金加利餐廳 (已結業)

兩個人叫在兩個餐！南瓜湯太杰雞扒沙律，沙律太多薯仔珍寶雜扒，蒜茸汁太杰，但d扒同珍寶都ok喎！職員得兩三個，唔夠人！總括叫扒餐可以試，叫其他就…

同學聚會我點了牛仔骨和鴨脾套餐羅宋湯ok啦,好足料,好濃味,不錯餐包暖上的,好soft牛仔骨和鴨脾鐵板上,牛仔骨很鬆軟,但鴨脾好亁,明顯係焗過左火甜品jelly,但唔好食的!瑞士雞翼送的,幾好味!

一行四個人, 唔覺唔覺去了淘大, 便順便食埋午餐先返屋企. 週一至五 12-2pm 入停車場有免消費泊車兩小時, 所以不用擔心食唔夠數. 本來想草草麥記又一餐, 但係又想食碟熱o野 (是日只有九度 ... 凍死人 ...), 省起有間金加利嚮左近, 便提議去食西式茶餐廳.叫了最簡單的午餐, 十分學生飯, 哈哈!1) 黑椒汁, 豬扒, 薯菜2) 沙爹汁, 吉列魚柳, 薯菜3) 蒜蓉汁, 雞扒, 飯4) 蕃茄汁, 豬仔骨, 意粉 吉列魚柳成隻手掌咁大 薯條不是新鮮炸也罷, 也不用是凍的嘛 雞扒中心是生的 ... (好在侍應立即醒水, 炒返熟碟已切件的雞扒, 變成蒜蓉雞球飯 ...) 豬扒唔錯 豬仔骨細了點大致上各金加利大同小異, 但塊吉列魚柳是是日驚起

食排最正~~又夠平~~~冇+1~~~wo~~~~上次食左個牛排+鵝比~~唔好食鵝比la~一d都唔好食~~反而個牛就幾正~~豬仔比~同排骨就真係好正~~~~一定要食~~~同出面唔同佢地係飲南瓜湯~~$62有一包~~一湯~~兩樣主要肉~~一甜品~~~+餐茶~~低!!

唔知係咪月尾既關係......星期六食飯都有位!一入餐廳,感覺好茶餐廳feel~被安排坐係近廚房位附近~e................張枱不太乾淨,店員只係用濕布掃掃張枱就算.....而枱就散發出一陣酸酸的臭味啊!第一時間,好後悔入左黎食~環境真係麻麻呀~好影響食欲呀!叫左一個雙拼焗飯:龍利柳+雞扒茄汁焗意粉,賣相都吸引,:龍利柳和雞扒都幾好食,但意粉就唔得啦~一食就知煮得淋晒~軟身而淋晒既意粉,仲有d水出,同上面d配料唔係好夾~仲叫左一個砵仔焗葡汁羊腩飯......呢個不錯呀~一上枱就好香葡汁味,好濃的葡汁,送飯一流!而且羊腩燘得夠淋.....唔係間間餐廳做得到~白飯size都好大!兩個都係餐,有羅宋湯,餐包,餐飲跟,味道好普通啫~仲有甜品,但無食就走左,因為實在坐得非常唔舒服!好影響整個感覺~食物不太差,亦唔係話好好食,價錢都要六十幾蚊一個餐,去food court食都唔洗....而且質素肯定好好多!平野都可以有好質素~

好耐冇黎幫襯過食下午茶啦，今日見周圍食野都爆哂，所以就入左黎食，剛好開始了下午茶，發現款式多左好多，而且都幾抵食，之後叫左芝士焗雜菜肉醬意粉，完全失望，我未食過D咁淡味既肉醬意粉，肉醬非常淡味，完全唔夠濃，而且肉醬份量仲好少，芝士味極少，完全失去左以往芝士焗野既水準，好失望，估唔到焗野都會差左咁多，而家唯一好既就係下午茶價錢夠平！

踏入八月真係忙到連食評都無時間打，呢餐是上星期的午餐﹗地盤忙鑽探，我是管工就當然責無旁貸，連吃飯的時間也沒有，成三點先可以行出地盤搵個晏食下﹗來到金加利有下午茶，雖然好耐無食不過都記得呢度焗飯最出名，下午茶只係廿四蚊就要左個芝汁吞拿魚意粉﹗即叫即焗，要等十幾分鐘是必然的，未吃已聞到濃濃的芝士味，吞拿魚份量下得相當多，撈勻之後仍啖啖有魚香，亦都因為個汁未算太濃令整個意粉好重吞拿魚既沉實香氣，如果個芝士汁再杰一點，令芝士味道更濃會更惹味﹗包埋凍飲只係廿四蚊，真係抵食，怪不得下午茶門外有人排隊，可知一二﹗

