影片
开饭介绍
于1969年创立的老字号港式扒房，以热腾腾的铁板呈上亲民价扒餐，再淋上香浓的黑椒汁或烧汁，非常惹味。
继续阅读
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
相关文章
锯扒！锯扒！好耐冇锯扒啦🥩！今次我地去咗尖沙咀嘅金凤大餐厅！一开始系路过就俾呢间餐厅嘅怀旧风格吸引，行到入去发现即使唔系lunch时间都非常之热闹！另外，佢地店员都非常nice，倒汁嘅时候会好贴心咁拎纸巾比客人挡住！今次食得好满足呀！一齐睇下我地食咗啲咩啦！🍞餐包+牛油- 餐包松软，上台嘅时候系温热嘅，再搽埋牛油，香气瞬间散发出黎！🍲罗宋汤- 酸酸甜甜，清爽可口，用黎开胃就最啱啦！🥣忌廉汤- 浓郁顺滑，有微微嘅香草味，非常暖胃！🍛金凤皇牌焗猪扒饭餐 $118(加一前价钱)- 卖相吸引，猪扒外脆内嫩，肉质鲜嫩多汁！🥩招牌牛柳餐 $152 (加一前价钱)- 牛柳叫做七成熟，口感嫩滑，完全冇牛筋，入口即溶嘅感觉，再配买黑椒汁，简直无得弹！🍓红牛(士多啤梨雪糕+利宾纳) $18,正价$35 设加一服务费🥭金牛(芒果雪糕+忌廉) $18,正价$35 设加一服务费- 两款饮料味道清新，唔会有甜腻感，气泡饮加雪糕非常特别，而且颜色梦幻，一望落就好有食欲！呢间餐厅简直就系平民扒房，味道绝对唔输其他餐厅！而且餐厅历史够晒悠久，系信心嘅保证!👍钟意锯扒嘅朋友快啲黎试下啦！
继续阅读
金凤大餐厅，听讲佢哋主打贵族牛扒同什扒餐，系𠮶种好有香港怀旧西餐厅feel嘅地方。点知一入到去，哗，全场爆满！平日夜晚㖞，原本谂住而家香港经济咁差，应该唔使等位，点知都要排咗十几分钟先有位，真系有啲意外！环境同服务
餐厅环境系典型香港式西餐厅，灯光偏暗，坐位安排有啲挤迫，枱同枱之间好近，讲嘢大声少少隔离枱都听到。不过整体都算干净，怀旧嘅装修有种亲切感，唔算好热情但都够有效率，叫嘢食同上菜都几快。食物
我哋叫咗招牌贵族牛扒（五成熟，铁板上）同什扒餐（有火腿、猪扒、牛扒同鸡翼）。贵族牛扒一上枱，铁板嗞嗞声，仲有阵阵牛油香，望落真系好吸引！牛扒五成熟煎得啱啱好，肉质嫩滑，带点juicy，配上黑椒汁同薯格，味道好浓郁，份量都唔少，食完好满足。什扒餐就丰富啲，火腿、猪扒、牛扒同鸡翼一齐上，够晒五颜六色。猪扒同牛扒都煎得香口，火腿就略为普通，鸡翼就中规中矩。酱汁方面，黑椒汁同洋葱汁拣咗黑椒，味道够浓但略为咸咗少少。整体嚟讲，食物系中上水平，唔系话好惊艳，但绝对对得住个价钱同名气。总结
金凤大餐厅真系一个好有香港特色嘅食肆，贵族牛扒同什扒餐都好食，份量足，价钱合理，难怪平日都咁多人！
继续阅读
今晚，来金凤，吃一顿穿越时光嘅好扒！金凤大餐厅是1969年创立的老字号港式扒房，港式扒房嘅精髓，就在于果块烧热嘅铁板，倒入黑椒汁或者蒜蓉汁发出嘅滋滋声，喜欢到金凤，就是喜欢那份味道。店内装修有老香港的氛围，服务员会贴心提醒用纸巾挡住淋汁时产生的油烟，价钱依旧亲民，难怪总是座无虚席。那个热辣辣嘅餐包，配上牛油，虽然邪恶但系必食；红汤（罗宋汤）总是足料招牌牛柳餐 ，牛柳鲜嫩多汁，肉质软嫩，分量很足。贵族牛扒餐 （五成熟），一口厚厚感觉嘅贵族牛扒（五成熟），当然亦系铁板上，但未有影响到牛嘅质素，一刀切开粉红嫩肉裹著喷汁的鲜甜两者同可选择黑椒汁或蒜蓉汁等，餐还会配一杯饮品，可加钱转成特饮，点了黑牛白牛，更加添时代感
继续阅读
今晚老公突然间收早，所以我哋就即兴去左金凤大餐厅撑枱脚😆🗯贵族牛扒餐 + 生蒜 (餐汤 +餐包) $225呢嚿牛扒超级大嚿同埋厚身 同平时既牛扒真系唔同😍姨姨建议我唔好拣咁熟会更好食我拣咗五成 真系煎得好好完全冇柴 熟度岩岩好肉质好软熟 好有肉汁果然系老字号🤤🤤🤤🗯招牌牛柳餐 + 生蒜(餐汤 +餐包) $152牛柳相对林身啲 牛味好重又系煎得啱啱好😍 好惊喜配左黑椒汁 味道好夹😆🤘🏻㊙️套餐已包左餐包 + 汤 + 餐饮 转冻饮都唔需要额外收费🤩🗯黑牛 (朱古力雪糕+可乐）一只字 掂！🗯冻朱古力 甜度刚好！餐包热辣辣 焗热左 好熟熟咁上餐枱🍞红汤出色 够多菜🤣个味好够浓白汤点餐包超级配 好建议大家将餐包搽牛油后点黎食🤣好钟意呢间旧式扒房锯扒真系旧式扒房先系最有风味🤣🤣好有人情味☺️ 姨姨们都好友善今次系我第一次帮衬尖沙咀山林道分店以前我哋拍拖嘅时候会去荔枝角D2排队架🥺尖沙咀分店大好多容易啲有位 大家可以过去TST试吓一踏入门口就好似去左八十年代既餐厅 好有风味🥰📍 金凤大餐厅 (尖沙咀)尖沙咀山林道9A号地舖
继续阅读
▪︎[ 芝士牛油蒜蓉烧生蚝 | HK$38 (两只) ]▪︎[ 牛柳餐 | HK$167 ]▪︎[ 贵族牛扒餐 | HK$225 ] ☆☆ ▪︎[ 金凤特色饮品 - 红牛 | +HK$15 ] ☆☆套餐奉送：牛油餐包 • 餐汤 • 餐饮贵族牛扒，用上美国牛肩扒，茶餐厅黎讲有惊喜 🤤，肉味相对浓，而且口感较软。牛柳餐味道相对美国牛肩扒无咁突出。以港式锯扒，不过不失。⚠️⚠️ 胜在性价较高，食肉兽大爱，肉量十足。小食，🦪 烧生蚝蒜量都几多，好有港式风味。黑牛白牛饮得多，今次初尝红牛，🍓 士多啤梨雪糕 X🫐 利宾纳 X 🍹苏打水。呢个配搭几有新鲜感，利宾纳加苏打水，饮起黎就无咁邪恶啦～
继续阅读