金城。漁

营业中

休息中

有另外一間係比talkfood吹奏過既係筲箕灣既金城漁有一個星期六特登接老婆收工再行過去筲箕灣東大街個大名聽就聽得多但去都係第一次呢頭真係好多野食同埋都幾近黨鐵站都算方便又話係筲箕灣三十年老店由本身係漁民既老闆打理而家交左比第二代係同一條街轉左新舖而家個裝修就好新淨既電視機無播cctvb茶記黎講都幾多比較新穎既野星期六都有下午茶但下午茶就得幾個炒野想食焗豬就要單點可以加4蚊要汽水就唔算好貴但真係頂你個肺條片個老闆話每個焗豬炒飯由day1開始都係堅持黎一個order先炒一個餐牌寫話需時15分鐘但我地呢個焗豬由落單到上檯只係兩分鐘左右仲要係外賣錫紙兜咁遠走到過去我真係未食都已經好向左走向右走失望有蕃茄有芝士有菠羅話係即炒既炒飯底但炒左幾耐我就唔知了至少呢個焗飯只係暖並唔係熱獲氣我就食唔到豬扒都算係厚身但就一定唔係香口個焗豬唔知整好擺左幾耐唔難食但就一定唔係好食先有中湯跟比較上係平d既下午茶炒河就真係即炒要等先有啦以下午茶既份量我就真係收貨架啦下午茶唔要湯可以轉汽水呢d茶餐廳都仲未洗加一個價錢就唔係貴只係吹大左好向左走向右走失望姐講到好有堅持但比個錫紙兜人我又真係除左快餐店都未試過筲箕灣都真

素聞金城出名龍躉，上星期就試招牌XO醬龍躉片乾炒河，一間茶餐廳都賣到$123，差不多全店最貴的粉麵類食物，期望很高.但結果龍躉只得四片，不算大又鞋鞋地，又冇皮連住，炒河又多油，又冇XO醬味，簡直物非所值.我有懷疑廚房是否炒錯干炒班腩河給我，但算了吧。

下午4點幾就話無下午茶，試過好多次都係咁。個個員工都可以保持住西囗西面，香港茶記特色。下午有個廚房嘅肥哥哥趴咗喺正門入口第一張枱嗰度瞓覺，真係唔知呢間嘢想點, 不會再幫襯。

嗌咗個焗豬扒飯，塊豬扒落鬆肉粉拿到塊豬扒勁梅個炒飯底還好，食得出塊豬扒，真心唔係新鮮。我個炒飯底嘅菠蘿成盤得個一兩粒，塊豬扒又細塊又唔係新鮮野。相比起十幾年前嘅焗豬扒飯完全不是同一個味道。仲好記得之前嘅焗豬扒飯又大份，又有傳統嘅焗盆裝住，而家呢一款焗豬扒飯根本不算上金城的招牌 ，可以話大失所望。另外有叫一個炒河粉，對比起傳統炒河粉，味道不是每個人都能夠接受。水準比起搬遷之前大幅下降。希望作為老街坊，金城可以做返好。

呢間焗豬扒飯一直係wish list,但location 太遠,令我卻步.見係附近 所以坐兩個站來試.平日lunch time,唔算太忙,6/7成滿座.叫左一份焗豬扒飯,等左十幾分鐘就上.第一啖,個汁係mild派,蕃茄味唔算太濃,無咩酸味,偏甜多.豬扒係厚,亦都鬆化,有肉汁,但豬扒份量好少,但一塊.至於炒飯,係算夠乾身總結,係一個唔錯既焗豬扒飯.好多位都達到水準.會推薦但呢間唔係我心中最好食個間,始終口味好個人.

豬扒厚身之餘十分爽嫩，而且分量十足。炒飯加雞蛋炒底，茄汁甜中帶酸，還加入紅蘿蔔、洋葱和芝士，無論味道和口感也有豐富層次。另外，熱辣辣上枱，燶邊焦香也做得香口出色，面層芝士更帶脆口效果。豬扒飯每口也有茄甜肉鮮，炒飯本身夠鑊氣，香口得來開胃不膩。每星期食一次， 百吃不厭，6，7拾元都算OK， 依家都冇乜嘢可以食到。環境舒服，店名 雖然 叫「金城。漁」。看名字，便知 龍躉 石斑片 主打海鮮，但店中另—推介厚切豬扒芝士焗飯加奶茶

懷着好高期待嚟試佢哋嘅焗豬扒飯同埋焗魚飯。所謂嘅龍躉魚完全唔新鮮啲肉好硬，好嚡，而且超級貴，啲飯唔係炒飯底！好後悔專登嚟食！完全唔似焗飯，啲飯好似白飯一樣！…以後唔會再嚟

