金加利餐廳 (已結業)

同事介紹黎間金加利咖喱餐廳。真係好介紹。我同同事一齊選自選雙拼鐵板晚餐。我就要"西冷薄牛扒+美式豬肋骨"同事就要"西冷薄牛扒+德國香腸"西冷薄牛扒真<---係好薄，感覺上太薄，無種鋸扒感覺美式豬肋骨<---只得三節，肉比較少有三件薯仔餅好好味！餐包好大個+多士好脆口...Yummy!!!還有甜品送(涼粉或沙律或)。今次第一次食，埋完單還送九折卡。有效期至2007年12日31日。

住咗係附近咁耐，開始對揾唔到一間似樣D嘅早餐食感到唔耐煩...今次卒之食到個似樣D嘞...價錢雖然偏貴，但質素相對其他地方嚟講亦較高...奶茶冇乜澀味，已是合格有餘。當然水準並不是頂級，但已經收貨...沙爹牛麵不惜工本用上出前一丁，當然比用大光麵有保證。麵質彈牙，應該係過冷河嘅結果；沙爹夠香亦夠味，有少少出乎意料之外，可惜梳打牛當道，失色...但已係呢頭嘅最佳選擇...

薑餅人超趕咁走來同我食晚飯, 唔好意思~~佢叫左鐵板石斑拼雞扒- 很耐無食滋滋鐵板餐, 令我想起兒時同父母吃鐵板餐既情境, 石斑用脆漿炸過, 香口但肉偏削, 石斑同雞扒都幾大件, 沙爹汁唔夠香我叫左咖哩(小辣)羊腩拼牛脷 - 羊腩很香嫩, 連皮吃更好食, 顧不得會肥了, 牛脷很多片(如羊腩多些會更好), 薄身也爽, 但羊腩勝出此回合. 咖哩(小辣)很香, 但薑餅人還是覺得九記咖哩好些.餐包有蒜蓉toast and 普通餐包仔, 只吃了前者, 餐湯有南瓜及羅素湯, both are quite oily and not creamy enough.iced 奶茶幾香濃wor.份量很大, D侍應都算有禮貌, 唔錯....

星期六同朋友睇完戲之後, 響附近一齊食晚餐。入左黎金加利, 呢道都好多dinner set選擇, 每個餐都係正常有湯, 麵包, 主菜, 飲品同埋甜品；我要左個駝鳥扒拼薯菜黑椒汁, 朋友就要肉眼扒拼飯都係配黑椒汁；湯有兩款係羅宋湯同南瓜湯, 我地都要左羅宋湯: 雖然見到有好多料, 但係味道好普通；肉眼扒拼飯(8成): 黑椒汁唔辣味道一般, 肉眼扒大大件好厚身又較嫩滑, 朋友讚話好味；駝鳥扒拼薯菜:駝鳥扒都係大大件但較薄身, 無咁有口感但味道都ok, 薯菜得4舊薯餅相對就少左d, 但都夠脆。

今日同林小B同一日放假係屋企瞓足成日, 晚餐同曚豬蓮一齊到淘大聖安娜先買糭, 之後到金加利晚飯。羅宋湯- 湯料好足, 味道唔差, 仲有一小舊牛脊骨。南瓜湯- 賣相好濃南瓜味, 但飲落唔重南瓜味, 同埋有D似忌廉湯加南瓜蓉。蒜蓉汁龍脷意粉- 曚豬蓮話好大碟, 龍脷好大件, 意粉炒過先上碟, 所以唔會凍冰冰, 伴碟椰菜花有兩大舊。蒜蓉汁鴕鳥扒跟薯菜- 好多件鴕鳥扒, 我分咗D俾曚豬蓮同林小B佢哋都話好好食, 薯菜係炸薯蓉角, 新鮮炸起好好食, 同呢間餐廳茄汁係用亨氏, 唔會好似地捫D味太甜, 所以更覺好食。咖喱薯仔鷄翼飯- 咖喱汁好濃椰汁味, 薯仔係大大舊白烚後加入, 不過本身薯仔都有味, 食時跟咖喱汁一齊食都唔錯, 鷄翼係兩大隻全翼, 好彩林小B用刀叉叻, 所以好輕易將之分解進食, 換轉係我我一定用手, 全翼係炸物, 比想像中差, 但D汁同薯仔攞到分。凍檸水& 凍檸茶- 唔會有問題。沙律- 雖然係罐頭貨, 但OK, 份量剛好。啫喱- 加咗花奶好好味, 唔會水汪汪咁。係淘大嚟講, 呢間一定好過世華, 價錢合理(因為無收加一)。

