金鳳茶餐廳

营业中

休息中

香港茶記 為了滿足勞動階層 滿滿澱粉質，然而金鳳茶記多年不變的經典奶茶， 茶膽香濃遇有口感十足的奄列火腿一點沒有少，還有牛油。 超飽另外 茶記員工非常有人情味，雖然鋪位少，大家會坐得較親密，但食物質素好

今日如常同同事一齊去食午餐，前二日講起話好想食奄列，于是今日帶佐我去灣仔一間懷舊茶餐廳，食個情懷入到餐廳裝修唔算新，不過對比其它舊式餐廳尚算乾淨企理。店員服務態度還好。點佐個特惠午餐$55入面有齊我想食既嘢 五香肉丁面：分量足，肉量都正常。味道方面就不過不失，同以往食開既差唔多。 火腿奄列+菠蘿油：菠蘿油好脆，奄列分量大，入面都幾多火腿。表面既蛋仲系香滑既 茶走：茶味香濃奶味絲滑，唔會太甜，但系又可以覆蓋茶既苦澀，飲得出有用心製作。總體離講水準系可以既，正常發揮不失傳統風味。

金鳳茶餐廳是一家位於灣仔的著名茶餐廳，以其豐富多樣的美食和懷舊的氛圍而受到廣大食客的喜愛。這裡的沙嗲牛肉麵和招牌波蘿油是他們的招牌菜餚，深受人們的喜愛。沙嗲牛肉麵是金鳳茶餐廳特色菜單上的一道經典之作。這道菜以嫩滑的牛肉片和彈牙的麵條為主要材料，搭配上獨特的沙嗲醬汁。沙嗲醬汁是由多種香料和調味料混合而成，賦予了菜餚獨特的香辣口感。牛肉經過優秀的調理，口感鮮嫩多汁，與麵條的結合更是美味至極。招牌波蘿油是金鳳茶餐廳另一道受歡迎的菜餚。這道菜以烤過的波蘿麵包片為主體，搭配上鮮嫩的火腿片、奶酪和蛋液。波蘿油熱騰騰的麵包片外酥內軟，火腿片的鮮香和奶酪的濃郁相互融合，加上蛋液的蓬鬆口感，讓這道菜餚成為一個美味的早餐或下午茶選擇。金鳳茶餐廳的特色不僅在於他們的美食，還在於其獨特的懷舊氛圍。餐廳內部裝潢簡潔，燈光柔和，讓人感受到濃厚的懷舊情懷。這裡的服務員穿著傳統服裝，提供親切的服務，讓客人感受到家的溫暖。金鳳茶餐廳的成功在於他們將傳統的茶餐廳文化與美食結合在一起。無論是沙嗲牛肉麵還是招牌波蘿油，他們都保持著傳統的烹飪方法和經典的口味，讓人們回味無窮。如果你想要品嚐正宗的茶餐廳美食，感受濃厚的懷舊氛圍，

呢一間懷舊嘅茶餐廳囍帖街隔離，成日都排晒長龍，有好多人推薦，今日同朋友行過嚟灣仔呢邊就決定去試吓係咪真係咁好食叫咗個經典嘅茶餐。有沙嗲牛肉公仔麵，菠蘿油煎蛋，同埋一杯嘢飲！沙嗲牛肉公仔麵其實都幾好食，不過我覺得啲湯比較少，沙嗲牛肉嘅味道非常香濃喺餐廳嘅自家製沙嗲牛肉，而且絕對唔會好鞋，幾鍾意佢牛肉嘅質感，佢加埋公仔麵嚟食非常配搭！菠蘿油亦都係自家製嘅，非常邪惡，但係真係好好食！煎蛋就冇乜太大特別！飲品方面亦都做得唔錯奶茶非常香，整體我哋都覺得發揮幾好，係坐得比較迫！

剛剛早上同家人去食早餐，叫了菠蘿包及奶茶，菠蘿包是凍的，想換熱嘅，伙記說是今朝6:45出，但食落，應該係隔夜！加上伙記講說話沒有尾音，愛理不理…是時候這些茶歺廳要淘汰！

