金城。漁

营业中

休息中

筲箕灣區內的茶記有非常多，今天來了東大街的這一間。 餐廳的裝修還是挺新的，但位置有點小。我們叫一個煲仔飯以及雞扒雙蛋飯配葡汁。 煲仔飯上菜時還是挺熱的，而且有飯焦，豉汁排骨的汁挺甜的，排骨的數量也不少。雞扒飯就相對比較一般，我要求汁要另上也是有給我們安排， 剛好這個葡國汁味道比較一般，沒有很香口，不過正好吃少一點汁也沒有那麼胖(笑)這間茶記食物質素正常，不算很吸引，價格也沒有很便宜(對比起連鎖店如大快x or 大家x)﹐但是員工的服務態度不錯，非常親切有耐性。

下午茶時段，同朋友試一試人氣平民焗豬扒飯🤓厚切豬扒芝士焗飯（$63）需時大約15分鐘豬扒真係厚切，好鬆軟，少少鹹香，鮮嫩多汁😋 焗飯表面鋪滿茄汁同芝士，賣相吸引😛 唔好以為咁多汁會好「漏」，佢嘅醬汁唔會太杰，入口都幾 light，感覺清新🌿 炒飯粒粒分明，醬汁唔會令到個飯一 pat 嘢咁，分量夾得啱啱好👍🏻炸雞髀配金𥖁多士（$46）雞髀算有肉汁，炸得幾香；金磚多士即西多士細粒版，正常茶餐廳發揮。

有個星期日突然間想食焗豬，就去左筲箕灣搵傳說中頭幾位既焗豬食。一坐低直接叫左厚切豬扒芝士焗飯($68)同炸雞翼薯條($47)，等緊既時候見到好多人都食焗豬，應該真係名物🏅🐖 | 焗豬表面舖滿有d燒焦既芝士同蕃茄汁，芝士食落脆脆地；豬扒厚身，肉質好淋，鮮嫩多汁；炒底炒得好靚，粒粒乾身金黃色，而且有𡁻口。齋食飯就偏鹹，但蕃茄汁偏甜，撈埋一齊食中和返啱啱好👍🏻🐓 | 翼條係傳統雞全翼配粗薯條。雞翼即叫即炸，肉質鮮嫩，一咬d肉汁流晒出黎，熱到辣親條脷；薯條夠脆不過無雞翼咁熱。總括黎講，唔可以話呢度既焗豬好驚艷，但想食焗豬既時候，第一時間就會諗起佢然後過黎食😆

好耐冇食，今晚突然想食焗飯，就特登就叫左個招牌焗豬排飯外賣，而家賣成68蚊，不過以前幫趁過，好食既就吾緊要啦，返到屋企打開來一食，味道差左好多，d飯底好乾好鞋，相中塊所謂豬排我只係咬左一啖，其餘應該咬多1到2啖就食晒，以前衰衰地都叫厚切而且都有d肉味，而家用鬆肉粉淹到冇晒味 ，塊排細得可憐，真係吾知點解夠膽賣68蚊，真係好過去搶，老老實實大家樂果賣40幾既焗飯都好過佢多多聲，今次最後比佢呃多一次，保證冇下次，上面寫果d全部真實食評，吾信既你地即管去試下。

大隻仔今次覓食嘅店舖就係💥 金城。漁 💥大隻仔今日去全香港數一數二，被譽為香港最好食頭五位嘅焗豬扒飯餐廳金城。漁。呢間餐廳大隻仔聽就聽得多，今日真係第一次嚟食，抱着十分之期待嘅心情，睇吓係咪真係傳聞中咁好食。呢間茶餐廳，比大隻仔想像中新淨同乾淨，大隻仔仲以為係一啲好舊式嘅茶餐廳。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 厚切豬扒芝士焗飯 $63送例湯飲品半價或汽水+$4大隻仔一入到餐廳坐低已經見到有兩三台食客食緊焗豬扒飯，即刻對餐廳信心十足，個個都食焗豬扒飯應該係餐廳嘅招牌食物，大隻仔連餐牌都冇睇就即刻叫左焗豬扒飯。😂😂嚟到已經好吸引，焗豬扒飯上面既芝士焗得微微焦香，蕃茄汁顏色夠鮮艷，唔會好淺色，淨係睇都覺得夠晒蕃茄味道。用叉吉起豬扒，芝士仲要係拉絲，豬扒真係同menu 形容一樣，厚切，唔會好薄，咬落有口感。咬一啖豬扒估唔到咁鬆化，唔乾柴，唔死實，仲要有少少肉汁，味道比想像中出色，跟住再試吓個炒飯底，夠香夠味，撈埋面頭茄汁芝士一齊食一大享受。跟餐例湯，味道太淡似開水，建議轉飲

