影片
港铁调景岭站 A1 出口, 步行约5分钟
继续阅读
电话号码
39052035
营业时间
星期一至日
07:00 - 23:00
以上资料只供参考，请与餐厅确认详情
家庭聚餐之選🌟金公館🌟一行五人，叫左一份晚市二人酸菜魚套餐$368😋四餸一湯，有川北涼粉、老壇子酸菜魚、宮保雞丁、燴炒包菜、青紅羅白湯，甜品杞子桂花糕😍以為套餐價份量會唔太多，但意想不到係大份，足夠5-6人份量，酸菜魚味道一流，加上辣椒、胡椒和香料，味道多層次，鱸魚魚肉嫩滑，配搭酸菜食，仲有薯粉👍🏻👍🏻😍正另外的小菜都好有鍋氣，宮保雞丁好香口，花生夠脆，燴炒包菜唔會好油，套餐價抵叫👍🏻👍🏻北京填鴨一隻$368配醬料及配菜，饃饃皮一籠，醬料種類比想像多，有青瓜條 哈密瓜條 京蔥條 甜麵醬 冰梅醬 芝麻醬👍🏻鴨皮片薄香口，滿滿油脂，傳統吃法以皮包著片皮鴨及肉配搭醬料，油而不膩😍😍好食👍🏻👍🏻椒鹽鮮魷$72粉唔會厚，鮮魷大件👍🏻整體好適合一家大細口味，下次會再光顧
继续阅读
金公館位於調景嶺嘅屋邨商場，但無論食物質素同埋環境價錢，都覺實令人滿意，性價比高不妨一試。金公館採用咗自動法律灌水機器少咗人手斟茶嘅程序，方便又快捷。我哋叫咗鐵觀音，都係沿用大陸茶包，一包可以用好多壺。味道都好清好純。呢度嘅食物種類款式非常之多任君選擇，我哋就叫咗兩款湯品，其中一款係胡桃酸辣海鮮羹。呢款酸辣湯，辣度比出面嘅酸辣湯更高，味道辛辣刺激。非常足料，又開胃。另一款係青城山杏汁白肺湯，喺呢度嘅招牌菜。杏汁味道濃沃，熱血沸騰白菜煲到好軟淋，飲落去好滋潤，非常推薦。主菜叫咗肥腸血旺煲，一睇個賣相就知非常惹味。辣度適中，又唔會太鹹。肥腸同鴨血炆得好軟淋，食落好香，恨不得一件接一件。另外叫咗碟鹹蛋黃蝦，係我最愛既煮法。今次元用咗大大隻嘅虎蝦，入口啖啖肉，外殼充滿鹹蛋黃香，非常美味。隻蝦有半隻手掌咁大，肉質新鮮彈牙，蝦頭都好香，食過返尋味。終於輪到個主菜，烤北京填鴨配摩摩皮一籠。呢度菜都唔使我多作介紹。烤鴨外皮好香脆，充滿油脂香但又唔係好肥膩，包入摩摩皮內，配以唔同香料同埋醬汁，口感層次非常豐富。最後當然唔少得最好食嘅甜品糍粑。糍粑叫起，一上到枱熱辣辣，口感非常軟熟，做工非常之好，而且充滿糯米香。呢款甜品係必食嘅。食完慈巴再加埋呢款透心涼嘅冰粉就真係非常滿足啦。冰品本身味道唔太甜加入咗提子乾，冰冰甜甜嘅口感確實係消暑涼品又解膩。
继续阅读
娘親從網上留意到這間吃京川滬菜的餐廳，菜式非常合適娘親口味，便趁着今天假期特意攜她到此用膳。餐廳環境擁有長方形大廳，並用上戲曲、京劇、四川面譜的裝飾作為特色，整體設計是富麗堂皇。店內還有一特色之處，就是設置有一台自動補水電水煲，其水份是可從底部輸送至水壺的，然後再進行加熱並使用，如此的高技術着實讓人感到吸睛。而且餐廳的茶是使用茶包炮製的，讓顧客飲用時不用特意分隔茶葉，服務是非常貼心。餐前小食餐前小食用上炒花生、辣椒乾、花椒三種用料製作而成，咀嚼時酥爽脆口，香濃麻辛。靈芝菇炒萵筍絲把翠綠的萵筍切絲後與靈芝菇一同炒製，食用時富有清新感覺，萵筍脆爽鮮嫩，靈芝菇則細膩滑鮮，整道菜式營養豐富，纖維素高，是道有益腸臟的佳餚。老壇酸菜魚酸菜魚是餐廳的主打菜式之一，皆因其酸菜用料是特意選用四川一所知名且歷史悠久的品牌製作而成的，而使用的魚類亦是根據不同時令有所轉換，因而絕對是精心炮製。湯底用上魚骨煲製，飲用時富有魚味鮮甜，亦同時帶有一股酸香氣味。主角魚肉滑溜無骨，甜酸軟嫩。另外還有大量水晶粉作配料，口感順滑煙韌，彈牙入味，絕對是值得一嚐。北京填鴨半隻此份菜式同樣是主打之一，奉上時除了有一盤鴨肉，還額外附隨有饃饃皮一籠，旁邊則放置上青瓜條、京蔥絲、甜麵醬、冰梅醬的調味醬料和配菜。餐廳中的北京填鴨特色是擁有八款調料，除此以外主角鴨肉亦以瘦肉為主，與一般食法大有不同，師傅特意去除脂肪，以務求更為突出其鴨香。多款食材包裹食用時層次豐富，口感酥香細嫩，鴨味濃郁，滑潤帶汁。青城山杏汁白肺湯奶白色的杏汁白肺湯真材實料，碗內亦可見盛載有大量肉類，飲用時鮮甜並富有肉味，同時散發淡淡杏香，是款可口且滋潤養顏的湯水。總結而言，餐廳裝潢環境富麗堂皇，光亮舒適。菜餚製作精美用心，味道質素超卓高質，是與家人朋友們到此吃飯的好選擇。
