影片
以上资料只供参考，请与餐厅确认详情
招牌菜
今日食火车头喇沙完全系新加坡越南fusion,汤底系喇沙都几浓味，油面同米粉都算ok,另外火车头有牛丸，牛腩，牛柏叶，牛肉片，几样都算够味，个豆卜都好索汤，散叫喇沙嘇嘇$54,加埋杯冻柠茶$5,比叫午市套餐贵少少，尚可接受啦
继续阅读
下昼三点几同老公坐低，叫喇沙无喇沙汤，叫清汤檬粉无檬粉，最后叫咗个烤鸡肉汤金边粉加扎肉。唔使3分钟，我嘅汤粉就到啦，清汤一啲味都冇，自问我系食得好清淡，金边粉得个淋字，成碗汤粉真系好难食，我食咗两啖食唔到。烤鸡系另上嘅，味道正常，但比较油。另加嘅扎肉，只系得薄薄嘅两小片。食到呢到已经想发脾气。老公叫嘅三宝干捞面就太咸，老公平时已经系食得比较浓味，但都食唔到，要叫店员俾一碗清汤佢洗一洗啲面先食到。以后都唔会帮衬喇。
继续阅读
疫情下，唯一活动就剩番行山，就算行山都好小心，全程戴住口罩行就唔使讲啦，亦唔会点约人一齐行，有时一个人，有时就约一个半个相熟嘅行山友，等有个照应。继好早前行咗一转金山之后，今次时隔多时，就行转长少少，由荃湾经元荃古道行到嚟深井，方便离开，而到达深井，就嚟到位处后巷嘅「金域轩」食个下午茶。由于都喺村屋改成，所以，餐厅室内嘅地方细细，所以，门外亦设有少少露天位。讲到防疫，呢啲小店就无乜架喇。睇番啲餐牌，原来呢度都唔喺咁一般嘅港式茶记，除基本嘅港式之外，仲有啲马拉嘢啦，越南嘢啦，此外，仲有一版必食推介。咁既然嚟食下午茶，当然，睇番啲价位较低嘅下午茶餐啦。选择唔算多，A到H共8款，不过，样样都有啲亮点，大部分都喺三十零蚊。G. 咖映多士、煎蛋、香茅猪扒 + 热奶茶 $33作为下午茶餐而言，份量好够啦，咖映多士烘得脆口，里面涂满咖吔酱，清甜得嚟唔算话好过甜；煎蛋煎得好脆边，蛋黄绵滑；香茅猪扒亦到炸得甘香不腻，肉质好松化，三十零蚊个餐真喺抵食。至于杯热奶茶就一般般，色泽比较淡，但茶味都勉强算OK，滑度普普通通咁啦，但最大问题喺一嚟到饮一啖，只喺微暖而已，感觉会大打折扣。纯粹行到攰，食少少嘢髷肚，所以，快上快落，食完就散，减少群聚时间。
继续阅读
好多时返工冇带饭都会叫外卖，本身谂住食麦当劳，但系出面横风横雨仲要系黑色暴雨警告下，我真系唔想出去。呢间小店「金域轩」，无论出面都几大雨，甚至系黑色暴雨警告下，都会为我们送外卖，真系好多谢你哋！我叫左$50越式猪颈肉捞檬，冻饮加$3，外卖每个盒额外收$2。很有惊喜既猪颈肉👍🏻👍🏻👍🏻用了咖喱腌制，大大块之余很入味，份量多。仲有青瓜、椰菜、甘笋丝和炸蒜。倒入甜酸汁，再将所有配料捞埋，一个字「正」。
继续阅读
以前在巷仔内的旧铺经常帮衬食晚饭，搬左来这里，因为做到8点又没有做晚市套餐，所以少了帮衬。今午经过见到午餐有合胃口的饭款，价钱合理就入去食个晏了。我们两人，叫了两款食品。凉瓜牛肉饭，再加碗鸡丝叻沙掺掺跟两杯冻饮。 天气热吃凉瓜可解暑，整碟饭卖相都不错，凉瓜牛肉炒得够镬气，豆豉酱汁不会过多，刚刚包著所有食材。凉瓜爽口不苦，牛肉嫩滑，配合白饭吃惹味开胃。鸡丝叻沙掺掺同样好吃，叻沙汤底颜色红当当，汤味浓稠滑溜，两沟的面食油面弹牙，米粉幼滑，豆卜吸满汤液，面食挂满汤汁，送入口内的食材带著浓厚香料的味道，鸡肉虽然不够嫩滑，但汤底的浓味足以补救了这些不足，材料不多但整体味道可口。冻饮很大杯，足够一餐饮用的份量。
继续阅读
您可能会有兴趣的...