路過搵早餐食，見到有人排緊隊，上OpenRice睇吓咁多好評就試吓啦！但同時都見到好多人話服務唔好，所以自己試一試😆想食沙嗲牛米、蛋撻+凍奶茶。但早餐唔可以轉蛋撻，所以就食咗沙嗲牛米+菠蘿包+蛋餐+凍奶茶，另外要多個蛋撻。沙嗲牛米真心好好食！凍奶茶亦好香😋（我見其他人叫嗰陣，侍應有問佢要少糖定係普通，不過冇問我，所以我都唔知自己飲咗嗰杯係正常定係少糖，不過感覺唔會好甜剛剛好）菠蘿包+蛋冇乜特別，但個蛋撻真心好失望好失望😭😭唔熱、硬硬哋、個皮都唔知係酥皮定曲奇皮⋯⋯又唔鬆化又唔脆，我只係食咗一啖😭唔知係咪因為食左尾聲果個😭服務方便係想幫佢平反下嘅！我接觸咗三個員工都好好👍🏻第一個提我如果食早餐要快啲叫埋啦，佢哋好快就轉午餐；第二個伯伯好有禮貌，我問佢拎杯水飲，佢再問多我一次要茶定水，收錢嗰陣都好有禮貌，另外仲有一個，我聽到佢同隔籬枱講：「你唔好咁樣叫啦，咁樣60幾蚊。我幫你落個餐仲有埋奄列同埋包，都係五十幾⋯⋯」，跟住我問佢可唔可以加幾粒冰落我杯水度，因為太熱飲唔到，我話我會叫多個蛋撻。佢同我講唔叫蛋撻都會比冰我嘅，仲一直落住冰問住我夠唔夠。我下次想嚟試雞批，但蛋撻就真心no no no

今日放lunch去左呢間食 諗住開開心心食個晏啦 有個肥肥地圓面大叔幫我落餐 咁我就話：「要D餐沙嗲牛菠蘿包凍奶茶吖唔該。」 點知個阿叔冇啦啦大大聲勁西勁惡勁無禮貌咁鬧：「咩啊？」 咁我咪再repeat話飲凍奶茶 跟住又勁咁耐煩咁：「咩啊」多一次 我個下真係即刻呆左巴哂頭心諗你想點？後黎先知係因為我無話要配咩面。。。。。。講嘢冇頭冇尾態度差到傻 咩態度? 你話我慢吞吞就話啫我以經睇左餐牌先入去一黎點餐好快咁都要受你氣 唔要求你有禮貌但都不至於咁吖嘛？態度衰過澳牛十倍😅😅仲有 環境勁差 張枱細到痴線逼到傻 啲嘢食又唔好食 沙嗲牛唔濃 菠蘿包好實又唔鬆軟 好似食緊原舊面粉咁。。。以後都唔會再食😅😅

廿幾年前住灣仔，都會嚟食吓菠蘿油同飲吓奶茶，尋日同太太及兩個小朋友經開灣仔，諗住懷緬一下香港舊式茶餐廳，食個下午茶。但係原來呢間茶餐廳無下午茶㗎，肥伙記話小朋友有免茶，我哋四個人叫兩個快餐好夠食，又平，但係小女兒話呢度好污糟，唔想食嘢，我話不如飲杯嘢啦？我哋四個人唯有單叫咗三個菠蘿油同四杯飲品，肥伙記即時黑面，但其實咁樣叫係貴過叫兩個餐，點解要黑我面呢? 結果最後食菠蘿油嘅三個人齊齊肚疴，只有小女兒飲什果賓治無事，服務態度又差，間餐廳已經細，個肥伙記仲成日企我喺旁邊打牙骹，全間餐廳又勁污糟，唔通香港只係剩低呢啲???

