金城茶餐廳

营业中

休息中

有朋友由市區入黎新界探我，我就帶佢去大圍嘅「金城茶餐廳」食飯，試下大圍地道名物之一嘢椒鹽豬扒飯。當日大約下午12點半去到, 排左10分鐘隊就可以入, 同埋食呢間要有心理準備係多數都係要搭枱的，除非4個人既組合就可能有機會坐到一張卡位枱。餐廳裝修係老式茶餐廳風格，木櫈木枱同簡單嘅佈置好有回憶，但坐位係窄既，坐滿人時覺得有啲擠迫。不過呢種氣氛反而多咗啲人情味，特別啱同朋友一齊聚舊或者食啲地道小食！入正題, 咁我地叫左3個飯。 ~椒鹽豬扒飯~椒鹽豬扒飯好出色,果然係名符其實既名物, 豬扒走油夠乾身得黎唔會好柴, 加埋佢d蔥蒜同椒鹽調味夠香再有小小辣, 成碟野好野味得黎又好送飯。 ~蜜椒雞扒飯~蜜椒雞扒飯稍為失色,佢啲雞扒係有炸過, 而炸得過左時間, 皮太硬做唔到鬆脆的口感。同埋醬汁太甜蓋過咗雞肉味, 感覺係G.I.值(升糖指數)十分高既一個飯。~香醋豬仔肉飯~香醋豬仔肉飯既整法就似咕嚕肉,再配上洋蔥、彩椒,香醋汁酸甜開胃一齊炒一炒先上碟,賣相唔錯。但都係炸得有啲過左火喉,外皮口感太硬, 肉質亦較瘦, 食落覺得硬得黎有啲柴。三個飯加野飲共$225, CP值唔算太高。整體而言,3個飯黎講, 3人

大圍出左名多美食，金城茶餐廳係其中一間大圍名物，由細食到大。金城名物係椒鹽豬扒飯、生煎肉餅飯同佢既辣菜甫，今次食左椒鹽豬扒飯、焗芝士豬扒飯同乾炒牛河。✨🐖 | 椒鹽豬扒飯 ($64)豬扒乾身又夠椒鹽味，但識食一定要叫多料頭，會令到豬扒更加juicy同惹味。食之前將豬扒同白飯撈勻，建議再加一匙金城既秘製辣菜甫(為左呢個去咋🤭)，啖啖飯都夠晒味，很好。🧀 🐖 | 焗芝士豬扒飯 ($77)同期望有落差，唔知係咪舊式既焗飯…5分鐘都唔夠就上枱，好似無焗過咁，見唔到食唔出芝士，同鮮茄豬扒飯炒底無分別，不過豬扒茄汁同炒飯呢個組合係無得輸既。🐄 | 乾炒牛河 ($64)呢個乾炒牛河炒得好濕，成個底都係汁，完全唔乾身，係另類既濕炒牛河。總括黎講，去金城食佢既招牌菜好啦，叫其他野真係要諗諗🫣p.s. 同餐廳反映，佢仲要比返碟人地食淨既濕炒粉比你睇，話你知咩先係真正既濕炒🤷🏻

食物一向冇投訴，都叫做個個月有幫襯。不過尼家人自己做曬，對d客好差。茶餐廳吾比人揀位坐，又其卡位。一定要坐曬中間圓枱先，就算你一個人，兩個人，三四個人都一樣。四個人泥等卡位都吾比。有個亞姐話我應成左比卡位佢哋四個，叫左佢地等，嗰兩兄弟即鬧佢話吾得，仲話佢吾食咪過主，絕對係當d客吾係人，態度極劣，肆無忌憚係一大班客面前鬧客叫人過主，真係一定要食佢咩。我知生意好緊要，但係做街坊生意都咁，吾好講人情味，連基本做人都未識！

係網上見到幾好評專登去大圍試去到門口排左十數人到，不過午餐時間都算快，等左唔洗10分鐘當然叫招牌嘢1.生煎肉飯飯～即煎夠香口，肉餅有彈性配佢任食嘅菜脯一絶2.椒鹽豬扒飯～都有水準，夠juicy,唔會乾爭爭，好過一般茶餐廳或者大排檔見食評話啲員工態度差絕對唔認同啲伙計係街坊生意果種親切感可能大聲或都講嘢粗魯啲，呢啲咪茶餐廳嘅一種特色要細聲，要服務嘅就去酒店或者高級食肆