我係金加利食野都有約7年,由早餐,下午荼到晚飯都一個星期有2,3次係到食野,但近年D食物又貴左又唔好食以往嘅下午茶多人到要拎飛仔等叫號碼,而家就算星期六,日都唔洗等位.就知乜事!今日叫左個下午茶,鴨胸公仔麵配腸仔蛋,因之前嘅D麵好硬似係用熱水滾過然後有單就煮一煮就出,所以今次落單時講左話D麵要淋D,但來到嘅時候D麵仲係好硬,都算!腸仔蛋我講話要太陽蛋,來到嘅時侯太陽蛋以經穿左仲要煎到好乾,都算!廢事曹!食曬野杯凍O荼先到,杯O荼嘅荼反曬又深色仲好澀飲左一半算啦!光顧左甘多年係時侯要講再見先啦!再係甘落去只會越來越小人去光顧希望可以改善吓啦!

下課後與友人來了這裡食飯兼吹水. 由於食物份量大, 我地四個人點了三份餐. 點了蒜汁鐵板牛扒, 燒汁鴨腿肉+豬頸肉, 和芝士汁焗漢堡扒飯. 餐湯要了南瓜湯和羅宋湯, 兩者味道都ok. 至於蒜汁鐵板牛扒, 燒汁鴨腿肉+豬頸肉都附送意粉, 十分抵吃! 味道方面只是一般, 不見得出色. 芝士汁焗漢堡扒飯也是芝味淡淡的, 自製的漢堡扒又偏鹹, 不算好吃. 甜品方面, 只有沙律和啫利, 也是一般貨色. 最後四個人都"飽到捧住個肚"!!p.s. 不知是否沙律不潔, 當晚半夜肚子很痛, 要吃藥才止痛!!!!!

從前，我是金加利的常客，間中也會跟家人去幫襯一下，直至近年淘大開多了食店，我都再沒有去過金加利了，回想一下，都已經有幾年沒有去過了。今天是母親節，所以四周的食店都爆滿了，看見金加利有位置，所以就進去了吃。看了餐牌很久，食物的款式跟從前都改變了，加上整體的價錢都貴了很多，套餐的價錢由四十幾至七十幾，加上大部份扒餐也是只跟薯菜，不跟飯，明顯貴了很多。最後我點了美式雜扒餐，因為這個可以有飯跟。餐湯選了南瓜湯，還不錯，挺特別的，雜扒餐其實也挺豐富，包括有豬扒、牛扒、雞翼、香腸和火腿，豬扒和牛扒都有水準，而且很大件。其實這個套餐真是太大碟了，所以不是每人也可以吃得哂，吃完後有啫喱作甜品。整體而言，味道是不錯的，以這樣的份量來說，是抵食的，不過我總認為餐牌整體的價錢也比較貴，不以扒餐為例，碟頭飯價錢要四十尾，焗飯要六十幾，真是貴！一家人在這裡吃，價錢一點也不平！而且這裡只是設在淘大這個區域的餐廳，加上環境、氣氛也不是太好，位置坐得不舒服，而且服務也麻麻，所以難怪在母親節，四周也爆滿，這裡還會有那麼多空位了...

陳真兄貴為"西洋窮鬼",其安排的窮鬼飯局也是偏向西式,這一次,一行廿幾人,向九龍灣淘大的"金加利"進發.成廿多人在港式西餐吃扒,可算是新嘗試,比上一次開宗明義去大x樂踢館,更加來得趣味盅然,我們除了為了吃之外,價錢亦是重要之考慮,如果太貴,就失卻我們的意義了.如果我們可以吃得貴,已一早去吃西班牙燒豬去.港式豉油西餐的頭盤,自然是"紅白雙剎"二選一,即是紅湯白湯,紅湯當然是羅宋湯,材料甚足,味道算是不俗.沾些麵包吃,貫切至終地港式.小弟的鐵板扒是西冷牛扒配蒜茸汁,在這等地方吃扒,自然會調節自家吃扒的標準,總不能一本通書看到老.用高級扒房的眼光來看梳打扒.面前的西冷扒要五成熟,也恰如其份,身旁友人同我一樣要五成熟,切出來看一看肉色,近乎全熟.可見水準不夠穩定.吃下去的感覺,肉質軟稔,熱辣辣的蒜茸汁惹味,本來另上的意粉齋而無味,但伴上蒜汁吃就變得很美味.價錢並不算很貴,比那些老式扒房吃的平少許.在三月最後一天寫隻這個食評,想著四月中下旬的窮鬼大局,亦係時候開始籌備了.