继续阅读
一家人預早慶祝父親節，就去左老爸去開嘅飯堂試一試。先點了一份椒鹽鮮魷魚試一試，上枱時熱氣騰騰，要先等一等，以免太熱氣，鮮魷魚外表有點白，不像坊間加得太多粉，仍可保持白色的外表，而且相當香口，咬落雖有咬口，但仍然可以輕易咬開，不會太韌，亦保留了鮮味。然後是京香片皮鴨，有片胸皮、胸肉及鴨腿肉，份量適合4人份量左右，亦有配上京蔥，青瓜、黃麵醬與薄餅進食，鴨肉較實，較瘦，亦可保留點點的油份，岩曬怕肥嘅我地進食。金銀蒜粉絲蒸娃娃菜即是我個人最愛，粉絲及娃娃菜吸收曬蒜蓉的精華，簡直是下飯神器。人均百多元，作為父親節飯簡直超值。
继续阅读
昨午去將軍澳香港知專設計學院參觀, 臨走時朋友話一起去吃晚飯, 於是到附近的彩明商場.看見 金公館, 大家在門外看看餐牌, 食品選釋很多, 有北京風味, 四川風, 廣東風, 還有水煮系列, 好吸引. 立即內進. 餐廳面積大, 裝修開揚雅緻, 座位闊落, 有細檯, 也有大圓檯適合家庭朋友聚餐.看見玻璃櫃內有北京鴨. 大大隻, 好想食.店員殷勤有禮, 安排了座位給我們, 整潔舒適, 每張檯設有自動加水壺, 水壺底部會注入清水, 之後自動煲滾, 清潔方便, 水滾茶靚.細看餐牌, 有京, 川, 滬, 特色菜. 價錢吾貴.水煮, 炒, 蒸, 烤, 炸, 燉, 多種,仲有滋補養生湯. 我們點了, 錦繡拼盤, 共有五款冷菜: 皮蛋, 鴨舌, 豬耳肉, 牛展, 青瓜. 夏天最理想涼菜, 爽口開胃,鴨舌, 豬耳肉, 牛展我們特別仲意, 好味, 鴨舌超稔, 牛展好香口.接著送上 烤北京片皮鴨半隻, 片皮烤鴨好閃, 好吸睛; 配菜, 醬汁, 薄餅用特式盤子盛載一同送來. 烤鴨燒得好靚, 色澤均勻, 皮夠香脆, 片皮技巧也好, 下面還藏有去骨鴨肉.好喜歡那特式盤子, 內分格有配菜四款: 蜜瓜條, 青瓜條, 京蔥絲, 西芹絲. 而醬汁也有四款: 甜麵醬, 桂花糖漿, 冰梅醬, 胡麻醬. 醬汁配菜比一般酒家更多, 好滿意薄餅用蒸籠盛載: 每層也有油紙分隔.這個擺設, 整齊方便, 如果盤子連同轉盤, 更好啊!薄餅先塗上甜醬, 麻醬.......加上青瓜, 西芹, 哈密瓜, 再加上片皮鴨, 包住一齊食, 超正.配菜新鮮, 爽脆, 味道清新又解油膩. 桂花糖漿和冰梅醬, 非常好味, 甜甜酸酸, 有新意又開胃. 片皮鴨入口香脆, 越食越愛. 無骨鴨肉, 入口滑, 啖啖肉, 鴨味香濃, 令人回味.我們選擇片皮鴨二食, 涼瓜炆鴨架, 是一款很適合夏季的菜, 涼瓜涼性, 清暑去熱, 去火.和鴨肉一起炒, 開胃降暑.青城山杏汁白肺湯, 原盂上, 每人一盂.好熱, 聞到燉湯的香氣, 立即想飲 ! 大家好仲意那杏汁湯味.有豬肉豬肺, 白菜, 厚肉冬菇, 雞腳........ 滋潤養顏的手工湯水, 飲落潤喉清甜.腰果黑椒牛肉粒牛肉粒鬆軟可口, 油香滿溢, 份量足. 配料是嫩綠萵筍, 和炸脆腰果, 炒得好夠鑊氣, 好食又惹味.餐廳提供有質素的食材, 烹調不錯, 食品有齊: 色, 香, 味, 價錢合理.位置近地鐵站, 交通方便, 下次要和家人來吃個水煮系列及川菜晚飯 !
继续阅读