同牛味 都係好正 最後我同埋同事一人一半咁搞店左兩塊扒 總括黎講 d牛肉真係算高質 性價比都幾高

尖沙咀野郎Stone，位置有點難找，在巷內的。以機械收錢點菜在日本當地好火熱，而且很多沒坐位站著吃的。用販賣機選購心意牛朳部份，每切1口在石板隨自己喜好來煎著吃。石燒牛肉，要非常小心因為很燙，以八達通付款，連單據進店，師傅就會安排， 非常簡單。套餐可選飯，意粉，薯蓉好彩香港有位坐，因為我真的不能立吃……哈哈!好開心選了翼板套餐牛味道好濃我只加點點粉紅岩鹽調味，口感有嚼頭。牛肉味層次分明很多肉汁，越咬越出味，我比較喜歡生一點，所以只切開盪一下就吃薯蓉很滑溜，沙律椰菜絲也不錯，很清甜爽口，配熱辣新牛肉吃剛好!飲品可以選罐裝汽水，所有東西都是很衛生處理。如果你選擇外賣，師傅幫你煎好幾多成熟給你。價錢很經濟，比港式牛朳好吃得多了，沒有醃製過，原汁原味健康得多。可以跟指示去煎熟成度!好簡單

尖沙咀開了一所日式自助機燒牛肉，在販賣機可以選不同部位和重量，幾有趣！ 選了牛肋間隔膜位置，人一次物一次當然選特別些，有套餐選擇。進店把收據給店員，就可以等食。店員好有禮貌，見到我們在門口，就教我們用自助機，如果沒8達通，俾現金可以交店員。見到牆上牛牛公仔畫好可愛桌邊位置還有教如果吃牛扒方法想幾成熟自己控制附近有個架子有岩鹽，醬汁，沙茶醬，蒜蓉等……感覺牛扒來到，先切開粉嫩非常漂亮，原來間隔位置很柔軟，多汁，沒選錯。個人覺得牛味已經足夠，所以只洒了些岩鹽就可以！喜歡這款石板，切開一件一口，配飯好滋味又飽肚！無得去日本為有吃些日本菜，哈哈！牛肋間隔膜好厚身，所以口感好滿足！珍珠米軟綿綿，麵豉湯，沙律椰菜絲，各方面都很不錯，非常喜歡！飲品可以選罐裝可樂！衛生安全！

今晚OT到好夜，想對自己好少少，就嚟咗間一人鐵板燒嘆吓。有啲似日本拉麵店咁，門外有自助售賣機，可以用卡買定先，或者入店內用現金俾錢。 大部份部位都熟口熟面，就揀咗平時比較少見嘅翼板。一上枱就覺得塊肉好靚仔，煎到微微金黃，仲有黑椒同蒜片。 本身塊鐵板好熱，食到尾都仲係渣渣聲，所以店家圖文並茂教客人逐塊咁切落嚟燒到想要嘅熟度，不過我比較懶就一次過燒，然後放喺碟上面慢慢食，以免過熟。雖然價錢只係一百頭，不過翼板同我平時係西餐食到嘅靚牛扒差唔多，嫩滑有油香，即使手勢麻麻地，煎到近乎全熟都仲係好腍，牛味濃郁，性價比奇高。轉套餐可以揀飯、意粉或者薯蓉，薯蓉幾幼滑仲有少少飯素調味，可惜原來係冷盤，凍食冇咁飽肚，下次都係揀返飯或者意粉好啲，整體值得Encore。

間唔時想鋸扒又未至於想豪洗幾百食靚牛，近年興起既石板燒都係一個好選擇。 之前食過其他石板燒店不過不失，純為過下口癮就揀左呢間好評度超高既野郎stone，都有d驚喜。做足功課，見好多人推介牛肋間隔膜，當然要試下。 見牛皇推介榜排榜首，標榜味濃，都有D期待。 上台見到係厚切圓潤既，切開好有肉汁，大概封煎左幾秒，依然咬到好多肉汁、軟腍有牛味。台上有三款調味：燒肉汁、醬油同鹽，以我咁重口味都可以講句，其實本身已經醃得好夠味，唔點醬配埋蒜片已經好惹味。另外朋友試咗翼板，睇個樣似我哋平時食開嘅牛扒多啲，食落同樣重牛味，但比起牛肋間隔膜冇咁多肉汁，口感亦比較挺身，有平時鋸扒嘅感覺多啲。總括嚟講唔同部位嘅牛肉都幾高質，因為位置比較偏僻唔算好多人，雖然常滿但都唔使點排隊就入得，即興想食石板燒都係唔錯嘅選擇。

