金加利餐廳 (已結業)

已經去過這餐廳好幾次了~不過平時去開九龍灣行街會想再去這裡食晚飯~這前天行完megabox 出返地鐵站又再去多一次了~金加利餐廳地方不大,座位也不稱得上舒服,但服務幾好,以西餐食扒既價錢來講佢的確平得可以...我最喜歡這裡兩樣菜 芝士焗雞扒肉醬拼法式田螺長通粉----芝士並不是上等貸,但勝在夠多夠熱,雞扒味道不錯,也算嫩滑,肉醬-->即是肉醬意粉個D,好味!!不過佢田螺同肉醬都係味道較濃,喜歡淡口味的朋友可能會唔鍾意......但可以一個長通粉有咁多配菜,又雞又肉醬又田螺,感覺真爽~ 鐵板美國肉眼----食過3次了,,2次好正.一次差d,,水準時高時低, 佢個肉眼幾o岩配黑椒汁,,5成熟左右真係一流牛味普通,但肉汁豐富,絕對厚切,大份到一個男仔食都未必食得哂,good! 另外這樣的石頭鍋飯,,咖哩,王子鴿, 都係值得一試的~

冇咩期望"但都失望每樣D料都少得可憐焗羊腩飯 "韌"到爆 " 又冇味 " 又勁薄個飯又少 " 最好係那一小"pei"芝士 沙爹牛麵D醬完全唔係沙爹味!! 又鼻涕 牛肉俾粉"乸"到唔似肉煎腸蛋+方包煎腸蛋油淋淋方包ge牛油少到喊凍檸荼甜到似糖水 " 毫無茶味 " 夠溧是優點嗎? 熱好立克最正常 "夠味一次就夠la

踢完波 同朋友去淘大金加利食野朋友食牛扒餐 我就食常餐 貪佢多野食 有豬扒麵 多士同魚柳沙律 同 凍檸茶豬扒真係好香好有肉味 浸左好耐湯都唔會話林晒/變質魚柳係幾普通 但加埋個千島醬真係幾正沙律就普通野 冇乜特別 不多介紹今次反而係想讚下朋友個牛扒多dtotal有4塊(好似係) 好易切 口感唔錯佢個黑椒汁真係一絕 唔會太辣蓋過牛味能夠帶出牛本身果種鮮嫩 有少少後悔冇叫到牛扒餐...... 雖然每樣野都比一般茶餐廳貴左少少(一般下午茶都要3~40蚊)但佢d食物既質素真係值回票價 特別係扒餐! 推介!

五月廿五日(日)之前同老婆放工都不時會過黎尼度食午餐，因為d扒好食份量又多，滿足到我大食量既人，另餐飲+$4又可以轉特飲， 又好食又抵食～今日原本想黎淘大唱K lunch，但黎到太晏已經無得唱，加上唔記得帶儲分咭，於是食午餐就算，在金加利和易牙二選一，因易牙其他地方有分店，最後還是選了金加利～是次Order：黑椒牛扒配意粉($38)、澳門咖哩雞飯兩個餐($45)黑椒牛扒配意粉有兩大塊牛扒，雖然只屬薄牛扒，但兩塊合起來份量也不小，牛扒亦淋而有牛味，配合頗惹味黑椒汁和意粉，絕對吃得又飽又滿足～澳門咖哩雞飯餸和飯分開上，餸份量驚人，一砵中有巨型雞件數件、薯仔及雜菜。咖哩汁配合芝士焗後更添香味，實在比昨天農夫包中的咖哩好吃不小，加上足料雞肉嫩滑，又是吃得概飽又滿足～餐湯羅宋湯和一般餐廳的味道大同小異。南瓜湯比一般白湯甜，不錯的口味～餐飲+$4可選特飲，點了雜果利賓納及紅豆冰。雜果利賓納是罐頭雜果+利賓納，雖然唔算特別，但雜果配合利賓納的味道真的很不錯。紅豆冰紅豆則未夠飽滿，一般水平～尼一帶黎講金加利都算係高質素西餐廳，而且價錢唔貴，比商場上面食裝修既珊X堡之類好太多～　雖然應該是港式口味，但港