前晚要黎九龍灣買d野約埋朋友仔食飯叫左兩個set：蒜蓉汁駝鳥扒拼薯菜($66+2)同黑椒汁牛肉漢堡扒拼意粉($54+2)蒜蓉汁駝鳥扒拼薯菜～駝鳥扒好大片份量又多,叫佢少油真係做得到,蒜香味濃,配上夠淋唔韌既駝鳥肉,唔錯!! 薯菜係薯餅同椰菜花, 薯餅凍左D但唔油又脆, 但總括黎講幾滿意黑椒汁牛肉漢堡扒拼意粉～牛肉漢堡扒好淋但有口感,加埋黑椒汁簡直一流,,意粉雖然係水煮,但唔會過淋,食左少少加埋我D蒜蓉汁,好味,推介漢堡扒跟餐有羅宋湯,足料餐飲OK甜品係jelly, 唔會淡茂茂服務都算唔錯侍應好有禮貌係差在出餐飲耐左D環境係似茶餐廳但好在有最新雜誌任睇

昨晚朋友突然急call晚飯,就近一點到這裡吧!我們叫了2個晚餐share.湯係羅宋湯,侍應話係用豬唔係牛煲喎,咁我就可以放心飲,餐包每人半片蒜茸多士和1小個牛油餐包,湯夠熱都okay好飲,蒜茸多士好香口好味,餐包仔雖是番叮,但我接受囉,話晒唔係比百多元一個set嘛.主菜叫了豬仔骨沙拉,份量都好夠,成條豬仔骨有7節咁多,佢係炸唔係烤焗既,初時怕會好鞋口無味,但食落原來味道唔錯,好似食緊燒豬腳咁香口,i like it.拌碟沙拉係薯仔粒青瓜粒等加些罐頭雜果,份量都有成一個大飯碗咁多,所以好夠飽,另一主菜係焗芝士吞拿魚飯,店家用一個四方碟焗的,飯面不會有過多的芝士,這點很欣賞,最怕有些食店用大量芝士驚死你唔滯咁,飯係用蛋炒過,仲加有粟米粒,紅蘿蔔粒同磨菇片,吞拿魚估計有1細罐份量,食味本來唔錯但和豬仔骨比的話,我會選豬仔骨囉.最後係食唔晒碟飯既.餐飲叫了熱檸茶,檸檬味幾香,而餐飲套瓷杯好靚,無諗過係呢類餐廳會有咁靚既餐具,即時令到呢餐飯加了分.

之前有個評語話將<金加利>同隔離<加勒比海>比較~~~其實兩間野係同一個老闆^_^咁大家會問點解一間有加一而另一間冇......大家心照啦~~對於我呢一個每星期都起碼去兩次的食客黎講,由早餐到宵夜都食得7788了~~冇咩新意...之不過我真係要讚幾樣野:1)價錢唔高: 一個早餐(兩個餸+出前一丁)17蚊大大碗 一個好少少ge午餐(扒飯/焗飯)都係$23-30 晚餐,平ge 33蚊,貴極都係$45-50(平貴都有湯同甜品....啫喱/沙律/涼粉) *仲有九折咭~~~2)service不俗: 我真係未見過d阿姐同叔叔態度唔好,有出錯唔理三七廿一即刻換過同埋say sorry.3)品質keep得好:焗飯係一個唔錯ge選擇...雖然冇大師級水準....不過我見到夏萍姐(tvb果個老婆婆)成日黎食早餐...可見佢地D quality都唔差....正~~~~~~

已經2:30pm了,重未食飯,剛修理好鋁窗,來食個午餐\+下午茶,來個招牌焗飯...我點了個咖哩羊腩,嘩好食到不得了,你第一次飲奶茶,你話好難飲啊..(我知道你為我試的,多謝)食完再上去努力工作,清泥頭,油光油...

此店份量真係好大, 昨天下午同傻鬼去lunch. 我有d飽飽地所以我地2個人決定叫一份午餐加一份小食(因佢地寫明淨飲每位$12).叫左個牛肋骨意粉set lunch(包湯及餐飲)-$34同埋一客炸薯條-$16.牛肋骨上枱真係有d嚇人, 似足美國餐廳既ribs既份量, 仲要加一埋蔬菜及一埋意粉.炸薯條都係大大份啦全部野都係味道一般, 普通茶記既水準. 不過不失.食完更加覺得飽漏.p.s - 佢地個個既服務都好好.

係淘大食野都真係幾抵我與朋友點了set dinner飽都有蒜蓉飽同餐飽.....食飽都抵湯又唔小，又有料，不是淨湯水意粉同飯都好大碟不過因為意粉真係好大碟變相都涷哂都未食完影響了口感仲要有甜品.......嘩...雖然分量不多，但已經好勁服務姐姐/嬸嬸/叔叔都盡了基本的義務...雖不至令你賓至如歸，但起碼唔會叫你受氣仲有廁所雖不在店舖範圍內，但係隔離，已經好過不少商場食肆聽講呢度焗飯仲好食....下次要試試....不過呢度成日都好多人....