今日放假，特登自己一個人來依間試下個焗豬扒飯，佢哋依家叫個飯係送個例湯咖，再加飲品就半價，整體幾好咖但係又未去到好似網上D片講到咁神，豬扒夠大塊冇骨，茄味濃，炒飯底好食好香！

朋友知道我好鍾意食蕃茄焗豬扒飯就趁住今日放假特登帶我過嚟非常之有我心，而且冇失望呀！好食！呢一個茄汁焗豬扒飯係我食過最好食嘅三甲之一炒飯飯底做得唔錯炒飯炒得粒粒分明，但係唔係太油食落個飯底有口感有蛋香！厚切豬扒夠厚身醃得好好食夠味道豬扒食落去軟嫩彈牙，唔會乾身鞋口個茄汁都做得好好酸甜味道拿捏得好好，而且唔會過甜過鹹濃稠程度亦都係恰好整體配搭係好均衡好好👍🏻因為個平衡一做得唔好飯太多汁太少就唔好食豬扒太薄太鞋又唔好食呢一個焗豬扒飯係非常之好食一定會為佢再嚟食過炸雞髀配金鏄多士呢一個下午茶相比焗豬扒飯係相對失色㗎雞髀冇乜點醃過就點一點咖喱汁做個底味 再炸金磚多士 唔夠花生醬外皮唔夠蛋漿 所以炸起身唔夠脆身麻麻哋但係個焗豬扒飯已經超出預期完全彌補到另一樣嘢嘅失色整體都非常之滿意期待下次再途經筲箕灣一定再食個焗豬扒飯！

4:30到諗住過嚟試吓啲人話好味嘅下午茶，想食瑞士雞髀同西多士，朋友叫左抄河。叫落單兩三次都冇人睬，個男人只係答你「嚟緊，等陣」🤔跟住個男人走咗去接外賣單😨終於落咗單，傾傾吓計冇乜禮貌嘅侍應過嚟話瑞士雞髀同炒河都賣晒😨正到呢😏唯有轉雞髀😵‍💫都等咗10分鐘左右，終於有得食。坦白講隻炸雞髀冇乜特別，裏面竟然用咖喱粉😳雞比較乾身。西多士更普通，夾咗少少花生醬，麵包都係乾嘅。最好味嘅係糖漿😆真心唔覺得呢份下午茶餐有咩特別。朋友最後食咗蝦醬炒飯，喊到不得了！排隊嚟呢度食嗰啲係咪冇飯食？！定係未食過真正又好味服務又好嘅下午茶？呢間嘢竟然可以喺疫情捱得住，真係要感恩！見到其他食評話呢間嘢冇禮貌，真係名副其實😝

平時星期五六日行過，都已經好多人排隊，所以今天和媽媽已經六點去到，一心想，早啲去都唔會咁多人。最終都要等候10分鐘才能入座，由於我們二人的關係，所以便要和人搭枱這樣我們也不介意。我們6:09分落order，叫了一個<焗豬扒飯>晚餐<XO醬炒雞柳>，大約等到6:30分，坐我們對面亦有叫「XO醬炒雞柳」已經食完，但我們仍未上菜，我們已經知道焗豬扒飯是需要時間的，所以叫老闆娘跟一跟我們的XO醬炒雞柳，幾分鐘後店員說XO醬炒雞柳「現在炒緊」OMG😫最終6:39終於有「XO醬炒雞柳」但這個完全沒有XO醬的味道及顏色只是一個普通的炒雞柳。約5分鐘後豬扒飯亦上枱了，豬扒飯10分一般十分多汁，好像「水浸豬扒飯」一樣。其實早於他們重新營業的時候，我也試過幫襯外賣服務，當時外賣服務亦要等半個鐘以上，起初都覺得可能他們重開，運作未必成熟，但經過這麼多時間，他們能保持水準「外賣給堂食都要等半個鐘以上」

今日到筲箕灣出海釣魚，有時間，諗住先吃個早餐，去到，坐低，嗰個唔知係唔係老闆娘，叫佢落單，一句轉頭先，轉頭又唔見佢嚟，都費事再叫，揾另一個人落，好啦，想攞杯水，又話轉頭先，點吖又轉頭。。。。你啲嘢好食都算，通粉唔熱，叫熟蛋又變太陽蛋！熟客就招呼好，咁態度，即刻趕客，，不如掛個牌，只招待熟客！轉頭，轉頭。。。。轉頭俾個太后你做吖！