疫情期間好耐都冇出去食飯，難得一起外出食飯梗係要精選，呢間一路係心水餐廳，一於試下呢間石燒牛係尖沙咀分店呢間位於厚福街橫巷，加埋日式裝潢好似日本橫丁的小店，門面擺左一部購票機，入店前先點餐揀肉類同付款餐廳唔算大但係木系裝潢令人感覺舒服，上菜時石板燒熱發出滋滋聲，食慾大增，拍照post完相再切開肉個石板依然好耐熱餐廳建議食一舊燒一舊，容易控制熟程度，，以免d牛過熟，我就揀左板翼，油脂含量比較高，食落肉質比較嫩同淋🥰餐廳有唔同醬汁提供，可以因應自己喜好調味，枱面隔離亦都擺左食用方法建議點樣享用石燒牛

見到呢間越黎越多分店，又聽過有朋友試過覺得唔錯，所以特登黎試一試佢。呢到既落單方法幾得意，似日式拉麵店咁自己禁機揀野食。呢度主打食牛，好多選擇，牛既部位分得好細，連牛板腱、牛隔膜都有。另外，又可以按自己既胃口揀番份量。最後，揀左試特別D既牛隔膜，可能我去既時間仲早，客人唔多，上餐好快手。餐包左主食、湯同沙律。主食有飯、意粉、薯菜可以揀，好有舊式扒房既感覺。牛隔膜食落好有口感，用鐵板上最大既好處係可以按我自己既喜好，整番岩我自己既熟度。我揀左主食配飯，上面灑左味道似鰹魚既粒粒，好香好夾，唔錯唔錯。

我唔係第一次黎 次次黎都要排好耐隊今次包左場 好心痛 希望疫情快d過 大家都去支持下因為依家我至愛 d牛肉好新鮮 次次食完都好滿足 如果你係牛魔王 就真係唔好走漏眼牛舌心同橫隔好好食🥰🥰🥰

< 野郎Stone🥩 > 📍尖沙咀肩胛肉 400g 牛肉上到黎係三成熟到 再自己煎😛上面有好多炸蒜片 好惹味👍🏻👍🏻 牛肉味重 肉都幾嫩滑 可以自己再落蒜蓉同其他醬料 唔錯👍🏻 另外叫咗套餐 有薯蓉、沙律🥗、湯同汽水🥤好飽😆😆蒲燒鰻魚便當🍱 $68有兩塊鰻魚 口感正常 如果份量多啲就好😆 便當好靚 好有日式嘅味道😍 飯面上有蛋絲 日本嘅魚片同蠶豆 飯量啱啱好😛大滿足

下午六點， 我在滂沱大雨中到達尖沙咀的厚福街，準備品嚐聞名已久的這間日本餐廳。它的位置有點難找，不在我們一般搵食的厚福街正街，而是在盡頭轉右，大約走十米左右便能找到。它有機會隱藏在附近鋪頭門外掛置的東西之下，所以格外要留心。野郎Stone, 顧名思義是在“極炙熱的石頭上剪牛扒”。店面不大，只有三張四人枱，以及一張兩人枱，最多招待十四人，有心人建議提早訂位，以免摸門釘。今日我來試食的是他們最著名的和牛漢堡套餐。 套餐包括飯， 沙律， 汽水和麵豉湯( 若閣下不喜歡吃白飯，可選擇沙律或薯蓉。) 他們還會有一系列的醬汁和調味料供你選擇， 放在一排的架上送上來給你。 有一個他們特製的豆豉醬，研磨得細緻，味道濃醇， 適合喜歡豆豉味道的食客。 我個人喜歡柚子醋配蒜蓉， 一點點的微酸能夠化解牛肉的油膩的感覺。 他們還提供款粉紅色岩鹽， 以及黑椒。牛肉送上來的時候， 我發現了一個很貼心的設計： 牛肉上面輕輕的用一張紙巾蓋住， 有一支小牙籤把紙巾釘緊在牛扒上面， 以免吹走。 這張紙巾的目的就像我們在西餐廳鋸扒的情況一樣， 是用來區隔油煙， 以免彈出來沾污我們的衣服。 現在這個小安排， 使食客的雙手騰空，

