金太郎 (已結業)

同其他人唔同第一次來未試過分店。壽司拼盤魚唔新鮮，豬骨湯拉麵無味，豬扒飯正正常常，刺身同壽司唔會介紹。全場最正常就係杯綠茶因為用茶包沖。價錢唔貴但同一個價錢可以有更好的選擇以後都唔會再去。

移民澳洲前我是金太郎的忠實粉絲，因是連鎖店，平靚正，今日行開旺角當然去刷番餐勁，心情興奮地點了多件壽司及幾碟小吃，點完之後已開始心感不妙，今天是星期天全店得三個食客，員工和經理就圍在一起談天說地，我長期揮手想加單又没人理，食物吃到一半……我發現了(小強)！！！仲唔係一隻是二隻(大小強)！！！我當然馬上告知經理，經理就話:我地會處理！小姐你想點！之後就消失了！下……佢仲反問返我想點！？我吃都唔想再吃……之後我執完野，走去casher埋單！好氣憤地離開了間店，走到門前先見到個經理係度吃飯！本人對於今日發生的事深感失望;唔怪得星期日都没人，沒服務，沒衛生，連上級返工的態度都只顧吃飯吹水，仲講去(處理)清潔？！唉……今日(金太郎)已把我那些回憶劃上一個極度失望的句號。

旺角行行下街, 肚餓又唔想等位, 以前食過金太郎都ok, 價錢又唔貴, 今日黎碰下運氣, 黎到因為1位, 都有位, 用等。入面有迴轉壽司吧, 可自取或點食物。今次叫左碗拉麵同1客黃金魷魚壽司。新鮮既魷魚, 鮮甜黏口。大大碗既烏冬, 有八爪魚, 雞肉, 魚蛋, 粟米, 豬骨湯底略淡, 30多元, 算ok!

放工行經旺角見到間餐廳門口寫住30幾款壽司又有拉麵定食價錢就好平於是入去試下咁就中伏啦～😂入到餐廳坐低之後姐姐就放低個杯加包茶包自己掂叫左個鮮牛烏冬餐碗豬骨湯底既湯淡到冇味仲要加左我本身唔食既酸姜😖個餐附送3件壽司，d壽司飯好濕,一pat pat咁另外加左5蚊叫左杯蘋果香蜜，用粉溝出黎，個賣相仲好差,飲左幾啖就放棄雖然只係40幾蚊，但真係好難食

今晚心血來潮來了旺角的金太郎吃晚飯，本人覺得迎過去佔旺期間無乜影響附近飲食行業生意。這裏環境一般。這裏的火炎三文魚$10細細件，食完無乜感覺，唔係抵食。北寄貝刺身味道不過不失，以$17呢個價錢普通。三文魚生壽司$12三件，味道OK幾抵食。浦燒三文魚尾，肉就唔係多但魚肉好吃、幾滑。$22一尾的價錢OK。街頭拉麵，豬骨湯底配得唔錯、八爪魚OK，但一碗拉麵份量不多所以不夠飽。炸多春魚$15一碟，味道一般又唔香口，不值一試。燒比目魚飯$32，比目魚味道OK，而且飯的份量足夠而夠飽，抵食。旺角的金太郎的食物質數和服務OK。

今天去了金太郎食下午茶，因覺很抵食。26元包一碗拉麵或烏冬，包一杯飲品。我再加前菜八爪魚，三文魚刺身三片，一碟花之戀，因我有會員咭所以送了三文魚壽司給我。我叫了豬軟骨拉麵，麵不夠熱又太林，豬軟骨ok,湯太少，無咩味道。飲品蜜瓜汁又太甜，不敢喝太多，怕血糖超標。三文魚刺身好薄，不新鮮，沒味道。八爪魚ok，花之戀差差差 12元一個，三文魚好薄，沙律酱不夠，飯太硬，不好食。金太郎的壽司水準很差，拉麵又不好食，但到這裏一定食得飽坐得耐，價錢不貴，小食多選擇，十幾元有交易。服務員態度幾好，我想是它仍然可以生存原因吧。

之前都食過好幾次覺得ok,所以今日便入去食個下午茶，入到去待應問我哋幾多位，我哋話2-3位，因有個朋友未知到吾到，我哋話想坐卡位，吾想坐迥轉枱！想坐之際有位職員話，呢張枱員工要用膳架！ 吾可以坐！ 啲態度麻麻哋！安排咗坐迥轉抬，於是叫咗3客三文魚壽司，一個雞扒飯，三文魚薄薄的，色澤暗啞，個雞扒飯，都多雞扒，味道ok,吾大乾，但啲飯好濕，好難食！ 最重杯嘢飲，勁難飲！勁甜叫咩士多啤梨乳酸，因杯嘢同乳酸溝得吾均勻，樣子麻麻，見到都吾想飲，之後叫個職員攞個spoon，未搵就竟然話無， ！價錢係可以接受,因為平但係員工，工作態度真係要改善吓,先可以吸引顧客再去！

一個午餐，鰻魚飯，有兩片鰻箔片，是仲細舊過鰻魚壽司，但職員覺得理所當然可能依間野講求重質不重量，但片鰻魚d味都被d燒汁盍晒，最後好似食燒汁no飯咁d飯仲要是水份過多…其實珍珠米邊使落咁多水仲有杯蜜瓜多多，甜到即刻起痰，是糖水不是蜜瓜了白飯+糖水 $48..............................