平時食開佢哋既炒野，好有鑊氣！海鮮炒飯，咸魚雞粒炒飯都係極度推薦👍🏻👍🏻今日放假見有時間就揀咗想試好耐既焗豬黎食！果然無令我失望，豬扒厚得黎一啲都唔鞋，炒飯底一樣好乾身，個汁夠味得黎唔似大牌子咁會係咁想飲野👏🏻👏🏻👏🏻而茶走一樣咁好味☺️新黎既服務員重好好禮貌添，加分加分👍🏻

本人都幾鍾意食鮮茄焗豬扒飯，所以間唔中都會食一餐，今日過開港島東區，專登搭叮叮到筲箕灣東大街「金城•漁」茶餐廳，以我所知呢間以前就咁叫「金城餐廳」，而家搬過隔離又將個名子加左個漁字，唔知係咪因為多左啲用龍躉魚入餚嘅關係呢🤔裡面不大，但裝修簡潔、乾淨及舒服👍🔻厚切豬扒芝士焗飯要15分鐘即叫即焗，樣子好靚，豬扒係用帶骨果隻，炒飯底好干身，唔會好似其他餐廳或快餐店咁，加埋汁之後一pat pat 咁樣，「金城」呢個食到最後啲飯都係一粒粒好分明👍，豬扒亦大大件好厚身，鮮茄做嘅汁唔會太酸，偏少許甜，成個飯熱辣辣真係好好食😋🔻干炒肉片河呢個河粉炒得好有鑊氣，肉片、銀芽、蔥段夾埋一齊非常好味，再配上個辣椒🌶️醬真係冇得頂，去茶餐廳就係想要呢啲味道😂再睇下個餐牌，裡面有好多小菜都幾吸引，價錢亦算公道，下次再黎一定會試吓佢哋用龍躉入餚嘅菜式👍

剛去咀頭行完山就返來筲箕灣搵野食，東大街行咗大半吾知食咩，見門口歺牌寫有「摩羅雞扒飯」，對佢有啲興趣就揀咗哩間野。我問個friend坐邊度，有個厚生仔態度好差，以為我問佢，佢好大聲兼帶示意我坐埋邊張檯。最後我哋揀咗中間嘅圓檯坐。叫咗一個肉片炒河，一上枱，聞到成浸「膿」味，食咗一啖，超難食，同侍應反映，重新炒一份，又係有少少膿味，肉片冇醃過，河粉得個色，吾咸，直頭冇放鹽，芽菜仲未斷青。摩囉雞扒飯冇咩特別，第一次食。都吾會有下次。

放假行完個山就想去搵食, 開app睇附近冇咩好選擇💛💛, 行山個陣心心念念咁諗住食西多士, 最後揀選咗依間😛😛 就試吓佢💬摩囉雞扒飯- $72黃薑炒飯好微微既辣味, 大概係好少星洲炒米個款, 都幾惹味 😋; 味道好豐富, 有炒蛋 提子乾 青椒等既配料, 隨飯配埋橙色既酸酸哋醬汁, 感覺似平時据扒既蒜汁然後再食到酸酸哋味同好香既herb味, 成個飯係好有誠意既, 跟住就明白點解賣$7x ; 最重要仲有塊香煎雞扒, 又真係好香煎咁燶燶哋, 再加上煙肉黎食, 真係😋😋😋😋💬傳統法蘭西多士(茶餐)- $33西多士用既多士比一般既厚, 係有驚喜既, 鮮油糖漿加上甘香既花生醬, 熱辣辣食真係超正!! 如果星期六去食, 仲有得試吓華田奶爆西多士😍跟飲品我叫咗熱朱, 唔駛落糖都好夠味, 真心唔hea你 😆😙總括而言, 兩款食物都係有驚喜地好味, 見到餐廳既用心製作, 下次仲想試埋其他😍😋資料補充: 網上有人話依間前身係💙, 之後轉💛, 見lingduck 同和你pay都有份, 係意識形態建立上幫襯💙轉💛都唔係最差既

平時食開茶餐廳嘅早餐，追求都係快靚正！真係估唔到今日等咗十幾分鐘之後，我都只係有禮貌地追下單問點解十幾分鐘都未有？點知可能一直以為自己經營緊高級餐廳嘅腦細一句唔好意思或者幫我跟吓張單都無…..然後仲要同其他客講話: 而家唔係你話坐低十分鐘就有得食，呢度個個都等幾個字先有得食。真係好大嘅官威！唔知以為佢個番茄新鮮到啱啱喺田到收割，啲肉係啱啱新鮮劏嘅……事實係已經用緊快熟通心粉，啲湯咪一早準備好！真心講句嘢，無咁大個頭唔好戴咁大頂帽，接唔切單就cut咁啲位！無心做飲食就執_咗佢！在味道方面，通粉太淋，唔使咬就可以直接呑。番茄湯底係無味的。雞蛋係凍嘅，麵包都係凍嘅唯一正常係火腿！