金加利餐廳 (已結業)

金加利七十幾蚊扒餐, 食到你飽, 絕對抵食! 今晚點了自選扒王晚餐, 揀了美國牛扒, 配薯菜, Wasabi 青芥茉汁, 再奉送餐湯, 厚厚多士和咖啡茶 (我加了錢, 轉了特別飲品: 咸檸七)先講下餐湯: 忌廉湯 -> 一般, 可以接受, 上枱時仍熱辣辣.半塊厚多士: 食完厚多士加餐湯, 飽了4成.主菜: 美國牛扒肉質幾好, 不會煎過龍太硬, 容易切開, 不會難嚼碎, 唯一缺點係牛肉唔juicy 囉! 主菜還有兩大條大白菜伴碟 一點也不孤寒! 好過很多食店, 只比一條瘦猛猛菜仔.而整晚最失望之地方就係那個配美國牛扒既青芥茉汁, 我只試了少少, 就放棄了! 青芥茉汁 ~ 凍既! “傑撻撻” 入口沒有wasabi “攻”鼻感覺…. 總之難食! 餐飲: 咸檸七, 罐裝7-up 奉上, 全個餐食晒, 真係飽到頂住! 整體來說, 除了配汁唔掂之外, 其他全部都OK架! 就著呢個價錢來說, 無要求的話, 絕對可以一食.

係九龍灣唔知有咩好食, 就搵呢間試下2人叫左鉄板厚切肉眼扒雜扒餐個厚切肉眼, 叫7成, 結果又係over, 太老, D肉又超韌... 食到大半放棄...雜扒餐正常, 無咩好講

上網見到有點名氣,所以決定一試環境尚算可以, 但是衛生一般我們二人點了黑椒牛扒飯 & 咖啡雞農夫包黑椒牛扒飯: 牛扒薄如肥牛, 飯也是涼的咖喱雞農夫包: 見到食評推介決定一試, 但是大失所望, 農夫包不是很脆, 咖喱味十分辣, 只吃到咖哩粉的味道而沒有任何香味, 只見到咖哩粉末浮在面上餐飲點了熱奶茶 & 凍華田, 熱奶茶味道不錯, 凍華田淡而冇味

細細個就已經來「金加利餐廳」吃飯，以前這裡像一個懷舊扒房，現在翻新後舒服得多。平常都是叫鐵板鋸扒多，今次就試試「砵仔葡汁」和「農夫飽」啦 砵仔葡汁羊腩飯：超足料，葡汁香滑，羊腩啖啖肉，用來伴飯一流。焗芝士龍利柳農夫飽：相片影得好醜樣，不過味道卻是頂瓜瓜。農夫飽不算硬身，可沾上濃濃的芝士汁，以及稔稔的龍利柳。然而份量真的太多，內裡餡料撐到滿滿的，我們兩個人也吃不完。$40~$70 一個套餐，還附送餐湯、甜品（自家o者喱）、餐飲，真的是九龍灣平靚正之選。

之前見到食評, 大比數, 今晚一試, 同樓下位朋友一樣中招...同朋友叫咗一個馬拉盞雞粒石鍋飯, 同埋豬肋骨吉列豬扒雞翼配飯 (其實原本係叫薯菜, 佢又嚟咗飯, 照食啦), 有湯同嘢飲送...個石鍋飯, 淡而無味, 只有啲雞有少少咸味, 勾唔起食慾...另外個餐, 隻豬可能太細, 豬肋骨冇咩肉食, 吉列豬扒因為啲汁而淋晒, 個雞鎚仲流, 仲生生地架, 嚟到呢一刻, 咩心情都冇晒, 飲埋杯嘢走人, 好似有甜品都唔食喇...

今次午市食咗葡式咖喱牛腩農夫飽,D汁唔錯另重有一碗汁另比你.可惜D牛腩大半都ヌ瘦又韌!!好唔開心只有薯仔同汁送飽,48蚊食汁!!招牌菜D選料同品質都唔keep住.好失望反而我朋友嘅咖喱羊腩米線都好食,送米線就剛好辣度,我有次食咖喱羊腩飯就好辣,好似是叫印度式咖喱.我呢日本來都想揀羊腩農夫飽但午市無.show..呢個餐跟湯,個忌廉湯超淡無味!又無得轉揀餐飲,好失敗.呀.

