影片
港铁佐敦站 C2 出口, 步行约3分钟
继续阅读
电话号码
55335349
96588581
营业时间
今日营业
14:00 - 22:00
星期一至日
14:00 - 22:00
以上资料只供参考，请与餐厅确认详情
喺香港生活咗咁耐，第一次聽有一種菜式叫乾蒸菜。價錢唔貴，所以決定點都要試吓。舖頭嘅招牌菜有乾蒸排骨同乾蒸白鱔。💛乾蒸排骨💛本身小編平時係唔食排骨嘅，因為覺得好油。但因為佢係唔落一滴水就乾蒸嘅緣故，啲油份喺煮嘅時候已經迫晒出嚟，入口就多咗份焦香感而冇乜油膩感。張相望落好似有啲燶，但食落唔會有嗰種燒燶咗嘅味道，只係有香口嘅感覺。食落去覺得有少少似日式燒肉嗰種烹調手法，但感覺就冇咁熱氣。同埋雖然佢係乾蒸，但食落去唔會嚡口，肉汁依然好豐富。💛乾蒸白鱔💛舖頭用嘅鱔好新鮮，食落去完全冇腥味。個蒜蓉汁較得好好，非常惹味。同埋乾蒸嘅手法將魚油迫晒出嚟，個油脂香都非常好送飯。乾蒸雞乾蒸雞個蔥油調得好好。但始終雞嘅油分有限，所以乾蒸起上嚟會比排骨同白鱔遜色。但佢用蒸嘅手法，已經做到好似雞煲咁惹味，已經好好。呢度加$5，就可以白飯任裝。而且所有餸都好好送飯，價錢又唔貴。好推薦發育期嘅學生黨嚟食。同埋以平民飯堂嚟講，環境算乾淨同坐得舒服。
继续阅读
✳️周六逛街，我們來到了金發順德乾蒸菜，店內裝修簡潔，今天的主角是乾蒸菜。✨首先上桌的是**乾蒸肉餅**$68。肉餅外形圓潤，表面微微焦香，咬下去時，肉質鮮嫩多汁，調味適中。肉餅的搭配還帶有些許香蔥的清香，提升了整體的味道層次。✨接著是**乾蒸白鰻*$128。白鰻的肉質滑嫩，蒸得恰到好處，保持了原汁原味，搭配一旁的蒜蓉醬油，更是提升了鮮味。✨最後，我們點了兩碗**枸杞葉豬潤湯**，每碗只需$18。湯底清淡，豬潤的肉質鮮嫩，枸杞葉則增添了幾分清香。✨值得一提的是，6點前結單還有白飯任吃。雖然我們沒有特別點飯，但看到不少食客大快朵頤，真是令人垂涎。整體而言，金發順德乾蒸菜以猛火1000度的乾蒸技藝，帶給我們無水的乾蒸美食體驗，絕對值得一再光顧。
继续阅读
廟街小食街熱鬧非常。行完街來到附近的這家順德菜館，主打順德乾蒸菜，不加一滴水，用1000度將食物蒸熟，又健康又能保持食物的原汁原味。全港首間順德乾蒸菜。無加一，白飯任裝，吾使250元，2餸2湯2飯，真係超正！枸杞葉豬潤湯 $18豬潤的鮮甜無疑表現它是如何的新鮮。加入枸杞元素，滿滿的一盅，凍凍地飲啖湯暖身，好有家的感覺。乾蒸鮮雞 $78乾蒸鮮雞肉質地細膩，保持雞肉的乾身但又仍肉汁豐富，鮮嫩可口，無需鼓油或其他調味，便能充分展現食材的原汁原味。乾蒸白鱔 $128價格雖然稍高，去開街市買餸的話都知道白鱔本身來料就比較貴，白鱔的肉質細膩，蒸得非常到位，鮮甜的味道又帶點油脂的甘香，每一口都係鮮油甘香，在家蒸無辦法做到呢種美味，令人拇指大動。有個自助區，白飯任裝，水任飲，好似回家食飯，非常有家的感覺。有時屋企無煮飯，這里絕對有機會成為我家的飯堂。其他蒸菜的價格都親民，無加一。
继续阅读
順德干蒸菜，好好味又健康。店舖係廟街，地鐵站行過去都好近下。店面吾算好大，但眼見好多街坊幫襯。2個人叫左個干蒸鮮雞同干蒸豬潤。兩個菜，雞同豬潤都好新鮮。干蒸即無放水蒸，係幾特別，真係會入味d，少少燒酒吊味，仲惹味d。仲叫左生滾豬雜粥，好多料，大大一兜，夠曬2個人食，好大排檔感覺，好地道呢，。豬雜粥配乾蒸菜，好味又滿足。香港少d機會食順德菜，比較少呢啲菜式，即叫即整，吾係預制菜。試下呢啲順德家常菜，都幾特別呢！
继续阅读
第一次食順德干蒸菜，先講佢地6點前落單白飯任裝，真係好抵，係香港地要搵間白飯任裝都唔易.. 多款干蒸菜色，我地叫左干蒸鮮雞❤ 雞件新鮮啖啖肉，肉質鮮嫩唔會好肥，秘制醬汁咸香味濃，白飯殺手，干蒸脆鯇腩❤ 脆鯇腩腌得好夠入味，件件都大大件，魚肉爽口彈牙，小魚骨，一D腥味都冇~好惹味蒜蓉炒菜芯❤ 蒜蓉味香濃，菜芯爽口清甜，夠哂鑊氣唔油膩。枸杞葉豬潤湯❤ 豬潤食落好新鮮，爽口彃牙，湯頭幾清甜，岩哂我地口味。人多黎食就可以好似開大食會咁咩都叫下，食下。開心好多
继续阅读