金培餐廳

营业中

休息中

趁著最後一天假期，同男友一齊去大澳行下。想不到星期一都咁多人的。因為新年關係，好多餐廳仍然未開。行行下見到金培餐廳，同男友諗左陣就入醫肚了。雜扒飯內有炸豬扒、香腸，不過不失，唔期望有咩驚喜，不過都唔差的。干炒叉燒絲意粉用料尚算不俗，都有好多叉燒，不過比較多油，所以我食左少少就收埋對筷子😂

嚟到大澳本身想試下啲Cafe早餐🥣，不過親戚就力推一間茶記嘅早餐，今次就聽下話啦🤣。今次叫嘅早餐👧🏻就唔肯定星期日有冇得食，今次👧🏻係星期六朝早食，超抵食👍🏻🌟炸豬扒出前一丁配果占多士其實👧🏻會食嘅茶記款式唔多，今次屋企人叫咗沙嗲牛，👧🏻就試下炸豬扒！豬扒冇點落鬆肉粉，食落去唔會太腍，肉質都係一絲絲，帶少少咖哩粉味。至於麵底係免費轉做出前一丁(出面茶記起碼都要加$3-4啦!)。麵嘅質感剛剛好唔會太軟/硬。至於多士，本身仲以為係普通牛油多士🧈，估唔到係可以叫奶油占醬呢類嘅多士，仲要免費烘底，烘底係金黃色而唔係燶底，幾有驚喜❤️。至少屋企人叫嘅沙嗲牛肉出前一丁，估唔到係用上鮮牛肉+沙嗲醬。牛肉冇咩渣又冇雪味，以茶記標準嚟講係幾高質！

今日晨運完梗係去嘆下豐富嘅早餐喇🥳首先呢間一直星期一至日都有嘅早餐～《好正》要一個沙爹牛肉通粉先（鮮牛肉）沙爹醬就少到呢😅清淡啲🤣牛肉超新鮮😋加花生醬多士熱奶茶☕️完美加好味😋

難得天氣涼涼地就同家人一齊入大澳行下，下午經開此餐廳，見到門口有晒花牌，原來今日重新開張，原本諗住入去食，點知有今客出嚟話壞咗一個爐頭，出菜勁慢就無幫襯。到咗下午5:15左右經過，見到裡得一兩枱人就入去試下。從職員同兩枱居民食客傾談，得知餐廳今日重新開幕。餐牌同之前其他食評post 都差唔多。而食物未上枱，見到位疑似老闆同居民食客言談間充滿粗口，真係免費同大家送上大澳海鮮(炒蝦拆蟹)，真係諗住快快食完就走人🤦🏻‍♂️1. 椒鹽鮮魷($90) 碟嘢上枱我真係O晒咀。份量勁少，得個10舊，我見隔離居民食客個枱一同出菜，而份量目測起碼多一半做生意真係唔係咁做，熟人就比正常份量，而外來客就少近一半，餐廳對外來客大細超得好過份。2. 大澳小炒王($90)，份量睇落正常，但整碟小炒王有7成係芽菜墊底味道方面，D 魷魚係一D味都無，得少少蝦醬味。3. 大澳蝦糕炒飯($65)，賣相正正常常，以為無乜嘢，點知食咗兩啖就出事炒飯裡起碼有5、6舊蝦糕(見上圖)未炒勻，第一啖無留意就咁食咗入口真係超咸食完之後起碼飲左5到6杯茶。食完飯後超口渴，廚房師傅真係落左好多味精環境方面，男廁洗手水龍頭插左條腸長水喉，根本

趁星期日同朋友去咗轉快遊大澳，差唔多三點入到去即刻去咗食啲嘢先，上次嚟嘅時候就聽到有舖頭姐姐介紹金培啲茶幾好飲，所以今次特登去試吓，果然唔錯👍🏻茶唔會澀，奶都啱啱好仲叫咗佢個上湯水餃（半打）同炸雞翼（6隻）落單姐姐話水餃咁岩用晒即刻包即刻煮，大概等咗10至15分鐘，都好快有得食，水餃入邊有蝦肉豬肉同脆口嘅木耳絲，大大隻好味😋食緊嘅時候見到其他枱啲炒粉麵都好大碟，幾吸引咁，但唯有下次再入去先啦😏