食物好味，但態度差到一個點！串爆😡😡😡話說今日去買外賣，同門口個阿婆講，要個肉餅飯拎走，話轉頭返黎拎！點知佢冇反應，又唔答，咁我就好有禮貌問多次「阿婆 我要個肉餅飯拎走，但我轉頭先過嚟拎。」點知佢答我「我都唔係阿婆，點應你！」我即刻問佢點稱呼，眼神仲要眼超超！呢位阿婆目測都80歲！唔通仲想我叫佢姐姐仔？ 其實我都係擔心佢聽唔到先問多一次！使唔使咁既態度？大圍咁多食肆選擇，仲揀你地？！同埋你地都要反省下點解你哋越嚟越少人食！好多post話態度差真係有原因貼錢買難受🤬

每次去到大圍都一定會食呢一間茶餐廳，每次都係叫孖寶，孖寶即鋪頭招牌孖寶。椒鹽豬扒飯同生煎鹹肉餅飯。椒鹽豬扒入味，每次嚟嗰個味都一樣，而且嗰個汁入味，飯都食晒😛生煎肉餅飯熟到啱啱好唔會太嚡，而且肉質新鮮。簡簡單單已經好好味，可以真係唔使大魚大肉或者好貴呢啲人仔嘅餐廳係好值得保留。無餐但叫野飲有半價，每次嚟都覺得物超所值。睇到其他食評話服務態度好差，其實啲侍應都好有禮貌，喺埋單個叔叔比較Cool😆但幾十蚊又咁好味既飯唔好咁高要求啦

其實我算係佢哋嘅忠實擁躉，食咗十幾年，食物方面我係好欣賞，但係佢哋舖頭嘅服務態度實在不敢恭維。入到去坐低咗喺卡位度就即時叫我去中間圓枱同人搭枱，咁都冇問題，入得嚟都預咗。之後見到門口有個單身男人喺門口想入嚟，女侍應就指示佢去一邊嘅單人座位搭枱，該食客望一望之後就掉頭走。其實咁樣都冇問題。畢竟大家都有權選擇。問題在於個食客走咗之後女侍應同老闆不停一唱一和話人哋唔入嚟食，好似好巴閉咁，來回交換十句八句，其他食客例如我聽在耳裏，真係十級唔自在。今次食完之後，我都同我太太講，短期之內我一定唔會再返嚟食。

大圍一向都是美食小店集中地🥢由小食到正餐，懷舊到新派美食都應有盡有😙而數到屹立多年的老字號，就不得不提這間金城茶餐廳⭐️———————————————————————煎肉餅是金城的招牌菜之一🥇多年來都有不少報章雜誌推介過📡今日初次見到真身，肉餅的確有相當份量😲面積大之餘亦有一定厚度🤏🏻豬肉肥瘦混合，結實彈牙😋細嚼下會感受到少許馬蹄粒帶來的爽口，加上表面煎得香脆，口感十分豐富。😇味道方面肉味香濃🐷有淡淡果皮香味，同時不會太鹹，再配上特製偏甜的豉油，調味剛剛好👍🏻白飯可以加$15轉炒飯底。炒飯鑊氣十足🔥粒粒分明，乾爽得來又不會過硬，而且有蛋香🥚是教科書級別的炒飯，$15絕對值得❗️金城另一招牌菜就是椒鹽豬扒飯🐽本來我以為這會是類似椒鹽鮮魷那種較為乾身的菜式，誰不知上枱賣相與我想像中大為不同🧐這裡的椒鹽豬扒較為濕潤，每件都被少許醬汁包裹著😚蔥、蒜、辣椒🌶️的味道都非常突出，菜式香濃得來，甜、鹹、辣三種味道都十分平衡🤙🏻肉質方面亦肥瘦均勻，雖未至於嫩但亦不會太乾👌🏻整體而言，椒鹽豬扒的調味較煎肉餅更濃，相信重口味人士一定會吃得開心😁另外金城的辣菜甫亦是遠近馳名，每張枱都會附有一盒，供食客自由食用😊菜

垃圾椒鹽豬扒飯 + CP值低午餐午餐炸菜肉絲米粉 無特別多士煎雙蛋 多士加$3重點椒鹽豬扒飯！！足足半碟都係肥膏 ！有幾食得肥都放唔到落口！同待應姐姐講 佢話：無辦法啦 炸開就係咁⋯我心諗 你唔炸肥個啲咪得囉！唔值$75 + 杯凍飲囉～

黎開大圍，見到朋友之前試過呢個大圍名物 金城茶餐廳，見到好似好好味，咁今日一於同男骨友嚟試吓叫咗招牌嘅椒鹽豬扒飯同香煎肉餅飯椒鹽豬扒飯，一口食落去，一句話果然係出色！味道非常之香口啦，同埋好啱重口味嘅朋友，因為味道真係非常之重！同埋調配得好香！非常之推介大家試吓。男朋友主要食香煎肉餅飯，香煎肉餅飯嘅豉油汁都好好味。但係個人比較推介，椒鹽豬扒飯更多叫咗一杯凍檸水一杯凍檸茶少甜，少甜嘅檸茶，果然唔係好甜，表示滿意👍但係整體嚟講唔算太平，試一試都唔錯的