香港真係一個美食天堂，要咩國家咩款式的食物都可以食得到，真係太方便了，而家無得飛去日本都可以食到石燒今日揀美國精選肉眼只需 $218 +$30 仲可以轉套餐，有飯、前菜、麵豉湯大大塊，有蒜片向上面，幾惹味要食幾多成熟自己話事，切開一半後都有幾多肉汁汁前菜為沙律菜，店舖用上自家秘制的醬汁好醒胃，菜亦很爽脆又新鮮，沙律菜可以添食的，我享用了兩份日本珍珠米配上拌飯素真係好好食，好吸引我，初時我唔知係乜東東，上網了解下，令我又長知識店員捧起熱辣辣的石燒時，很小心翼翼放在枱面，原來還有一層紙來防止油脂淺到周圍係唔洗驚唔知要煎幾耐，旁邊有食用方法俾我哋參考，成件事又簡單左有推介又可以參考下店家門口有部機俾你慢慢揀分，自己今日想食邊款肉

又係一間俾佢個名吸引而走去幫襯既餐廳 所以話「唔怕生壞命 最怕改壞名」呢句野真係講得好岩入返正題先 由於前幾日6點後仲係禁堂食 所以我就買左外賣 (自取)返屋企慢慢歎喇店外有自助點餐機 令人有置身日本街頭既感覺舖仔雖然唔大 但幾骨子 而且乾淨企理店內仲有教學教埋你點食 咁就唔怕因為唔識食而浪費左d靚牛喇最後經店員哥哥介紹揀左牛肩胛肉眼（Chuck Eye Roll）套餐（套餐跟埋沙律、薯蓉同埋白飯）牛係即叫即整既 不過店員哥哥好快手 個外賣唔洗15分鍾就拎得喇！返到屋企一打開個蓋 陣陣牛香蒜香飯香撲鼻而來 令人食指大動！牛既份量都幾多 而且高質 值回票價！聽講肩胛部係牛經常運動既部位 所以筋肉較其他部位結實同有咬口 岩晒鍾意有咬口既我！非常欣賞佢既牛肩胛肉眼有咬口得黎又唔會太軔 恰到好處！張poster真係好吸引 下次想試試佢既芝士和牛漢堡配多士 出面未見過 幾有新意！另外店員哥哥仲話堂食的話套餐的飯、意粉、薯蓉、湯、沙律可以無限任添！下次真係要黎試試！

早前喺旺角一田超市內嘅野郎Stone分店食過，好好味留有好印象，今日晏晝同朋友一齊喺尖沙咀，知道尖沙咀有分店，心思思又想食烤牛肉，就帶咗朋友一齊去食吓。我叫咗$148「美國精選肉眼」，朋友就叫咗$118「西班牙黑豚」，兩個都係200g。好快牛肉同豚肉就嚟到，用廚紙蓋着，但已經聞到香噴噴，等咗大約半分鐘，揭開廚紙，馬上開餐。上次我食「美國上級牛小排」，今次呢個「美國精選肉眼」比較瘦一啲，但依然非常好牛味，肉質好軟熟；朋友嘅西班牙黑豚我都食咗一啖😆，肉質爽滑，非常juicy, 極有豬肉味。用熱石板真係好因為由頭食到尾牛肉同豚肉都仲係熱嘅👍我哋重加咗佢嘅「自家製辣味增」，更加提升肉嘅味道😋亦叫咗「日本芝士豚肉腸」同「日本煙燻豚肉腸」，兩種都幾好食。個沙律好簡單但好味，只係椰菜加芝麻醬，椰菜好新鮮好甜。麵豉湯都唔錯。朋友話我冇介紹錯，我哋兩個食得好開心😊

好耐無出街，今日有時間就出去走走，去尖沙咀行街添置下啲日用品，行到晏一晏又攰，唔想煮，睇下附近有乜外賣買返屋企食！行左去厚福街睇下，最終我揀左日式牛扒餐廳，外賣仲有8折呀。門外部點餐機幾得意。可依自己你喜好選擇牛既部位同克數，好有彈性。講番食物質素，整個外賣份量啱啱好。白飯軟軟有咬口，飯面灑上芝麻，另配搭自家調配白松露蒜蓉醬，好啱餸飯。而牛肉質好腍，唔會有筋好難咬，食得出牛新鮮刨制，牛香十足，肉汁好juicy 。有機會遲啲再黎堂食先。