與友人晚餐，大約7 點去到，唔駛等位~~兩個人都係叫咗個 set dinner, 一個係燒豬脾骨，一個係吉列龍利柳。個晚餐包係半件厚牛油多士 + 紅/白餐湯，件厚牛油多士值得一讚。燒豬脾骨 ，吉列龍利柳 味度都可以，我地係跟薯菜，薯菜 = 薯餅 x 2 + 小唐菜，真係估佢唔度。最後甜品係 Jelly ，問埋你要唔要花奶~~埋單每位 $60 ，免加一

今日同朋友行過見金加利新裝修左,還境好左,入去試吓先!下午茶跟以前冇分別,但下午茶價錢就所有貴左3蚊叫左沙爹牛肉麵跟腸仔及煎蛋,公仔麵係之前用熱水浸定,一咬落去好難食!友人醒目又係叫麵但就加$3轉出前一丁,一D問題都冇睇到D熱飲杯好細杯,都係+$2凍飲大杯D!總結1個茶餐成30蚊都係小D去

見金加利剛裝修完，便造訪吃下午茶。店內的擺位是非常奇怪，不知是否想用盡空間，但令人走動很不方便點了豬仔包茶餐：有奶油豬、午餐肉和炒蛋奶油豬：烘得太久，咬落似餅乾，但有包香，如果廚房做得好的話應該好吃。午餐肉：圓型那款，切得太薄了！不用慳成這樣子吧！炒蛋：剛剛熟，還有點點兒蛋汁，有原度，看出是熟手師父炒的，合格!奶茶：經典的港式西餐廳奶茶，"鞋"口，一點也不香滑，得個甜字。值得去程度：價格不貴但食物一般，住在附近的話，偶爾可來吃吃。

食評好似都可以, 平時行過都有人食,咁啱今日好肚餓咪走去食囉… 點知奶晒野:- 環境:預咗唔會太好, 但都估唔到有陣"up"味, 應該係唔夠乾淨, 有啲位發咗毛-紅/白湯都好稀, 溝咗好多水-厚多士有一半既面積係無牛油既, 超孤寒!塊包只係微暖, 仲有啲un, 可能係用微波爐翻熱-主菜:雞扒+漢堡扒焗飯 $66: 塊漢堡扒鬆散都一拮就爛, 毫無口感, 好似食緊腐肉咁蒜蓉汁雞扒意粉 $56: 蒜蓉汁係半透明既生粉水+蒜蓉粒+salt+少量黑鑊撈,好奇怪! 雞扒個皮煎得幾脆, 但只有好大陣美極鼓油味,好咸!意粉發水到好肥仔,淋晒雞塊石頭窩飯$56 =石窩內的鼓油撈飯-餐飲: 奶茶唔滑/ 熱檸茶唔熱, 一啲煙都無,一放低就落糖都唔溶, 仲要有苦澀味-甜品: 可以揀啫喱或沙律…. 人人都揀啫喱,我竟然貪得意就去叫沙律, 一心以為係什果沙律, 點知係薯仔/甘荀/西芹沙律, 薯仔仲要係硬既黃薯! 食咗2啖就放低咗… -服務: 招呼我地嗰個阿姐,面口好差, 鞋口鞋面, 其他阿叔就算無笑容,但都正正常常呢間野除咗份量足外,一無事處, 早知食老麥/ 大快樂, 味道/價錢/服務/ 環境都一定好過佢多多聲…

平日去金加利，多數都係食焗意粉或者SALAD,,妹妹說出了農夫包，WA,,,很想去試下，因為我很喜歡食硬包配咖哩的材料全部都有肉，惟有叫白汁芝士西蘭花($45)啦因為個包要焗，所以都要等成15分鐘期間個WAITER送左兩碗羅宋湯俾我地，不過有肉，所以我冇飲，妹妹話味道一般個包用鍚紙包住，一開出黎，熱騰騰的，即刻食左一啖，好味好脆!!!!!!!!!!!!D汁唔會太heavy,,西蘭花都幾多，整體黎講幾MATCH同好味~~~~~不過太大個了!!!!!!!!!!!!!雖然好味，只食得大半個就投降了!!!!!!!!!!如果個農夫包跟埋野飲會更好!!!!!!!始終食包都會有些口乾!!