烈日當空踢波後，同朋友黎呢度食午飯。入到去岩岩好有位，就睇下有咩食，叫左個牛扒餐，汁要黑椒汁，配薯菜，飲羅宋湯、凍檸樂。朋友就要豬扒公仔麵、多士同魚柳沙律。今日上菜好快，羅宋湯淡淡地，唔夠濃。牛扒薯菜好大碟，佢地既黑椒汁係加入蒜蓉既，雖然唔係好辣，但係夠香。凍檸樂用罐裝上，好大杯，可以自己添飲。朋友話牛扒餐比較抵，下次精明o的啦另外，呢度既雞扒餐，蒜蓉汁都一絕！

昨日中午同拍檔去九龍灣開會。所以拍檔好快就喺開飯喇上面找到一間喺淘大商場，頗受食家歡迎嘅金加利餐廳。故午餐就決定去淘大金加利喇！我兩到達金加利時已經下午一點四十五分，餐廳已有好多座位。坐落後拍檔已被餐牌上嘅餸菜深深吸引住，樣樣都想要。最後決定叫咗中辣㗎喱魚飯套餐($40)同意式焗豬扒飯套餐($42)，餐湯就要南瓜湯。兩個套餐樣子幾吸引，而味道就㗎喱魚好些少，焗豬扒飯就唔好，餐湯都幾好。食完後已下午兩點多，即下午茶時間開始，見到其他客人枱上面嘅下午茶餐係好大碟，只係二十幾元，真係好低食。所以拍檔話下次一定要試吓下午茶餐。！

下午茶熟客, 本來我對經常去的地方唔會點俾評語. 不過今次都要俾d意見佢地. (喊) , 係因為佢地的衛生評語係希望佢地可以改善下, 因為佢地近期 d 餐具洗得好污糟, 不只一次, 經常有殘餘物.

話說星期天與工友到呢度食個午餐﹗平日呢度必要等位，可能星期天的關係無咩人，點了芝士撈公仔麵，芝士很厚，味道不算太濃，滑滑的入口帶點香甜，好味道﹗工友點了咖哩焗豬扒飯，咖哩香而不辣，豬扒有幾塊咁多，呢個飯真係兩個人先食得哂﹗下次叫一個兩份分已經夠哂皮﹗午餐的價錢算中上，不過味道挺好，值得推介﹗

已經是第二次吃這裡的tea,覺得是不錯的快歺,價錢也很抵吃.最平的choice是$20的鮑片火腿通粉+炒蛋+咸牛+方包+熱奶茶:通粉是正常的水準,加多二片鮑片令人覺得超值及他们的用心.也試了炸菜肉丝公仔面+煎蛋+歺肉+冻lemon tea($22+2):炸菜肉丝有很多料,爆香过,不过公仔面就唔夠味,要加些辣油調味.而炸吉烈豬排+salad+hot drink($23)的豬排勁大塊,又香脆,又入味.其他枱有很多人order石頭飯($26),見到大大碗又熱辣辣,下次試吓先.

睇到OR 近期O既食評,有點戰戰兢兢地去試左個DINNER$62 一個排餐,算係咁啦我食左個芝士汁特嫩豬仔肉配飯,忌廉湯,朋友食左沙爹汁牛排意粉忌廉湯都唔錯,有南瓜肉,不過冇咩香味就真O既麵包有2片GARLIC BREAD 同2個小餐包,幾好味不過就唔係特嫩豬仔肉,其實係2片豬排=0=" 芝士汁諗住會好漏,又唔係喎!有微微O既芝士味,好似芝士夾心餅O既味道囉~不過個西蘭花超大舊,好難進食,什菜多D會好D 朋友的沙爹汁牛排,一D都唔係沙爹汁,不過甜甜地,似燒汁,都幾好味,不過好大舊筋呀,搞到我失儀地要吐><"