嚟到大澳大家會諗起乜嘢地道美食？？大魚旦？沙翁？燒海鮮？我會諗起蝦醬、蝦膏今次嚟到大澳，我就決定要食蝦醬炒飯～我一早做好功課，準備去一間好多好評嘅酒家開餐，但去到發覺佢啲嘢食好大堆頭，我同朋友兩個人根本食唔晒，更何況我哋要留肚食甜品，都係留下次一大班人嚟先食啦咁我哋就再周圍行吓，就睇吓有冇第二間，點知發覺有一間茶餐廳，佢餐牌比較特別，佢有好多大澳特色美食，咁我哋就入去試吓啦。入到去就叫咗個蝦醬炒飯、椒鹽魷魚。～蝦醬炒飯，食唔到有蝦醬味，飯亦都比較濕、淋，差～椒鹽魷魚唔係出面一般食開嗰種，佢係落咗大量蒜蓉同蔥蓉，炒香咗...放喺魷魚上邊，夾埋魷魚一齊食，好好味！魷魚係新鮮彈牙嘅，亦都唔會厚粉一樣好、一樣差，打和～super！更何況價錢平民化，都值得推介。下次可以試埋蝦醬蒸豬肉，再話比大家知得唔得啦～

友人話難得黎到大澳，當然都食得有特色。所以我同友人叫咗蝦糕炒飯，而師妹就叫咗另一個Open rice推薦嘅特色菜，炆魚飯。首先呢到係蝦糕炒飯，成碟飯大大碟，早知兩個人share一個。蝦糕味香，食落唔會重口味。炒飯值得讚係唔油，有好多蔥花，香噴噴。炒飯材料都係一般炒飯料，有蝦仁、蟹柳。整體而言，蝦糕炒飯唔係太特別。師味嘅豉椒炆魚飯，其實似豉椒班腩飯。魚塊有好多件。我地三個都唔鐘意炆魚有好多骨同鱗，有少少失望。

今日自駕去到大澳，特登為左呢碗麵，餐廳充滿70年代懷舊風，沙嗲並不是一般沙嗲醬，應該係自家制，公仔麵都好好味，湯底好濃好香，牛肉夠大片，凍檸茶顏色好濃，好夠茶味，餐廳裡面有好多熟客公公婆婆，但餐廳營業時間到四點左右，我們食完都差唔多關門，除左沙嗲牛麵，餐廳內還有好多其它食物想食，經相熟大澳原住民朋友得知，原來餐廳轉左手，已無以前咁好食。總結：真係食過最好味既沙嗲牛肉麵，超值得推介，但野飲真係有點貴。

難得入嚟但係我當然想食返一啲地道菜式啦一嚟到就已經見到好多海產同埋蝦醬蝦膏等等嘅食材，一路行入去見到好多茶餐廳都有蝦醬炒飯,所以一於決定試吓唔打唔撞入咗去金培茶餐廳，老闆娘好熱心介紹食物，炆魚飯係鋪頭最多人叫嘅，但可惜朋友唔太喜歡食魚，所以都係一條心叫咗蝦膏炒飯$50 蝦膏炒飯分量十足，飯入面有蟹柳；魷魚；蝦仔飯炒得乾身但唔會太硬，味道濃郁得來唔會太咸非常好食由於一行三人只叫一碟飯唔太好，所以另外叫咗1份$10 奶醬多，上碟時熱辣辣所以都唔錯

少小離開 了大澳,有两天假期回去小住,四處覓食'努力想尋回昔日本地茶餐廳獨有的味道,今早來到了"金培",打量一下這裡的環境,,,,一枱一椅.裝修至牆上掛畫等,依然沒改變,認識的街坊茶客還是大大聲的打招乎和談天說地,就是爱這種熟悉的感覺 。在角落卡位坐下叫了两份早餐,;發現東主好像易了手.和牆壁上的做大戲宣傳海報。早餐價錢真不便宜,比起香港快餐店還要貴三成,可能是旅遊區吧?!火腿通粉，多士餐 /$ 38 + 3 凍飲雖然少了以往的風味,但也不失為一份美味的早餐,通粉爽口彈牙湯底不太咸,味精味不重,多士鬆脆而檸檬茶檸味濃, 好好味 !腸仔蛋麵餐同價 , 味道也不過不失,以上早餐雖然價格高了點,味道遜色了些,但人情味和熟悉的環境足以令我勾起童年情境 。