4月18日, N年前同呀比去過金加利食tea, 發現佢d下午茶焗野都幾好. 今日再次到訪, 發現佢除咗焗飯之外仲有好多野都好似係招牌wor! ::: 焗豬扒飯 + 凍奶茶 ::: $40 + $2跟餐要了羅宋湯, 味濃, 料足, 不錯~焗豬用鑊仔兜上, 茄汁芝士同雜豆色彩繽紛, 賣相已叫人開胃~ 豬扒大大塊幫你切埋件鋪面, 塊扒係炸過嘅, 而且神奇地比d汁蓋住都仲保持香脆! 咬落較乾身但都有豬味, 而且唔油~ 個飯有炒底, 飯粒夠乾, 同埋d汁啱啱好撈得晒d飯! Good!餐飲個凍奶茶茶奶比例不錯~ 幾好飲!::: 葡式咖哩羊腩農夫包 ::: $42只有餐湯跟但無野飲. 湯要了忌廉湯¸ 夠晒濃杰, 忌廉濃厚質地完全表露無遺, 味道偏鹹咗少少, 但係都接受到~農夫包都係用錫紙包住嘅, 另外亦奉上一兜咖哩汁比你點包食~ 一打開個包, 勁大陣咖哩味, 發現內裡餡料十分之多得近乎迫爆!! 先評咖哩, 葡式咖哩不嬲味道香口濃惹, 質地夠杰, 點羊腩同麵包食都一流~ 羊腩份量好多, 無乜羶味, 但肉質夠嫩, 又淋, 而且夠入味, 都唔錯! 至於個戲肉農夫包, 表現就有d唔穩定, 有d位脆, 有d位

與友人聚餐羅宋湯好足料好濃厚多士好大件不過好明顯係放入mircowave叮!好靱牛肉石頭鍋飯:份量大,有煎蛋,牛肉,芽菜,泡菜等~泡菜甜甜辣辣又幾好味!牛肉好明顯用過多梳打粉拿過....唔討好!反而我覺得泡菜先係主角,牛肉先至係大茄!甜品jelly,不吃也罷!特別一提食物雖然不太好但服務簡直一流!

行完山，來到淘大找了這間餐廳食晚飯。與友人一人叫了一個焗飯餐，焗飯可任選兩個餸加一款汁，我叫了個焗葡汁豬扒德國腸飯，友人則叫了焗芝士汁雞扒豬頸肉飯，個晚餐包半件厚牛油多士、餐湯（我叫了羅宋湯）、一杯飲品、一個小甜品（啫喱），62元一個餐，凍飲加2，再加一服務費。先嚟個湯、牛油多士，個羅宋湯好飲，夠曬酸，不太辣，但友人的白湯就麻麻地了，好稀無嘜忌廉味…由於焗飯係即叫即焗，所以要等兩個字左右，個葡汁真係好正，上面仲有少少芝士，好野味呢﹗個豬扒唔夠「林」，但係都煎得好香，友人的芝士汁不及葡汁，但也不錯，雞扒好香好入味，質感又好喎﹗焗飯熱辣辣，個飯食到就嚟無都仲係好熱呢﹗嚟到一定要食焗葡汁飯呀，嘿嘿

每人各自叫了晚餐湯+麵包 : 羅宋湯好足料,好味, 南瓜湯一般, 麵包是厚厚多士(正), 不是普通的餐包.主菜:牛扖及豬扖好入味, 不乾身, 好juicy甜品 : jelly, 好味, 甜味啱啱好餐飲 : ok