是次活動, 宗旨是用蔗渣既價錢, 換上豐滿的美食. 叫下叫下, 30多人報名, 最終23人出席. 搞到很少做大棚人生意的金加利, 非常之手忙腳亂. 幸好事前知會了餐廳, 話有一班人黎食野, 亦叫了朋友早酊踩一踩場. 店方安排了我們排排坐, 分兩張長檯過. 20幾人一齊係間老港西餐廳鋸扒. 哈哈! 又幾壯觀下.最主要, 最好食, 莫過於其鐵版餐. 大部份人, 都鐵版一份. 每份兩種扒. 而且, 是大大份, 保證食到你會飽死餐廳咁既Size.這次, 各人一份, 大家沒有share, 所以只能點評自己, 及身旁朋友叫的鐵版. 每次食西餐, 當然要由湯講起. 人未齊, 老伙記已幫我們落定單, 務求 efficient, 同廚房唔亂. 不過有點嚇親, 因為即點, 湯同麵包即上.....連忙跑去問伙記, 原來只是把湯先上, 餐等我們 confirm人齊先入廚房.湯, 去食港式西餐, 有紅湯, 就一定紅湯. 可能自己比較匆忙, 又要點名, 又要等人. 又要食. 味道沒有試清楚, 甚至連胡椒粉都唔記得有冇落 (小朋友們不要模仿, 因為咁樣食野是會胃痛的). 麵包, 香熱鬆軟, 涂上牛油, 細食既女仔,

三月二十五日首先謝謝召集人和搞手,在一個窮困的情況,也要向一些走平價路綫的餐廳埋手.想不到今次來金加利,老實說自己真的差點迷路,幸得陳真的幫助才到達,自己的作風總是早到.今次也不例外,食友還未來先坐一會兒吧.食友陸續來到,二十二人在一間小餐廳搞鋸扒局,侍應總來得有點緊張,開始各自叫自己想要的食物,餐湯選擇了南瓜湯,只因不想要羅宋湯而已,湯內有少許南瓜只是味道略為清淡,但都算可以的包類方面想不到有一件多士以及餐包的確相比花園等的來得多.多士不算是什麼脆口美味,但塗上牛油倒是清光整件多士,餐包不是凍冰和外面的相若,沒有可評之意.因主題是鋸扒當然是食鐵板餐啦.選了薄牛扒拼漢堡.先說一句份量方面的確多的,鋪著薄牛扒,一件漢堡,薯餅以及半條粟米,薄牛扒全熟狀態,用刀切幸好還頗簡單地完成.因薄的關於,倒是食不到.漢堡幸好還算自家製,來得有點鬆,但其實又會散.雖不算好,但也接受得來了.粟米當然要一口咬才過癮.薯餅是最穏陣的食物.最終還能把整盤食物清光,餐飲還是來過雜果冰,甜品選了啫喱,看到食友的涼粉,發覺啫喱實屬穏陣不二之選,服務不算好,但還未至於差,可能第一次應付一次過二十二人的關係來得混亂食物質

芝士吞拿魚意粉，美國牛扒配著菜。餐湯: 羅宋湯好足料，不過略嫌有小計酸，同太杰。主菜: 芝士吞拿魚意粉好芝士，芝士愛好者必死，要不然都會幾漏，仲要係即叫即焗，另外份量都幾多下架。如果一個女仔吃，一定食唔哂架。味道，比較港式味道。不要跟意粉屋比較。主菜: 美國牛扒配著菜牛扒有三大塊架，雖然係薄牛扒，不過質素都OK架。一定冇根，食到CHI哂線咁。不過個黑椒汁就麻麻了。另外，我係點著菜，有三小塊，不過有點凍凍地。NO GOOD。PS: 今次黎，仲要見到夏萍，佢仲要同D伙記講拍 點點點。而D伙記又好似唔洗做咁，個個都企哂一邊係到計水.....想點????

見佢D食評講到個芝士炒丁咁正, 咪去試下囉~原來芝士炒丁只有跟"豬頸肉",無其他款, 唯有照試。一上桌,見佢真的好多芝士, 頭半碟仲食得落,食到3/4, 嘩~~~唔得啦!!! 佢D芝士真的多到好漏, 食到好漏la, 食唔到啦~~~!!!!佢地個餐湯都OK gei~(羅宋湯), 材料多, but 芝士炒豬頸肉一丁就太漏lu~~~~~ 對於芝士愛好者或者都會認為佢過漏ga , 讓人吃完會有種想嘔既感覺.....P.S. 個人認為芝士都是用來焗飯比較好吃呢.......