金葉軒

营业中

休息中

今天午飯時間，我去了坑口村，運氣很好，剛好找到一個停車咪錶的位子。這裡好久沒來過，目測有四間餐廳，最終我選擇了「金葉軒」，因為價錢實惠。我點了泰式海南雞飯，價錢是$57，還加了一杯凍檸茶，額外收了$3，總共$60。這道海南雞飯雖然不是特別出色，但可以說是正常水準，味道還算不錯。想起幾十年前，坑口村曾經非常繁榮，當時將軍澳還在興建很多私人屋苑，吸引不少人開車來這裡用餐。那時的餐廳生意興隆，場面熱鬧。而現在的晚市，似乎有些冷清，真讓人感慨萬千。雖然這次的用餐只是普通，但仍然讓我回憶起當年的繁華，也期待著未來能再來探索更多美食！

好多年前幫過兩次，因為夜晚好多食肆都冇收咁夜，今日約咗朋友食飯，又係九點先話出到將軍澳等，因為都會飲下酒坐得比較耐，最後入咗坑口村食。坑口村幾間食肆，朋友揀咗泰國菜，今次仲點咗比較多嚟試，咁多年後幫襯都係咁。香葉生菜包(豬肉)，呢個ok嘅。泰式香辣生蝦，蝦頭係炸，蝦肉正常。炭燒風鱔，燒得唔乾，唔錯。馳名泰式咖哩蟹煲，蟹鉗都無肉，佢仲寫到明係肉蟹，完全冇肉，即係正碟咖哩醬比我哋。泰式薄餅，因為冇蟹肉所以order嚟點汁。泰式海南雞，我剩係食滑嗰啲，都ok。炭燒豬頸肉。泰式金邊粉。菠蘿海鮮炒飯，海鮮粒係白烚，完全無味，飯嘅味好淡，完全唔似炒，真係唔好食。蠔餅。送嘅甜品。

👀聽聞坑口村好多嘢食，今次就無食大排檔，就試吓呢間泰國～➻蒜蓉包🥖外脆內軟，好香牛油味，不過色澤好不一，某d位置好燶🔥➻泰式香辣生蝦🦐一份有六隻，生蝦肉質好厚，蝦頭部分都可以食埋，生蝦醬汁都幾惹味➻豬肉生菜包🥬肉碎比較濕，味道都比較淡，成個感覺好半天吊➻炭燒豬頸肉🐖賣相味道同炭燒完全扯唔上關係，叫蜜汁豬頸肉會貼切d，份量偏少➻椒鹽鮮魷🦑脆漿幾厚，唔脆個皮淋淋地，味道都食唔出係椒鹽，幸好無成口油，絕對無下次☹️➻馬拉盞炒椰菜苗🥬正常炒菜，但又無乜馬拉盞味，調味可以重手d➻雞肉濕炒貴刁🐓味道okay，雞肉大舊尚算幾滑➻火車炒飯🍚用呢個碟裝好似唔係好夾🤣，普普通通無乜記憶點➻冬陰公手切肥牛煲🥩個人喜歡有椰香既冬陰公，因為感覺會濃郁d，呢煲酸味比較突出，牛肉份量大約係二人份量，入面有少量菇同海鮮Um…如果唔當佢係泰國菜感覺會好D，我就無下次啦🥲

金葉軒 叫咗外賣送餐,都差唔多$80 一拎到既時候外賣個人已經同我講話呢間野每次既包裝好衰, 就算有野飲都唔會俾卡紙你係底, 搞到D野飲會倒瀉曬, 我已經嚇一嚇. 又真係倒瀉左DD.之後我明明落單係要豬扒飯轉湯金邊粉, 之後又冇同我轉, 都係俾番個飯我. 好失望, 又淨係俾左小小豉油, 完全唔夠配飯. 醋扒得一塊, 呢個價唔抵食

平時都唔寫食評但依間垃圾真係唔寫唔得叫咗外賣自助海南雞飯成七十八蚊但得四五舊雞仲要又鞋又切到甩哂皮冇油飯得白飯半價都嫌佢貴依間野咁嘅垃圾質素根本唔預有回頭客淨係呃人叫外賣中伏咁千祈唔好食唔想有人再中伏

發生咩事咁難食 雞牛豬串燒又硬又乾 但雞串係入面生嘅。。。。d沙嗲得少少 差啲掂都掂唔到。。。。。個豬頸肉飯似叉燒飯多d 又厚又un 仲要紅色嘅？ d飯又爛 衰過人地碟頭飯。。。。。。。 一啲都唔泰國。。。。。唯一食得落嘅係蒜蓉包 用蒜蓉包塞飽自己算 但整蒜蓉包係毫無難度同技術可言。。。。。。2023年最難食嘅外賣。。。。。。。你地唔post依個食評 唔梗要 我唔會再食 亦都叫住將軍澳嘅屋企人同朋友唔會幫襯。。。。。。。。

今日想同大家介紹吓呢間泰式大排檔其實我食過咁多次次次都係叫外賣從來冇堂食過！首先想同大家介紹吓佢個泰式蠔餅基本上每次外賣呢個都係膽嚟！必食！蠔仔夠多足料！而且佢係似煎蛋入面仲有少少蛋汁唔會好似潮式咁炸到好乾黑椒牛柳粒炒西蘭花雖然呢個唔係好似泰式菜不過佢都好惹味！味濃嘅黑椒牛柳粒配呢個清爽嘅西蘭花底好爽！！椒鹽鮮魷呢個就中規中矩！炸皮味道比較濃不過唔係好付到上個鮮魷度一夾個皮就好似甩出嚟咁不過有時叫外賣就唔可以要求咁多一定冇堂食咁新鮮不過整體嚟講都會繼續幫襯！性價比都算高