話說今日放工喺附近經過金鳳, 就諗住入去緬懷一下, 因為已經十幾年冇幫襯。入到去大約6點半, 坐低已經有個侍應話6:45截單, 7點關門。之後我睇咗個餐牌2分鐘, 個圓臉男侍應就走埋嚟催我快啲落單。我都覺得算, 我都明作為打工仔係好想準時收工嘅。之後我就叫咗個常餐D。當我食完個雪菜肉絲湯意粉之後, 諗住拎起個碗, 換碟菠蘿包過嚟前面嘅時候, 個碗係吮住咗張枱, 令到我隻手chor左一下, 啲湯倒瀉咗出嚟落張枱同地下度，連我件衫都整濕埋。個問題就係, 個圓臉男侍應竟然走過嚟用埋怨嘅語氣講 "乜你咁唔小心㗎", 完全冇顧及我件衫都整濕咗。我即時同佢講係個碗"絕"住張枱先會倒瀉, 佢竟然話 "哦, 原來係個碗嘅問題, 唔係你問題"。 佢講完呢一句, 已經令我好激氣, 之後仲俾佢係咁奚落我。有個疑似老闆娘嘅, 同我打眼色, 暗示叫我算數, 唔好同佢嘈, 仲送上一個蛋撻做補償。我諗佢唔係第一次咁對客。咁耐未試過食嘢食到一肚氣!!呢個圓臉男侍應可以咁肆無忌憚, 睇落喺度做咗好耐, 冇人敢出聲。金鳳嘅形象, 俾呢啲咁劣嘅員工整衰晒, 唔明點解用呢啲態度, 都仲可以生存到, 可能得失我呢啲小客人唔係問

本身唔係去呢一間食，但係想去嗰間排晒長龍，所以是但就入咗呢一間好多年嘅餐廳。一坐低已經嚇親，叫佢可以落單，寫單嗰個店員好似一啲大惡人，好惡咁話我地等陣。佢掉碟入膠筒都係超大力，啲汁會錢出嚟，坐隔籬係會彈到落個身到。。。另一個店員一睇就知好人嚟，細細力放入膠筒，又有禮貌！點解會請埋啲咁得人驚嘅店員，唔係話唔俾機會呢一類人，但係佢都首先保持應該有嘅服務態度先丫。食物唔洗講，一直都難食，哈哈！只有個奄列好食，夠大夠多蛋。個波籮包由十幾年前到而家都係唔新鮮，都係完全冇鬆化感，奶茶一般。個大惡人真係得人驚，無咩事都唔會再幫襯。

Friend was having a drink and egg tart as was early for lunch, I went over to meet my friend to go to lunch together, sat down and waited for my friend to finish the tart and drink... waiter comes over and says that he will charge me $10 just to sit! Restaurant was not full and the lunch rush had not started, and obviously would have vacated our table if they were getting full... Now I know why people are heading to Shenzhen to eat and drink!

今次來到同前兩日為大家介紹嘅新景園咖喱小廚對面嘅【🌟金鳳茶餐廳🌟】呢間又係長期好多人排隊嘅地道茶餐廳☕️今次咁啱唔洗排 所以就入左去食😌金鳳啲侍應服務態度好好 無論對本地人定遊客都係👍🏻但入面座位比較窄 所以大家都坐得好近～我地今次叫左：❶ 特價午餐+凍檸茶🍋 💰𝟓𝟑+𝟑我揀左火腿奄列、菠蘿包、沙嗲鮮牛肉麵🥩火腿奄列味道不錯 不過如果蛋煎得唔好咁熟會更好🙌🏻菠蘿包比我想像中無咁好食🥲因為佢係好實淨個種菠蘿包完全無空氣感同埋唔鬆軟 唔係好啱我口味🥹下次都係叫返餐包算🤣沙嗲鮮牛肉麵因為用鮮牛肉嘅關係🥩所以唔會有個種用完鬆肉粉好淋嘅感覺 但又唔會太韌👍🏻沙嗲汁調得好好 香得嚟又唔會過鹹😋公仔麵軟硬適中 就算食到尾都唔會太淋所以如果大家嚟嘅話建議試下佢地嘅沙嗲鮮牛肉麵✨凍檸茶正常飛揮～❷ 乾炒鮮牛肉烏冬 💰𝟓𝟖鮮牛肉份量好多🥩塊塊都好大塊 唔會太韌😋烏冬炒得好乾身 夠香口又唔會太油👅值得一試👍🏻味道😋：𝟑.𝟓/𝟓 性價比🤩：𝟑.𝟓/𝟓回頭率🔙🥳：𝟑.𝟓/𝟓• ─── @𝓱𝓮𝓲.𝓵𝓮𝓽𝓼.𝓯𝓮𝓪𝓼𝓽 ─── •👧🏻｜香港𝟎𝟎後𝐅𝐨𝐨𝐝𝐢𝐞🤤🇭🇰❤️‍🔥｜美食情報💥｜真實食評🫦💰｜尋覓𝐂𝐏值高嘅美食👅