今日班friend話想食日本菜, 但個個都撞岩糧尾, 去左最經濟又好味既金太郎!!!晚上6點入去, 迴轉帶上仍未有野食, 唔緊要, 我地寫單野食仲新鮮, 叫左幾個刺身, 好多壽司, 幾碗拉麵推薦食豬軟骨拉麵, 湯底濃, 豬軟骨好林, 連軟骨都可以食埋!!!三文魚刺身好抵, $40有8片, 至於壽司, 可能我地早入去, 上面果d墨魚, 蝦, 有d凍, 似岩岩係雪櫃拎出黎, 不過總好過在迴轉帶轉到乾晒啦!!三個人埋單三百幾, 算抵啦!!!

因為有野做要去旺角所以順便係果度食飯女友介紹話有平平地既日本野就去搵啦我地就係呢度食左我食果個係豬軟骨拉麵定食,女友就係烏冬我要豬骨湯底,而佢要醬油定食包埋3舊sushi抵食我地加左個燒三文魚骨,$15咋,幾抵總括黎講味道冇野好講,衰係衰在醬油湯底超咸連女友食好濃味既野都話好咸就知佢真係好咸所以唔推薦份量同味道都抵食如果對味道唔高可以黎呢度醫下肚唔錯架!

是日去拎團購野, 兩點半, 行到攰, 見有金太郎, 一於鬆一鬆~~~提示: 上個月都食過金太郎, 一早知佢啲拉面既湯底好一般, 所以冇叫下午茶優惠, 為免再中伏點左幾碟, 但最後都忍唔住佢出果輪鰻魚壽司, 我太愛食鰻魚了, 結果食多左, 埋單都比預期多XD驚喜有服務員送上靚靚wasabi, 不過唔新鮮, 點極都冇味...先上一碟, 鮮蝦甜甜地, 海膽就...我食左都feel唔到有咩味道, 芝士可能仲有咬口啲再上羊肉, 原本我叫燒三文魚骨, 因為上次食過, 好正好香, 雖然係油到爆...不過啲魚骨唔知係超好賣, 定根本冇貨, 成日都冇得食...好, 講返羊肉串, 啲燒香草同草幾夾, 乾身, 軟硬啱啱好, 不過如果有特製醬汁, 應該會好食好多我忍唔住, 係迴轉帶上多左三碟鰻魚壽司, 忍唔住等到影想, 已經食左舊, 個醬少少甜, 香濃既燒味真係好正最後上埋三文魚刺身, 但入面有啲凍, 好似解凍得一般。因為下午茶關係?

放工約好友食tea!!之後去旺中掃時裝~2:30-6pm 大割引, 我揀左博多拉麵 $20雖然唔知有咩料,不過試下啦~有充足的粟米,煎過的日式雜菜魚片,薄身共5片,拉麵份量多~湯底無特別可言~幸好無麻油+油膩的口感呢~ +$12 有日式茄子,order完上菜原來只有4件...真係唔抵,屬天婦羅類,炸過後吱上沙律醬,滋味的燒汁~質素都ok o既~但都係叫串燒比較抵吧~ $12/3串呢~~因當日係假日,就要加1 service fee~ total $35.2

每次黎到都覺得好抵吃! 刺身好新鮮, 更加唔少得就係燒三文魚頭!簡直抵食到爆!! 廿蚊ja!!!!!!!!!!廿蚊當然係用左貴店個張開心咭, 正價都係$28~拉麵都好好食, 優惠時段簡直好抵食~辣味螺肉勁大粒, 好好咬口~壽司都不錯呢, 始終一分錢一分貨!!但最貴反而係汽水~要$12一罐! 所以叫特飲好過, 好大杯~開心咭就到期~我會續咭啊!!!! 讚!!!!!!

魚冇魚味，飯冇飯味。花之戀壽司剩係得陣沙律味。d碗好似冇洗過。蟹子壽司上面有隻蝦腳。叫咗個拉麵應該有碟壽司，問個侍應時佢好似覺得我欺騙佢咁，跟住過來裝咗張枱3次都冇打算拎來。我再問第個侍應佢竟然去問個經理。我覺得我來食嘢食到好似乞食咁。永世都唔會再來！

星期三,心思思想去超級市場入貨.但諗吓度下,好似屋企仲有好多野,於是.......超市行動結束.就諗吓食D咩.見到金太郎,扑鎚....行到入去,飲杯茶先.跟住一輪叫咗8-9碟.有北寄貝.其中一樣:三文魚壽司$104分,都叫夠FRESH~~~$10一碟,交足功夫足足食咗兩碟.另外一碟蟹子沙律壽司$13估唔到都幾開胃.D沙律同壽司飯都幾夾.OK.飽飽.