叫咗四樣嘢 ，只有炭燒豬頸肉好啲，不過分量同價錢唔成正比！蝦醬炒通菜，濕淋淋，味道唔得，太鹹！煎蠔仔餅，蠔仔好細粒，又唔肥美又少，雞蛋同蠔仔比例唔成正比！最差係個香辣海鮮炒貴刁，河粉碎濕濕，味道又係唔得！

同朋友兩個人食晚飯，喺坑口村泊好車行出去，見檔檔都好多人，行多幾步見到呢間無乜人，諗住無所謂就過去坐低。 點了個羊腩煲同匙油皇鵝腸，加兩支啤酒。 羊腩煲上檯，份量好足，味道適中，食到中段嗰汁開始”傑”，店員幫我哋加湯，加完湯都同樣好好味，食完又唔會口渴，兩個男人食都食到好飽，足料，真心覺得唔錯。 而嗰碟鵝腸，條條都好長，同店員講，佢都好好人幫我哋剪短啲，味道又係幾正喎，味道適中。間店人少少，坐得舒服，下次一定會再來幫襯。

< 金葉軒>其實將軍澳除左海旁新開個堆餐廳 都有啲隱世選擇🤭 都係一次有幾間係同一位置 食完飯仲有糖水舖係隔離😉-明爐香檸烏頭條魚無腥味係非常重要‼️個人覺得烏頭都好難唔好食 加上佢個調味都算濃 點兩下已經夠哂咸 仲有d菜呀粉絲做配菜可以夾下 兩個人去細食既話嗌多個炒菜送飯就差唔多嫁啦 當然飲下象啤 feel下泰國風情都係must🇹🇭 不過食大排檔都係中意一大班人去食 可以樣樣都嗌黎諗下呀嘛😗 住附近都可以去試下！-金葉軒📍 將軍澳坑口村25-26號

每次去坑口村都係食呢一間咁濟🤣🤣🤣佢有室內同埋室外位，室外可以帶寵物👍🏻👍🏻嗌咗柚子大蝦豬肉沙律($88)，大蝦有三至四隻，沙田柚配上泰式酸辣醬汁真係好醒神，上面仲有啲腰果，真係幾好食。👍🏻嗌咗小食拼盤($138)，有泰式蝦餅，泰式魚餅，雞翼，牛肉雞肉串燒各一串，泰式蝦片，份量都算係幾多，三人分左右。👍🏻👍🏻👍🏻泰式蠔餅($78)蠔仔粒唔會太少夠晒足料唔會偷工減料🤣🤣泰式炒金邊粉($68)金邊粉我最愛加埋佢嘅花生碎簡直係一流😛味道: ⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️⭐️🚗: 附近錶位

一打開兩杯飲品竟然有籃色墨水係入面😑打落去同佢講聲，水溶性marker唔掂喎，仲要寫係個十字位到😑然後有個女人接電話，態度惡劣，好晦氣「咁點呀？你想點？咁使唔使退錢呀？定你想落嚟換呀？咁我地今日好多外賣呀嘛！」我話：「唔使啦！其實我想要句唔好意思者！你而家仲係咁態度！我實擺上網比負評！」佢話：「你咪擺囉！」得啦 知你地好生意啦成日叫外賣都唔會發生呢d咁低級錯誤既事諗住同佢講聲姐 點知換黎態度勁差 十分晦氣既回答一句唔好意思都唔講覺得我想攞着數😤 感覺好差😤😤😤雖然無左兩杯飲品好小事，但我以後都唔會幫襯😤

本身我份人食嘢已經冇乜嘢要求唔太挑剔😅。但係今次嗌嘅外賣真係頂唔順。個海南雞飯佢唔俾油飯我都算啦，但係啲白飯又硬又難食啲雞又得個3 4舊又小舊，飯側邊嗰啲配菜又有啲酸味。炭燒豬頸肉飯啲飯又係一樣咁硬，啲配菜一樣都係酸酸地，啲豬頸肉硬到擺入口爭啲整親我個嘴。嗌咗兩杯洛神花茶兩杯都係錯嘅俾咗兩杯凍檸茶，最奇怪嘅就係啲檸檬茶淡到我以為飲緊檸檬水🥹個馬拉盞炒芥蘭同香茅豬扒煎蛋飯一樣都係咁嘅樣唯一算係正常嘅得個泰式薄餅，應該都係去超市可以買到嗰啲急凍薄餅之類。🤔其他嘢食我就唔知啦就係依幾樣我都頂唔順🤢🫥

黎到已經倒瀉哂 蝦餅硬嘅 應該一早炸定 生蝦個汁一啲味都冇 點左好似無點過 菠蘿炒飯又係冇味既啲魷魚就咁烚完就掉落個飯 個冬陰功湯淨係的個酸字又係一啲都唔辣得個菜可以勉強接受 我唔明呢啲最基本既菜式點解都可以咁難食

喺foodpanda叫咗五款嘢食，唔講唔知以為食緊廚餘。1. 香葉生菜包-一收到已經出晒水，完全突破左我平時食泰國嘢嘅常識。2. 沙嗲串燒六串- 以為食緊老鼠肉，完全超乾身。感覺上擺落微波爐翻叮完全冇肉汁味！3.炭燒豬頸肉 （$108）- 呢個價錢完全唔值！得嗰幾塊我以為食緊米芝蓮西餐！4. 印尼炒飯- 海鮮完全係冇味道，就算一粒鹽都好似冇落過。究竟識唔識炒飯個廚師？5. 炒泰國椰菜苗- 唯一比較好係炒菜比較有少少鑊氣。七五折後都要4百幾蚊食呢種質素，如果大家食開垃圾，又或者多錢想浪費一下，可以一試呢間餐廳。