營養午餐，選沙嗲牛公仔面，火腿奄列，菠蘿包，凍奶茶，合共58。附近打工仔，食了數次，食評如下:沙嗲牛汁味濃，牛肉同面份量足，係餐厅招牌，火腿奄列大份，凍奶茶係预先調制雪凍而成，冇冰，茶味較濃。菠蘿包較其他面包店的實淨，重身，請留意，最好加5元加鮮牛油，才会由門口包框取出最新鮮的包比客人，如不加5元鮮牛油，包就不是取門口包框內取出，而係由廚房那出，会比耐一点的包比客，疊在奄列上出，菠蘿皮會較淋身，食過數次觀察到一樣做法，所以要有心理準備。

金鳳最出名係菠蘿包，但我偷聽到排隊嘅人講，雞批、蛋撻都唔錯。茶記都係主打快食快走，金鳳屬於正常速度啦！*特價午餐 $55雪菜肉絲米粉：齋米粉少湯配雪菜肉絲。肉絲有咬口肉感，雪菜又唔會太鹹，但米粉索唔到味，變咗撈麵咁款。大多數人都係叫沙嗲牛肉公仔麵，可惜我唔食牛。煎雙蛋：師傅要時間煎，所以最遲上。啱啱好煎到有半熟蛋黃漿。*菠蘿包 (鮮油+$5)最快上，菠蘿包身有牛油香、蛋香，頭一兩啖有少少酸味，質感扎實而濕軟，絕唔會係空氣包。菠蘿皮有相對厚度，香甜酥脆。中間夾住牛油塊，但好可惜菠蘿包係凍嘅，冇熱包凍牛油嘅對比🥲雖然係凍，但都好食，如果係熱嘅會更好！*熱奶茶：奶茶薄身，入口順滑，但淡奶、茶底未夠香。

潮流呢排興大光麵用大光麵嘅茶記都有個本土光環😇唔少朋友為咗食麵突登揀返有用大光麵嘅茶記🥸呢間灣仔區嘅著名茶記 — 「金鳳 」就係其中一間好早標榜用大光麵嘅茶餐廳🙌🏻門口會痴住選用頂好大光麵嚟招搖客人🍜港島區嚟講 提起沙嗲牛肉麵「金鳳」必定係榜上有名呢啲排行榜嘅野唔試唔知伏唔伏🚁🚁🚁我自己試過兩次 ✌🏼就覺得最出名嘅沙牛麵還好首先頂好大光麵一直都唔係貴野👀麵底好唔好食其實好睇廚房師傅點處理兩次去食都覺得麵底無咩特別 中規中矩牛肉就好麻麻 好韌好乾😖係好平價嘅牛肉再落粉乸鬆佢至於沙嗲 係成個沙牛麵中最好嘅味道不錯👅👍🏻常餐嘅奄列睇顏色都知唔好食好熟 唔夠滑 ☹️☹️ 整體嚟講 野食係好普通茶記水準🌞排幾張檯都可以嘅 排半個鐘就唔值得啦而且啲位真係真係好逼⋯⋯肥小小都會比伙記哥哥撞開🥶🙈🙈因為鋪頭有做埋麵包 啲伙記哥哥會不停拎一盤盤熱嘅麵包行出鋪面♨️如果經過個頭 不妨試下佢地嘅麵包🍞新年出爐 熱辣辣好Jeng🔥🔥🔥✨金鳳茶餐廳 (灣仔)📍灣仔春園街41號春園大廈地舖