約左朋友係附近睇戲..睇完諗住係openrice呢間評論好似唔錯咁..咪諗住試下囉..0個時九點幾..入去食...唔係咁多人..都滿心期望架...叫左個雞扒拼漢堡扒...有薯餅/薯條揀..有野飲同埋甜品送...結果係..真係好唔掂!! 係完全唔掂..雞扒口感好一般又唔整得唔香..個漢堡扒..真係勁一般..又鬆鬆地..咬落同D薯餅差不多..唯一可以接受既係薯餅囉..叫做正常小小..最差最差既係..D甜品..涼粉加奶..仲有波蘿粒..食落好似食緊D過期野咁..咬左一下..已經頂唔順...我覺得68+2咁既價錢好難接受囉..D服務態度又唔係話好..(=.=..食緊野時仲見到個waitress同waitor鬧交定點咁..)..我唔知佢地係臨尾收工定點..(.夜晚九點幾..=.=..)..D食物質素差成咁既!??..或者係我地唔好彩囉..不過我以後都唔可能再幫襯架啦~

昨晚在megabox 看戲完畢，行番出牛頭角一帶吃晚飯。兜兜轉轉下，還是來了金加利。跟男友叫了漢堡扒煎蛋配洋蔥汁和咖喱牛脷飯。用膳完畢，有感質素下降，咖喱辣而不香，牛脷無聞無未；漢堡扒口感偏嚡，可能是煎得過火，但勝在厚身。餐湯其實不俗，只是不夠熱和蕃茄味不夠濃。較有驚喜的是烘麥包多士和飯後甜品的沙律，埋單$126，以食物質素而言，其實偏貴。

牛扒好有牛味價錢又ok已經好好啦.....不過d飲品就要彈下喇個話梅可樂真係唔知咩事仲有我勸大家唔好跟薯菜, 因為佢畀幾舊薯餅你, 叫飯飽d

99年果陣第一次幫襯，咁多年加加埋埋都應有二三十次，見住佢地不繼進步..但近呢兩次去都覺得佢有些少退步，菜名冇左以前d特色，以前覺得佢水蛇春咁長既名好有特色，何如「羅馬盛宴」「法式香草芥苿雞朳牛肉焗長通粉」等等。焗長通粉價錢貴左，通粉少左，不過我諗好多人食唔晒所以減左份量，但係而家d隻拼料就平左lor，我記得食法式芥苿焗長通粉有雞朳拼牛肉，好大有多，而且芥苿真係芥苿，唔係樓下講既芝士，尋晚食只有牛肉拼魚而且變左芝士焗。但係鐡板餐就好左，多左新野，有ribs，免治牛扒(好好味)，但冇左金菇牛肉卷同埋又係份量少左，牛扒變左係薄牛扒。好在服務照舊地好好，去果頭想食飽d又要好味除左佢都諗唔到邊到。道道都加價，金加利都冇計唔加

聽到有人問:你番到泥都唔會食西式架啦心諗:何解?香港野食平係人都知,仲要係煮得出色過外國今日就去左食西式焗飯六十幾蚊有餐湯,餐包,焗飯,甜品同埋野飲知道今日唔洗聖誕餐,就揀左金加利入到去坐左陣又睇左陣餐牌,諗住叫我既最愛田螺焗雞,但記得田螺好小,所以試新野"法式芥茉魚牛肉焗飯"法式芥茉魚牛肉焗飯(跟南瓜湯,餐包)先講講餐包...冇左多士...失望南瓜湯,料比以前多左,不過個湯幾多粒粒,唔知係唔容定係南瓜容多?法式芥茉大家諗起d乜呢?日本芥辣?我都以為係,但原來又係芝士汁,係我領悟能力差嗎????魚同牛肉既份量......多到你唔信...魚起碼有2條半牛肉超個十幾塊....牛肉肉質ok,唔似落左好多鬆肉粉魚肉質唔錯,雖然外層金黃但亦不太油芝士海鮮焗飯我個法式芥茉就係同d個芝士汁一模一樣有帶子,青口,蝦各一同魚魚又係2條半到餐飲何華田同埋0 tea甜品者喱要提一提就係...者喱冇左生果....ps:服務算得上好埋單個阿姐一定會講多謝.而佢既多謝睇得出係發展內心,而唔係好似其他人講完就算如果有tips會講多聲一讚!臨走前一定番叫法式芹茉,睇下佢今次錯定我唔識野XD!