今日去德福行街，晚餐原本想去茜朗餐廳食，因為去到已經6點8，見到個原價menu真係嚇死人，姐就提議去淘大搵野食。去到淘大以加勒比海餐廳同金加利餐廳的meun比較之下，最後決定黎呢度食，因為唔加一已經羸了一個身位，哈哈﹗我地2姐妹叫左蒜蓉汁駝鳥扒意粉$66同洋蔥汁龍利柳飯$54。2碗南瓜湯，2杯凍華田﹗一黎餐包：是用籃上，有2塊蒜蓉多士同2個餐包，我都唔知有咁多架，都幾好食，個餐包又熱又軟，yummy!!二黎個湯：我未響出面飲過跟餐的湯有南瓜湯的(見識少>.<)…好好飲呀，一d都唔溜，不過響碗底的湯我飲到有少少粉粒的既野….唔通係用粉開出黎??三黎駝鳥扒：好好食，好彈牙，蒜蓉汁好正，一d都唔溜呀﹗估唔到66蚊佢畀成6,7塊大大塊駝烏扒，駝鳥肉本身都貴，出去邊度會畀咁多人食先^^四黎龍利柳飯：本身我自己好like蒜蓉同洋蔥整成既汁，不過今次呢個洋蔥汁麻麻，冇乜洋蔥條，味就ok，撈飯一流﹗不過佢衰左響塊魚柳上，係呀係好大大大塊，近呢幾年好多餐廳都會用蛋醬配合黎煎龍利柳，其實我唔多like，我鐘意食淨煎既魚柳架@@我食了一啖已經覺得好飽溜，諗住淨食d魚肉，點知….好鹹呀﹗我地食

呢間餐廳都食過好多次, 本人最鐘意佢的勁霸咖喱, 因為本人係勁辣的fans, 雖然對本人來說並不足夠, 但如嗜辣的朋友可以一試!! 雖然價錢都唔算平, 但佢的份量就真係好大, 一個女仔真係食唔哂的.仲有, 上一次我阿媽叫左個豬扖沙律, 嘩, 一來到真係嚇親, 照大碟~~!! 見到隔離枱的扖餐都好大件, 不錯!另外, 你幫襯左一次之後就會有張九折咭畀你, 咁以後都會有九折優惠了. 呢度個老闆都好識做, 話說有一次我唔記得帶, 咁我同佢講, 咁佢就話, ok啦, 照九折冇咩問題的. good!!

同ｄａｄｄｙ食晚餐～環境唔錯，但個收音機開得好大聲。叫ｏ左個雙拼鐵板＄６８〔牛扒＋雞扒〕仲有一個葡國石班飯＄５２兩個餐都連餐湯，飽，甜品，凍飲就加兩蚊。但total 竟然唔洗加一！最好味係跟餐ｄ牛油方飽，熱辣辣，而且好軟熟，一定唔係返叮的。好難先搵到餐廳ｄ方包咁好味～～事實上依ｄ少少配菜都做得咁好，ｄ野都唔方難食呀！超讚！鐵板ｄ扒每款一件，雞扒好大舊好抵食，牛扒就較薄。最欣賞係佢ｄ配菜。一般餐廳通常係比ｄ薯條同紅羅白仔，但佢就有舊勁大既西蘭花〔出奇地新鮮爽口喎！〕一邊粟米，加上３大舊四方形薯寶，又係超好味。淨係ｄ配菜已經值得加分了，雖然唔係咩貴野，但係質素味道滿分。葡國石班就麻麻，似ｄ淡味咖哩咁。我諗食咖哩會好味ｄ，因為見好多人食，又係招牌菜。甜品千祈唔好叫涼粉～半碗都冇而且水汪汪的。都係叫返沙律最好味。但基本上食完扒都極飽，所以甜品都冇咩所謂，女仔分分鐘食唔落。服務一般，ｄ　ｗａｉｔｅｒ一冇野做就會走去抺ｄ刀刀碟碟，專心到睇唔到你叫佢。所以我諗衛生應該唔錯～哈哈。ｄ野食好快到～但好明顯係即叫即做的。下次會再ｏ黎，唔洗加一，又抵食又好味過扒王之王啦！

昨晚同朋友去食，見到間鋪頭雖然算係細少少，但係食物同店員服務既高質素，已經值回票價！我地多數人都係叫扒餐，五十幾六十蚊，有餐湯、有蒜蓉包、有扒類雙拼（每款兩大塊！）加薯菜、餐飲、甜品，最正要算是咖哩汁。另外有朋友叫左個牛扒沙律，碟上，份量亦係多得交關，大件夾抵食。諗諗下，相比起個ｄ做到成行成市的扒王之ｘ同埋金ｘ，呢間野更加值得推介。