食咗差唔多20年，前一排好似跌咗少少Watt🤣,但近排食又唔係Wo，近排質素好咗！招牌生煎肉餅飯炒底，今次煎得好靚，肉餅充滿陳皮味外脆內非常Juice,抄飯香口冇投訴，我既習慣，加D菜脯！

趁假期無乜細藝，約咗老死「洪哥」行山，因為得我哋兩個，所以點行都得，就晌美孚出發，經中山台上馬騮山，再駁住奕信徑行到去城門，再落下城門水塘直剷到大圍，我哋都算行得快，唔使3個半鐘。而去到大圍就喺佢嘅主場，就帶我嚟到「金城茶餐廳」食佢嘅招牌嘢。餐廳喺典型茶幾格局，右邊一般卡位，中間細圓枱，左邊仲有少少二人台，整體嚟講，一個字：「逼」，同埋招呼嘛嘛，咁嚟得茶記就預咗，不過，覺得唔需要做盡每一張枱嘅客量囉。例子一：有兩父子入嚟時剛好坐咗左側二人枱，其實好正路，不過，疑似「老闆」嘅男士就叫佢哋調去中間嘅細圓枱同人搭枱，話嗰啲二人枱喺俾啲啲單身客搭枱用；例子二：就喺有個後生仔一個人嚟食，睇住佢被個「老闆」調咗兩次位，要注明喺個男仔喺食到中途嘅。我覺得啲客嘅流轉算喺超快，好快轉頭又有啲吉枱，其實無必要做到咁。所以，服務一欄，真喺一星都唔想俾架。你見張張枱面都有塊膠板棟住，唔喺因為衛生問題，就喺上文所講方便「叫」人搭枱，而餐具、調味料放晒上枱，啲枱又好細張，所以，真喺擺個碟頭飯加啲嘢飲就已經無乜位。餐牌已貼晒晌門口，入去之前都已經睇定食乜嘢，老友就話佢哋嘅生煎肉餅飯喺招牌，小弟當然試下啦；而老友就揀

呢間店係我好耐之前已經發掘咗 但估唔到嗰個西炒飯真係食過最好食嘅西炒飯🤩🤩西炒飯 $62 ❤️❤️❤️❤️❤️佢係食過最好食嘅西炒飯👍🏻👍🏻超夠鑊氣同埋酸酸甜甜超開胃我係無意中發掘咗佢🤩🤩 同埋炒出嚟唔會太濕 每粒飯都粒粒分明椒鹽豬扒飯 $62 ❤️❤️❤️❤️❤️呢個都係最愛🤩🤩 甜甜地既椒鹽加上佢哋獨家制既必制菜圃😍甜甜辣辣 真係好正，次次過嚟都必嗌五個心心為最高分金城茶餐廳 (大圍)大圍積福街84號地舖#food #foodporn #foodphotography #foodblogger #大圍 #美食

去到大圍必食金城茶餐廳🔥「招牌生煎肉餅飯」🍴係毫不起眼的店製作既呢個飯絕對係沙田區識食之人的心水之選.「招牌生煎肉餅飯」確實無負「招牌」這二字那塊厚厚既肉餅經猛火「生煎」後成外層帶著焦香內裡係肉汁豐盈飽滿肉餅.其實金城除了「招牌生煎肉餅飯」仲有椒鹽豬扒飯 香醋豬扒飯都係開胃可口既簡單美食感受一下這家紮根大圍20多年的街坊茶餐廳的情懷 .

大圍積福街地道美食個人認為多年來均由四大家族群雄各據、有坤嫂、華哥、漢哥、最後呢間 為城哥「金城茶餐廳」 堂食餐牌價錢不過$75，良心收費、誠意出品、入到去貼滿佛偈、獨L 靜心之地入到去「男人的浪漫」孖寶：椒鹽豬扒飯炒底 X 煎肉餅一件。 椒鹽不是坊間純粹放一些胡椒及鹽就是椒鹽，而是走過油爆香、配自家醃製豬扒，鬆軟無比、加上鑊氣香噴噴抄飯底，天上人間的美味、吃得辣的朋友強烈建議加上自家製辣菜脯，脆卜卜、鹹甜適中、新鮮炒製、不含防腐劑添加成份、放雪櫃能保存一個月、堂食加上帶走一樽回家享受是必須的、煎肉餅淨食乃是名物、去到金城不吃煎肉餅等於去到北京「不到長城非好漢」我又食又拎，一盒辣菜脯一份生肉餅$300不到， 我就覺得好正啦、 你呢？ 😄😄😄