生日正日在酒店吃了自助早餐然後乘昂坪360上昂坪市集行完後見到有巴土到大澳想也可想跳上巴士到了大澳。一落車有人叫售二十五元坐船遊大澳三十分鐘回程返回碼頭心想吃大澳的小吃但當天三十三度高溫在大澳街上行了一段時間也未見到炭燒雞蛋仔、蝦豬餅等等。我和老公見到一位推住車仔的女士我問她附近有咩好食她就説去金培食啦炒嘢很正的。我們很快找到入到去是一間茶餐廳一坐下我估是這店的老細給了我們一大壺凍水我們先喝了兩杯再看有咩食。 最後叫了一碟乾炒牛河、豉椒鲜魷飯、凍奶茶和凍檸茶。豉椒鮮魷飯～炒得很香鮮魷非常新鲜豉汁撈飯吃超正。乾炒牛河～炒得乾身不油好吃。

豬扒通粉 $25通粉太淋, 湯底普通, 生菜不夠翠綠, 幸仍爽. 唯一是豬扒味道仍不錯. 照片中的份量已被取吃小部份. 因要麵的話只有公仔麵, 心想吃公仔麵我自己容易弄, 絕少出外吃. 而選河粉則沒有供應, 最後選了通粉.星洲炒米 $41此款比上述那款較好, 餸也不算少, 各款餸當中炒蛋最出色, 火腿絲也不差, 鑊氣則不算特別好. 店舖是舊式, 也不屬唐潢那種. 吃完即使沒人等也不能多坐, 因店員會略不客氣地來問是否可收野. 其他枱的不知是否熟客, 炒麵的餸明顯比我們的多, 是否是魷魚較便宜? 看麵的樣子也炒得不錯, 可惜我們剛坐下時, 附近的食客都剛吃完, 沒有可參考的.

那一天，是送別外父到美國的一天，而到了今日執筆開寫，外父大人也差不多要回來了。三個月，原來過得很快。那一天，我、太太及外母三人在機場送別了外父之後，難得是平日，難得在大嶼山，我們就一於向大澳進發。由東涌出發，坐了個多小時的巴士來到，第一眼，當然是大澳的藍天白雲啦，而第二件事，就是要尋找我們的午餐。然而，我們先找了一間就腳的食肆，不開名了，因為態度極惡劣，而且沒有任何素食食品，更好像不太願意招呼我們的一樣。之後，我們沒有過橋，一直向前走，一直向前走....走到最盡頭的轉角位，一轉灣，就讓我遇到另一家茶餐廳，這一家，也是充滿著人，不過，充滿的，不單是遊客，有很多是附近的工友及街坊，我們三人心想，能吸引到過半場都不是遊客的店，理應不錯，再加上我們已經餓了，不想再找，就決定品味這一家《金培餐廳》。簡單地，每人一份餐就好了，可食，這兒始終是香港的一個偏遠地區，物資全需要長途跋涉地運入來，所以，飯就飯、三文治就三交治，飲野就飲野，全部清清楚楚，就是沒有餐。而且，遊客、街坊、工友眾多，餐廳絕對是坐得密密麻麻的。不過，我們是幸運的，因為有卡位坐。我同太太都每人一碟麵，太太的羅漢齋麵，的確是一份好齋既麵

大澳搵食，推薦嘅頭位當然係 魚飯嗰間，其次，就是呢間金培，而今次嘅主角係 - 什會炒麵！至於主角點解會係什會炒麵呢？原本已經叫咗碟 「男人的浪漫」 㗎啦，點知雙眼被隔離枱碟嘢吸引住，它好好睇，仲好吸引，因為它只會是今次嘅主角 「什會炒麵」！即時拿拿臨急call老細可否改單，而老細當然不負所望啦！主角上枱，它多料，豬什，肉片再加紅腸，麵亦炸得夠香夠脆，賣相仲 好好好好睇tim！而味道當然不負眾望啦，好味！

友人介紹去咗....金培食個晏先開始，大澳行。四人行，見隔離枱碟頭好大，我地又打算掃下街...所以只叫咗...兩碟野，四杯野飲。一碟肉絲炒麵，不得了...D麵脆卜卜，肉片又林又大塊！好味！扺到笑另外叫了碟窩蛋肉片飯，同menu個樣出入好大，味到都好...只係不及個麵正...咁既質素咁既價錢，仲咁大碟，巿區真係無可能食到，我地四個人食都夠！兩碟炒野加四杯野飲，埋單$130!