今日lunch過左嚟筲箕灣搵好野食，呢間以水上人風味作招徠嘅餐廳，睇見個menu好似幾有特色咁，就入去試一試。我地一行5人，諗住叫左幾個粉麵一齊share試吓。然後再睇個menu，成版都好似幾啱口味，咁不如直接全版掃哂佢啦😂😂😂厚切豬扒芝士焗飯豬扒啖啖肉，芝士夠多，鮮茄清甜，飯粒分明，成個飯連汁連豬扒一齊食口感十分豐富夠juicy。金城自家XO醬乾炒龍躉片河龍躉片大大件好厚肉，十分鮮甜。XO醬惹味，河粉爽口唔油膩。入口唔會太油太乾。超級推薦。摩囉雞扒飯一塊煎得十分香口嘅雞扒，配搭加咗提子乾等嘅黃色香料飯。再加多隻煎得好靚嘅雞蛋，同埋一個好match嘅咖哩汁，無論賣相定味道都十分吸引。魚湯懷舊銀針粉首先要讚下個魚湯，真係好鮮味。然後有好多配料，肉碎海鮮粒咁，十分惹味。艇家醬皇海鮮炒飯炒飯十分爽口，飯粒分明，海鮮足料大大粒，調味適中。每一樣食物上枱都係熱辣辣，真心推薦。

下午lunch 去東大街, 尽管试试这較新的茶歺廳, 看了歺牌, 叫左个名子較特别的套餐：陣皮烧肉墨魚餅，滿有期待，最後只來了一個普通魷魚蒸肉餅,太失望！！. 另外老公叫个蝦膏海蝦肉煲仔饭, 来了个味淡蝦膏炒饭,内只有2小蝦米, 何来蝦肉？ 什么是煲仔饭？

同老公去東大街另外一間等咗10世都未有位求其入咗呢間叫咗雲耳蒸雞同埋XO醬仙姑惹菌炒龍躉超級好味雖然我見到另一個菜式，想改服務員仍然好熱心招待冇黑面炒雞同龍躉都好滑抄得好惹味👍👍👍👍👍👍🫢👍👍👍👍👍👍👍👍👍👍👍👍👍👍😎😎😎😎😎😎😎😎😎😎😎😎😎😎😎😎😎😎😎😎😎😎☺️☺️☺️☺️☺️☺️☺️☺️☺️☺️☺️☺️☺️☺️

因為去鯉魚門渡假邨既原顧，出左地鐵站就要搵野食咁岩過對面見到有呢間茶餐廳，就同老公入去試下🥰點知都有驚喜炒飯粒粒分開都好食😏，台式肉燥飯，囡囡都話好味，因為啲肉 好軟身，芡汁亦好岩小朋友撈飯食😚🤤

在東大街每間餐廳搵食一般沒有大驚喜，只是習慣性每天在這條街搵食。餐廳裝修後第一次食午餐，腐乳通菜牛肉「失望」牛肉食不下只食菜。义燒抄瀨粉「失望」。餐湯忘記送上。沒有冷氣只有出風，困為大門時常關不緊。食前因為需要清冼碗快要取餐巾，要收$2😑！食物已經不再提，今時今日取餐巾要收錢就少見。不會再回頭吃。想找－點可讚的地方真的沒有

因為車在傍邊才無辦法，睇左幾間費事行，門口睇睇牌見有位就走入去，坐低先知原來星期六/日無套餐，算了費事行，叫貴啲嘅平時無既set，所以就叫豬扒個個set $41，配熱飲，等左一陣間張單黎放枱面，一睇點解死死？真係唔知點解一早死死啦（$44），去傍邊張枱攞個牌睇吓，睇完個牌，仲覺得覺得奇怪，乜都無加唔通比凍飲我？趁野食到（一碗通心粉上面有蛋放在湯裡）問佢先知原來炒蛋加$3 ，我話又無寫order時又無講，佢就無語，不再見👋

筲箕灣區內的茶記有非常多，今天來了東大街的這一間。 餐廳的裝修還是挺新的，但位置有點小。我們叫一個煲仔飯以及雞扒雙蛋飯配葡汁。 煲仔飯上菜時還是挺熱的，而且有飯焦，豉汁排骨的汁挺甜的，排骨的數量也不少。雞扒飯就相對比較一般，我要求汁要另上也是有給我們安排， 剛好這個葡國汁味道比較一般，沒有很香口，不過正好吃少一點汁也沒有那麼胖(笑)這間茶記食物質素正常，不算很吸引，價格也沒有很便宜(對比起連鎖店如大快x or 大家x)﹐但是員工的服務態度不錯，非常親切有耐性。

下午茶時段，同朋友試一試人氣平民焗豬扒飯🤓厚切豬扒芝士焗飯（$63）需時大約15分鐘豬扒真係厚切，好鬆軟，少少鹹香，鮮嫩多汁😋 焗飯表面鋪滿茄汁同芝士，賣相吸引😛 唔好以為咁多汁會好「漏」，佢嘅醬汁唔會太杰，入口都幾 light，感覺清新🌿 炒飯粒粒分明，醬汁唔會令到個飯一 pat 嘢咁，分量夾得啱啱好👍🏻炸雞髀配金𥖁多士（$46）雞髀算有肉汁，炸得幾香；金磚多士即西多士細粒版，正常茶餐廳發揮。